«Көше саудасына арналған - 1000 орын» жобасына өтініштер қабылдау басталды

Астана жаңалықтары: «Көше саудасына арналған - 1000 орын» жобасына өтініштер қабылдау басталды

«Astana» ӘКК» ҰК» АҚ «Астана қаласында көше саудасын жүргізуге арналған павильондарды орналастыру» жобасы аясында 22.05.2017 жылғы «Astana» ӘКК» ҰК» АҚ жер учаскілерін беру ережелеріне сәйкес жер учаскелерін жалға алу келісім-шарттарын алуға өтініштер қабылдауды бастады.

Өтініштер ағымдағы жылдың 1 қарашасынан 15 қараша аралығында www.smart.astana.kz:90 сайтында қабылданады.

Жер телімін алуға өтінішке келесі құжаттар қосымша тіркеледі:

1) жеке кәсіпкердің қызмет түрі көрсетілген тіркеу жөніндегі куәлігінің көшірмесі/заңды тұлғаның мемлекеттік тіркеуден өткендігі жөнінде анықтама;

2) жеке куәлік көшірмесі (жеке кәсіпкердің, директордың);

3) заңды тұлғаның жарғы көшірмесі;

4) өкілдің өкілеттігін растайтын құжат (қажет болған жағдайда);

5) өтінімді беру кезінде салықтық қарызы жоқтығы туралы анықтама;

6) потенциалды қатысушының жеке есеп айырысу шотынан бекітілген кепілдік жарнаны төлегенін растайтын банк белгісі қойылған төлем құжаты;

7) ЖК/ЖШС есеп шоты туралы банктен анықтама.

Өтінімдер тек кіші және орта кәсіпкерлік субъектілерінен қабылданады.

Кепілдік жарнаны аударуға арналған банк шотының деректемелері:

БСН:

101 040 011 375

ЖСК:

KZ56998BTB0000068239

Бенефициар банкі:

АО НК «СПК «Astana»

БСК:

TSESKZKA

БСК:

16

Банк:

Филиал АО «Цеснабанк» город Астана

Протокол:

-Потенциалды қатысушылардың аукционға болмаса комиссиялық іріктеуге рұқсат беру туралы, немесе олармен тікелей немесе желілік келісім жасау туралы;

— потенциалды қатысушыларға жер учаскелерін ұсыну әдісі туралы;

— Сайыстың немесе аукционның өту мерзімі, уақыты мен орны туралы

Протокол www.smart.astana.kz:90 веб-порталында өтініштер қабылдау мерзімі аяқталғаннан күннен кейінгі 3-5 күннен кешіктірілмей www.astana.gov.kz, www.astana-spk.kz интернет ресурстарында жария етіледі.

Сайыстың өткізілу тәртібі мен өтініштер беру туралы қосымша ақпарат алу үшін «Astana» ӘКК» ҰК» АҚ хабарласуға болады.

Астана қаласы, Есіл ауданы, Д.Қонаев көшесі, 8. каб.1413, телефон: 8(717) 261-35-54.
Әрі қарай

Астанада басым технологиялық міндеттер белгіленді

«Астана Innovations» АҚ инновациялық саясат арқылы проблемалық мәселелердің тізбесін қалыптастыру,іздеу және талдау арқылы,қалалық технологиялық міндеттерді шешуге және инновациялық жобаларды енгізуде, жүзеге асыруда, деп хабарлайды Астана қаласы әкімдігінің медиа орталығы.

Ағымдағы жылы қалалық басым технологиялық міндеттер қатарына экологиялық жағдайды жақсарту, қар тазалау, су үнемдеу, интернет-заттар, SmartGrid, Smartmetering, қатты тұрмыстық қалдықтар, көлік қатынасын, жол жабынын, кәріз жүйесін жақсарту кіріп отыр.

Қалалық технологиялық міндеттерді шешу құралдарының бірі түрлі стартап-іс-шаралар арқылы қалалық технологиялық шешімдер тізбесін негізге ала отырып іздестіру, шешу.

«Astana Innovations Challenge»-нің алғышқы ауқымды жобасы — бұл стартап-іс-шаралар және стартап уикендтер. Олар қалалық технологиялық міндеттерді қала әкімшілігі, ғылым, бизнес және стартап-қоғамдастықтар арқылы шешуге бағытталған. Сонымен қатар, осы жоба аясында стартап уникенттер мен хакатон тақырыптары қалалық технологиялық міндеттерді шешуге арналған.

