Әкімдіктің «Астана Жастары» ресурстық орталығы басқаратын аула клубтары көпшіліктің арасында танымалдыққа ие. Қазірдің өзінде аула клубтарының әртүрлі үйірмелеріне қатысатын адамдардың жалпы саны 2000-нан асады.
— Біздің мақсатымыз – аула клубтарының танымалдылығын арттыра отырып, жастарды шығармашылыққа баулу, ұлттық мәдениет пен дәстүрді жаңғырту. Бүгінде жастар үйреншікті спорт және өнер үйірмелерімен қатар, телевизия және тіл мәдениетіне қызығушылықтарды басым. Осыны ескеріп білікті мамандардың көмегіне жүгініп, тегін курстарды өткізіп жүрміз, — дейді «Астана Жастары» орталығы ұйымдастыру бөлімінің бастығы Шыңғыс Тілеулин.
— Салтанатты шарада аула клубтарының тәрбиеленушілері мерекелік концерт ұйымдастырып, жиналған жұртқа өз өнерлерін көрсетті.

Елбасы Н. Ә. Назарбаевтың «Егемен Қазақстан» газетінде жарияланған «Болашаққа бағдар: Рухани жаңғыру» мақаласы қазақ қоғамының жаңа дәуірде ұлт ретінде қайта түлеу мәселесін белгілі мақсаттар мен нақты бағыттарды алға қою арқылы тиянақты түрде талқылайды. Рухани жаңғыру және ұлттық сананың дамуы жайында прагматикалық ұсыныстарға толы мақаланың «Таяу жылдардағы міндеттер» атты бөлімінде қазақ тілінің латын әліпбиіне көшу қажеттілігі айрықша мәнді. Жаһандану үрдісінде қазақ ұлтының бәсекеге қабілеттілігін, онымен қоса мәдени және ғылыми дамуды арттыру потенциалына ие болған бұл үлкен өзгеріс елбасы Н. Ә. Назарбаевтың 2012 жылғы «Қазақстан-2050» стратегиясында белгіленгеннен бері үкімет басшылары мен заңгерлердің тұрақты талқылау тақырыбына айналды. Дегенмен, әлемнің шұғыл даму қарқынында қазақ тілінің латын әліпбиіне көшуінің нақты бағдарламасын дамытуерекше маңызға ие болды.
Біріншіден, Қазақстанда үлкен қолдауға ие болған үштілділік бағыты латын әліпбиіне көшу арқылы асқан қарқындылықпен дамуға бейім. Қазірден елбасының нұсқауы бойынша ресми құжаттарды біртіндеп ағылшыншаға өзгерту міндетінің өзі -латын әліпбиінің әлемдік деңгейіндегі кең қолданысының және маңызының дәлелі. Екіншіден, тәуелсіздік жылдарының алғашқы күндерінен бастау алған Түркі мемлекеттерімен серіктестік алаңында Қазақстанда латын әліпбиінің қолданысы ғылыми және мәдени қатынастардың өрістеуіне септігі мол. Латын әліпбиін білікті пайдаланып келген Түркия, Әзірбайжан, Өзбекстан, Түрікменстан сияқты мемлекеттер мен Қазақстан арасындағы құндылықтардың өзара бөлісу үрдісінде ортақ әліпби қолданысың қосар үлесі күмәнсіз. Бұл әліпби өзгерісі осылайша елбасының ынталандырған Түркі әлемінің бірлесуіне де ықпалын тигізеді. Үшіншіден, латын әліпбиіне көшу арқылы қазақ ғылым мен білім саласындағы мәдени мұралар және де осы бағыттағы қоғамның жаңа жетістіктерін әлемге паш ету мүмкіндігіне ие боламыз. Мысалы, қазақ әдебиетінің асыл үлгілері, Абай Құнанбаев, Сәкен Сейфуллин, Мұхтар Әуезов сияқты тұлғалардың еңбегін әлем оқырмандарының назарына ұсыну – біздің парызымыз. Бұл жолда біздің алғашқы қадамымыз осы еңбектерді латын әліпбиіне аудару болып табылады. Осыарқылы әлемдік ғылым мен білім дамуына өзіміздің үлесімізді қоса отырып, айрықша қазақ стиліне сай латын жазуын жетістіру арқылы ұлтымыздың заман талабына сай рухани дамуына жол аша аламыз.
Ресми және күнделікті тұрғыдан, Қазақстанның латын әліпбиіне көшу үрдісінде асқан қиыншылықтарға тап болуы да екіталай. Себебі, қазақ тарихында латын әліпбиінің ХХ ғасырда қолданыста болуы да — ұлттың тәжірибесі мен бейімделу қасиетінің куәгері. Жалпы алғанда, қазақ қоғамының ұлт ретінде сақталу жолында өзгерістерге ашық және жаңашыл болуы талап. Әлемдік өркениеттен қалыспай, ұлт ретінде өз ізімізді қалдыру үшін латын әліпбиіне көшу сияқты батыл және нақты қадамдар ату қажет, себебі өскелең ұрпақ біздің буынның орнатқан тіректері негізінде еліміздің болашағын айқындайды. Сондықтан да елбасымыз Н. Ә. Назарбаевтың алға қойған латын әліпбиіне көшу міндеті менің депутат, ғалым, азамат ретінде толық қолдауыма ие.

