Қала тұрғындары мен қонақтарының арасында кең тараған демалыс түрлерінің бірі — коньки тебу. 1 қазанда «Алау» мұз сарайында кезекті бұқаралық коньки тебу маусымы ашылды. Бүгінге дейін аталған спорт орталығына 22 мыңға жуық адам барған.

Чемпиондық мұз айдынында жаппай коньки тебу шарасы салауатты өмір салтын насихаттауға, қала тұрғындарын спортқа баулуға бағытталған. Мұнда дене шынықтыру мен спортқа деген қызығушылықты арттыру үшін түрлі спорттық-көңіл көтеру шаралары тұрақты негізде өткізіліп тұрады. Сондай-ақ, жастарға және халықтың әлеуметтік әлсіз топтарының өкілдері үшін жеңілдіктер қарастырылған.

«Биыл біз 1 қазанда ашылдық, және осының алдындағы жылдармен салыстырғанда келушілер саны 30%-ға көп, яғни, Мұз сарайы коньки спортының түрлерін насихаттау бағытында жұмыс істеп келеді деп айтуға негіз бар. Биыл біз қайырымдылық шеңберінде белсенді негізде жұмыс жүргізудеміз, мұнда балалар үйлерінің балалары тегін негізде жиі келеді», — деп мәлім етті «Алау» Мұз сарайы директорының орынбасары Ильдар Садыков.

«Алау» отбасымен бірге уақыт өткізуге ең лайық орын, дейді мұз сарайына келушілердің бірі Әсел Мәселова. Ол қысқы спорт түрлерін жақсы көреді, және өз балаларын да спортқа буылып келеді.

«Әр демалыс сайын, мектеп каникулы кезінде балалармен бірге келуге тырысамыз, бұл салауатты өмір салты ғой. Барлық астаналықтарды балалармен бірге демалуға шақырамын, бұл өте пайдалы, бұл жер де керемет. Менің ата-анам бала кезімнен шаңғы, коньки тебуге үйретті. Өзім де балаларыма үйреткім келеді, кішкентайынан спортпен әуестенгенін қалаймын», — дейді Әсел Мәселова.

«Алауда» коньки тебуге арналған екі корт бар. Мұнда дүйсенбіден басқа кез келген күні келуге болады. Демалыс күндері — бес сеанс, жұмыс күндері үш сағаттық — 1 сеанс қарастырылған.

Жергілікті тұрғындардан басқа, Мұз сарайына Қазақстанның басқа қалаларынан келген қонақтар мен шетелдіктер жиі келеді.

«Мен Астанаға Алматы қаласынан келдім, осында тұрып жатқаныма үш ай болды. Мұз сарайында құрбымды коньки тебуге үйреттім. «Алау» Астанадағы керемет орын. Өзім қысты және мұзда коньки тепкенді ұнатамын», — дейлі Медея Ахмарова.

Бұқаралық коньки тебуден басқа, мұз сарайының халықаралық жарыстар кестесі бар. Мысалы, желтоқсанның 2 інен 4-іне дейін ол өз айдынында конькимен жүгіру спортынан әлем Кубогының үшінші кезеңін қабылдайды, ал 7 желтоқсанда келушілер үшін есігін қайта ашады.

