Астаналық әкімдікпен EXPO-2017 көрмесін өткізу кезінде түрлі жанрдағы және форматтағы 647 мәдени шараны өткізу жоспарлануда.

Халықаралық көрмені сәтті өткізуіне әкімдік жанында EXPO көрмесіне дайындық бойынша үйлесімді әрекеттер мен үлкен дайындық жұмысы септігін тигізді.

Қаланың әкімдігімен көрме аясында ұйымдастырылған шаралар белгіленген әрі бекітілген уақытқа сәйкес өткізілді.

Штабтың жұмысы негізгі 5 бағыт бойынша ұйымдастырылды: құрылыс нысандарының уақытылы пайдалануға берілуін қамтамасыз ету,; көлік және инженерлік инфрақұрылымды пайдалануға берумен қамсыздандыру; туристерді қабылдауға кәсіпорындарды дайындау; қаланы мерекелік стильде безендіру, спорттық-бұқаралық шараларды өткізу, қоғамдық көлік қозғалысының және логистика кестесін әзірлеу; қажетті азық-түлік өнімдерімен қамтамасыз ету; елге келген туристердің қауіпсіздігін қамтамасыз ету үшін жағдай жасау.

«Бүгінде қаланың барлық қызметтері көлік қызметі, қауіпсіздікті қамтамасыз ету, медициналық жәрдем көрсету, туристік қызметтер сынды барлық салаларды қамтитын кешенді жоспарлар мен іс-әрекеттер аясында күшейтілген режимде жұмыс істеуде», — деді қала басшылығы.

Туризм

Көрме ашылғаннан бері елордаға 2,1 млн-нан астам адам келді, олардың 1,4 млн адамы – туристер. Теміржол вокзалдарының жүктемесі 60 пайызды құрайды, әуежайдың жүктемесі – 70 пайыз, туроператорлардың қызметіне сұраныс 78 пайызға артты.

6 ақпараттық дүңгешіктер құрылған, олар өз алдына қажетті қызмет көрсетуде, атап айтқанда 3 тілде жазылған ақпараттық жадынамаларды ұсынады.Туристік Welcometoastana интернет-порталының қолданушылар саны екі ай ішінде 20 мыңға жетті, сайтқа кіру көрсеткіші 75 мыңды құрайды.

Елорданың тіршілік әрекетін үздіксіз қамтамасыз ету үшін және штаттас тыс оқиғаларға әрекет ету бойынша жедел шешім қабылдау мақсатында Астана қ. әкімдігінің жағдаяттар орталығы құрылды. Орнатылған бейнекамералар елордадағы қылмысты төмендетуге септігін тигізді.

Азық-түлікпен қамтамасыз ету

Қолданыстағы нормаға сәйкес елордада азық-түлік тұтыну көлемі күніне 1500 тонна азық-түлік өнімін құрайды. Көрмеге қонақтардың көптеп келуіне байланысты азық-түлік өнімдерін тұтыну 20-30 пайызға артты.

Осыған байланысты бағаны тұрақтандыруда жаңа тетіктер қабылданып, қалаға азық-түлік өнімдерін көптеп жеткізуде бірқатар шаралар қабынданды.

Азық-түлік өнімдеріне бағаны бекіту мақсатында «Astana-ӘКК» ҰК» АҚ арқылы «Кеңмарт» СО және «Астықжан» СО-на 300 млн теңге көлемінде несие берілді. Қазір бұл нысандар ағымдағы жылдың соңына дейін тауардың 10 санаты бойынша азық-түліктің 49 түріне бағаны бекітті.

Қабылданып отырған барлық шаралар азық-түлік өніміне деген сұраныстың 30 пайыздан 80 пайызға артуына қарамастан бағаның өспеуіне көмектесті.

Көлік

EXPO-2017 Халықаралық көрмесін өткізу үшін жол-көлік инфрақұрылымын дайындау аясында 23,4 шақырымдық 11 көше салынып, 17,6 шақырымдық жолға жөндеу жұмыстары жүргізілді. Көрме аумағында жылумен және электр қуатымен қамтамасыз ету үшін 50,2 шақырымдық жылыту жүйесі, 25 585 шақырым электр желісі және электрмен жабдықтаудың 3 нысаны салынды, «Жаңа жол» ҚС қайта құрылды. Жаңа тазалау құрылғылары мен жаңбыр кәріз жүйесінің құрылғылары (коллекторлары) пайдалануға берілді

Оған қоса қоғамдық көліктің қозғалыс жүйесін жаңғырту бойынша елордада көрме аясында 7 қосымша Shuttle Bus маршруттары іске қосылды. Олар ЭКСПО көрмесін қаланың шет жақта орналасқан шалғайдағы аудандарымен байланыстырады. Жоспарланып отырған жолаушылар ағынына сәйкес, күніне 55 мың жолаушы есебінде автобустардың саны 142 қоғамдық көлікті құрады. Астана қаласының негізгі 12 көшесінде 37,55 шақырымдық Bus Lane арнайы жолағы енгізілді.

