О, Муза! :*

Жүректің бір тал қылын дір еткізетін әдемі симфонияны ұнатпайтын жан кемде кем шығар. Бәлки, оның да бір айтары, жеткізері бар. Гармония режиміне түскен сәттен басталып соңы керемет релакспен аяқталатын сүйкімді музыканың құдіреті қандай деші...:0

8-)Бала кезімізде телевізордан орыс кинолар шығып жататыны есімде. Соның ішінде есімде жақсы сақталғаны Виктор Цойдың фильмі. «Игла». Дәл сол кезде ешнәрсе түсіне алмасам да, кейін келе Цой десе сол кино есіме орала кететінді шығарды.
Оны неге айтып отырмын? Рокты тыңдап бастауыма да осы себеп болған болар деп айтқым келді.

«Рок-музыка — это протест, протест внутри вас. Кричите об этом, пусть люди знают».Осы қай чувактың айтқаны екенін білмеймін, бірақ жаман айтқан неғыса да...

Өзіңмен-өзің қалғанда рок тыңдау- это нечто. Ішіңде ақтар мен қызылдардың соғысы болып жатқандай күй кешіп, бір сәтте бәрінің астаң-кестеңі шығып, күлі көкке ұшқандай боласың. Өміріңде бәрі күйреп бітіп, түгі қалмаған кезде кенеттен шаң-тозаң басылып, айналаңа көзіңді сығырайтып ашқаныңда ештеңе жоқ. Тек сен және әлем. Жаңа парақ, жаңадан басталған өмір, черновикке жазылған ғұмырыңды түзетіп, керек емесін өшіріп тастап, енді чистовикке өзің қалағандай, еш кедергісіз бастап жаза бастағандай болады да тұрады. Құдай-ау, осынша қиялға берілетіндей 4 минуттық музыканың күшінайтсааааңшы… Құдды бір 4 минут емес, 4 ғасырға созылғандай… Музыка- сен ғарышсың!

Мен тек бір ғана жанрдан алатын әсерімді жаздым. Джаз, классика секілді толып жатқан бағыттарды тыңдасам бұндай әсер ала алам ба, жоқ па? Оны мен білмеймін. Әгәрәки тыңдай қалсам, болаттай балқып, шашылып, барлық запчасьтарымды жинай алмай қалатын секілдімін ғой ))))) Енді әсершіл адам болған соң бәрі мүмкін ғой. *lol**lol**lol*

РОК десе Цой ойға келетіні белгілі. КОСМОС. «Кино» тобымен бірге түсірілген жазбаларды қарап отырып, бііір ерекше сезімді бастан өткересің. Жол апаты деп таратылған әңгіменің қаншалықты рас екенін білмеймін, бірақ, әдейі өлтірілген деген сыбыстарды көөөп естігенмін. Бір жағынан, аяқтан шалушылар о гездерде де көп болған дегенді алып қарасақ шындыққа көбірек келетін вариант секілді.

Не де болса мен оны РОК-тың негізін қалағандардың бірегейі ретінде құрметтеймін. *Angel*

Ол — музыка. Ол- ғарыш. Ол- рок.

Ал сіз қай жанрды тыңдайсыз?

«Астана Операның» кезекті театр маусымы өте қызықты болып, аяқталуы ауқымды іс-шаралармен аталып өтілді. Маркетингтік зерттеу деректері бойынша, «Астана Опера» театрының IV маусымы ішінде 296 іс-шара өткізілген. Осы кезеңде театрға 120 099 көрермен келген.

Маусымды сөзсіз, тарихи деуге болады. Себебі ол Пласидо Домингоның әлемге танымал «Опералия» вокалистер байқауының өткізілуімен, Дж. Вердидің «Травиата» операсында біртуар мэтр Пласидо Домингоның өнер көрсетуімен, сонымен бірге аты аңызға айналған миландық Ла Скала театрының гастрольдерімен, 1200 музыкант қатысқан Г. Малердің №8 симфониясының ғаламат премьерасымен және ашық аспан астындағы бірқатар қойылымдармен есте қалды. Осының бәрі – ҚР Президенті Н.Ә. Назарбаевпен бекітілген Мәдени саясат тұжырымдамасын ауқымды түрде жүзеге асырып келе жатқан ҚР Мәдениет және спорт министрлігінің қолдауымен еліміздегі ірі театрдың шығармашылық ұжымының орасан зор күш-жігерінің нәтижесі.