Бүгінгі күні екі стартап уикенд және екі хакатон өтті. Төмендегі тақырыптар бойынша тағы екі стартап уикенд жүргізу керек қалалық ақпараттық жүйелер, туристік қызметтер, электрондық медицина және білім жүйесіндегі технологиялар.
Әрі қарай

Астана әкімі қаладағы жолдар мен электр сымдарына қатысты бірқатар тапсырма берді

Қалалық әкімдікте өткен аппарат отырысында елорда әкімі Әсет Исекешев бірқатар қалалық құрылымдардың есебін тыңдап, Астананың апта ішіндегі ахуалымен танысты.

Жыл басынан бері қалада кабельдік сымдардың 521 тұйықталу және ұшқындау оқиғасы тіркелді. Бұл 2016 жылдың аталған кезеңімен салыстырғанда 131 оқиғаға немесе 25% көп.

«Дамыған мемлекеттерде коммуникациялық желілердің барлығын жердің астымен жүргізеді. Ал бізде әлі күнге дейін көшелерде кабельдік сымдар жоғарыда ілініп тұр. Осыған орай аудандық әкімдіктерге тиісті қызметтермен бірлесіп, ағымдағы жылдың соңыңа дейін қала аумағындағы жоғарыда ілінген кабельдік желілерді түгендеп, оларды ретке келтіру жөнінде нақты ұсыныс әзірлеуді жүктеймін», — деді қала басшысы.

Аппарат отырысында жол инфрақұрылымына қатысты мәселелер де талқыға салынды. Бейсекова, Қошқарбаев көшелеріндегі жаяу жүргіншілерге арналған жолдар мен жол жиектерінің салынбай қалуы немесе құрылыс жобасына енгізілмеуі салдарынан тұрғындар «өздері салған» жолдармен жүруге мәжбүр. Бұған қоса әкім жолдағы пандус мәселесіне баса назар аудару қажеттігін айтты.

«Қалада жол пандустары өте аз. Бұл арба сүйреткен аналар мен мүмкіндігі шектеулі жандардың жүріп-тұруына қиындық туғызады. Жаңадан салынған көшелер болғандықтан бұл мәселе о баста жобаға енгізілуі керек болатын. Алда елорданың 20 жылдық мерейтойын атап өту міндеті тұр. Осыған орай аудандық әкімдіктер мен құрылымдық мекемелер 10 қарашаға дейін қаладағы проблемалық аумақтардың кемшіліктерін (жол пандустары, жол жиектері, тас төсемдерін және т.б.) толық түгендеп, тиісті шараларды қабылдауды тапсырамын», — деді Астана әкімі.
Әрі қарай

«Smart Astana» мобильді қосымшасы астаналықтардың арасында танымалдылығы күн санап артуда

«Smart Astana»-ның жаңартылған қосымшасын 113 мың тұтынушы жүктеп алды, деп хабарлайды елорда әкімдігінің медиа орталығы.

Ноу-хаудың арқасында қала тұрғындары мен қонақтары қабылдауға жазылады, «жеке кабинетте» өзінің мәселесімен шығып, басқара алады, қала жаңалықтарын бірінші болып біліп отырады, түрлі сауалнамаларға қатысады және уақтылы push-хабарлама алады.

Мобильді қосымша мен «Smart Astana» веб-порталы елорданың смарт-сервистерінің өзекті және маңызды көрсеткіштерін, тұтынушыларға ашық, қолжетімді болу үшін, қалалықтарға ақпараттың қолжетімді болу деңгейін жоғарылату, интерактивті ақпаратқа қолжетімділікті қамтамасыз ету үшін қызмет көрсету, қалалық ақпараттық өнімді танымал ету, сапасын арттыру үшін жасалған.

Жалпы алғанда бүгінде 12 санат бойынша 30 сервис жұмыс істеуде: мемлекеттік және қалалық қызмет көрсету, денсаулық, білім, тұрғын үй коммуналдық шаруашылығы, қоғамдық көлік, туризм, коммерциялық қызмет, құлақтандыру, қаланың жаңалықтары мен оқиғасы, белсенді азаматтар және де пайдалы гаджеттер: ауа райы туралы ақпарат, валюта курсы, намаз бен ораза кестесі.

Жоба 2017 жылдың 7 маусымында жаңартылып, пайдалануға жіберілді.
Әрі қарай

Асықтарым көп менің

Блог - quatadis: Асықтарым көп менің

Қатал кейде қала тым,
Аула да тар, тар үй де.
Ойнап асыр салатын,
Ауыл жақсы әрине.

Жүр ем жазда барам деп,
Ертіп кетті ағам кеп.
Атам, әжем жинапты,
Бір қалта асық маған деп.