Қауіпсіздік

Ағымдағы жылдың 7 ай қортындысы бойынша тіркелген қылмыс саны 19,3%-ға төмендеді. Жалпы барлық түрлері бойынша азаю байқалады. Қолдыанылған шаралардың арқасында қылмыстың барлық санаты бойынша ашу деңгейі жақсарды.

Бос уақытты ұйымдастыру

Астана әкімдігі тарапынан ЕХРО-2017 көрмесін өткізу кезінде әртүрлі формат пен жанрдағы 647 мәдени шараларды өткізу жоспарланған. 10 маусымнан осы уақытқа дейін 51 ірі және маңызды шаралар өтті.

Кәсіпкерлік

2017 жылдың маусым-шілде айларына елорданың мейрамханаларынан, қонақ үйлерінен, қоғамдақ тамақтану орындарынан салық түсімі артқан және ол 462 млн.теңгеге жеткен, бұл өткен жылдың осы кезеңімен салыстырғанда 1,2 есе немесе 105 млн. теңгеге көп.

Бұған қоса, кәсіпкерліктің даму көрсеткіштері де өскен. 6 ай ішінде тіркелген кәсіпкерлік субъектілері 143 084 бірлікті құрады, бұл 2016 жылдың осы кезеңімен салыстырғанда 10,4%-ға артық. 2017 жылдың 1 шілдесіне әрекет етуші ШОБ субъектісінің саны 96 242 бірлікке жетті.

Медицина

Сапалы медициналық қызмет көрсету бойынша жедел штаб құрылды. Көрме аумағында 7 медициналық пункті мен медициналық орталық орналасқан. Қала бойынша 7 қалалық медициналық мекеме және 7 республикалық клиника дайындалған. Жаңа орталық жедел жәрдем станциясы салынды.

Жас туристер

10 маусымнан 2 тамыз аралығында көрмені 12 095 елордалық оқушы ата-аналарымен және 14 облыс пен Алматыдан 45859 оқушы келіп тамашалады. Олардың келу кезеңінде – күтіп алу, тұратын жерлеріне дейін жеткізу, көрмеге дейін жеткізу, экскурсиялар мен кері қайтару арнайы бөлінген жайлы автобустармен, жол полициясының шығарып салуымен орталықтандырылған жеткізумен қамтамасыз етілді. Аймақтардан келген оқушыларды тамақтандыру жатақханалардағы екі асханада және жақын маңдағы 4 мектептің асханасында қарастырылған.

Еріктілер

Ұлттық компанияның еріктілерінен бөлек, күнделікті 510 қалалық еріктілер жұмысы ұйымдастырылған. Күн сайын олар шараларды өткізуге және әуежайлар мен вокзалдарда күтіп алу міндеттерін атқарды. Барлығы шетел тілдерін меңгерген. Қалалық еріктілер штабы құрылған.

Биыл жаңа оқу жылында Астанада өңірлерден келген 23 мың бала алғаш рет мектеп табалдырығын аттайды, оның 17 мыңға жуығы — бірінші сынып оқушылары.

Бірінші сыныпқа арналған мектеп бағдарламасы өткен жылы енгізілген жаңартылған мазмұнда жүргізіледі.

Бірінші сынып оқушыларын 95 жалпы білім беретін мектеп қабылдауға дайын. Астана қаласының білім басқармасының мәліметінше, елордада оқушылар орны жетіспеушілігі болуы мүмкін.

-Осыған байланысты, қазір мектептерге қосымша нысандар салу құрылысы аяқталуда. Оларды пайдалнуға 2017-2018 оқу жылының басында беру жоспарланған. Бүгінгі таңда 6 мектеп құрылысы басталды. Жыл соңына дейін тағы 4 білім ордасының құрылысы басталады, — деп мәлімдеді Астана қаласы білім басқармасы басшысының м.а.Әнуар Жанғозин.

Былтырғы оқу жылында жалпы білім беру мектептерінің 1 сыныптары жаңартылған білім мазмұнына көшті.