ҚАРАҒАНДЫ ОБЛЫСЫ ӘКІМІНІҢ «ҚАЙНАР» ЖАСТАР СЫЙЛЫҒЫНА ҚАТЫСУ ҮШІН ҚҰЖАТТАР ҚАБЫЛДАУ БАСТАЛДЫ

ҚАРАҒАНДЫ ОБЛЫСЫ ӘКІМІНІҢ «ҚАЙНАР» ЖАСТАР СЫЙЛЫҒЫН ТАҒАЙЫНДАУ ЖӨНІНДЕГІ ЕРЕЖЕ

Қарағанды облысы аумағында жастар ортасында танымалдылыққа ие болған жемісті ғылыми, шығармашылық, кәсіби және қоғамдық жұмысы үшін облыстың 14 жастан 29 жасқа дейінгі жас азаматтарына берілетін Қарағанды облысы әкімі сыйлығының лауреаттарын іріктеу жөніндегі комиссия (бұдан әрі – Комиссия) Қарағанды облысы әкімінің аталған сыйлығының (бұдан әрі – Сыйлық) лауреаттарын іріктеу бойынша жұмысты жүргізу үшін құрылды.
Сыйлық байқау негізінде тағайындалады.
Комиссия құрамы Қарағанды облысының әкімінің орынбасарымен бекітіледі.
Қажет жағдайда Комиссия бөлек сұрақтар бойынша кеңесшілерді, сарапшыларды тартуға құқылы.
Сыйлыққа үміткерлерді ұсынуды Қарағанды облысының жергілікті және басқа мемлекеттік органдары, шығармашылық және кәсіби одақтары, ұйымдар мен мекемелері, жастар қоғамдық бірлестіктері жүзеге асырады.
«Жастар саясатының дамуына қосқан үлесі үшін», «Жетім балалар мен ата-анасының қамқорлығынсыз қалған балалар үшін үздік жасөспірімдер үйі», «Үздік жастармен жұмыс жасау орталығы» номинацияларынан басқа, «Мемлекеттік жастар саясаты туралы» Қазақстан Республикасының Заңына сәйкес, он төрт жастан жиырма тоғыз жасқа дейінгі Қазақстан Республикасының азаматтары сыйлықтың лауреаттары болып саналады.
Комиссияның жұмысшы органы «Қарағанды облысының жастар саясаты мәселелері жөніндегі басқармасы» ММ (бұдан әрі – Жұмысшы орган) болып табылады.
Сыйлық салтанатты түрде тапсырылады, марапаттау рәсімі Қазақстан Республикасының Тәуелсіздігінің25 жылдығына орайластырылады.
Жұмысшы орган оған жүктелген міндеттерге сәйкес:
1) үміткерлердің байқау құжаттарын қабылдайды және сыйлық алуға ұсынылғандардың жұмысын алдын ала қарайды, оларды ұсыну тәртібінің сақталуын қамтамасыз етеді;
2) үміткерлерді іріктейді, байқауға қатысуға рұқсат беру туралы ұсыныстар енгізеді, байқауға жіберілген жұмыстарды авторларын, оларды ұсынған ұйымдарды көрсете отырып баспасөз беттеріне жариялайды;
3) байқауға жіберілген үміткерлердің жұмысын ашық және ауқымды талқылау жұмысын ұйымдастырады;
4) сыйлықты тағайындау туралы шешім қабылдайды;
5) сыйлық лауреаттарының дипломдарын дайындайды;
Комиссияны облыс әкімінің жетекшілік жасайтын орынбасары ретінде төраға басқарады. Комиссияның төрағасы жоқ кезде оның міндеттерін «Қарағанды облысының жастар саясаты мәселелері жөніндегі басқармасы» ММ басшысы ретінде Комиссия төрағасының орынбасары атқарады.
Комиссияның төрағасы:
1) Комиссияның жұмысын басқарады;
2) Комиссияның құзыреттілігі аясында басқа да өкілеттілікті атқарады.
Комиссияның хатшысы:
1) Комиссия отырысының күн тәртібін жасақтайды;
2) Комиссияның отырысын өткізуді қамтамасыз етеді;
3) Комиссия мүшелеріне отырыстың күн тәртібі, өтетін орны мен уақыты туралы хабарлайды;
4) Комиссия мүшелеріне берілген құжаттарды ұсынады;
5) Комиссия отырысының хаттамасын рәсімдейді.
Комиссия өзіне жүктелген міндеттерге сәйкес:
1. Сыйлыққа үміткерлердің материалдары мен құжаттарын зерттеп іріктейді.
2. Облыс әкіміне Сыйлықты тағайындау туралы ұсыныс енгізеді.
Комиссия лауреаттарды іріктеудің келесі критерийлерін басшылыққа алады:
