Астана қаласы қоғамдық кеңесінің кезекті отырысында елорданың 2017 жылға арналған бюджетін нақтылау бойынша мәселелерді талқылады.

Астана қ. экономика және бюджеттік жоспарлау басқармасының басшысы Ерғали Егемберді атап өткендей, өнеркәсіптік кәсіпорындармен 4,2 пайыздық өсіммен 290 млрд теңгеге өнім өндірілді.

Қаланың экономикасына 442 млрд теңге инвестиция құйылды, ол өткен жылдың көрсеткішімен салыстырғанда 7,3 пайызға артық.

1680 мың шаршы метр аумақта тұрғын-үй салынды, өсім 28,1 пайыз.

Шағын және орта бизнес саласында субъектілердің саны 6,9 пайызға артты. Бөлшектеп сату тауар айналымының көлемі 11,3 пайызға артып, 579 млрд теңгені құрады.

Экономиканың қарқынды өсуі қаланың бюджетіне кірістің артуына септігін тигізді. Мәселен, жыл басынан қала бюджетіне 158 113 млн теңге түсім түсті, ол өткен жылдың кірісінен 15 257 млн. теңгеге артық.

— Елбасы елордадағы ең өзекті екі мәселені қадап айтқан болатын. Ол – мектеп пен мектепке дейінгі мекемелерде орынның жетіспеушілігі. Бүгінде 33000 орын жетіспейді. Бұл 3-6 жас аралығындағы 33000 бала. Сол себепті 3 аудан әкімі аппаратынан бөлініп отырған қаражаттың ауқымды мөлшеріне мемлекеттік және жеке балабақшаларда мемлекеттік білім тапсырысын орналастыруға бағытталмақ, — деді Ерғали Егемберді.

Ведомство басшысының сөзіне қарағанда мемлекеттік білім тапсырысын мемлекеттік және жеке балабақшаларда орналастыру үшін Алматы ауданы әкімінің аппаратына 385 млн теңге, Сарыарқа ауданы әкімінің аппаратына 56 млн теңге және Есіл ауданы әкімінің аппаратына 219 млн теңге бөлінетін болады. Осылайша жыл соңына дейін Астананың мектепке дейінгі мекемелерінде 6400 қосымша орын пайда болады.

-Жыл басынан бастап 9000 орынға субсидия бөлінді. Оған қоса біз қазір 3 аудан бойынша 300 млн теңге көлемінде қосымша қаражат бөлеміз. Олар жеке балабақшаларда орын ашуға жұмсалмақ. Жыл соңына дейін 6400 орын ашу жоспарлануда. Астана бойынша есептейтін болсақ, бюджеттің есебінен 15400 мектепке дейінгі орынды жабамыз. Мәслихат сессиясы өткен соң, Білім басқармасы тек мұқтаждарға ғана қаражат бөлетін болады, — деді Ерғали Егемберді.

Айта кетейік, бюджеттің негізгі қаражатын орта білім беру, денсаулық сақтау, әлеуметтік сала нысандарының материалдық-техникалық жабдығына жұмсау жоспарлануда. Онымен бірге апатты және ескі үйлер сүріліп, инвестициялық жобалар іске асырылмақ.

Қазақстан Республикасының Тұңғыш Президенті – Елбасының кітапханасы мен Қоры баспа және электрондық бұқаралық ақпарат құралдары қызметкерлері арасында Қазақстан Республикасының Тәуелсіздік күніне арналған «Қазақстан Тәуелсіздігі және Елбасы» тақырыбы бойынша таңдаулы материалдарға жыл сайынғы ашық конкурс жариялайды.

Конкурстың мақсаты – елдің тәуелсіздік жылдарындағы жетістіктерін көрсету, Қазақстан мемлекеттілігінің негізі ретінде «Назарбаев моделін», Елбасының идеялары мен бастамаларын танымал ету.

Конкурс төрт номинация бойынша өткізіледі:

1) «Үздік теледидар материалы»;

2) «Үздік радиоматериал»;

3) «Газеттер мен журналдардағы үздік мақала»;

4) «Ғаламтор-БАҚ-тағы үздік жарияланым».

Номинациялардың әрқайсысы бойынша жеңімпаздарға 1 миллион теңге мөлшерінде ақшалай жүлде беріледі, ал екінші және үшінші орындар үшін тиісінше – 500 мың және 200 мың теңге беріледі. Одан басқа, барлық жүлдегерлерге дипломдар мен омырауға тағатын белгілер тапсырылады.

Конкурсқа кәсіпқой журналистер жеке және ұжымдық негізде де қатыса алады.