Қандай қойылымдар қойылды?

Осы маусымда «Астана Опера» театры үш премьера ұсынды: Алтынай Асылмұратованың қойылымындағы Л. Минкустың «Дон Кихот» балеті, Е. Брусиловскийдің «Қыз Жібек» операсы (қоюшы-режиссері Михаил Панджавидзе, Беларусь) және Жюль Массненің музыкасына Кеннет Макмилланның «Манон» балеті (қоюшы-балетмейстерлері – Карл Барнетт пен Патрисия Руанн, Ұлыбритания). Соңғы спектакльді сөзсіз сәттілік деуге болады, себебі хореографиялық өнердің осы бір жауһары әр театр сахнасында қойыла бермейді. «Манон» балетін қою құқығына тек қоюшылардың жоғары хореографиялық талаптарына сәйкес келетін труппалар ғана ие бола алады. «Астана Опера» К. Макмилланның жұбайы – Дебора Макмилланның, Карл Барнетт пен Патрисия Руанның үмітін ақтап, күткеннен асып түсті. Осылайша, астаналық театрдың репертуары опера және балет классикасының теңдессіз жауһарымен толықты.

Гастрольдер

«Астана Опера» балет труппасы гастрольдік маусымды Қытайдағы Гала-балет бағдарламасымен ашты. Әртістер Синьцзян өнер театрының сахнасында 2016 жылдың 25 және 26 қыркүйегі өнер көрсетті. Труппа классикалық балет мұрасының нөмірлерін орындады. 2017 жылдың 1 және 2 ақпаны әртістер Санкт-Петербургтегі Мариин театрының жаңа сахнасында «Париж Құдай Анасының соборы» хореографиялық жауһарын ұсынды. Бес мың петерборлық көрермен осынау керемет спектакльді тамашалауға келді. Шаттанған көпшілік «Астана Опера» балет труппасы әртістерінің өнер көрсетулеріне толассыз қол соғып, ыстық ықыласқа бөледі, труппа петерборлық балет сүйер қауымның марапатына ие болды.

Опера труппасы гастрольдік бағдарламамен Қарағанды облысының екі қаласында болды. 2017 жылдың 20 және 21 сәуірі операның жетекші солистері мен театрдың керемет хоры С. Сейфуллин атындағы Қарағанды облыстық қазақ драма театрында, ал 22 сәуір күні – Теміртаудағы Металлургтер сарайында өнер көрсетті.

Опера труппасының солистері – Медет Шотабаев, Дина Хамзина, Сүндет Байғожин және тағы басқалары «Астана Опера» театрын шетелде танытып, Graz Opera (Австрия), Theatro Municipal (Бразилия), Ресей Үлкен театры, Ә. Науаи атындағы Мемлекеттік академиялық театр (Өзбекстан) және басқа да алдыңғы қатарлы әлемдік опера сахналарында өнерлерін паш етті.

«Астана Опера» театры өз сахнасында ресейлік қонақтарды қарсы алды: 2016 жылдың 14-15 қазанында Санкт-Петербургтегі Борис Эйфманның әйгілі академиялық балет театрының гастрольдері өтті. Тұңғыш рет «Астана Опера» Үлкен залының сахнасында труппа А.С. Пушкиннің өлең түріндегі романы бойынша П.И. Чайковский мен А. Ситковецкийдің музыкасына («Автограф» рок-тобы) «Евгений Онегин» балетін ұсынды.

2016 жылдың 1 желтоқсанында Новосібір театры жаңа бірегей опералық квест үлгісінде Дж. Пуччинидің «Турандот» туындысын көрерменге ала келді.