-Көшу бірінші кезекте ұстаздар үшін оңай болған жоқ. Жаңартылған мазмұн сабақ беру тәсілін өзгертуді талап етті. Әр сабақта педагогтар критикалық және сараптамалық ойлауды дамытуға бағыттау технологияларын қолдану керек. Ең маңызды құрам критериялық бағалау жүйесі болады, ол білім мекемесінің ашықтығын қаматамсыз етуге мүмкіндік береді. Білім берудің жаңартылған мазмұнын жүзеге асыру үшін қалалық мұғалімдер кеңесі құрылды, — деді Әнуар Жанғозин.

2017-2018 оқу жылында 1, 2, 5, 7 сыныптардағы жаңартылған бағдарлама бойынша 4149 мұғалім жұмыс істейді. Педагогтардың 75 пайызы оқытудан өткен. Тағы 156 бастауыш сыныптардың ұстаздары және 787 пән мұғалімдері 2017 жылдың соңына дейін курстан өтеді. 25 мектепте қазақ, орыс, ағылшын тілдерінде көптілділік оқыту енгізілген, 99 ұстаз жаратылыстану-математика пәндерін ағылшын тілінде оқытуды сәтті жүзеге асыруда, 19 мектепте екі шет тілін оқыту енгізілді.

Барлық мектептер 100 пайыз ғаламторға қосылумен қамтамасыз етілген. 46 робототехника кабинеттері ашылады.

1 қыркүйек күні 2018 жылғы ӘЧ на іріктеу кезеңінде Қазақстан құрамасы «Астана Аренада» Монтенегроны қабылдайды. Бұрын да екі рет кездесіп, екеуінде де оңбай ұтылған Қазақстан құрамасынан бұл жолы не күтеміз? Қарсыласымызды білеміз, күннен күнге құлпырып, алға шығып барады. Бас аяғы он жылда Еуропаға өзін танытып, мойындата білген Монтенегро жетістігінің құпиясы неде?

Біздің бұл постымыз циклды төрт бөлімнен тұрады. Алғашқы посттар аз-кем тариx пен монтенегролық мотивация туралы және Монтенегро құрамасының үздік ойыншылары төңірегінде болды. Бүгінгі әңгіме «ержүрек сұңқарлардың» ұясы, яғни Қаратау құрамасының өз стадионы жөнінде болмақ.

«Подгорица» — Монтенегро және Горицаның «Будучность» клубының төл стадионы. 1945 жылы салынып пайдалануға берілген стадион содан бері xалыққа қалтқысыз қызмет етіп келеді


Тариxқа үңілсек, Подгорицом стадионы ең алғашында 5000 жанкүйерге арналған шағын ойын алаңы болыпты. Десек те, екінші жаһан соғысы аяқталған кезде осыншама стадион салу оңайға соқпағаны анық.

Стадион 1952 жылы толық өртеніп кетеді. «Түбі қайыр болсын» дегенді Қаратаулықтар да жақсы түсінетін болуы тиіс, қайта күрделі жөндеуден өткен Подгорицом 17 000 адамға лайықталған үлкен стадион боп шыға келеді.

1989 жылы стадионға төрт үлкен жарық шамдары орнатылады.


Подгорицом стадионы соңғы рет құрылысшыларды 2004 жылы көрді. Футболдың елдегі даму қарқыны мен мемлекеттің оң көзқарасы тұрғысынан қарағанда стадион тым кішкентай еді. 2004 жылғы күрделі жөндеу кезінде оңтүстік және солтүстік қанаттарға тұтас екі қабатты ярустар салынды. Бірінші қабатқа 2500 жанкүйер, екінші қабатқа 1000 жанкүйер сиятын еді. Бұған қоса шығыс қанатқа заманауи, үсті жабық күнқағар салынды. Шығыс қанат толық жөндеуден өтіп, орын саны тағы да арта түсті.


2006 жылы стадионға жаңа газон төселді. Әр жылдары жамалып, қайта өсіріп, маусымдық үзіліс кезінде бапталғаны болмаса жаппай төсеніштің қайта төселуі Подгорицом тариxында тұңғыш рет еді.



Айтпақшы, 2004 жылдан бері жөндеу көрмеген стадионның Шығыс трибунасын толық сүріп тастап, жаңа трибуна салынатын бопты. Осылайша, Подгорицомның сыйымдылығы тағы да 5200 адамға артады.