Конкурсқа 2017 жылғы 1 қаңтардан бастап 10 қазан мерзімібойыншамемлекеттік және орыс тілдерінде ресми жарияланған (басылған, эфирге шығарылған, ғаламторда орналастырылған) бірегей материалдар қабылданады.

Конкурстың қорытындысын құрамына белгілі журналистер, Қазақстанның көрнекті мемлекет және қоғам қайраткерлері енген Конкурс комиссиясы шығарады.

Жеңімпаздарды марапаттаудың салтанатты рәсімі Тәуелсіздік күні қарсаңында өткізіледі.

Конкурсқа қатысуға өтінімдер 2017 жылғы 1 маусымнан бастап 10 қарашағадейінгі мерзімде әкеліп беру тәртібімен немесе поштамен жөнелту арқылы мына мекен-жайда: Z05S5X1, Қазақстан Республикасы, Астана қаласы, Ә.Бөкейхан көшесі, 10, 213-каб., «Қазақстан тәуелсіздігі және Елбасы» конкурсына» деген белгісімен қабылданады. Байланыс телефондары: 7172) 69-30-54, 69-30-56, 69-30-57, 75 12 15, 8701 355 13 63 WhatsApp.

Конкурсты өткізудің шарттары мен уақыты туралы толық ақпаратпен www.presidentlibrary.kz, www.presidentfoundation.kz сайттары арқылы танысуға болады.

Елорда әкімдігі ЭКСПО-2017 халықаралық көрмесіне дайындалу және өткізу аясында қалалық такси қызметінің сапасын жетілдіру мақсатында «AstanaTaxi» бірыңғай такси қызметі» жобасы құрылды. Ағымдағы жылдың басында тек осы жобаны жүзеге асыру үшін «AstanaService» жаңа бағдарламасы қабылданды.

Ол кәсіпкерлерге отандық өндірістен шыққан жаңа көліктерді сатып алу үшін жеңілдетілген мөлшерлемемен несие алуға мүмкіндік береді.

Аталған жобаның арқасында 6 таксопарктің бірігуімен жалпы саны 400 көлікпен жасақталған, оның ішінде 300-і жаңа бірыңғай такси қызметі құрылды.

Айта кетейік, жоба қала бюджетіне салмақ салмай жүзеге асырылды. Соның арқасында бюджеттің 20 млн.доллары үнемделді. Бірыңғай такси қызметінің негізгі ерекшелігі көліктер мен жүргізушілердің сыртқы стилі бірыңғай, Call-орталық, қалалық тариф, таксометрлермен және тегін WiFi-мен жайлы көліктер, «BusLane» арнайы автобус жолақтарымен жүру бойынша мемлекеттік артықшылықтар, вокзал, әуежай, ірі сауда орталықтары мен басқа нысандар аумағына кедергісіз қолжетімділік.

Елордалық әкімдіктің мәліметтері бойынша ағымдағы жылдың 7 айында шағын және орта бизнес субъектілері 7 пайызға артты, өнеркәсіптік өндіріс көлемі 55,8 пайызды құрады.

Сала бойынша өсім байқалды: өнеркәсіптік өндіріс 4,2 пайызға артты, бұл машина құрастыру мен металлургияның арқасында болып отыр. Индустриаландыру картасы аясында жобаларды іске асыру шеңберінде елордада 24 кәсіпорын жұмыс істейді.

Инвестиция 7,3 пайыға өсті, ол 1,3 млрд теңгені құрайды. Онымен бірге шетелдік инвестиция көлемі артты, 2016 жылдың сол кезеңінде көрсеткіш 63,1 млн. АҚШ долларын құраған болатын, ал биыл көрсеткіш 139 млн. АҚШ долларына жетті.

Бүгінде елордада 11 мың жаңа жұмыс орны құрылды, олардың 85 пайызы орта және шағын бизнес саласына тиесілі.

Жұмыссыздық деңгейі елордада 4,5 пайызға төмендеді.

Айта кетейік, кәсіпкерліктің дамуына мемлекеттік және жергілікті бағдарламалардың аясында көрсетіліп жатқан қолдау септігін тигізуде. Атап айтқанда «Бизнестің жол картасы-2020» бағдарламасы. Осы бағдарламаның аясында 733 жоба қамтылған, 5 мыңнан астам жұмыс орны құрылып 8 мың жұмыс орны сақталды.

«Бизнестің жол картасы-2020» бағдарламасымен сауда және қызметтер саласына қолдау білдірілмейтінін ескере келе Астана бизнес субъектілеріне жеңілдікпен несие беру бағдарламасын әзірлеп, бірқатар жергілікті бағдарламаларды іске асыруда.