Шиырласам үй маңын,
Берер маған сыйға кім?
Сақамды атып тағы да,
Бір қалта асық жинадым.

Қайтып үйге олжалы,
Қуанттым көп атамды.
Асығынан құлжаның,
Сайлап берді сақамды.

Әжем үшін дәл бүгін,
Ойыншылар алдымын.
Бояп берді сан түске,
Асығымның барлығын.

...Қалада енді күй бөтен,
Ауламыз тар, қиын-ақ…
Сонда да «асық» үйретем,
Достарымды жиып ап.
Әрі қарай

Алматы облысында ұлттық ат спорты түрінен жарыс өтті

Алматы облысында ұлттық ат спорты түрінен жарыс өтті
Алматы облысы, Шеңгелді ауылында «Болашаққа бағдар: Рухани жаңғыру» бағдарламасы аясында ауылшаруашылық еңбеккерлерінің күніне орай, ұлттық ат спорты түрлерінен үлкен, ауқымды жарыс ұйымдастырылды. Бұл дүбірлі той жер игеріп, мал басын өсіріп, өсімдік шаруашылығын дамытып, өңірдің өркендеп, өсуіне ат салысып жүрген, сонымен қатар жергілікті халықтың бүтін мейрамы деуге болады. Осы орайда, қала басшысы Талғат Қанатұлы барша жамағатты айтулы мерекемен құттықтап, жылы тідегін білдірді.
Алматы облысындағы іргелі аймақтардың бірі болып саналған Қапшағайда аталмыш шараның өткізілуінің өзі тегін емес. Себебі, Мемлекет басшысы Нұрсұлтан Әбішұлы Назарбаев, ұлттық мәдениетімізді, болмысымызды, салт-дәстүрімізді сақтап, оның кейінгі ұрпаққа аманаттап қалдыру жолында жұмыстар атқарылу керектігін айтқан болатын. Соған орайластырылып отырған мәдени шара нақты айта кетсек, қазақтың қаны мен бойына сіңген, ғұрпын паш ететін ат жарысында көпшілік 5 шақырымға тай, 11 шақырымға құнан, 25 шақырымға Аламан бәйгелерін тамашалады.
Бәйгенің бас жүлдесі –темір тұлпар көлігі, ал қалған қатысушыларға бағалы сыйлықтар табыс етілді. Сонымен қатар, мерекеде қыз қуу, теңге ілу «Қазақша күрес» ұлттық спорт түрлерінен жастар өз бақтарын сынады. Одан бөлек, мейрамда қаланың шығармашылық ұжымдарыны, «Ретро» триосы, «Меруерт» өнер мектебі мен жергілікті өнерпаздардың концерттік бағдарламасы көпшілікке тарту етілді.
Сондай -ақ, этно-мәдени бірлестіктерінің және қол өнер шеберлерінің көрмесі ұйымдастырылды. Тағы бір айта кетерлігі, келген қауымның 20-ға жуық тігілген қазақ үйлерден дәм татуларына да мүмкіндіктер қарастырылды.
Әрі қарай

"Ой-Зерек" радиобағдарламасының 2017 жылғы 28 қазанындағы шығарылымында қойылған сұрақтар

«Ой-Зерек» радиобағдарламасының 2017 жылғы 28 қазандағы эфирінде 3-айналымның кезекті ойыны өтті. Қонаққа келген «Бақсы» командасы ойынды 5:6 есебімен аяқтады.
Қазақтың әзіл-оспақ жұмбағынан: Патша өте дәмді және мінсіз етіп сорпа пісіртеді. Бірақ патша бұл сорпада бір кемшілік бар дейді. Зындандағы тұтқынға бір кесе сорпа құйдырып бір ұрттатады да «Егер осы сорпаның несі кем екенін тапсаң сені бостамын» дейді. Тұтқын патшаға сорпаның несі кем екенін айтып бостандыққа шығады. Сұрақ: сорпаның несі кем еді?

Нәсілдер арасында айырмашылық байқамайтынын меңзей отырып, Хантер Томпсон
өзін ИКСИК деп атайды. ИКС те ИКСИК болған. ИКСті атаңыз.

«Вокруг света» журналының жазуынша, жарты ғасырдай бұрын Лондондағы кей үй шаруасындағы әйелдер ОНЫ үйден шықпай-ақ қарап, қолданған екен. Жұмыртқаны суға қайнату кезінде сарыуызын былжыратып пісіру, сосын сарыуыз жартылай былжыратып пісіру және толық қайнатып пісіру секілді үш түрлі әдіспен әзірлеу үшін әйелдер НЕНІҢ көмегімен дәл уақытылы қайнатқан?

