«Рухани жаңғыру» бағдарламасы аясында жоғары оқу орындарында «Ұлы дала жастары» жобасы іске қосылды. Оны «Рухани жаңғыру» бағдарламасы басқару офисінің менеджері Болат Атыбай Астана қаласының әкімдігінде өткен дөңгелек үстел мәжілісінде таныстырды, деп хабарлайды Астана қаласы әкімдігінің медиа орталығы.

Мәжіліске Астана қаласының ішкі саясат, жастар саясаты мәселелері басқармалары қызметкерлері, бағдарламаны басқару офисінің менеджері Атыбай Болат және елордадағы 14 жоғарғы оқу орындарының өкілдері қатысты.

«Тәрбие және білім» кіші бағдарламасы үш бағыттан тұрады. Сол үш бағыттың бірі – «Саналы азамат». Осы «Саналы азамат» бағытының шеңберінде «Ұлы дала жастары» жобасы әзірленді. «Рухани жаңғыру» бағдарламасы аясында жасалып жатқан жұмыстардан жоғары оқу орындары шет қалған. Астана қаласындағы ЖОО-дарды «Рухани жаңғыру» бағдарламасына қосу үшін осы жоба жасалды. Жобаның мақсаты — еліміз алға қойған міндеттерді жастардың бойына сіңіру», — деді Болат Атыбай.

Жобаның негізгі бастамасы – Қазақстан Республикасының Білім және ғылым министрлігі екендігін айта өткен жөн. «Ұлы дала жастары» жобасы қазан айынан бастап жүзеге асырыла бастады. Жоба жастардың белсенділігін арттыруға, яғни, ғылым, бизнеспен айналысуына жағдай жасау, жаңа бастамалар жасау, ғылыми журналдардағы шет тіліндегі мақалалардың санын ұлғайтуға әсер етеді. Мәжіліс барысында оқу орнын тамәмдаған жастардың жұмыспен қамтылу деңгейі төмен екендігі жайлы, сонымен қоса жатақхана жетіспеушілігі мәселелері қызу талқыға салынды.

Жиын қорытындысы бойынша ЖОО-дары аталған жобаға өз қызығушылықтарын білдіріп, белсенді атсалысатындығын жеткізді.

Шолжаң, сотқар Содырбек:
«Менің жүрер жолым», — деп.
Алдындағы балаға,
Ербеңдетті қолын кеп.

Сөзінде бар көп ілмек,
Естуші еді содыр деп.
Соқтыққысы келмеді,
Қойдан жуас Қоңырбек.

Әкесі айтқан әу баста:
«Сотанақпен жауласпа».
Басқа жолға түсті тез,
Дау тілемей сау басқа.

Бар айбаты – қолында,
Сотқар тұрса жолында.
Соқтықпаған Қоңырбек,
Ақылды ма, момын ба?

2017 жылдың 28 қазанынан Астана қаласының бағдар желісін модернизациялау аясында жаңа қалалық және экспресс бағдарларын енгізу жолымен келесі Shuttle Bus бағдарларын (№ 506, 501, 500) оңтайландыру жоспарланған, деп хабарлайды Астана қаласы әкімдігінің медиа орталығы. Төменде жаңадан ашылатын бағдарлардың жүру жолдары көрсетілген.

№ 47 бағдар

2017 жылдың 28 қазаннан бастап қолданыстағы № 506 Shuttle Bus бағдарының негізінде № 47 жаңа қалалық бағдар енгізу жоспарлануда. Жаңадан ашылатын № 47 бағдар бастапқы пункт «Дегелен» тұйық көшесінен бастап келесі бағыттар бойынша жүреді: Бурабай к., – Ш. Құдайбердіұлы даңғ., – Р. Қошқарбаев к., – М. Жұмабаев к., – Обаған к., – Қ. Сәтпаев к., – Б. Момышұлы көшесі – М1 Көпірі – Мәңгілік Ел даңғ., — Достық к., – Түркістан к. – Ұлы дала к., – Қабанбай батыр даңғ., – Т. Рысқұлов к., – Мәңгілік Ел даңғ., – соңғы аялдама «ТК «Familly village». Кері бағытта осы қозғалыс сызбасы бойынша.