Жеңістер

Қазақстанда ерлер би мектебі өте мықты деп бекер айтылмаған. Оған «Астана Опера» балет солистерінің халықаралық байқауларда қол жеткізген жеңістері айқын дәлел болмақ. IV маусым басында «Астана Опера» театрының солистері ІІІ Халықаралық балет әртістері байқауында (Астана, Қазақстан) жеңіске жетті. Бас жүлде балеттің жетекші солисі Бақтияр Адамжанға бұйырып, мәртебелі бірінші орынды балет солисі Серік Нақыспеков иеленді. Екінші орын балеттің жетекші солисі Еркін Рахметоллаевқа берілді, сонымен қатар ол классикалық мұраның үздік интерпретациясы үшін Петипа мұрасының қоры мен «PETIPA PRIX» Братислава Ұлттық театрының арнайы сыйының иегері атанды. 10 маусым күні Бақтияр Адамжан мен Серік Нақыспеков Валентина Козлованың Халықаралық балет әртістері байқауында, VKIBC (Нью-Йорк, АҚШ) қос жеңіске қол жеткізді. «Астана Опера» балетінің жетекші солисі Бақтияр Адамжан бұл байқаудың тарихында тұңғыш рет «Классикалық би» аталымында Бас жүлде иеленді. «Астана Опера» балетінің солисі Серік Нақыспеков мәртебелі үшінші орын (қол медаль) алды. «Астана Операның» жетекші солисі Бақтияр Адамжан әлемдегі ең беделді додалардың бірі – Мәскеудегі XIII Халықаралық балет әртістері мен хореографтарының байқауында (Ресей) Бірінші сыйлықты иеленіп, жеке дара жеңіске қол жеткізді. Сондай-ақ «Астана Опера» балетінің солисі Серік Нақыспеков те осы байқаудың дипломанты атанды.

Марапаттары

Әртістердің еңбегін бағалайды әрі құрметтейді! 2016-2017 жж. театр маусымында «Астана Опера» әртістеріне марапаттар мен сыйлықтар табыс етілді. «Астана Опера» балет труппасының көркемдік жетекшісі, Қазақ ұлттық хореография академиясының ректоры Алтынай Асылмұратова «Парасат» орденімен марапатталды. Балет труппасының жетекші солисі Әйгерім Бекетаеваға Қазақстанның еңбек сіңірген қайраткері атағы берілді. Театр ұстаздары Сауия Айталиева мен Ғалия Бегалина ҚР Президенті Н. Назарбаевтың атынан Құрмет грамотасын алды.

Опера труппасының жетекші солисі Жаннат Бақтай «Парасат» орденімен марапатталды. Опера труппасының жетекші солисі Жұпар Ғабдуллина Қазақстанның еңбек сіңірген қайраткері атағын алса, опера труппасының солисі Евгений Чайников «Ерен еңбегі үшін» медалін иеленді.

Маусымныңжабылуы алдында ҚР Мәдениет және спорт министрлігінің қолдауымен «ЭКСПО-2017» бағдарламасы аясында «Астана Операда» әлемдік деңгейде маңызы бар оқиғалар орын алды. Халықаралық көрме өз жұмысын аяқтаса да, соңынан қаншама жылы лебіздер мен қуанышқа толы әсерлер қалдыруда. Астаналық театрдың ұжымы ашық аспан астында бірегей қойылымдар ұсынды, атап айтқанда: Дж. Вердидің «Аида» операсы, Е. Брусиловскийдің «Қыз Жібек» операсы, Л. Минкустың «Дон Кихот» балеті. Астана тұрғындары мен қонақтарын Г. Малердің №8 симфониясының (қоюшы-дирижері – атақты маэстро Алан Бөрібаев) тұсаукесері керемет әсерге бөледі. Сонымен қатар қазақстандықтар тұңғыш рет Пласидо Домингоның әлемдегі ең беделді «Опералия» Халықаралық жас вокалистер байқауының куәсі болды. Маэстро опера өнерін сүйетін қауымды қуантып, Дж. Вердидің «Травиата» спектаклінде Жорж Жермон партиясын орындады…

Дж. Вердидің «Фальстаф» және Л. ван Бетховеннің №9 симфониясын ала келген Ла Скала театрының гастрольдері төртінші театр маусымының жарқын шарықтау шегіне айналды. Барлық гастрольдік өнер көрсету кезінде дирижерлік пульт басында қазіргі заманның әйгілі маэстросы Зубин Мета болды.

Алда не күтуде?