Зулфухар Гаипов
Саяси ғылымдар докторы,
Астана қаласы көлік және коммуникация колледжінің директоры,
Астана қалалық маслихатының депутаты

Елордада әлеуметтік кәсіпкер Эмин Әскеров әлеуметтік шеберханасында менталды ауытқуы бар азаматтарды кәсіпке баулып отыр. Бүгіндеаталған санатқа жататын үш азамат оқытылып, тұрақты жұмысқа қабылданды, деп хабарлайды Астана әкімдігінің медиа орталығы.

«Психо-неврологиялық диспансердің емдеу-өндірістік шеберханасында орналасқан ағыш-темір ұстаханасында жүйке ауруына шалдыққан азаматтар үш айлық оқу курсынан өтіп жатыр. Сегіз айдың ішінде үш науқасты оқытып, үшеуі де тұрақты жұмысқа қабылданды. Жақын арада тағы екеуін аламыз деп отырмыз. Күн сайын ағаштан түрлі бұйымдар жасау арқылы науқастарды оқытамыз. Кеңселік жиһаздан бастап тұрмыстық қажетті заттар мен үй жабдықтарын жасаймыз»,- деді медиа орталықтың тілшісіне берген сұхбатында «GreenTAL» әлеуметтік шеберханасының жетекшісі Эмин Әскеров.

Оның айтуынша менталды ауытқуы бар азаматтардың оқытылып, жұмысқа қабылдануы бұрын соңды Астанада болмаған. Өкінішке қарай жұмыс берушілер тарапынан ондай азаматтарға сұраныс жоқтың қасы.

«Менің білуімше елордада бес мыңға жуық жүйке дертіне шалдыққан азамат бар. Психо-неврологиялық диспансердің емдеу-өндірістік шеберханасында 113 азамат тіркеуде тұр. Олардың ешқайсысы ресми жұмысқа тұрмаған. Сондықтан мәселе бар, ал оны шешу қажет. Біз, әлеуметтік кәсіпкерлер бұл мәселені шешу жолын қарастырып жатырмыз», — дейді Э.Әскеров.

Әлеуметтік кәсіпкерліктің ерекшелігі әлеуметтік әлжуаз топпен жұмыс істегендіктен, бұл салада қиындықта аз емес.