№ 54 бағдар

2017 жылдың 28 қазанынан бастап қолданыстағы №501 Shuttle Bus бағдарының негізінде жаңа қалалық бағдар енгізу жоспарлануда. Төменде жаңадан ашылатын № 54 бағдардың жүру сызбасы көрсетілген. «Болашақ көшесі» бастапқы пункт – Болашақ к. — Алмалық к. – Д. Бабатайулы к. – Н. Тілендиев даңғ. – Бөгенбай батыр даңғ. – Сарыарқа даңғ. – Тұран даңғ. – Сарайшық к., – Мәңгілік Ел даңғ., –– Достық к., – Түркістан к., – Керей, Жәнібек хандар к., — Мәңгілік Ел даңғ. – соңғы аялдама ««Арнау» ТК. Кері бағытта ұқсас қозғалыс сызбасы бойынша.



№ 100 экспресс бағдары

2017 жылдың 28 қазаннан бастап қолданыстағы №500 Shuttle Bus бағдарының негізінде № 100 жаңа қалалық экспресс бағдарын енгізу жоспарлануда. №100 жаңа экспресс бағдарының жүру схемасы төмендегідей: Бастапқы пункт «Нұрлы жол» теміржол вокзалы»-нан шығып – ары қарай Байтұрсынұлы к., – М1 көпірі, – Мәңгілік Ел даңғылы — Қабанбай батыр даңғ., – соңғы аялдама «Халықаралық әуежай». Кері бағытта ұқсас қозғалыс сызбасы бойынша.

Ұлттық академиялық кітапханасында «Астана қаласының шет маңайындағы тұрғындар үшін ойын-сауық орындарын ұйымдастыру» тақырыбында дөңгелек үстел болып өтті, деп хабарлайды елорда әкімдігінің медиа орталығының тілшісі.

Жиынның модераторы болып Мәжіліс депутаты Сапар Ахметов тағайындалды.

Дөңгелек үстелде баяндамаларымен жастар саясаты мәселесі жөніндегі, мәдениет, спорт, білім басқармасы, аудан әкімінің орынбасарлары, аталмыш мәселеге жетекшілік ететіндер, мәслихат депутаттары, үкіметтік емес ұйымдар, блогерлер мен басқа да қоғам қайраткерлері қатысты.

Осының алдын «Жайна Астана» қоғамдық бірлестігі «Әлеуметтік мәселелердің картасы» жобасын жүзеге асыру барысында 1500-ден аса поселке тұрғынымен сауалнама жүргізіп, елорда маңындағы ауылдар мен поселке тұрғындарымен өткізілген 22 кездесуде, халық үшін ең өзекті мәселе бос уақытты өткізетін ойын-сауық орындарын салып берсе деген тілектері барын анықтаған болатын.

Астанадағы «Думан» қонақ үйінде құрылысы аяқталмаған нысандардың кезекті жәрмеңкесі 2017 жылдың 1 қарашасында өтеді деп хабарлай елорда әкімдігінің медиа орталығы.

Астана әкімдігі қалалық прокуратурамен бірлесіп инвесторларға арналған құрылысы аяқталмаған нысандардың кезекті үшінші жәрмеңкесін өткізеді.Әлеуетті инвесторларға құрылысы аяқталмаған 20 нысан ұсынылатын болады деп күтілуде.

Шара мақсаты – елордадағы проблемалы тұрғын үй нысандарының құрылысын аяқтау.

Жәрмеңкеге нысандардың құрылысын аяқтауға қаржысын салуға дайын әлеуетті инвесторлар қатысушы ретінде шақырылды. Олар үшін нысандармен танысуға арналған мәліметтер дайындалды. Материалдар бойынша қажетті ақпараты бар төлқұжат әзірленді.

Бұдан басқа, әкімдік жанындағы ведомствоаралық комиссия жұмысының қорытындысы бойынша бүгінгі таңдаТҚК-дегі 28 нысан (5мыңнан астам инвестор) қала прокурорының талабы бойынша құрылыс жұмыстарын аяқтайтын кәсіпкерлерге тапсырылды, 12 нысан бойынша (2300-ге жуық инвестор) жұмыстар жалғасып жатыр.

Сонымен қатар, Астана қаласының әкімдігі мен прокуратура органдары бірлесіп, проблемалы нысандар бойынша инвестицияларды тарту ісіне қолдау көрсетуде. Солардың ішінде 19 сәуір мен 26 шілдеде өткен жәрмеңкелерде 16 нысан таныстырылған болатын.