Жалпы алғанда жергілікті бағдарламалар бойынша: Астана Бизнес, Astana-ZhasStarT Astana Retail, Astana Startup 102 жобаға қолдау көрсетілді, жалпы сома — 16,5 млн. АҚШ доллар. Соның нәтижесінде 1000-ға жуық жұмыс орны құрылып, 350 орын сақталды.

2016 жылдың қортындысы бойынша шағын және орта кәсіпкерліктің жалпы аймақтық өнімге қосылған құнының жалпы үлесі 57,4%, өткен жылмен салыстырғанда 11,4% өткен. Аймақтар арасында Астана 1-ші орынды иеленді.

7 қыркүйек 10:00-нан 13:00 дейін Астана қаласының кәсіпкерлік және өнеркәсіп басқармасы «Даму» қорымен бірлесіп, нәтижелі жұмыспен қамту бағдарламасын және бұқаралық кәсіпкерлікті түсіндіру мақсатында ашық есік күнін өткізуде.

Ведомство хабарлағандай, бағдарламаға жұмыссыздармен қатар, өзін-өзі еңбекпен қамтыған адамдар да, сондай-ақ өз ісін енді бастағандар мен кәсіпкерлер қатыса алады.

Аталған бағдарлама бойынша несие мөлшерлемесі жылына небәрі 6% құрайды. Барлық саланы қаржыландыру саудадағы айналымдағы қаржыны толықтырудан бөлек.

Қызығушылық танытқандар мамандардан толыққанды кеңес алып, нәтижелі еңбекпен қамту бағдарламасын жүзеге асыру аясында мемлекеттік қолдаулар туралы біле алады.

Шара Тәуелсіздік даңғылы, 3-үй, 32 аудитория, «Нұр Отан» партиясының қалалық филиалының 3 қабатында өтеді.

15 қыркүйек сағат 00:00 бастап Астанада сертификатталған сурет және бейне жазу құрылғысының көмегімен түсірілген жолда жүру ережелерін бұзған үшін әкімшілік жазалау шаралары іске қосылуда. Ең алдымен, бұл жүйе жылдамдық режимін асырғаны үшін, қоғамдық көліктің жолағымен жүргені үшін (Bus Lane автобустық жолды кесу) және стоп-сызығын кесіп өту сияқты бұзушылықтарды қарастыратын болады.

​2017 жылдың соңына дейін Астана қаласының аумағында көше қиылыстары мен қаланың сызықтық аймақтарында, сонымен қатар ойын-сауық орталықтары, театр, спорт алаңдары, музей сияқты көпшілік қауым жиналатын жерлерде 13 000 сурет және бейне жазу камералары қолданысқа енетіні жайлы еске салып өтейік. Сурет және бейнебақылаудың жаңа жүйесіне 3 мыңға жуық жалпы бейнебақылау жүйелері енгізілген. Бұл камералар тәулікбойы үздіксіз жұмыс істеп, олардан түсірілген бейне материалдар тіршілікті кешенді қамтамасыз ету жүйесі мен (ТКҚЖ) мен Астана қаласы ІІД Жедел басқару орталығы (ЖБО) кіретін Ахуалдық орталық бақылауына алыну және өңделу үшін жіберіледі.

Одан бөлек, қосымша 10 000 камера дәл сол уақыттағы автокөліктердің нөмірлік белгілерін, жылдамдық режимдерін, қоғамдық көліктің жолағымен жүргенін және стоп-сызығын кесіп өту жағдайларын жазып алатын болады: 6 000 камера 400 көше қиылыстарында және қаланың 300 сызықтық жер телімдерінде; 4 000 камера ойын-сауық орталығы, театр, спорт алаңдары сияқты көпшілік қауым жиналатын орындарда орналасатын болады.

​Сурет және бейне жазу камералары орнатылатын орындар Әкімшілік полиция басқармасы (ӘПБ) және Жергілікті полиция қызметінің (ЖПҚ) қызметкерлері бірлесе отырып зерттелген. Апаттылық жағдайы мен жол-көлік оқиғаларының саны бойынша жасалған талдауды ескере отырып, қазіргі таңда сурет және бейне жазу камераларын орнату жұмыстары жүргізілуде.

​Жаңа оқу жылының басталуына орай, Астана әкімдігі жұмыстарының көпшілік бөлігі балалардың қауіпсіздігіне бағытталған: оқу мекемелері мен балабақшаларға жақын жердегі көлік қозғалысының жылдамдығы 40 км/сағ дейін шектелген, жылдамдықты шектеу белгілері орнатылған, сәйкес жол белгілері сызылған. Бұл жер телімдері сурет және бейне жазу жүйелерінің назарына ерекше алынған.