Осы маусымда көрермен үшін көптеген қызықтар әзірленген еді, ал келесі – мерейтойлық бесінші маусымда – аса қанық бағдарлама күтуде! Ол – Ж. Бизенің «Кармен» операсының премьерасы, опера және балет труппасының гастрольдік сапарлары. Бұдан өзге, театр маусым аралығында Камералық залда бірқатар қызықты концерттер ұсынбақ. Өнердің ғажайып әлемімен кездесуден қапы қалмаңыздар!

Ұлттық мемлекеттік ғылыми-техникалық сараптама орталығы Clarivate Analytics компаниясымен біріге отырып, Web of Science ресурсының редакторлары, әкімшілері мен пайдаланушылары үшін форум өткізді. Екі күн арлаығында 400-ден астам адам жұмысқа арналған жаңа құралдарды меңгеріп, тәжірибе жүзінде заманауи ғылыми мақала қандай болуы керектігін, жарияланым үшін журналды қалай таңдау керектігін және тағы да басқаларын білді.

Форумның бірінші күні «Халықаралық ғылыми журнал: үздік тәжірибелер және даму құралдары» деген тақырыпқа арналды. Кездесуге жеке кеңес алуға болатын журналдардың редакторлары мен өкілдері қатысты.
ТМД елдеріндегі білім бағдарламалары бойынша Clarivate Analytics сарапшысы Дарья Бухтоярова халықаралық журналдардағы ғылыми мақалалардың стандарттары жайлы айтып берді.
«Мақаланың атауы сыйымды болуы тиіс, ол ағылшын тілінде ең жиі дәйексөзделетінмақалаларда 31-40 белгі, бұл ретте сұрау және леп белгілерінен бас тартқан жөн. Міндетті түрде барлық маңызды ақпаратты, негізгі сөздерді жинаған абстракт болуы тиіс, олар мақаланы мәліметтер базасынан оңай табуға көмектеседі, сондай-ақ IMRAD жазу құрылымы және өмірбаян болуы керек», — деп атап өтті спикер.
Сонымен қатар оқыту мамандары қазіргі заманғы ғылыми журналдардың негізгі элементтері туралы, жұмыс кезеңдері және журналдарға мақалаларды жіберу процессі қалай өтетіні туралы айтып берді.
Қатысушылар сонымен бірге Web of Science Core Collection-де жариялану үшін сәйкесінше журналды қалай таңдап алуға болатыны жайлы да білді. Дарья Бухтоярова іріктеудің келесі критерийлеріне сүйенуге кеңес береді: баспалық стандарттарға, халықаралық құрамына, журналдың мазмұнына, жиі дәйексөзделетініне. Айта кету керек, әлемде барлық жоғы 100 000 ғылыми журналдар, Web of Science Core Collection Халықаралық мультипәндік мәліметтер базасында 18 000 анағұрлым ықпалды журналдар бар.
«ҰМҒТСО» АҚ-да Қазақстандық дәйексөздеу базасы құрылуда. Ол шамамен 125 қазақстандық журналдарды қамтиды, 96 мыңнан астам рефератталған ғылыми мақалалары бар.
Журналдардың сапасыне жоғарылату үшін форум барысында келесідей ұсыныстар жасалды: мақалаларды міндетті түрде рецензиядан өткізу, редакциялық алқада шет елдік ғалымдардың болкы, мақалалар мен мақала түбіндегі сілтемелер базалық стандарттаға сай келуі, авторлардың безендіру талаптарын орындауы, авторлардың жұмыс орнымен, қаламен, елмен міндетті түрде аффилиациялануы, журналдың WEB сайтының қазіргі заманға сай жаңартылуы.
Форум шеңберінде Web of Science ақпараттық ресурстарының әкімшілері және пайдаланушылары үшін тәжірибелік семинар өтті. Қатысушыларға электронды ресурстардың әкімшілерінің негізгі міндеттерін айтты, пайдаланушылық белсенділігі туралы статистикалық мәліметтерді өңдеу және жүктеуді, жарияланымға арналған журналды іріктеу механизмін көрсетті жәнеде библиографиямен жұмыс істеу туралы айтып берді, EndNote ресурсының мүмкіндіктерімен таныстырды.
Clarivate Analytics ТМД елдеріндегі ақпараттық ресуртар және білім беру бағдарламалары бойынша сарапшысы Лязиза Мұқашева Қазақстан 2011-ші жылдан бастап Thomson Reuters (Clarivate Analitics) ғылыми-техникалық есурсына жазылғанын атап айтты. Сол кезден бастап отандық ғалымдардың жарияланымдық белсенділігі бес есе артып, қазіргі таңда ол ТМД елдері арасында ең жоғарғы көрсеткіш екенін жеткізді.
Қатысушы ресурстар әкімшілеріне Web of Science арқылы статистиканы қалай жинап және түсіндіріп беруге болатыны айтылды. Статистиканы ізтеу сұранысын жібере отырып, ай сайын да, белсенді кезінде қадағалауға болады. Статистикалық мәліметтер Excel-де конверттеліп және көрімделеді.
Семинарға қатысушылар тәжірибе жүзінде EndNote ресурсымен жұмыс істеудің артықшылықтарын көре алды, ол библиографиямен жұмысты қаншалықты қарапайымдататынын және оңтайлы режимде ірі зерттеулік жобаны жүзеге асыруға болатынына көз жеткізді.