«Ең біріншіден бұл азаматтарға ерекше тәсіл керек. Оның үстіне оқу меңгерімі де баяу әрі төмен. Тіпті, кейде кеше өткен оқуды күн сайын қайталауға тура келетін кездер болады. Ең қиыны бұл азаматтарды оқытатын шеберлер аз. Себебі, кез келген адам науқастармен жұмыс істеуге келісе бермейді. Қуантатыны жұмыстың нәтижесі көзге көрініп тұр. Жұмыс барысында әлеуметтендіру және бейімдеу процессі жүреді. Жігіттер бір-бірімен тіл табысып, ашыла түсіп, өзгере бастайды. Дос тауып, ең бастысы маңдай терімен ақша табады»,- деп түйіндеді сөзін әлеуметтік кәсіпкер.

Кәсіпкердің шеберханасында ағаштан түрлі жиһаздар мен балабақшаға қажетті бұйымдарды жасауды жолға қойды. Болашақта Монтессори оқу құралдарын жасауды көздеп отыр. Себебі, Мария Монтессори әдісімен оқыту құралдарын елімізде жасайтын бірде-бір шеберхана жоқ.

«Ашық сахна» жобасы – өнерді пір тұтатын жеткіншектер мен жастарға арналған мәдени шара. Өткен аптада астаналық саябақта шымылдығы түрілген жоба қаладағы барлық паркте ұйымдастырылуда. Оған қатысамын деген жасқа ешқандай шектеу жоқ. Ашық сахнаға шығып, жұртшылыққа өнеріңізді көрсете бересіз.
— Біздің мақсатымыз – өнерлі жастарды қолдау. Сол үшін осы жобасын қолға алып, талантты жастарды көпшілікке таныстырғымыз келдң. Аталған шара жұртшылықтың көңілінен шығуда. Ойткені саябаққа тұрғындар мен қала қонақтары көп келеді. Олар демалып қана қоймай, жастардың өнерін тамашалап, көңілдері сергіп қайтады, — дейді «Астана Жастары» мемлекеттік мекемесінің басшысы Болысбек Мұхамеджан.
Шара барысында жобаға қатысушы бір топ жастар өнер көрсетті. Олардың арасында «Самұрық» би мектебінің бишілері мың бұралып, би белесе, Рауан Тұрсынов «Қазақта ел қайда» әнімен көрермендердің ықыласына бөленді. Назерке Қуанышбаева «Достар» әнін тамылжытып шырқады. Сонымен қатар, аула клубтарының дарынды өнерпаздар да тәп-тәуір өнерлерімен жиналғандарды тәнті етті.
Кеш соңында ашық сахнада өнер көрсеткендердің бәрі сыйлықтармен марапатталды.

Қазақстан Республикасының Латын әліпбиіне өтуі Елбасы Нұрсұлтан Әбішұлы Назарбаев ұсынған реформалық бағдарламаның маңызды бөлігі. Латын әліпбиіне өткен басқа мемлекеттердің тәжірибесіне жүгінсек, бұл реформаның көптеген жағымды жақтарын көруге болады.
Ең бастысы, Латын әліпбиі түркі мемлекеттеріне өте қолайлы. Әсіресе фонетикалық транскрипция тұрғысынан алғанда, оны меңгеру түркі тілдес халықтарға жеңілге соғады. Бұл реформаны қадамдап енгізу арқылы латын әліпбиін тек өскелең жас ұрпақ қана емес, кемел жастағы азаматтар да жетік меңгере алады.
Сонымен қатар, латын әліпбиіне көшу әлемдік интеграцияға қол жеткізуге мүмкіндік береді. Қазақстанның Еуропа мемлекеттерімен жақындасуына және осы мемлекеттердің озық жетістіктеріне қол жеткізуге көмектеседі. Бұл Қазақстанның әлемдегі позициясын одан әрі нығайтып, беделін көтереді.
Қазақстан Латын әліпбиіне көшкен Әзірбайжан, Өзбекстан, Түркменстан және Түркия елдерімен кең мәдени қарым-қатынасына жол ашады. Бұл реформа Түрік әлемінің ынтымақтастығына әкелуге септігін тигізеді.