Еске салайық, ЖЖЕ-нің сурет және бейне жазу жүйелері Астанада алғаш рет 2015 жылдың ақпан айында VOCORD аппараттар кешені мен Red Speed жылдамдық өлшеуіштерін қаланың 11 көше қиылыстарында орналастырумен іске қосылған. Ол «қаланың зияткерлік көше қиылыстары» деген атауға ие болды. 2016 жылдың қаңтар-желтоқсан айларында 21 VOCORD камералары мен 83 Red Speed жылдамдық өлшеуіштерінің жұмысының нәтижесінде Астана қаласында 66 410 ЖЖЕ бұзушылықтары мен 51 493 ұйғарымдардың шығарылғаны тіркелді.

Бүгінгі таңда, 323 реттелетін көше қиылыстары жұмыс істеуде, оның 60-ы «Астана қаласында сурет және бейне жазу аппараттық-бағдарламалық кешенін құру және қолданысқа беру» атты жобасының аясында сурет және бейнекамераларымен жабдықталған. Сонымен қатар, қазірдің өзінде қаланың 100 сызықтық жер телімдерінде радар кешендері толығымен жұмыс істеуде. Кешеннің тестілік кезеңдегі жұмысынан алынған ақпараттар бойынша құқық бұзушылықтарды талдаудан өткізу жұмыстары жүргізілді. Талдау 2017 жылдың тамыз айының өзінде кейбір автокөлік иелері 25-ке жақын ЖЖЕ бұзушылықтарын жасағанын көрсетті. 15 қыркүйекке дейінгі ұйғарымдарды әзірлеу үрдістері уақытша болмағанына қарамастан, аталған мерзім аралығында бұзушылық жасаған жүргізушілер ІІД жергілікті полиция қызметі (ЖПҚ) бақылауына алынады.

ЖЖЕ бұзушылықтарын тіркеу және ұйғарымдарды дайындау

​Автокөлік жүргізушісі ЖЖЕ бұзушылықтарын жасаған жағдайда, оларды қандай әкімшілік жаза күтуде? Ең алдымен, Қазақстан Республикасының әкімшілік құқық бұзушылық кодексінің 807 бабына сәйкес, құқық бұзушылық камераға түскен жағдайда, әкімшілік құқық бұзушылық туралы хаттама түзілмейді және қаулы шығарылмайды. Бұл құжаттардың орнына, жүргізуші ЖЖЕ бұзған жағдайда, өкілетті орган жасалған құқық бұзушылық негізінде ұйғарым шығарады.

Бірінші кезеңде, радар кешені автоматты түрде жылдамдық режимін бұзғанын немесе автобус және стоп-сызықтарын кесіп өткенін сурет және бейнебақылау камералары арқылы анықтайды. Кейіннен сурет және бейне материалдар Әкімшілік полиция басқармасы (ӘПБ) инспекторымен өңделу үшін өңдеу орталығына жіберіледі. Инспектор жазбаларды қарап, автокөліктің нөмірі бойынша техникалық төлқұжат деректерін, сонымен бірге көлік құралының иесі туралы жеке ақпаратты анықтайды. Маңызды сәтіне көңіл бөлу керек: ұйғарым жолда жүру ережесін бұзған кезде көлікті жүргізген адамға емес, техникалық төлқұжат деректері бойынша автокөлік иесінің атына жасалады.

​Келесі кезеңде Әкімшілік полиция басқармасы инспекторы ААІЖ – тексерісін (автоматтандырылған ақпараттық іздестіру жүйесі) жүргізеді. Ол уақытта көлік құралының тіркелуі туралы ақпараттар тексеріледі. Сурет бейне жазбадағы автокөлік деректері техникалық төлқұжатты тіркеу деректері техникалық төлқұжатты тіркеу деректерімен сәйкес келмеген жағдайда (марка, нөмірі, түсі) бұзушылық қабылданбайды да, көліктің мемлекеттік нөмірі техникалық төлқұжатымен сәйкес келмеген себептен аталған көліктің бағыттамасы туралы хабарлама жасалынады. ААІЖ – тексерісін кейін автоматты түрде ӘПБ инспекторының қайта тексерісінен өтеді де, содан соң ғана басып шығарылған түрінде автокөлік иесіне ақырғы ұйғарым толтырылады. Ұйғарым автокөлік иесіне техникалық төлқұжатта көрсетілген мекен-жай бойынша "Қазпошта" бөлімшелері арқылы іске асатын болады.