Сәуір айынан бастап елорданың көрікті жерлерін жайлы экскурсиялық автобустар терезесінен 5 мың қонақ тамашалады, деп хабарлады Астана әкімдігінің медиа орталық тілшісіне «Астана Конвеншн Бюро» ЖШС-нің бас менеджері Айнұр Жанәбілова.

Саяхат бағыты алдын ала белгіленетіндіктен, ал билеттер бір күн бойы жарамды болғандықтан туристер кез келген аялдамада аялдай алады.
-Экскурсиялық автобустың ерекшелігі ол Hop-On Hope-Of жүйесі бойынша жұмыс істейді. Бұл дегеніңіз – турист билетті сатып алып, кез келген уақытта бағыт аялдамаларынан шығып, қаланың көрікті жерлерімен жан-жақты таныса алады. Одан кейін автобус келгенде саяхатшылар қосымша билет сатып алмай-ақ ары қарай сапарын жалғастыра береді, — деп хабарлады А.Жанәбілова.

Қызыл автобустар Астананың айтулы жерлері туралы ақпаратты құлаққап арқылы тыңдауға мүмкіндік беретін аудио жүйемен жабдықталған. Биыл аудиоэкскурсиялар алты тілде қолжетімді болды: қазақ, орыс, ағылшын, қытай, неміс, түрік тілдерінде.

«Болашақ» қауымдастығы әріптестерімен бірлесіп «Bolashak Books» ауқымды жобасын іске қосады. Аталмыш жоба пайдаланушылардың кең ортасы үшін қоғамдық кітап шкафтары желісін құрудан тұрады.

Қоғамдық кітап шкафтары немесе бук кроссинг дүние жүзінде кеңінен танымал. Шкафтың міндеті әр адамның өз кітабын қалдырып, басқаның кітабын оқуға алудан тұрады.

Астана тұрғындары мен қонақтары жоба бөлігі бола алады және пайдалы іске бағытталатын өз кітаптарын ұсынып, оқу мәдениетін дамытуға өз үлесін енгізе алады.

Кітаптарды Д.Қонаев көшесі 12/1, 412-каб. мекен-жайы бойынша «Болашақ» Қауымдастығының кеңсесіне әкелуге және ол үшін жағымды сыйлық алуға болады.

— Bolashak Books жобасы қазақстандықтар арасында оқу мәдениетін қалыптастыруға бағытталған. Қоғамдық кітап шкафтары арқылы әр тілек білдіруші ұнаған кітапты алып оқуына және оқып болған соң кері қайтаруына болады. Қазіргі уақытта біз кітап қорын қалыптастырудамыз. Барлық бей-жай емес адамдарды сүйікті әдебиетпен бөлісуге шақырамыз, -деді «Болашақ» Қауымдастығы Кеңесінің мүшесі