Өткен жәрмеңкелердің нәтижесінде құрылысы аяқталмаған 6 нысан бойынша құрылыс жұмыстарын аяқтау жөніндегі келісімге қол қойылды («Скай сити» ТК, «Байтау», «Алға самал», «Хазрет», «Пана», «Табысқұрылтай»).

Жәрмеңке «Думан» қонақүйінде 1 қараша күні сағат 15:00-де басталады.

Қызықтырған сұрақтар бойынша мына байланыс телефондарына хабарласуға болады: 55-64-71, 55-64-73, 70-27-66, 71-24-36.

«Бала дауысы» ұлттық балалар ән байқауының ақтық кезеңі басталды. Естеріңізге, жобаның финал ережесін сала кетейік. БАЙҚАУДЫҢ ФИНАЛДЫҚ САТЫСЫ (1 қазан – 31 қазан 2017 жыл) 1. Байқаудың финалы (телевизиялық шоу) Алматы қаласында 27, 28, 29 қазанда КТК каналында тікелей эфирдекөрсетіледі. 1 қазаннан бастап барлық финалисттерге «Бөбек» Ұлттық орталығында орналасқан «Жұлдызды үй» өз есігін айқара ашады. Балалармен хореографтар, стилисттер және музыкалық продюсерлер жұмыс жасайды. 2. Байқаудың финалы 16 финалист қатысатын 3 бөлімнен тұрады: 27 қазан – Байқаудың концерттік бағдарламасы: Қатысушы тәлімгермен дуэтте тәлімгердің авторлық әнін орындайды. 28 қазан — Байқаудың концерттік бағдарламасы: «Ұлы Даланың аңыз әндері»; Қатысушылар заманауи өңдеуден өткен қазақтың белгілі халық әндерін бірігіп, дуэтте орындайды. 29 қазан — Байқаудың концерттік бағдарламасы: Қ«Әлемдік хит»; Қатысушы әлемдік хитке айналған 1 ән орындайды. Барлық байқау кезеңдері кәсіби мамандардан құралған қазылар – алқасынан және смс арқылы дауыс бере алатын телекөрермендерден тұрады. Суперфиналда белгілі әнші, финалистердің жұлдызды тәлімгерлерінен бөлек, Жанар Дұғаловамен қатар Ninety One тобы да өнер көрсетпек.

Жасырынып менен бұл,
Асырды ма айласын?
Тілдесейік, кел, енді,
Қуыршағым қайдасың?

Шомылдырып алайын,
Шашыңды да тарайын.
Тамағыңды берейін,
Сабағыңды қарайын.

Болма тентек, жылауық,
Ойнатайын бір ауық.
Төсегіңді қамдайын,
Кетпей тұрып түн ауып.

Кешірейін қатеңді,
Тыңдашы тек тәтеңді.
Ертегі айтып берейін,
Кел, жаныма жат енді!

Біз қазақ деген мал баққан елміз,

Бірақ ешкімге соқтықпай, жай жатқан елміз.

Елімізден кұт – береке қашпасын деп,

Жеріміздің шетін жау баспасын деп,

Найзаға үкі таққан елміз!

Ешбір дұшпан басынбаған елміз,

Басымыздан сөзді асырмаған елміз!

Досымызды сақтай білген елміз,

Дәм, тұзын ақтай білген елміз.

Қаз дауысты Қазыбек би

Айналайын, ағайын! Кешегі отаршылдық саясаттың салқыны бізге қатты тиген. Науқастың басты белгісі — жалтақтық. Одақтың озбыр саясаты тұсында «аға ұлт» атанып, айтқанын істетіп үйренген халықтың елімізді мекендеп қалған кейбір ұрпақтары жалтақтығымызды өздеріне тиімді пайдаланып-ақ келеді. Туған топырағымызда өзімізге-өзіміз қожамыз десек те, «халықтар достығы» деген фанатизм жетегінде жүріп, жерімізді басып, суымыз-ды ішіп, ауамызды жұтып, елімізді мекендеп жатқан кейбір басқа ұлт өкілдерінің өз үстемдігін жүргізу әрекетін көргенде қазақтың «Жаман үйді қонағы билейді» деген мақалын іштен күбірлегенімізбен, сыртқа шығаруға үрейленеміз.