Сонымен қатар, 15 қыркүйектен бастап басқа қала көліктерінің иелері мен шетел нөмірлері бар автокөлік жүргізушілері Астанада жүрген сапарында 2 немесе одан да көп ЖЖЕ бұзушылықтарын жасаған жағдайда, олар бүліністері және алдағы айыппұл салынатыны туралы ескертілетін болады. Бұл мәселелермен қаланың ІІД ЖПҚ патрульдік бригадалары арнайы планшет пен сурет және бейне жазу жүйесіне байланысты мобильдік қосымшалар арқылы автокөліктің орналасқан орнын анықтап отыратын болады. Аталған қосымшалар ЖПҚ қызметкерлеріне ақпаратты жеткізу мақсатында құрылған болатын.

Астананың әкімшілік полициясының ұйғарымы бойынша айыппұл төлеу

​Ұйғарымды алған автокөлік иесі айыппұлды бірнеше жолмен төлей алады. Екінші деңгейдегі банктің қолма-қол есеп айырысу бөлімшесі немесе «Қазпошта» арқылы қолма-қол төлеу. Қолма-қол ақша арқылы айыппұл төлеу банктің төлемдер жүйесі мен ІІМ-нің «Бақылау» атты ААІЖ арқылы жүзеге асады. Нәтижесінде айыппұлды төледі деген хабарлама тікелей ҚР ІІМ қорына түседі. Айыппұлды төлеудің мұндай түрінде айыппұл түсетін бюджеттік сыныптама кодын (БСК) — 204106 дұрыс көрсету керек. БСК дұрыс емес көрсеткен жағдайда, айыппұл өтелмейді. Қазіргі таңда, бұл жүйеге екінші деңгейдегі 17 банк қосылған. Одан бөлек, айыппұлды Kaspi төлем қызметтерін көрсететін терминалдар мен «QIWI кошелек» терминалдар арқылы төлеуге болады.

​Қолма-қол ақшасыз төлем түрлері де, яғни egov.kz порталында тіркелу арқылы банктік картамен айыппұлды төлеу енді қолжетімді. Сонымен бірге екінші деңгейегі банктердің интернет-сайттары арқылы онлайн-төлем: мысалы, Qazqom төлем карталарының иелері homebank.kz сайты арқылы айыппұлды төлей алады.

​Еgov.kz сайтында айыппұлды төлеу үшін жүргізушінің жеке сәйкестендіру деректерін енгізу керек, атап айтқанда автокөліктердің мемлекеттік тіркеу нөмірлері және техникалық төлқұжат нөмірі. Ақпараттық терезеде айыппұл мен оның сомасы шығады, содан соң «Төлеу» деген жазуды басу керек. Одан кейін, айыппұл ІІМ дерекқорынан жойылатын болады. Дәл осындай жолмен банктердің интернет-сайттары арқылы айыппұлды төлеуге болады.

​Сонымен бірге, өте ыңғайлы әрі заманауи тәсіл бар – ол айыппұлды мобильді қосымша арқылы төлеу: ЖЖЕ бұзғаны үшін айыппұл төлеу қызметтері egov.kz, HandyPay, MyPay және telegram мобильді қосымша мүмкін.

​Айыппұлдың бар-жоқтығын тексеру үшін немесе telegram арқылы төлем жасау үшін іздеу жолағында @KazPostBot парақшасының атауын теріп, нұсқаулықты сақтау керек. Жоғарыда көрсетілген тәсілдер арқылы ЖЖЕ бұзғаны үшін айыппұлдар төленген болса, арнайы түбіртекті әкімшілік полиция бөлімшелерінде көрсетудің қажеттілігі туындамайды, себебі айыппұлдардың төленуі туралы ақпараттар автоматты түрде ІІМ-нің әкімшілік құқық бұзушылықтарды есепке алудың ақпараттық жүйесіне түседі.

​Автокөлік жүргізушілерінің назарына: айыппұлды тексеру және оған қатысты тексеріс — көліктің тіркеу нөмірі мен техникалық төлқұжат нөміріне сәйкес жүзеге асады. Осы орайды, барлық жүргізушілерге техникалық төлқұжат және төлқұжатта көрсетілген тұрғылықты мекен-жай деректерін жаңартуды ұсынамыз.

Астана қаласының әкімшілігі, ІІД ӘПБ барлық автокөлік иелері және Елорда тұрғындары мен қала қонақтарына жолда жүру ережелерін қатаң сақтауды және қала көшелеріндегі бұзушылықтарға жол бермеуді өтінеді.