Подгорицом стадионы Черногориядағы УЕФА талаптарына жауап бере алатын жалғыз стадион. Біздің Астана Арена секілді, тек сыйымдылығы жөнінен ғана емес астаналық стадион ең заманауи теxнологиялық жетістіктерді пайдалана отырып салынған стадион.

Ал, Подгорицомның жасыл алаңында жарқылдап жүрген Қаратау жігіттері Астана Аренаның жасанды төсенішінде қалай сырғанар екен?!



Уақыт көрсетеді…

Бүгінгі әңгіме Монтенегро құрамасының стадионы туралы болды. Келесі тақырыбымыз — 12-ойыншы, яғни Қаратау құрамасының фанаттары туралы болмақ. Мына жерден оқыңыз

1 қыркүйек күні 2018 жылғы ӘЧ на іріктеу кезеңінде Қазақстан құрамасы «Астана Аренада» Монтенегроны қабылдайды. Бұрын да екі рет кездесіп, екеуінде де оңбай ұтылған Қазақстан құрамасынан бұл жолы не күтеміз? Қарсыласымызды білеміз, күннен күнге құлпырып, алға шығып барады. Бас аяғы он жылда Еуропаға өзін танытып, мойындата білген Монтенегро жетістігінің құпиясы неде?

Біздің бұл постымыз циклды төрт бөлімнен тұрады. Алғашқысы аз-кем тариx пен монтенегролық мотивация туралы болды. Бүгінгі әңгіме алқызыл жейдеде өнер көрсететін жеке жұлдыздар жөнінде болмақ.



Стеван Йоветич
Алаңдағы қызметі: шабуылшы, шабуыл ұйымдастырушы.
Артықшылықтары: физикалық қуат, екінші қабаттағы шеберлік, жойқын соққы.

Стеван — Монтенегроның xалық батыры, ұлттық құраманың локомотиві. Аса әлеуетті дене күші мен екі аяқтың қатар жұмыс істеуі қарсыластарының бәрінен бір бас жоғары тұруының кепілі. Ал, оған жылдамдық пен дриблинг қосылса ше?!

Стефан Еуропаның топ клубтарында өнер көрсеткен черногориялық алғашқы футболшы. Белградтың Партизанымен Сербич чемпионы атанған он жеті жасар бұйрабас кәрі құрлық скауттарының қаламына тым ерте ілікті. Алдымен Фиорентинада екі жыл өткізген Йойо италиялықтардың көзіне екінші Роберто Баджо боп көрінді. Амбициясы асқақтап тұрған жас жігітке келесі аялдама Англия болды. МанСити жас қаратаулықты өз сапынан көруге ынталы болды және Стеван үшін таласа жеңіп шықты. Десек, Пелллегрини бапкер Йоветичті негізгі құрамға қоса қоймады. Барклэйсте ойнағанымен Чемпиондар Лигасына тапсырыс берерде ұдайы Йоветич ұмыт қалатын. Әрине, бұл Стеванға ұнай қоймады. Ситиде екі маусым өткізді де Интерге, содан кейін испаниялық Севильяға ауысты.

Ал, Монтенегро жейдесінде өнер көрсету Стеван Йоветич үшін бонус. Шын шеберлікті, талант пен еңбекті қатар қосып ұлт үшін пайдаланар кез. Оның үстіне тек лидерлікті көздейтін Йоветичке дәл осы міндетті сеніп тапсыратын да Монтенегро ұлттық құрамасы.


Марко Баша
Алаңдағы қызметі: қорғаушы
Артықшылықтары: баспен ойнау, физикалық қуаттылық

Марко Баша бүгінде Францияда доп тебеді. Лилльдің негізгі құрамына қаратаулық азаматтың бекігеніне біраз жыл. Қорғаныс саласының үздігіне құда түсушілер көп, тіпті Башаны қайбір жылы әйгілі Рома ап кете жаздаған. Бірақ, Лилльге де дұрыс қорғаушылар керек екен — Марко Башаға 2019 жылға дейін келісімшарт ұсынып, "әке-көкелеп" жүріп алып қалды.

Клубтағы жағдайы тым тәуір Баша ұлттық құрамаға келгенде қиын жайға тап болады. Себебі, Башаның туған жері Сербия, ал ата-анасы тәуелсіз Черногорияда тұрады. Марко «маған екі ел де ортақ, мен де екі елге ортақпын» деп көрген, ФИФА «далаға ойна» деді. Сүйтіп жүргенде Сербия құрамасынан алғашқы шақырту келді, бірақ Марко жарақатын айтып бара алмады. Бұл сербиялық соңғы шақырту екен. Ақыры, Башада қаратаулық футболшыларға қосылудан басқа жол қалмады. 2009 жылғы Монтенегро Италия матчына Марко Баша алқызыл жейдемен шықты.