2017 жылдың 20 қыркүйегінде сағат 10:00-де Ұлттық Интернет Ассоциациясы ҚР Дін істері және азаматтық қоғам министрілігінің қолдауымен және Азаматтық бастамаларды қолдау орталығының грант арқылы қаржыландыруымен, сондай-ақ,«Егемен Қазақстан» республикалық газеті» АҚ ақпараттық қолдауымен «БАҚ қоғамдағы құқықбұзушылыққа «мүлдем төзбеушілікті» қалыптастыру құралы ретінде» тақырыбында дөңгелек үстел ұйымдастырады. Дөңгелек үстелдің мақсаты–үкіметтік емес ұйымдар, БАҚ өкілдері және блогерлер үшін Қазақстанда ашықтық пен есеп берушіліктің тиімді құралдары,қоғамдық бақылау және ақпаратқа қолжетімділік және басқадай азаматтық қоғам саласындағы өзекті мәселелерді талқылау. Осы мәселелер қазір Интернет кеңістігі арқылы қалай шешімін таба алуда немесе қандай проблемаларға тап келіп жатқандығы зерделеніп, ойлар айтылады.
Шараға қоғамдық ұйымдар өкілдері, журналистер мен танымал блогерлер қатысады. Дөңгелек үстел барысында қоғамдық бақылау және ақпаратқа қолжетімділік құралдарын қамтамасыз ету, қоғамдық тәртіп бұзушылықтың алдын-алу мәселелерін медиа кеңістікте көтеру жайы қарастырылады. Сондай-ақ құқықтық тәртіпті сақтауға және күшейтуге бағытталған іс-шаралар арқылы халықтың құқықтық мәдениетін арттыруға бағытталған ақпаратты қоғамға жеткізу жолдары анықталады.
Дөңгелек үстел нәтижесі бойынша, азаматтық қоғам саласындағы өзекті мәселелерді қозғайтын ақпараттық материалдарды интернет кеңістікте, әлеуметтік желілерде және блогтарда жариялаудың тиімді жолдары анықталады. Сонымен қатар осы тақырып бойынша журналистер мен блогерлер арасында арнайы конкурс жарияланады.
Өтетін орны: Астана қаласы, «Егемен Қазақстан» газеті» көшесі, 5/13, 5-қабат, конференцзал
Өтетін күні мен уақыты: 2017 жылғы 20 қыркүйек, сағат 10:00
Байланыс: +7 707 952 40 64
info@uia.kz

Осы жазда қаланың көрікті жерлерін әйгілеуге бағытталған әлеуметтік жоба он үш елдің қонақтарымен талап етілді, деп «Астана Конвенш Бюро» ЖШ бас менеджері Айнур Жанабилова астана әкімшілігінің медио-орталығының тілшісіне хабарлады. Аудиогидтерді барлығы 12 мың турист пайдаланды.

Жаяу серуендеумен әуестенетіндер аудиогид көмегімен астананың қызықты және танымал орындары туралы ақпарат ала алды. Қызметті пайдалану үшін арнайы дүкенде кепіл ретінде бес мың теңге қалдырып, арнайы құрылғыны алуға болды. Экскурсия біткен соң жабдықты әкелгеннен кейін туристке кепіл қайтарылды.

ЭКСПО көрмесін өткізу уақытында қала қонақтарына аудиогидпен Жағалау – Орталық саябақ және Нұр Жол желекжолы сияқты екі маршрутты таңдау ұсынылды.

«Қаланың көрікті жерлері туралы ақпарат тарихшылар және этнографтар сияқты кәсіби мамандармен әзірленді», — деп түсіндіріп өтті А.Жанабилова.

ЭКСПО көрмесін өткізуге байланысты аудиогидтегі ақпаратты қазақ, ағылшын, орыс, ағылшын, қытай, неміс, түрік сияқты алты тілде тыңдау мүмкін болды.

Қазіргі уақытта астаналық аудиогидтер izi.TRAVEL ғаламдық ғаламтор платформасында қолжетімді.

«Кез келген тілек білдіруші өзінің мобильді телефонынан осы қосымшаны тегін жүктеп, Астана қаласының көрікті жерлері туралы ақпаратты тыңдай алады. Осы қызметті қалай пайдалану туралы welcometoastana.kz сайтынан, әуежай ғимараттарында, теміржол вокзалдарында, ойын сауық-сауда орталықтарында орналасқан ақпараттық киоскілерден білуге болады», — деп түйіндеді А.Жанабилова.