Швейцарияның тау шаңғысы курорттары туралы жарнамалық мақала «Швейцарияның АЛЬФасы» деп аталады. Орта Азия мемлекеттері АЛЬФА деп өсімдікті атайды. Сатып алушыға таныс түрді АЛЬФАға, мысалы, родий, береді. АЛЬФАны атаңыз.

Эквадордың сыртқы істер министрі 2000 ж.ж. ортасында, жазда (2006 жылғы 15 маусымда) екі сағаттай өзінің қызметтік міндетін атқармайтынын мәлімдеді. Министрді мұндай шешімге итермелегендердің қатарында басқа латынамерикалық мемлекет – Коста-Рикалық азаматтар тобы бар еді. Бұл азаматтар осы уақыт аралығында не істеген сонда?

Ресейдің Жоғарғы Бас ИКСінің сайлауында сайлау комиссиясының төрайымы болып Шончалай Ховенмей тағайындалды. Сайлауға Тува, Бурятия, Саха және Хакасия өкілдері Ал француз бапкері Филипп Труссье 1998 жылы Буркина-Фасо құрамасын жаттықтырып, Ақ ИКС деген атақ алды. ИКСті атаңыз.

Ол капитанға жай серік болайын деп, кемеге мінді. Біраз уақыттан кейін ғалым Роберт МакКормик бәсекелестікке шыдамай кемеден түсіп кетті. Ол кім?

Сәкен Сейфуллин: «Адам – АЛЬФА, өмір – жол» деген. Желідегі бірқатар мақалалар «ЭКСПО-2017-ге Тараздан АЛЬФА келеді» деп аталады. АЛЬФА сөзін гугл іздеу жүйесіне салсаң, бірінші болып кинотеатрлар шығады. АЛЬФАны атаңыз.

Флобердің романында пысық күзетшінің (жұмысында) картоп егумен де айналысқаны баяндалады. Ал эпидемия басталған кезде күзетші қап деп қапаланады. Қарауыл ненің күзетшісі сонда?

Қазақстар ИКСті екі сөзбен атайды. Бір карикатурада бір ИКС екінші ИКСке артыңнан тәрелкеңді жуып жүр дейді. Гипотеза бойынша, Эхнатон перғауын ИКС болған деп тұжырымдайтындар бар. (Сондай-ақ әйгілі аргентиналық футболшыны ИКС деп атайды). ИКС деп қандай сөзді ауыстырдық?

Бір шығармада олигархтардың мүддесін қорғап, салықтарды көтеру және халыққа арналған әлеуметтік кепілдіктерді азайту саясатын ұстанатын ДуГ атты билеуші әрекет етеді. Оның фамилиясын атаңыз.

Ойынның аудиосын ресми сайттан тыңдауға болады. Сондай-ақ фейсбукте тікелей эфир жүргізілген болатын.
Әрі қарай

Шынықсаң шымыр боласың

Блог - quatadis: Шынықсаң шымыр боласың

Ұйқыдан күліп тұр,
Денеңді шынықтыр.
Ерінбе, жаттығып,
Ертеңге үміт қыл!

Иіліп оңыңа,
Иіліп солыңа.
Гір тасын ойнатып,
Күш жина қолыңа!

Асықпа аптығып,
Қозғал тек, мойыма!
Ерінбей жаттығып,
Күш жина бойыңа!

Сүресің ғұмыр көп,
Тершісе маңдайың.
Шынықсаң шымыр боп,
Жүресің әрдайым.

Ұйқыңнан күліп тұр,
Денеңді шынықтыр!
Ата, әжең мақтансын:
«Болды деп жігіт бұл!».
Әрі қарай

Елордада қазақ күресінен Әлем чемпионаты басталды

Астана жаңалықтары: Елордада қазақ күресінен Әлем чемпионаты басталды

Елордада қазақ күресінен Әлем чемпионаты басталды, деп хабарлайды Астана қаласы әкімдігінің медиа орталығы.

Бүгін Астанамызда Қазақ күресінен Әлем чемпионатының жалауы желбіреді. Байрақты бәсеке екі күн қатарынан өтеді, жарысқа әлемнің 40 мемлекетінің спортшылары қатысуда, олардың қатарында АҚШ, Қытай, Австралия, Үндістан, Литва, Ресей, Бельгия, Украина, Камерун және т/б бар.

Қазақ күресі ежелгі спорт түріне жатады. Бүгінгі таңда оның танымалдылығы күн өткен сайын артып келеді десек артық айтпаймыз. Оған дәлел қазақ күрес түрінен ел ішіндегі түрлі той думан мен салтанатты іс-шаралардан бөлек, әлемдік дәрежеде өткізіліп жүрген «Әлем Барысы», «Еуразия Барысы» жарыстарын атасақ болады. 2016 жылдан бастап ЮНЕСКО оны материалдық емес мәдени мұра тізіміне енгізілген.