Соңғы кездері біздің өз ұлтымыздың мүддесіне қатысты айтқан ойларымызды «қара базардың» саудасына салып, сынап — мінеу, әлеуметтік желі арқылы дауға айналдыру, тапсырыспен мақалалар ұйымдастыру ісі әдетке айналып кетті. Қазақстандағы бірқатар орыс тілді басылымдар ұлтын сүйген патриоттардың пікірін естісе, «жұмыртқадан жүн қырқып» жедел түрде «ұлтшылдық» деген диагнозды қойып жіберетін болды. Өйткені ол өздеріне қолайлы. 1937 жылдың жылымығында, 1986 жылдың желтоқсанының ызғарында ұлт намысын қорғаған талай азаматты үсікке ұрындырып, ажал құштырған да осы «ұлтшыл» деген сөз болатын. Біздегі дерттің диагнозы, шын мәнінде, ұлтшылдық емес, тензофобияға көбірек ұқсайды. Жалтақтық, бағыныштылық жайлаған елді кім көрінген басынып, әртүрлі талап қоя беретініне бүгін мән беріп жатқан кім бар?

Қазақстан Республикасының Президенті Нұрсұлтан Назарбаевтың 21 маусым, 2007 жылғы Жарлығымен бұрын Семипалатинск — Семей болып келген қаламыздың аты екі тілде де Семей болып ресми түрде өзгертілгені баршаға белгілі. Кеше емес, бүгін емес, одан бері де он жыл уақыт өтті. Шығыс Қазақстан облысының әкімі Даниал Ахметов таяуда қала белсенділерімен кездескенде жақтастары «қоғам қайраткері» деп таныстырып жүрген Николай Исаев дегенге дәл осы мәселеге қатысты ескерту жасады. Сөзбе-сөз айтар болсақ:

— Сіз қай қалада тұрасыз?– деген облыс әкімінің сауалына:

— В Семипалатинске,- деп жауап берді.

Аймақ басшысы:

— Сіз Семейде тұрасыз. Есіңізде болсын, Семейде. Бұл маңызды,- деп баса айтты.

Облыс басшысы тарапынан жасалған орынды ескерту көпшіліктің көңіліндегі бітеу жараны тырнап өткенін байқадық. Бейнежазба жиын бітпей жатып әлеуметтік желі арқылы көпшілікке тарап кетті. Талқы — таластың шарықтау шегіне жеткені сонша — пікір айтушы топ екіге жарылды. Жасыратыны жоқ, ұлтаралық мәселеде жауапты қызметтегі шенеуніктердің ерекше сақтық танытып, шідерлеулі аттай шегіншектеп қалатынына үйренгендіктен де болар, көпшілік облыс басшысының жасаған ескертуін «ерлік» деп қабылдасып, елең етісе қалды. Қандастарымыз Семейді Елбасының Жарлығымен өзгертілген атымен атаудың қажеттігін айтып жатса, екінші жақ өз дәлелдерін келтіріп, қарсылық білдіріп бағуда. Жарайды, сөз бостандығына шек қойылмаған елімізде айтатындарын айтсын-ақ… Ал «Караван» газетінің 28 қыркүйек күнгі санында «Как аким Ахметов ономастикой занимался» деген тақырыппен (авт. — Алла Белякина) жоғарыда айтылған мәселені тақырыпқа тамызық қылып, өршіте түскендеріне қарағанда, жанды жерлеріне тиген сыңайлы ма, қалай?

Facebook әлеуметтік желісінде «Семей» деген атқа қарсы «ұлыорыстық» ауруды үрлеп отырғандардың бірі, бүркеншік атпен жүрген өз қандасымыз: «… журналист, распространивший ролик, услышал лишь то, что, видимо, очень хотел услышать, что и выделил в своем ролике: Не Семипалатинск, а Семей!

Последовавшая затем массированная атака в соцсетях махровых националистов и их ботов (которую, кстати, заметили и истинные сторонники развития казахской самоидентификации), заставляет думать о том, что слова акима, который, кстати, ни разу не был замечен в излишне националистических выпадах, что Исаев строил Семипалатинск, и с такими подходами и нормами нельзя строить новый Семей, какая-то часть общества использовала для того, чтобы качнуть ситуацию и поднять волну нетерпимости и национального превосходства. Кто-то расценил эти слова, как призыв навязать другим, что им говорить, как им говорить, как «сидеть и как свистеть». А это в нашем городе недопустимо. Это недопустимо в нашей стране, которая богата именно своим опытом межнационального единства...»- деп көпшілікке ұзын — сонар ақыл айтыпты.