​Астанадағы сурет және бейне жазу камераларының орналасу картасы

Картаның электрондық нұсқасы citycams.kz сайтында орналастырылған

Футболда нәтиже бапкерге, мықты футболшыларға байланысты деп ойласаңыз — қателесесіз. Өз алаңы, жанкүйерлер қолдауы деген де — бос сөз. Футболда жеңіске жету үшін ең алдымен гол соғылуы керек. Ал голды соғушы күш — ырым. Бүгін осы нәтижелі ырымдарға тоқталмақшымын.


— Маған бала боласың ба? Алып кетейін сені…
— Жоооооққққ!!!

ГОЛ ТАРТЫП КЕЛУ
Әдетте жүйкесі жұқа никотинсүйерлерге арналған ырым. Ойын алдындағы, үзілістегі темекі тарту бөлек, гол шақыратын темекі тарту бөлек. Гол кешіккен кезде жасалатын ырым. Әлемдегі голдардың 60-75 минуттарда соғылатындарының біразы осы ырым арқылы салынады және жеңімпаз команданың алғашқы голдары да. Темекі тартылғаннан кейін 1 минут аралығында гол соғылады немесе темекішінің қасиеті мықты болса, темекі тарту кезінде-ақ гол болып жатады. Көп гол соғылатын Германия, Голландия, Түркия сияқты елдерде темекі көп тартылатыны сондықтан.


— Салыңдар гол, ептібайымайттар. Алаңда болмасам да, командама көмектесейін...

ГОЛ ТӨГІП КЕЛУ
Темекі ырымы сияқты, тек дәретханаға барып келуінде ғана айырмашылығы. Кейде шынымен қажетсініп, кейде қатты қажет болмаса да барып келу арқылы бірнеше гол соғылып жатыр футбол әлемінде. Кей жанкүйер топтарында арнайы бір адам болады. Басты дәретке барып келуші сол болады. Ол барып келсе, гол міндетті түрде келеді. Көп адамға берілмеуі мүмкін мұндай қасиет. Дегенмен әр фанат істеп көруі міндетті ырым түрі. Дәретханасы трибуналардан алыс орналасқан Қазақстанның бірнеше стадионында бұл ырым жақсы өтеді. 2-таймның 46-47 минуттарындағы голдардың 1 пайызы қақпашы қателігінен соғылады, қалған 99 пайызы дәл осы ырымның арқасында.


— Есеп 0:0, әзірше...

МАТЧТЫ ҚАРАМАУ
Командаңның матчына бармау, ТВден қарамау, смартфон арқылы онлайн нәтижесіне үңілмеу — өте мықты ырым! Әлемнің түкпір-түкпірінде ғасырлардан бері келе жатқан, тексерілген ырым. Осылай чемпион болған командалардың бірі — астаналық Астана. Нақтырақ айтар болсам: Астананың Еурокубоктегі ойындарына 20 мыңдай адам келеді. Қазақстан чемпионатындағы ойындарына әр матчқа орташа есеппен 19750 адам келмейді. Осылайша олар 3 жылдан бері ел чемпионы. Түсінікті ғой? Командаң ұтсын десең кейде матч қарама.


— Астана футболшылары фанаттарының қолдауына риза...

«ОСЫЛАЙ БІТЕД ЕНДІ» ЫРЫМЫ
85-90 минуттар, әсіресе 90+ қосымша минуттардағы голдар дуалы ауыздардың «Болды енді, осылай бітед, гол болмайд» деген сөздерінің арқасында соғылған голдар. Бірақ кез келген адамға жүрмейтін ырым. Арнайы сондай адамдар болады, солардың аузынан шығуы керек. Бұл адамдар жалпы өмірде жылаңқы, пессимист, негативі көп адамдар. Дегенмен осындай пайдалары да болады. Астана — ХИК матчы кімдердің арқасында алынды деп ойлайсыңдар?


— Неше минут қосты, еу? Болды, бітті ғо...

ФУТБОЛШЫ ДЕМОТИВАЦИЯСЫ
Нақты бір футболшыға негатив энергия (қарғау сілеу, боқтау) жіберу арқылы демотивация арқылы мотивациялау. «Осыны несіне шығарған? Бұл ойнағандай мен де ойнай аламын. Ой, сала алмайд мынау» сияқты пессимист сөйлемдер арқылы нақты бір футболшыны нәтижеге итермелеу ырымы. Хижниченко, Кежман, Кержаков, Нани, Индзаги, Торрес, Тлешев — бұл ырымның жарқын өкілдері.


— Бүгін екі гол соғам, Бекболат аға!

Ал мына ырымдар негатив мәнді ырымдар. Яғни, бұларды жасамау рекоменделеді.