1) «Жылдың жас көшбасшысы» — оқудағы, қоғамдық жұмыстағы, мәдениеттегі, спорттағы жетістіктер, әлеуметтік маңызы бар және кең ауқымды саяси іс-шараларға қатысу, табысты жүзеге асырылған жобалар, оларды өткізу нәтижесінде қол жеткізген әлеуметтік әсер, жұмысының бұқаралық ақпарат құралдарында (бұдан әрі – БАҚ) жариялануы, ұйымдастырушылық, көшбасшылық қасиеттер;
2) «Отан қорғаушы» — әскери қызметкерлер, құқық қорғау органдарының өкілдері, кәсіпқойлық үшін мадақтамалар мен марапаттар; ел қауіпсіздігін қорғау саласындағы мемлекеттік саясаттың жүргізілуіне белсене қатысу; нәтижесі адам өмірі мен денсаулығын сақтап қалуға әкелген жеке бас жетістіктері, қайғылы салдарды алдын алу, қылмыс жасауды болдырмау бойынша әрекет қылу және т.б.;
3) «Үздік жас мәдениет қызметкері»- мәдениет саласын дамытуға үлес қосқан, өнер, туризм, музыка, әдебиет саласының қызметкерлері (суретшілер, дизайнерлер, фотографтар, музыканттар, актерлар, қолөнер шеберлері, экскурсоводтар, әдебиетшілер, т. б.) шығармашылық конкурстарға қатысатын, (дипломдары, наградалары, шығармашылық жобалары, жұмыстары) болуы қажет;
4) «Жылдың жас жұмыскері» — өнеркәсіп саласының жұмыскері (слесарь, машинист, механизатор, дәнекерлеуші, қырнаушы, қақтаушы, кенші, металлург және т.б.), өз қызмет саласының дамуына үлес қосу, белсенді азаматтық ұстанымы, қоғамдық пайдалы қызмет;
5) «Жылдың жас ұстазы» — білім беру ұйымдарының мұғалімдері мен оқытушылары, мектептен тыс ұйымдардың педагогтары, балабақша тәрбиешілері, әдістемелік құралдар авторлары және өскелең ұрпақты тәрбиелеуге үлес қосқан азаматтар;
6) «Жастар саясатының дамуына қосқан үлесі үшін» — мемлекеттік және азаматтық қызметкерлер, мемлекеттік емес ұйымдардың өкілдері, ЖОО және арнайы орта оқу орындарының өкілдері, білім, мәдениет және спорт саласының қызметкерлері.
7) «Жылдың жас ғалымы» — ғылыми қызметкерлер, жоғары оқу орындарының ғылыми-педагогикалық жұмысшылары, өнеркәсіп пен ғылыми ұйымдардың мамандары, ғылыми дәреженің бар болуы (аспиранттар мен докторанттар), ғылыми саладағы мемлекеттік саясаттың жүргізілуіне белсенді қатысу, қоғамдық өмірдің түрлі салалары бойынша ғылыми жобаларды енгізу мен жүзеге асыру, Қазақстан ғылымына қосқан айрықша үлес, ғылым саласындағы жеке бас жетістіктері, меншікті ғылыми-зерттеу жұмысы, ғылыми конференцияларға, зерттемелерге, грант байқауларына қатысу; басылымдардың болуы: монографиялар, оқу және оқу-әдістемелік құралдар, мақалалар, тезистер, ғылыми мекемелердегі жұмыс тәжірибесі;
8) «Жылдың жас медицина қызметкері» — әдістемелік әзірлемелері, публикациялары, наградалары бар (алғыс хаттар, мақтау қағаздары) жас медицина қызметкері, әртүрлі деңгейдегі конкурстық іс-шаралардың қатысушылары мен жүлдегерлері.
9) «Ауыл шаруашылығының немесе агроөнеркәсіптік кешенінің ең үздік жас маманы»- ауылдық жерде жұмыс істейтін, ауыл шаруашылығында, мал шаруашылығында, өсімдік шаруашылығында жаңа технологиялар енгізген, ауылдың қоғамдық өміріне белсенді қатысатын және ауылдастардың беделі мен құрметіне ие жас мамандар;
10) «Үздік жас мемлекеттік қызметші»- кәсіби жетістіктері, белсенді азаматтық ұстанымы бар, инновациялық жұмыс әдістерін қолданатын мемлекеттік қызметкер,
11) «Шын жүректен» — қайырымдылық шараларымен айналысатын, сондай ақ қиын өмірлік жағдайға тап болған адамдарға көмектесіп жүрген жас азаматтар.