Ары қарай «Караван» газетіндегі мақалада: «По мнению большой части участников интернет-дебатов, упоминание старого названия Семея – это возврат в советское прошлое. Причем многими участниками споров это трактуется чуть ли не как подрыв независимости современного Казахстана и перемежается требованиями переименовать вслед за Семеем еще и Павлодар, Петропавловск и Усть-Каменогорск,- дей келіп: — Между тем в XVII веке Семипалатинск получил свое имя от останков буддийских калмыцких храмов, расположенных вблизи места основания города. И это название город носил без малого 300 лет – с 1718 года»,- деп мақала авторы Семейдің 300 жылдығына байланысты Исаевтың идеясын тағы бір еске салып өтеді.

«Семейдің 300 жылдығын тойлау» жайлы әңгіме соңғы жылдары қайта — қайта көтеріліп, тарихты қастерлейтін топтың наразылығын туғызып жатқаны оқырманға жақсы таныс деп ойлаймыз. Сол бастаманы көтерушілерге Семейдің 300 жылдығын тойлау — І Петрдің қазақ даласын отарлау саясатын тойлау, Қытай мен Ресей жоңғарларды қазақ жеріне айдап салып, шеп бекіністер салу арқылы қазақ жерін тартып алу, халықты рухани отарлау мақсатын көздеген уақытын тойлау екендігі қанша айтылса да тоқтау болмай отыр… Мақала авторының орайы келгенде аталған тақырыпты қайталай көтеріп отырғаны ойымыздың тағы бір дәлелі болса керек.

Жоғарыда «строил Семипалатинск» деп әлдеқандай қылып әспеттеп отырған Николай Исаев деген — Одақ тұсында қаладағы құрылыс трестерінің бірінде қызмет атқарып, зейнет демалысына шыққан соң әкімдікті жағалап, халық бас қосқан жерде барынша белсенді болып көрініп жүрген азамат. Айтпақшы, «2018 жылы Семейге 300 жыл» деген жоғарыда айтып кеткен бастаманы көтеріп, өлкетанушылар мен тарихшыларға қаламыздың тарихын «үйретіп» жүрген құрылысшы да осы Николай Исаев. Өз тарапымыздан Исаевқа айтарымыз — «етікшінің етік тігумен» айналысқаны дұрыс… Ал тарихты таразылауды тарихшылардың, өлкетанушылардың үлесіне қалдырғаныңыз жөн болар.

Айтпақшы, он жыл уақыт бұрын Мемлекет басшысының Жарлығымен Семипалатинск атауының Семей болып өзгеруіне байланысты: «Ровно десять лет назад, в 2007 году, указом Президента РК Семипалатинск был переименован в Семей по единственной причине: иностранные инвесторы боялись вкладывать деньги и работать в городе из-за того, что Семипалатинск ассоциируется у всего мира с ядерным полигоном»,- деп мақала авторы өз жорамалын да айтуды ұмытпапты.

Біріншіден, Мемлекет басшысының Жарлығымен ауысқан қаланың заңды атауы бүгін — СЕМЕЙ. Ендеше, бұл тақырып неге талқыға салынуы керек?

Екіншіден, мемлекетке атын беріп отырған ұлттың қаласына тарихи атауы қайтарылып, қазақшаланды деген сөзден гөрі, Одақтың ойрандауынан қалған осал жеріміз, қасіретіміз сынақ полигонымен байланыстыру мақала авторының көңіліне жақындау болып тұрған сыңайлы. Осы жерде айта кетейік, «Семей» деген сөз – көне түркі қауымына жататын сарыұйғырлар тілінде «киелі мекен» мағынасын білдіреді. Киелі мекен – көне түркілер құлшылық ететін орын, ғибадатхана (Академик С.Е.Малов. «Язык желтых уйгуров, словарь и грамматика»).