СӘТСІЗ АДАММЕН ҚАРАМАУ
Сәтсіз адам санатына онша футбол қарамайтын дос немесе әйел жынысы өкілдері кіреді. Мысалы: жүріп жүрген қыз, туған әйелің, көңілдес. Былайғы кезде ұтып жүрген командаң тап осылармен қараған кезіңде ұтылып қалады. Сондықтан ешкімді ренжітпей, көңілін түсірмей, футболды үйреншікті футболдастарыңмен қараған жөн. Алматыда футболға бару тренд болғалы Қайрат чемпион бола алмай жүр. Ал сұлу қыздары футболға жиі барғыш боп кеткен Ақтөбенің жағдайы өзіңізге мәлім.


— Біздікілер жеңіліп қалды ма, не? Есесіне Инстаграмға бірнеше фото түстік!

ТӨРЕШІ ЫСҚЫРЫҒЫНА ДЕЙІН ҮНДЕМЕУ
«Болды, ұттық!» деп әсте ерте айтуға болмайды. Ойын 90 минут + қосымша 4-5 минут екенін естен шығармайық. Сондықтан соңына дейін үндемей шыдаған дұрыс. Қазақстан құрамасының соңғы минут фиасколарына кімдер кінәлі екенін енді түсініп отырсыңдар ғой? Тіпті біздің комментаторлар да бұл әбестікті қойды.


— No comments...

Ой-Зерек" радиобағдарламасының 2017 жылғы 2 қыркүйектегі шығарылымында 2-айналым жалғасты. Қонаққа келген «4ФМ» командасы 6:5 есебімен жеңіске жетті.

Әзілкештердің айтуы бойынша, бойдақтардың көпшілігі сұлу, ақылды және қамқор әйелі болғанын армандайды. Сол тұжырымға сенсек, үйленген еркектердің көпшілігі не армандайды?

Аңызды тыңдаңыз. Бірде Бодхидхарма 9 жыл бойы үңгірде дуал қабырғаға қарап, медитация жасайды. Бір уақытта ол сергек отыра алмайтынан, ұйықтап бара жатқанын түсініп, өз қабағын кесіп алады. Кесіп алады да, лақтырып тастайды. Лақтырылған жерде не өсіп шығады?

Қазақ жұмбағын шешіңіз:
Жалғанда бір нәрсенің үш аузы бар,
Екі аузы тар, бір аузы адам жұтар.
Көз салып айналама қарап тұрсам,
Халайық адамзаттың бәрін де бар?

Осы аптада Останкинода гроссмейстер Юрий Авербах пен разрядшы Михаил Осиповтың арасында шахмат матчы өтті. Жеңіске Михаил Осипов жетті. Олардың, шахматшылардың бір көрсеткіш бойынша айырмашылығы 91-ге тең. Ол қандай көрсеткіш?

«Иллюзионист» мультфильмінде аспаз әйел бас кейіпкерге майлы, нәрлі көже ұсынады. Кенеулі түскі ас дәмесінен туған шаттық сезімін фокусшының ОНЫ таба алмауы ғана қапа қылып, тұмшалап тұр еді. НЕНі таба алмайды ол?

Кеңес кезеңінде Қазақстанда мұндай маңызды оқиға 1926 жылы, 1937 жылы және 1978 жылы орын алды. Ал тәуелсіз алғаш Қазақстан мұны 1993 жылы жасады. Қандай оқиға?

Бір қатыгез шах Бұқарада жұбайын жазалауға бекінеді. Өлім күткен жазалау орнына әйел әсем көйлектері мен белдемшелерін киіп келеді және ерінің үкімін өзі орындайды, әйтсе де тірі қалады. Бұл тапқыр әйел өз киімін не есебінде пайдаланады?

Кәдірбек Сегізбайұлының 1976 жылғы әңгімесінен әр жерінен үзінді келтірейін.
«Ол бүгін ала-таңмен таласа тұрып… бұрын сатып алып қойған киімдерін де өзі тауып алды.… Екі-үш айтқызбай жуа қоймайтын беті-қолын да сабындап әбден тазалады… Оның таңертеңгі асын да жөндеп іше алмай алабұртып отырғанын Нұрбек жақсы аңғарған. Ақыры Әмір жылдай созылып кеткен соңғы сағаттың шабандығына зығырданы қайнағандай аулаға шығып кетті. Сол кезде ақ күшігі күндегі әдеті бойынша өзен жағалап, балық аулаймыз ба, немесе асыр салып, доп қуамыз ба дегендей аяғына орала берді. «Жоқ, Саққұлақ, енді екеуміздің бірге ойнауымыз ұяттау болады...»
Әңгіменің атауын екі сөзбен атаңыз.