12) «Жетім балалар мен ата-анасының қамқорлығынсыз қалған балалар үшін үздік жасөспірімдер үйі» — балалар үйінің түлектерінтабысты әлеуметтік бейімдеп, тұлғаны жан-жақты, үйлесімді дамытып, кейіннен қоғамға біріктіріп, құқықтары мен заңды мүдделерін қамтамасыз ететін жағдай туғызатын жасөспірімдер үйі;
13) «Үздік жастармен жұмыс жасау орталығы» — жұмыс тәжірибесі табысты жастармен жұмыс жасау орталығы, жастарға көрсетілетін әрекетті қызметтер, мемлекеттік жастар саясатын жүзеге асырудағы жасампаз амалдарды жасақтау мен белсенді қатысу, жастарға атаулы және консультативтік көмек көрсету, қызметі БАҚ-та жариялау.
Сыйлық алғаннан кейін үш жылдың ішінде ұқсас номинация бойынша қайта Сыйлық тағайындауға жол берілмейді.
Сыйлық алуға ұсынылғандар мен байқау жұмыстарын Комиссия екi кезеңде қарайды. Бірінші кезеңдеКомиссия әрбір номинация бойынша сыйлық алуға 3 үміткерді іріктейді, екінші кезеңде солардың ішінен Комиссия әрбір номинация бойыншаСыйлық тағайындауға бір-бір үміткерді анықтайды.
Комиссияның шешімі ашық дауыс беру арқылы көпшіліктің дауысым қабылданады. Комиссия мүшелерінің дауыстары бөлінген жағдайда Комиссия төрағасының дауысы шешуші болып табылады.
Комиссия хатшысы Комиссияның мүшесі болып табылмайды және шешім қабылдау кезінде дауыс беру құқығына ие емес.
Комиссия шешімдері оның құрамының кемiнде 2/3 мүшесі қатысса заңды деп есептеледi.
Комиссия мүшесінің Сыйлық алуға өз үміткерлігін ұсынуға құқығы жоқ.
Байқау өтінімін рәсімдеуге қойылатын талаптар:
1) Байқауға қатысуға өтінім сайысқа қатысатын әлеуетті үміткерлердің осы Тәртібі көрсетілген талаптар мен шарттарға келісім білдіру түрі болып табылады.
2) Байқауға қатысуға ниет білдірген үміткердің Байқауға қатысуға жолдаған өтінімдері бірінші басшының қолы және мөрімен расталған хатпен бірге қабылданады (заңды тұлғалар үшін).
3) Осы Тәртіпте көрсетілген талаптарға сай емес өтінімдер байқауға қатысуға қабылданбайды және тіркелмейді.
4) Байқауға қатысу үшін қажетті құжаттар:
 түйіндеме;
 мемлекеттік органдар және/немесе мекемелердің, қазақстандық және/немесе халықаралық үкіметтік емес ұйымдардың, бизнес-құрылымдардың, өзге де ұйымдардың үміткердің атына жазылған ұсынысхаттары;
 7 фотосурет: 1 стандартты, құжаттар үшін (3х4), 3-«жұмыс үстінде», 2-«бос уақытта»; фотосуреттер басылған және электронды түрде тапсырылуы тиіс, JPEG форматта, кемінде 3000*2000 пиксельде рұқсат етілген; («Жылдың әлеуметтік жобасы» номинациясы үшін талап етілмейді);
 мемлекеттік немесе орыс тілінде «Мен (біз) неге «Қайнар» сыйлығына лайықтымын (-мыз)» тақырыбында эссе. Көлемі 1 беттен аспауы керек, MS Word мәтіндік редакторында, қаріп — Times New Roman, кегль 14, аралық 1,5.
 жетістіктерін растайтын құжаттар (мақтау қағаздарының, дипломдардың, сертификаттардың, лицензиялардың, патенттердің, бейне-фото материалдар көшірмесі CD, DVD түрлі-түсті форматында, баспа, телевизиялық және электронды БАҚ-тардағы мақалалар (мақалалардың кесінділері, газет, журналдардағы мақалалар (немесе олардың көшірмелері), электронды БАҚ-қа сілтеме).
Байқауға қатысу туралы өтінімдер 2016 жылғы 25 қараша сағат 18.00-ге дейін мына мекен-жай бойынша қабылданады: Қарағанды қаласы, Құрылысшылар даңғылы 4, 204 кабинет. Толық ақпаратты Қарағанды облысының жастар ресурстық орталығынан білуге болады: 8(7212) 40-21-33.
Қарағанды облысы әкімінің "Қайнар" жастар сыйлығы 2016 жылдың 8 желтоқсаны күні табысталатын болады.