Күрестің әдіс — тәсілі әртүрлі, оның қайсысын таңдау әркімнің шама — шарқына байланысты. Қазақстандағы орыс тілді басылымдар интернационализм, ұлтшылдық деген сөздерді өздеріне лайықты құрал етіп пайдаланып отыр. Қазақ тілді ақпарат құралдарында да ұлтшылдық, ұлтжандылық қасиеттердің бүгінгі қазаққа өте қажет екені туралы аз айтылып жүрген жоқ. Дегенмен, өз ұлтымыз туралы жылы сөз айтсақ, ел тыныштығын «бүлдіріп аламыз» деген құлдық сана сіңірген үрейден әлі де арыла алмай жүргеніміз біздің осалдығымыз екенін мойындауымыз керек.

«Семейге 2018 жылы 300 жыл толады» деп пікір айтушылар қатарында өз қандасымыз, қалалық мәслихаттың бір депутаты: «Я считаю необходимым отметить 1000-летие Семея и 300-летие со дня основания крепости. Ведь у Тараза – 2000-летняя история, у Туркестана — 1500-летняя, Алматы исполнилось 1000 лет»,- деген ұсыныс жасапты. Осы жолдарды оқығанда «халықтың сенген қалаулысы сен болсаң» деп қапа болғанымызды да жасырмаймыз. Елімізді мекендеп жатқан өздерін әлі де үстем санайтын өзге ұлттың кей өкілдері шовинистік әрекеттерін қандастарымыздың өз ішінен шыққан, ана тілінен гөрі «ана ұлттың» тіліне жақын, ұлттық намыстан жұрдай мәңгүрттердің аузымен айтқызуды қолайлы қару етіп пайдаланып жүргенінің бір көрінісі осы.

Таяуда менің электронды поштама Семейдегі «қазақ тілді емес белсенділердің» WhatsApp желісі арқылы құрылған тобының өзара пікір алысуларының көшірмесі келіп түсті. Осы көшірмені бізге жіберген адам араларына байқаусызда кіріп кеткен өз ұлтымыздың жанашырларының бірі болар деп түсіндік. Бізге жолданған көшірмеден байқағанымыз — Алаштың 100 жылдығына арналған ғылыми конференцияның қазақ тілінде өтетінін айтып, наразы топ өзара тәуір-ақ «гуілдесіпті». Жалпы, жеке топ құрып, біздің тілімізге, ұлттық мүддемізге қатысты мәселені оңаша талқылаудың өзі қоғам үшін қауіпті екені де ойланатын мәселе.

Ау, ағайын, өздеріңіз ойлаңыздаршы, Алаш тақырыбына арналған конференция қазақ тілінде өтпегенде, қай тілде өтуі керек? Ұлтшылдық деген жат қылық емес, ол өз ұлтыңды сүю, Отанға адалдық екені әлі де санамызға сіңісті болмай отыр. Ал елімізді мекендеп жатқан басқа халықтың өкілдеріне қазақтың тарихын, тілін, салт — дәстүрін сыйлауды үйрете алмай, нанын жеп отырған елдің тілінде нан сұрап алуға қауқары жоқтарды тәрбиелей алмай отырған өз әлсіздігіміз екенін де мойындауымыз керек. Бұл орайда өзбек ағайыннан үйрену артық болмас. Өзбектендіру саясаты көрші мемлекетте мықты жолға қойылған… Қандай ұлттың өкілі болсаң да өзбек тілінде сөйлеуің керек. Ол елде басқа тілде сөйлеуге қақыңыз жоқ.

Ұлтаралық қатынас деген өте нәзік мәселе екенін түсінеміз. Қазақстанда елімізді мекендеп жатқан басқа ұлт өкілдеріне қысым көрсетіп жатқан ешкім жоқ. Ұлтаралық татулық пен бірлік-тұрақтылық кепілі, береке бастауы — бұл Елбасының да, елімізді мекендеп жатқан барша қазақстандықтардың да басты ұстанымы. Ендеше, қазақтың жерінде бейбіт жағдайда өмір сүріп жатқан барша халықтың да осы құндылықтарды бағалауы қажет емес пе? Ал бізге идеологиялық вакуумнан шығып, азаттығын алған өз елімізде жалтақтықты қоятын кез келді. Өзіміздің ұлтымызға қатысты мәселеде пікір айтқан, ұлттық намысты жоғары қойған адамды теріс пиғылды деп түсіну әлі де тыйылмай келе жатқандығы «өзгелерге» жел беріп отыр.