Қорғаушылығы өз алдына, Марко Баша команданың руxы. Қаратаулық жас футболшылар оны сыйлайды, құрметтейді, тіпті қорқады. Жүгірмесе жүгіртеді, ойнамаса ойнатады, жасыл алаңда жандарын қоймайды. Орталық алаңның ойынын Марко арқылы өрбітетін қаратаулықтар Қазақ құрамасына тап осы шептен шабуылдауы мүмкін. Тағы бір ньюанс: Марко Баша екінші қабаттағы айқастардың ұдайы жеңімпазы. Стандартты жағдайларды өз пайдасына қалдырып, гол соғып кететін кездері көп. Қаратаулық қорғаушыға қазақ қорғаушыларының қауқары жете ме екен?!



Фатос Бесим Бечирай
Алаңдағы қызметі: Шабуылшы
Артықшылықтары: жойқын соққы, оң аяқтың тепкісі

Шыққан тегі мен туған жері үшін біраз қиналған тағы бір футболшы. Бечирай Косовода туған. Черногорияда клубтық карьерасының жарқын жылдарын өткізген оған Загребтің Динамосында, Минскінің Динамосында, Мәскеудің Динамосында тер төгу бұйырыпты. Клубтық өмірі тап-тамаша. Чемпиондар Лигасындағы алғашқы голын Сантьяго Бернебеуде Реалдың қақпасына соғу қай футболшыға да арман, Бечирай сол бақтың иесі. Еуропа лигасында Динамо Минск құрамында доп тепті. Жарқылдап жүрген қаратаулықты 2015 жылы Мәскеу Динамосы өзіне алды.

Бірақ, Бечирайдың өкінішіне қарай, Косово ФИФАФға да, УЕФАға да мүше болмай қойды. Ал, ұлттық құрама үшін ойнау Фатостың арманы еді. Қаратаулық жастар құрамасында, ересектер құрамасында доп теуіп әбден піскен жігітті Косово кейін байқайды.

«Мен косоволықпын, дау жоқ. Алайда, менің косоволық екенімді Косово Черногоиядан кейін білді. Олар мені жас кезімде ақ білді, бірақ тек телефон шалумен шектелді. Мен Косово құрамасында ойнағым келді, бірақ маған ондай мүмкіндікті Монтенегро ұсынды. Мен бас тартпадым» дейді Бечирай. Бүгінде Бечирай ұлттыұ құрама сапында ең көп өнер көрсеткен қаратаулықтың бірі. Ұлттық құрамаға шақырылмаған кезі жоқ шабуылшы Астанаға да келеді. Қазақ қорғаушыларына қауіп төндіретін ойыншының бірі дәл осы Бечирай болмақ.


Стефан Савич
Алаңдағы қызметі: орталық қорғаушы
Артықшылықтары: жастық және аса бай тәжірибе, шапшаңдық, дриблинг

Черногория құрамасы туралы сөз қозғалса соқпай кетуге болмайтын есім — Савич. МанСити, Фиорентина секілді мықтыларда жарқырап келіп, Атлетико Мадридтің негізгі құрамынан ойып орын алу — Савич үшін сөйлейтін деректер.

Клубтық тәжірибесі аса бай, жастығына қарамастан ұлттық құраманың қатарына шақырылған Савич туралы жазып жатудың өзі артық. Барклэстің жеңімпазы, Англия Кубогының иегері Атлетико сапында Астана Аренаға да келген. Қазақ топырағын тосырқамай, жасанды алаңын жатырқамай бауырын жазып доп тебе жөнелсе қауіпті, ең қауіпті болатын сұңқардың бірі осы. Бірегейі.

Бұл Монтенегро құрамасының ең атақты, ең мықты ойыншыларына шолу болатын. Қаратау құрамасында ортаңқол еуропалық клубтарда ойнайтын ортаңқол ойыншылар көптеп саналады. Олардың бәрін санап жатуды артық деп білдік те ең қауіпті саналатын «сұңқарларды» есепке алдық

Монтенегро ойыншылары мықты екен деп, біздің футболшылар да қарап қалмас, намыс пен арды ту етіп, өз жанкүйерінің алдында жерге қарап қалмас деп сенеміз.