ҚазГЗУ гуманитарлық заң колледжінің директоры Р.Е. Пернебаева

Бір еңбекші қарапайым қыздың абайсызда шығарған іш желін естіп қалған оспадар жігіт:

Жылға ма екен, сай ма екен жатқаныңыз,
Үйрек пе екен қаз ба екен атқаныңыз?
Алдында дүйім жұрттың тарқ еткізіп
Болды ма мұндай ғұрып қатқаныңыз? — деген екен.

Сонда қыз:

Сай екен жылға екен жатқанымыз!
Қаз екен, үйрек екен атқанымыз!
Үйрек болса беліңе байлана ғой!
Мылтығымның ауызынан айнала ғой!

Далбаеб ауызыңассиейін! — деген екен.

Мат болған жігіт сөзге тоқтап, ат-шапан айыбын төлеп, ертеңінде харакири жасап Айд патшалығына аттанып кете барыпты дейді

Манас көшесінде Абылай хан даңғылынан Құдайбердіұлы көшесіне дейін учаскеде көлік қозғалысы тоқтатылуына байланысты 13 қыркүйек сағат 22:00-ден бастап 14 қыркүйек сағат 08:00-ге дейін №№ 23, 48, 80, 106, 201, 304, 313, 315 бағдарлардың қозғалысы Манас көшесінен Қ. Рысқұлбеков көшесіне уақытша көшіріледі.

Сондай-ақ Астана – Малотимофеевка тас жолындағы Жабаев көшесінен Екібастұз көшесіне дейінгі учаскеде қоғамдық көлік қатынайтын жол болмағандықтан № 15 бағдардың қозғалыс сызбасы Жабаев көшесіне көшіріледі.

Елордадағы «Нұрлы жол» теміржол вокзал кешені «ЭКСПО-2017» халықаралық көрмесіне орай ашылған болатын. 9 қыркүйек күні кешке сағат 20:17 кезінде вокзал ұжымы көрмемен қоштасу салтанатын өткізді, деп хабарлайды Астана әкімдігінің медиа орталығы.

«ЭКСПО көрмесі еліміз үшін өте маңызды шараның бірі болды. Әсіресе «Нұрлы жол» теміржол вокзалы оның өтуіне тікелей атсалысты. Осыған орай теміржол вокзалының ұжымы халықаралық көрмемен қоштасу салтанатын өткізді. Ашылған күннен бастап біздің вокзал 2 млн-ға жуық жолаушыға қызмет көрсетті. Осындай кең ауқымдағы көрмені көп адамның қолдағанына қуаныштымыз», — деді «Нұрлы жол» теміржол вокзалы кешені директорының орынбасары Нұрлан Аманжолов медиа орталықтың тілшісне берген сұхбатында.

Вокзалдың 40-қа жуық қызметкері ғимараттың орталық алаңына жиналып шеру өткізді. Аталған шараға арнайы ән жаздырған. Салтанатты шараның тура сағат 20:17 кезінде басталуы да тегін емес.

«Шардан жасалған ЭКСПО-2017 көрмесінің белгісін ұстаған қызметкерлер вокзал ішін аралап, перронға түсті. Осылайша біз өзімізше көрмемен қоштастық», — деді Н.Аманжолов.

Айта кетейік, «Нұрлы жол» теміржол вокзалы көрмеге дайындық барысында арнайы ашылған болатын. Ол жылына 12 млн жолаушыға қызмет көрсете алады. Күніне 35 мың жолаушыны қабылдап-шығарып салатын мүмкіндігі бар.

«Көрмеден кейін вокзал штаттық режимде жұмыс істеп, әрі қарай дами түседі. Қызметкерлеріміздің 70 пайызға жуығы үш тілді жетік меңгерген жастар. Олар біліктілігін көтеріп, қызмет көрсету сапасын арттыратын болады», — деді ол.

Астанадағы мектеп асханаларын бракеражды комиссия құрамындағы ата-аналар қадағалай алады, деп хабарлайды елорда әкімдігінің медиа орталығы.