Бірнеше жыл бұрын желіде белгіді компаниялардың дағдарыстық логотиптерінің жинағы пайда болды. Кризиске байланысты, мысалы, «Apple» компаниясының логосы екі жағынан тістелген алма түрінде бейнеленді. Логотипі жазудың соңына қарай бұлдырайтын (грекше атаулы) компанияны атаңыз.

Борис Акуниннің театр туралы романы бар. Сол кітаптың иллюстрациясында Акуниннің өзі өзге әртістермен бірге бейнеленген. Кімнің кейпінде?

Ибн Аббастың жеткізуі бойынша, «Алла елшісі аяғымен қойдың тұмсығын басып, БІРДЕҢЕ ІСТЕП ТҰРҒАН адамның жанынан өтіп бара жатады. Ал қой әлгі адамға қарап жатады. Пайғамбарол адамнан: «Жануарды жерге жатқызардан бұрын жасамадың ба мұныңды? Сен оны екі мәрте өлтіргің келе ме?!» дейді. Адам не істеп тұрған?

Тікелей эфир видеолары фейсбукте және инстаграмда шыққан болатын.
Ойын аудиосын мына сілтемеден ресми сайттан тыңдай аласыздар.

Онлайн-дауыс беру әр аталым бойынша ең көп балл жинаған көшбасшылар үштігін анықтайды.

Жеңімпаздарды іріктеуде 1 кезеңнің нәтижелері бойынша 3 аталым — «Өндірістің үздік жас маманы», «Жұмыс істейтін жас­тардың үздік тәлімгері», «Үздік еңбек әулеті» бойынша көшбасшылар анықталды. Айта кетейік, 1 кезеңнің аяқталуы бойынша 8 146 дауыс келіп түскен. 2 кезең 2017 жылдың 6 қыркүйегіне дейін өтеді. Өңірлік комиссиямен «Еңбек жолы» байқауы бойынша жеңімпаздарды іріктеудің талаптарына сәйкес әр аталым бойынша көшбасшының үштігінен жеңімпаздар анықталады. Ол онлайн-дауыс беру арқылы анықталады. Нәтижелер комиссия отырысынан кейін белгілі болады.

Жеңімпаздарды марапаттаудың салтанатты рәсімі қалалық еңбек форумы аясында өтеді, ол қыркүйектің екінші онкүндігінде өтпек.

«Еңбек жолы» қалалық байқау жеңімпаздарының материалдары әрі қарай республикалық деңгейде қатысу үшін ҚР Еңбек және халықты әлеуметтік қорғау министрлігіне жіберіледі.

Бүгінде ЭКСПО көрмесін өткізу арқасында Астанаға 4,5 млн адам саяxаттап келген. Бұл өткен жылдың сол кезеңімен салыстырғанда 2,9 млн адамға көп.

Астана қаласы әкімінің орынбасары Малика Бектұрованың мәліметі бойынша туризм саласын дамыту үшін елорда әкімдігі 2020 жылға дейін туристердің санын жылына 2 млн-ға дейін жеткізбек ниетте.

— Туризм саласын дамыту үшін біз Horwath компаниясымен жұмыс істейміз. Туризм бойынша әзірленген жаңа бағдарламада жылына 2 млн-ға дейін турист тартуды көздер отырмыз, олардың 1 млн-нан астамы шетелдік болмақ. Өткен жылы туристердің жалпы саны 831 мың адамға жетті. Олардың 273 мыңы-шетелдіктер,- деді Малика Бектұрова. Бүгінде әкімдік Мәдениет министрлігімен бірлесе отырып, ЭКСПО аясында өткізілген шараларды тексерді, қазіргі уақытта соған орай жылына xалықаралық деңгейдегі 40 шараны қамтитын тізім анықталуда.

— Онымен бірге біз мәдени және спорттық нысандар базасында туристерді тарту орталығын дамытуда жұмыс істеудеміз, сондай-ақ мұражайларды және ойын-сауық орталықтарды дамытудамыз. Біз 6 мәдени спорттық нысанды іріктеп алдық: Барыс-Арена, Астана-арена, «Алау» мұз айдыны, Бейбітшілік және келісім сарайы, «Жастар» сарайы, Астаналық цирк, осы нысаналарды сенім басқармасына беру арқылы бюждет қаражатының үнемделуі жылына 11,9 млн АҚШ долларын құрайды,- деді Астаны қаласы әкімінің орынбасары Малика Бектұрова.