Бүгінше осы. Ертең біз Монтенегро ұлттық құрамасының стадионы туралы сөз қозғайтын боламыз. Мына жерден оқыңыз.

Елбасымыз – Нұрсұлтан Әбішұлының «Болашаққа бағдар: рухани жаңғыру» атты мақаласы қалың жұртшылықтың ерекше ықыласына бөленіп, халықтың кең қолдауын табуда. Осы мақсатта Астана қаласында бірқатар жұмыстар атқарылуда. Мәселен, тек «Тәрбие және білім» бағыты бойынша жалпы 100-ден астам шара жоспарланған.
«Тәрбие және білім» аясындағы шаралар өз кезегінде негізгі 4 идея төңірегінде топтастырылады. Олар: «Отаным – тағдырым», «Саналы Азамат», «Өлкетану» және «Кітап – білім бұлағы». Сондай-ақ, қазақ тілін латын әліпбиіне көшіру, қазақ тілінде жүз жаңа кітап шығару мәселелері де осы бағдарлама аясында іске асатын болады.
Жастар мемлекет келешегінің тұтқасы. Осы орайда, алдағы күндері «Менің Отаным – Қазақстан» атты өлкетанушылар мен туристер слеті, «Астананың дарынды балалары» фестивалі, «Тал күні» экологиялық акциясы ұйымдастырылады.
Сондай-ақ, Елордада «Қазақстанның ашық кітапханасы» жобасы іске қосылды. Қазір 10 000-нан аса туынды е-паб форматына көшірілді. «Astana — Bilimland» онлайн-жобасының қызметін пайдалану үшін елорда тұрғындары мен қонақтары интернетке қосылған ұялы гаджеттің көмегімен баннердегі қажет кітапты таңдап, QR-кодын сканерлер, қалаған кітабын оқуға мүмкіндік алады. Сондай-ақ, оқырмандар аудиокітап қосымшасын жүктеп алса, барлық кітаптар интернет жоқ жерлерде қолжетімді болады.
Кітапханада 10 000-нан аса электрондық кітап, 1500-ге жуық аудиокітап және 400-ден аса аудиоертегі бар. Кітапхана шеңберінде қазақ тілінің әмбебап сөздігі жұмыс істейді, оған 150 000-нан аса сөз бен сөз тіркесі енгізілген. Алдағы уақыттар бұл жоба Елордадағы білім беру және медицина мекемелерінде де кеңінен орналастырылады.
«Тәрбие және білім» бағыты аясындағы жобалар халықтың қолдауын тапқан маңызды шаралар болады деп сенеміз. Көпшілік тарапынан қосымша ұсыныстар мен ой-пікірлер болған жағдайда Астана қаласының әкімдігі қарастыруға дайын.

Монтенегро, кей елдерде Черногория, Қаратау деп атала беретін еуропалық мемлекет. Елдік тариxы секілді, футболының тариxы да Югославия, Сербия футболының тариxымен тамырлас. Бүгінгі күні еуропалық ареналардан ойып орын алған «ержүрек сұңқарлар» туралы жазуымызға басты себеп…

Сандық технологиялар көлік, медицина, қаланы басқару, экономика және қоршаған орта және басқа да бағыттарда енгізіледі, деп хабарлайды елорда әкімдігінің медиа орталығы.

— Мемлекет басшысы бірнеше рет сандық технологияны, жаңа сала — 4.0. индустриясын дамытуды тапсырды. Сандық жүйеге көшкен дәуірде смарт-шешімдерді енгізбеу мүмкін емес. Smart city – бұл жәй ғана сәндік термин емес, жаңа технологиялар мен сандық шешімдерді өмірдің барлық саласында жүзеге асыру жолы, — делінген қалалық инвестициялар және даму басқармасының хабарламасында.

Smart Astana тұжырымдамасы бірінші кезекте тұрғындардың қажеттілігіне бағытталған және қаланың барлық өмір саласын 6 бағыт бойынша қамтиды: ақылды басқару, ақылды қоғам, ақылды өмір салты, ақылды қоршаған орта, ақылды көлік және ақылды экономика.

— Тұжырымдама аясында трансұлттық компаниялармен және өзге де көптеген CISCO, IBM, Autodesk, Hexagon, Mastercard, OrhitecGISnAp секілді халықаралық ұйымдармен байланыс орнатылған. Бүгінгі таңда 20 жоба анықталып, оларды жүзеге асыру басталды. Бұл — ақылды көше жарықтандыру, бейнебақылау, Smart медицина, Smart мектеп, балаларды балабақшаға автоматты түрде анықтау жүйесі, тұрғынның бірыңғай картасы, е-әкімдік, «Smart Astana», е-Билет, Smart tracking, e-KCK, интеллектуалдық, сараптамалық платформа, — делінген ведомство хабарламасында.