Біз Алаш зиялыларының алдында кінәліміз. Оларды «ұлтшыл» деген атақтан қорғай алмадық. Біз Желтоқсан көтерілісіне қатысқан жастардың алдында кінәліміз. Кремльдің ығына жығылып, талай жас өскіндеріміз «ұлтшыл, шовинист» деген жаладан құрбан болды. Өзімізді — өзіміз Одақтың отарлаушылары алдында масқаралап, жығып бердік.

Енді қазақ ұлтшылдығы мен патриотизм сөзі тең ұғым екенін түсінетін кез келді. Ұлтсыздықтан шеккен азабымыз аз емес. Ұлы Даланы мекендеп жатқан ұлт үшін бүгін ұлтшыл болу аса қажет.

Риза МОЛДАШЕВА
Burkit.kz

Биылғы жылдың кеме маусымында Есіл өзеніндегі теплоходтар 35 мыңнан астам жолаушыға қызмет көрсетті. Осылайша «Есіл Астана» МКҚК алты ай ішінде 2017 жылдың жоспарын 60 пайызға артығымен орындады, деп хабарлайды елорда әкімдігінің медиа орталығы.

«Есіл Астана» МКҚК директоры Қанат Алинның айтуынша жолаушылардың артуына қалада өткен түрлі мәдени-спорттық шаралардың септігі тиді.

«10-шы мамыр мен қазан аралығында Есіл өзеніндегі навигация маусымында шамамен 35 мыңнан астам жолаушыны тасымалдадық. Маусым басында кемелеріміздің техникалық мүмкіндігін ескеріп 20 мың адам тасымалдаймыз деп жоспарлаған едік. Әрине бұл біз үшін өте жақсы көрсеткіш. Ең бастысы кеме маусымында ешбір төтенше жағдай болған жоқ. Себебі, жөндеу жұмыстары уақытылы жүргізіліп, жеке құрамның дайындығы жоғары деңгейде болды», — деді медиа орталықтың т ілшісіне берген сұхбатында кәсіпорын директоры Қанат Алин.

Осы жылы алғаш еңгізілген кемедегі түнгі серуен сәтті жүзеге асырылды. Жолаушы тасымалдауда рекордтық көрсеткішке қол жеткізуге мүмкіндік берген де сол.

Жаппай кәсіпкерлік бағдарламасы бойынша бизнесті дамытуға 476 миллион теңге бөлінді, деп хабарлайды елорда әкімдігінің медиа орталығы.

Қазіргі таңда бизнесмендерден түскен өтініштерді қарау жалғасуда. Несие берудің шарты туралы «Даму» мемлекеттік қолдау қорының шарасы бойынша кеңесші Айслу Жетпісбаева айтып берді. Маман ақшаның қызметтің кез келген түріне берілетінін, максималды сома – 18 миллион теңге, ал жылдық ставкасы 6% екенін атап өтті.

Сондай-ақ, «Даму» кепілмен қамтамасыз ету жетпеген жағдайда кепілгер болуға да баруы мүмкін. Мәселен, сіздің ЖК немесе ЖШС-ге әлі 3 жыл толмаған болса, сіз 85 %-ға дейін кепілдеме ала аласыз. 15% кепілдеме міндетті түрде депозит ретінде немесе жылжымайтын кепілдеме түрінде болуы тиіс. Егер кәсіпкер рынокта 3 жыл болса, әрекеттегі кәсіпкер болса, «Даму» оған қарыздың 50%-на кепіл бола алады және кәсіпкердің де 50% кепілі болуы қажет», — деп түсіндірді А.Жетпісбаева.

Барлық осы мәселе бойынша керекті кеңес пен көмекті Қажымұқан көшесі, 8а мекенжайындағы Кәсіпкерлерге қызмет көрсету орталығынан алуға болады.

«КҚК орталығында бір терезе қағидасымен жұмыс істейміз. Мәселен, кәсіпкер орталыққа келеді, біз оған қажетті бағдарламаны таңдап береміз. Әрі қарай ол ЖК, ЖШС қалай ашады, қандай құжаттар қажет екендігі туралы заңдық сауал бойынша кеңес ала алады. Сондай-ақ бізде бухгалтер де бар. Барлық салық салу бойынша қалай және нені төлеу керектігін, кедендік рәсімдерді, мемлекеттік сатып алуларды, сайтпен жұмыс жасау, бастысы бизнес-жоспар, барлық қызмет пен кеңес түрлері бізде тегін көрсетіледі», — деді А.Жетпісбаева.