«Астана қаласының білім беру ұйымдарында бракеражды комиссиялар жұмыс істейді. Бракеражды комиссия құрамына мектеп директоры, әлеуметтік педагог, мейірбикелер мен онға жуық ата-аналар комитетінің мүшелері кіреді. Олар апта сайын мектеп асханасының санитарлық талапқа сай болуы мен тамақтың салмағының нормаға сәйкестігін тексеріп отырады», — деді медиа орталықтың тілшісіне берген сұхбатында білім басқармасының бас маманы Әсем Үсенова.

Оның айтуынша, мектеп оқушылары елордалық қоғамдық денсаулық сақтау департаментімен 4 аптаға бекітілген мәзір бойынша тамақтанады. Аталған мәзірді бекіткен кезде Қоғамдық тамақтану институтының ұсыныстары ескеріледі.

«Мектеп оқушыларының мәзірі жылдың басында қаңтар айында бекітіледі. Тамақ төрт аптаға бекітілген мәзір бойынша дайындалады. Жергілікті бюджет есебінен балаларды тегін тамақпен қамтамасыз ету мақсатында 3,5 млрд.жуық қаржы бөлінді. Бұл қаржы жыл соңына дейін мектеп оқушыларын тегін тамақтандыруға жеткілікті», — деді бас маман.

Айта кетейік, жаңа оқу жылында Астанада 73 мыңға жуық мектеп оқушысы тегін ыстық тамақпен қамтамасыз етіледі. Қаладағы барлық мектеп асханаларға ағымдағы жөндеу жұмыстары жүргізілді.

Өткен екі жылыту маусымында қала билігі өтініш бергее 1262 адамға көмек көрсетілді, атап айтқанда 21,33 млн теңгеге көмір сатып алынды, деп xабарлады елордалық әкімдіктің медиа орталығы.

Зейнеткерлерге, әлеуметтік әлжуаз санатындағы отбасыларға көмір сатып алуға көмектеседі. Биыл құжаттар 15 қазаннан бастап қабылдана бастайды. Әлеуметтік көмек жеке секторда тұратын жас бойынша зейнеткерлерге, мүгедектерге, мүгедектігі бар балаларға көрсетіледі. Көмек жоғарыда көрсетілген санаттағы кірісі 73 мыңнан аспайтын адамдарға беріледі.

«Мәселен, айына 200 мың табатын отбасы мүшесі үйіндегі жұмыс істемейтін отбасы мүшелеріне бөледі, сол кезде қаражат 73 мыңнан аспаса, көмек алуға өтініш жаза алады. Әрине бұл жоғары көрсетілген санаттағы адамдар үшін,- деді Астана қаласының Жұмыспен қамту, еңбек және әлеуметтік қорғау басқармасы мемлекеттік қызмет бөлімінің басшысы Бибінұр Ахмадиева.

Аталмыш басқармадан xабарланғандай, жылыту маусымына өтемақы 8 АЕК мөлшерінде іске асырылады. Жылыту маусымы — қазан-сәуір айлары. Егерде бір үйде көмек ала алатын бірнеше адам тұрса, өтемақыны тек біреуі ғана ала алады.

»Әлеуметтік көмекті алу үшін өтініш берушіге Астана қаласының Жұмыспен қамту, еңбек және әлеуметтік қорғау басқармасына келу керек. Құжаттар ағымдағы жылдың 15 қазанынан бастап Достық 13 көшесі мекенжайы бойынша қабылданады. Келесі құжаттар қажет: жеке куәлік, отбасы құрамы туралы мәліметтер, кіріс туралы мәліметтер, зейнеткерлік куәліктің көшірмесі-зейнеткерлер үшін, мүгедектік туралы анықтама-мүгедектер үшін, жылжымайтын мүліктің бар екендігі немесе жоқтығы туралы анықтама. Құжаттардың түпнұсқасы керек, көшірмесі де болу керек, — деді Бибінұр Ахмадиева.

Сол жерде қажетті өтініштер толтырылады.