Бүгінгі чемпионат сегіз салмақ дәрежесі және абсолютті дәреже бойынша өтуде. Сайыстың алғашқы күні спортшылар 55, 99, 100, 100+ және келесі күні 60, 66, 74, 82 және абсолюттік салмақ дәрежесі бойынша бақ сынайды.

«Жарысқа әлемнің қырық мемлекетінен 179 спортшы қатысуда. Жарыстын жүлде қоры шамамен жүз мың доллар. Нақтылап айтсам бірінші орынға екі мың доллар, екінші орынға мың доллар, үшінші орынға бес жүз доллар жүлде беріледі. Ал, абсолютті дәреже бойынша жеңімпазға бес мың доллар жүлде тігіп отырмыз», деп атап өтті Қазақ күресі халықаралық федерациясының тәртіпті қадағалау комитетінің төрағасы Бейбіт Ыстыбаев.

Ұйымдастырушылардың айтуынша, Әлем чемпионаты екі жылда бір ұйымдастыратын болады. Яғни, бірінші жылы Әлем чемпионаты, екінші жылы «Әлем Барысын» өткізу жоспарланған.

Төрешілер қатарында Ресейден, Полшадан келген шетілдік төрешілерде бар, ал чемпионаттың бас төрешісі Халықаралық дәрежедегі судья Мақсат Ахметбеков. Жарыста Қазақстанның намысын тоғыз спортшы қорғауда.

Іс-шараның басты ұйымдастырушысы ЗТБ «Қазақ күресі халықаралық федерациясы».
Әрі қарай

Келесі аптада қайда баруға болады?

Елорда әкімдігінің медиа орталығы келесі аптада болатын бірқатар мәдени іс-шаралардың тізімін хабарлайды.

М.Горький атындағы мемлекеттік академиялық орыс драма театрында қатарынан бірнеше премьера өтеді. 31 қазан – А. Анатольевтің «Қар ханшайымы» ертегісі, 1 қараша – П. Морозовтың «Ассоль» романтикалық феериясы. 2 қараша күні М. Булгаковтың «Мастер және Маргарита» қойылымын да тамашалауға болады. 3 қараша – Б. Жандарбековтің «Томирис – сақтар ханшайымы» эпикалық драмасы, 4 қараша – Л. Толстойдың «Анна Каренина» драмасы мен А. Хайттың «Леопольд мысықтың туған күні» атты ертегісі, 5 қараша – В. Зиминнің «Баяғыда екі түлкі өмір сүріпті» ертегісі мен А. Цагарелидің «Ханум» музыкалық комедиясы.

«Астана» концерт залында 31 қазан күні кешкісін «Әсерлі ән сал, домбыра» концерті өтеді. 1 қарашада «Айтыс – бабалар мұрасы» концерті, 3 қараша – «Шабыт» ХХ Халықаралық шығармашыл жастар фестивалінің ашылуы, 5 қарашада ҚазССР Мемлекеттік сыйлықтың иегері, СССР және Қазақстан халық әртісі, композитор Ғазиз Жұбановтың 90 жылдығына арналған концерт болады.

«Жастар» сарайында да қала тұрғындары мен қонақтары бірнеше оқиғаларға куә бола алады. 1 қарашада «GLORIA» халықаралық өнері конкурс-фестивалі, 2 қарашада «QazaQBalasy» халықаралық балалар конкурсы, 3 қарашада «Мир вкусного меда» бал көрмесі басталып, 12 қарашаға дейін жалғасады.

4 қараша – «Жайдарман» ойындарының қалалық лигасының финалы, 5 қараша – «Экзерсис» хореографиялық өнерінің VI халықаралық фестиваль-конкурсы.

Қ.Қуанышбаев атындағы мемлекеттік академиялық қазақ музыка-драма театрында 1 қараша күні А. Вальехоның «Күн сәулесі түспеген» психологиялық драмасы, 2 қараша – А. Айларовтың «Сүрінген сүр бойдақ» комедиясы, 3 қараша М. Байджиевтің «Тіл табысқандар» комедиясын ұсынады.

Тәуелсіздік сарайында 4-8 қараша аралығында декоративті қолданбалы өнері мен скульптура өнерін сүйетіндер көрмені барып тамашалауына болады.

Ал «Астана Опера» театрында 5 қараша күні «Петя мен қасқыр» концерті өтеді.
Әрі қарай