«Ой-Зерек» радиобағдарламасының 2017 жылғы 16 қыркүйектегі шығарылымында 2-айналымның кезекті ойыны өтті. Қонаққа келген «Жаңа астаналықтар» командасы (Айдана Сегізбаева, Жәнібек Әмірхамзин, жаңа құрамда — Абылай Дусеков, Әсет Оразов) ойынды 5:6 есебімен аяқтады.

Ойында мынадай сауалдар қойылған болатын:

1. «Король Артурдағы» шайқастардың бірінде түсірілетін соғыс эпизодтарының тығыз болғаны соншалық, ИКСке дулыға кигізіп, қалқан ұстаған отрядпен қоршауға тура келді. ИКСті бір сөзбен атаңыз.

2. Бірде бір үш жасар қыз ОНЫ суықтан дірілдеп тұр деп ойлайды. Ал Мәскеуде өткен ғасырдың басында пайда болған ОЛАРдың алғашқыларының бірі алғашқы «Эскимо» деп аталды. Қазақстанда соңғы жылдары ОНЫң ескілеріне сұраныс артып кеткені де бар. ОЛ не?

3. Блиц:
3а. Үшінші буынның мобильді интернетін желідегі бірнеше қолданушы белгілі спортшының атымен байланыстырады. Спортшыны атаңыз.
3ә. «Шетелге сапарым болса да, Головкиннің жекпе-жегін көремін». ©
17 қыркүйек күні ол кісі жабық ғимараттардағы жекпе-жек өнері бойынша V Азия ойындарына барады екен. Цитата авторын атаңыз.
3б. Жекпе-жек төрешілерінің есімдері аталған соң, Головкиннің промоутері Том Леффлер былай дейді: «Геннадий өзімен бірге тағы екі жеке төрешісін ала келмекші». Промоутердің меңзегенін атаңыз.

4. Жүсіп Баласағұни ОНЫ елшінің қылышы деп атаған. Бұл зат есімді етістік түрінде ұқсақ, неге олай аталғанын түсінуге болады. Ол не?

5. «Экстрасенстер» фильмінде іс жүргізуге келген полиция қызметкерлерінің бірі экстрасенс, доктор Кларенсиге: «Одис келді. Сенен кейінгі ең жақсы қызметкеріміз» дейді. Сонан соң бәрі Одистің артынан жүреді. Сұрақ: Одистің басқа қызметкерлерден ерекшілігін атаңыз.

6. Дүниеде бір жәндік бар үйретілген,
Мойнында жібекарқан сүйретілген.
Алдыңа тапқыш болсаңсала айтайын,
Қолға алсаңкөп жұмысты сол бітірген.
Қазақ жұмбағын шешіңіз.

7. Балтинвестбанктің жарнамалық плакаттарының бірінде аквариумды түгел алып жатқан балықтың суреті бейнеленген. Бұл плакаттың не жарнамалайтынын түп-түбірі грек тілінен шыққан сөзбен атаңыз.

8. 2012 жылы еуропалық астаналардың бірінде белгілі спортшыға көзі тірі кезіндегі ескерткіш орнатылды. Ол ескерткіш жасалған материал, бұйым, құрал – көптеген құрылыс материалдары дүкендерінде сатылады. Спортшыны немесе бұйымды бір сөзбен атаңыз.

9. Түс жору кітабына сәйкес, егер сіз ОНЫ түсіңізде оқып, зерттеп отырсаңыз, онда өңіңізде өзіңізге және өз күшіңізге деген сенімділік жетіспейді, сондықтан сіз айналаңыздағылардан қолдау іздейсіз деген сөз. ОНЫ атаңыз.

10. Медынь қаласына кіреберісте орнатылған монументте қаланың негізі қаланған жыл жазылған, және жылдың әр цифрі геометриялық фигурамен қоршалған. Қандай фигура?

11. 2011 жылы Керекинфо блог-тұғырнамасында техносиндром никті блогер (Ерлан Оспан) ғылыми, неологизм сөздерді блогтұғырнама шеңберінде талқылай отырып, аударуды ұсынады. Осы қауымдастық ашылады, және қауымдастыққа, жобаға танымал шетелдік фильмнің атауын қояды. Ол фильмді бір сөзбен тауып көріңіз.