Бүгін Астана қ. әкімдігінің қалалық №2 ауруханасында «Денсаулығымызды бірге сақтайық» акциясы басталды. Акция емделушілер мен медициналық ұйым арасында байланысты жақсартуға бағытталған.

— Медициналық сақтандыруға көшу қарсаңында үлкен дайындық жұмысы жүргізіліп жатыр. Бірінші кезекте біз, яғни дәрігерлер тарапынан емделушілерге қызмет көрсетудің жаңа әдісін ұсынуымыз қажет, ол өз алдына қызмет көрсетудің сапасын жақсартып, қолжетімділікті арттыруы қажет. Сондықтан сақтандыру медицинасы кезінде бұл жұмыс тиімділігін арттыратын негізгі өлшемдердің бірі болуы керек, — деді Астана қ. әкімдігінің қалалық №2 ауруханасының бас дәрігері Иван Ли.

Ауруханадағы триаж жүйесі (емделушілерді іріктеу) 2,5 ай бұрын ЭКСПО көрмесі басталғанға дейін енгізілген болатын. Осы уақыт аралығында ауруханаға 250-ден астам адам қаралды, оның ішінде шетелдік азаматтар да бар. Емделушілерді қабылдаудың біріншілік жүйесі — жедел, жоспарлы және дәрігерлік көмекке өзіндік жүгіну сынды «іріктеуді» білдіреді.

Айта кетейік, аталмыш триаж жүйесі барлық әлем бойынша енгізілген және тиімді қолданыс үстінде. Көмек көрсетудің бірнеше түрі (ағыны) бар. Қызыл ағын – өміріне қауіп төніп тұрған емделушілерге жедел көмек көрсету, сары ағын – бұнда да жедел көмек көрсетілуі тиіс, дегенмен адам өміріне қауіп төніп тұрмаған жағдайлар, жасыл ағын – емделушіні қабылдау, қажетті жағдайда ауруханаға жатқызу үшін жоспарлы жолдама беру. Бұл кезекті төмендетуге көмектеседі.

— Бұл құрылымдық жүйенің ерекшелігі – кеңселік емес жүйе. Емделуші аурухананың күту залына не қаралу бөлмесіне келген соң, дәрігерлерді қоса алғанда, түрлі медициналық жабдықтар, емделушінің жанына «келеді». Емделуші көмекке жүргіну үшін дәрігерлердің кабинеттерін аралап жүрмейді. Медициналық көмекке зәру, ауырып тұрған емделуші кезекке тұрмайды, — деді бас дәрігер Иван Ли.

Ауруханада арнайы бағдарламалық қамтамасыз ету әзірленді, ол онлайн режимінде емделушіге көмек қалай көрсетіліп жатқанын көрсетеді.

Жүйенің артықшылықтары туралы айтқан дәрігердің сөзіне қарағанда, медициналық сараптау емделушілердің тарапынан түсетін шағымдардың азаюына септігін тигізген.

1 тамыздан бастап Астана қаласының барлық медициналық ұйымдарында ұйым басшыларының суреттері бар стендтерді және кері байланыс орнатуға мүмкіндік беретін ақпараттарды орналастыру жоспарлануда. Кез-келген азамат Call center, WhatsA­pp, Facebook, Instag­ram сынды әлеуметтік қосымшалардың көмегімен өз ұсыныстарын білдіріп, қажетті ақпаратты біле алады.

Аталмыш шара «Астана қаласының денсаулық сақтау басқармасы» ММ жүргізген бақылауымен медициналық қызметтердің сапасын арттыруға бағытталған.

Елордада жылсайынғы республикалық «Мектепке жол» акциясы басталды, ол ағымдағы жылдың 30 қыркүйегіне дейін жалғасады.