Ойынның фейсбуктегі трансляциясы бар. Негізі, инстаграмда да ойын уақытында эфир болады.
Эфир аудиожазбасын ресми сайттан тыңдауға болады.

42,2 шақырым қашықтықты алғаш болып Кения спортшылары бағындырды, деп хабарлады Астана әкімдігінің медиа орталығы.

Бірінші болып мәре сызығын кескен кениялық Саймон Кипругут Кируйға 850 мың теңге мен әлемнің кез келген нүктесіне баруға әуе билеті табысталды. Ол 42,2 шақырымды жүгіріп өтті. Екінші орын да Оңтүстік Африка мемлекетінің өкілі(200 мың теңге) Генри Кипсангуға бұйырды. Қазақстандық Алмат Имашев үшінші болып жетіп, (100 мың теңге) жүлдені қанағат тұтты. Әйелдер арасында бірінші орыннан Гүлжанат Жанатбек көрінді, екінші және үшінші орындар Ақмарал Мейірман мен Мария Кирееваның еншісінде.

Бүгін елордада Мәңгілік ел даңғылында ЭКСПО-2017-ге қарама-қарсы жерде Astana Marathon-2017 өтті. Жарысқа қатысуға 19 мемлекеттен 4,5 мың адам өтініш білдірген. Спортшылар 42,2 шақырым, 21,1 және 10 шақырымға жүгірді. Сонымен қатар марафон аясында скандинавиялық жүруден сайыс өткізілді.

Бүгін Астанада «Astana Marathon 2017» қайырымдылық марафоны аяқталды. Биыл елорда көшелерімен жүгіріп өтуге әлемнің 19 мемлекетінен 4,5 мың адам ниет танытқан. Марафон қалай өтті? Қатысушылардың көңіл-күйлері қандай болғаны Астана әкімдігінің медиа орталық тілшілерінің репортажында.

ЭКСПО алдындағы алаңға марафонға қатысушылар таңмен таласа жиналды. Осы жолы 4,5 мың адам қатысады деп күтілді. Спортшылар үш қашықтық бойынша сынға түсті: 42,2 км, 21,1 және 10 шақырымға жүгірді. Жарыс алдында біреулер денелерін шынықтырып жатса, енді бірі сэлфи жасап әлек болды.

Ұйымдастырушылардың сөзінше, ең жас қатысушы – 16 жаста, ал жасы үлкен қатысушы – 80-гі қария болды. 13 жастағы астаналық Салтанат Түйтебаев мұндай шараларға жиі қатысып тұрады. Тіпті еуропалық марафондарда жеңіске жеткен. Оның бүгінгі мақсаты – өзінің нәтижесін барынша жақсарту. Кезекті атақты ол Испанияның Малагасында алуға тырысады. Тәжірибелі желаяқ елімізде осындай марафондардың өтіп жатқаны қуантатынын айтады. – Қараңыздаршы, қанша адам жиналды! Бұл тамаша! Әлі есемді алғашқы марафон 3 жыл бұрын өтіп, оған бар-жоғы 700 адам қатысқан болатын. Мен жүгірулерге белсенді қатысып тұрамын. Жылдан-жылға қатысушылар саны көбейіп келе жатқаны қуантады», — дейді қария.

Ең ұзақ қашықтық – 42 шақырымға жүгіру таңертең 7:00-де басталды. Алғаш рет биыл марафонға кениялық белгілі желаяқтар Саймони Кипругут Кируй және Генри Кипсанг қатысты. Бұл марафонның сапасы мен мәртебесін асқақтатуға мүмкіндік берді, дейді ұйымдастырушылар. Оңтүстік африкалық жүгірушілер қашықтықтарды бірінші болып бағындырды.

42 шақырым қашықтыққа жүлде қоры – 800 мың теңге және әлемнің кез-келген жеріне әуе билеті берілді. Жалпы көптеген марафоншылар бастысы — жеңіс емес, қатысу, ұмытылмас сезім, дейді. Олар сол үшін әлемнің түкпір-түкпірінен келгені ақиқат.