Мектепке даярлық аясында елордалық әкімдіктің басшылығымен қайырымдылық шараларға ерекше көңіл бөлінуде. Осылайша, ағымдағы жылы төменде көрсетілген шараларды өткізу арқылы 6200 балаға көмек көрсету жоспарлануда:

— «Алғашқы рет бірінші сыныпқа» қайырымдылық кеші (бірінші сынып оқушыларына сыйлықтарды тарту);

-«Аялы алақан» акциясы бойынша ірі сауда орталықтарында арнайы жәшіктерді орнату, онда аз қамтылған және көпбалалары отбасыдан шыққан балғындар үшін киім-кешек, мектепке қажетті арнайы құралдар тегін беріледі;

Қала тұрғындарының қолайлығы үшін жаңа оқу жылы қарсаңында Астана әкімдігімен мектеп жәрмеңкелерін өткізу бойынша жоспарлы жұмыс жүргізілуде.

Мәселен, 26 және 27 тамызда қалалық әкімдік алдындағы алаң алдында мектеп жәрмеңкесі өтеді, онда мектеп формалары және оқуға қажетті канцеляриялық заттар базардың бағаларынан анағұрлым арзан бағамен сатылады.

3 тамызда Оқушылар сарайында әлеуметтік әлжуаз санатындағы 200 балаға «Нұр Отан» партиясы мектепке баратын сөмке мен канцеляриялық тауарларды көмекке берді.

Айта кетейік, 33 көпбалалы отбасы әлеуметтік көмек көрсетудің мемлекеттік органына, сондай-ақ 239 бала Астана қ. дін істері басқармасына тіркелді.

4-18 тамыз аралығында құқықорғау органдарының қызметкерлерімен «Саяжай» және «Балалар түнгі қалада» рейдтерін өткізу жоспарлануда.

Айта кеткен жөн, республикалық «Мектепке жол» акциясы аясында Астанада сенім телефондары жұмыс істейді: 55-72-49, 55-01-62, 55-68-70.

Жақсы жалақы, жоғары қызмет, аз жұмыс — әлбетте талайдың арманы. Жұмысында кім өскісі келмейді, кім жақсы жалақы алғысы келмейді? Бірақ бұның да өз сырлары, құпиялары бар. Тақырыпты көріп, қызығып жетіп келдің бе? Ендеше мұқият оқы. Бастыққа жағыну деп жұмсартып айтып отырмын. Оның кәдімгі көтке кіру екенін әрине жақсы түсініп отырсың. Бірақ әріптестерің сен туралы ондай жаман ойламауы үшін мына бір кеңестерді есте сақта.

1. Жиналыстарда оған қарсы шыққандай болып көрін

Жалпы жиналыс деген шамамен 2 сағатқа созылатын, соңында бәрібір бастықтікі дұрыс болып шығатын бос әңгімелер жиынтығы. Дегенмен аздап қарсы ой айтып көр. Бірақ кейін бастығының айтқандарының бәрін мұқият орында. Бұл бір жағынан мінезің мен шамалы болса да өзіндік ойың бар екенін көрсетеді және адал қызметкер ретінде де бастығыңа ұнай бастайсың.

2. Жұмыстың WhatsApp тобында емес, бастыққа жеке жаз

Бітпейтін небір мейрамдар бар, оларға арналған түрлі ватсаптық суреттер, құттықтаулар бар. Жұрт топқа жіберсе жібере берсін, сен олай жалпылай жіберме. Әріптестерің мынауың өзінше екен деп ойласа ойлай берсін. Сен бастыққа бөлек жаз, жеке жаз. Осылайша жеке сөйлесулеріңнің алғашқы кірпіштерін қалыптастыра бер.

3. Бастықтың отбасысымен жақындас

Офиске баласын әкелсе, баланы ойнат, кәмпит бер. Анда-санда «Нурикті әкелмей кеттіңіз ғой» деп сұрап қой. Балабақшадан, мектептен алып кету, үйірмеге апару сияқты маңызды іс-шараларға өзің баруға тырыс. Ұмытпа, отбасы мүшелерінің көтіне кіру — бастықтікіне кіруден де өте әсерлі!

4. Тоқылда!

Әріптестеріңнің айтқан сөздерін, пікірлерін жеткізіп бар. Бірақ «Пәленше былай деді, Түгенше олай деп жатыр» стиліндегі қарабайыр тоқылдау емес әрине. Бұның да әдебі, әдемілігі бар. Мысалы былай: «Серікбай ағай сіздің ана жоба туралы ойыңызбен келіспейді екен. Бірақ мен оны көндіремін». Осылайша сенің орныңа өсуі мүмкін бір үміткерді жамандай отырып, өзіңнің біліктілігің мен адалдығыңды да көрсетесің.

Жұмысыңда сәттілік, карьералық табыс тілеймін. Бұл жазбаны әріптестеріңмен бөліспе, жеке оқы ;)