Қарағанды облысы жастар ресурстық орталығының ұйымдастыруымен Қарағанды банк колледжінің студенттерімен «Қазақстан Республикасының Ұлттық идеологиясы — Мәңгілік Ел» атты тақырыпта кездесу өткізілді.

Кездесуге акедемик Е.А.Бөкетов атындағы Қарағанды Мемлекеттік университетінің «Тұлғатану» ғылыми-зерттеу орталығының директоры, тарих ғылымдарының кандидаты, доцент Бейсенбекова Нұрсахан Ахметқызы және Қарағанды Мемлекеттік университеті тарих факультетінің оқытушысы, доцент, тарих ғылымдарының кандидаты Кентбек Салават Қамшыбайұлы арнайы шақырылып, студенттерге «Ұлы Даланың Мәңгілік Ел тұжырымдамасы» тақырыбында дәріс оқыды.

Адамның көңілі, ішкі дүниесі кейде сыр беруі мүмкін. Сол кезде көмекке достарымыз келеді. Бұл — заңдылық. Аптаның ауыр күндерінен, күнде бір істен жалыққан кезде, жай ғана балалық істеу керек екен. Иә, иә, оған бүгін көзім жетті. Қарағандыда тоқтаусыз жапалақтап қар жауып тұр. Ал, алты қыз болса, бір шатырдың астында тұрады. Балконға (қызық болсын, қылтимаға) бір шығамыз, екі шығамыз, шыдамай әп-сәтте киініп, далаға бірақ зыттық.
Күн суық деп ойламаймыз. Көңіліміз не қалады соны дүкеннен ерінбей сатып алдық. Сол кезде, дәл үйдің алдында жабысқақ қарды ұстадық та қалдық. Бітті, атыс-матыс басталды. Үсті-басымыз су-су. Ұйықтап жатқан көршілердің терезелері жанып, жүздерінен күлкі ұялады. Енді… «мыналарға не жоқ », — деп күлген шығар, сірә. :J Бірақ… табиғаттың сұлулығына тоя алмай, әрең үйге кірдік.

Р. S.: Ғалымдардың айтуынша, балалар бір күнде 400 рет жымиып, 150 рет күледі екен. Ал, ересектер ше? Есейген кезде 24 сағаттың ішінде орташа 15 рет жымиып, 6 рет шынайы күледі. Сол себепті қалжырау, шаршау деген қиындықпен тап болады. Қажиды. Мысалы, жай ғана қармен атысып ойнаудың өзі, үлкен күш береді. Біріншіден, жігер жинасақ, екіншіден бір аптаға жететін позитив сыйлады. Ешқашан күлкілі боламын деп ойламаңыздар, жүрек қалауымен тек алға ұмтылу керек. Қайта, осындай тәтті күндердің барына шүкіршілік. :j:j:j

30 қарашада Оқушылар сарайында ASTEX Astana Smart City 2016 форумы өтеді. Оған Қазақстаннан, алыс және жақын шет мемлекеттерден 400-ге жуық адам қатысады, деп хабарлайды Astana Innovatiоns АҚ.

Форум шеңберінде өткізу жоспарланған көрмеде адамның өмір сүруі үшін жайлы жағдайлар жасауға бағытталған жоғары технологиялық жобалар ұсынылады. Инновациялық қоғамдастықтың көшбасшылары, Smart City стандарттау, энергетика, ІТ, «жасыл технологиялар» салаларындағы белгілі қазақстандық және шетелдік сарапшылар, ғылыми және жобалаушы ұйымдардың өкілдері тәжірибелерімен бөліседі.

Панельдік пікірталас шеңберінде «Смарт ситиге» цифрлау; «ақылды» қалалардың экономиканың дамуына әсері; электрондық үкіметті дамыту мәселелері; «ақылды» қалалардың цифрлық трансформация және инновациялық шешімдері; Smart education «Bilimal»; жақын келешекте Астана қаласы үшін инновациялық шешімдер қаралатын болады.

Астанада қалалық автобустарда ASTRA Plat электронды жолақы төлеу жүйесін енгізу жалғасуда.

Бүгінгі күні жүйеге №№101, 102, 103, 105 төрт express-бағыты және №№3, 6, 8, 10, 12, 20, 21, 23, 29, 32, 40, 61 он бір қалалық бағыт қосылды. ASTRA көлік карталары жұмыс істейтін барлық автобустардың есіктерінде арнайы ерекшелік стикерлері бар.

Елорда тұрғындары мен қонақтары көлік карталарын аялдама пунктерінің қасында және қаланың сауда орталықтарында орнатылған RTVM автоматтарынан сатып алып, толтыра алады. Сондай-ақ, жолаушыларға ыңғайлы болуы үшін бұл қызметтер қаланың арнайы кассаларында қолжетімді.

Еске салсақ, ASTRA көлік карталарының үш түрі бар: толтырылатын, мектеп және жеңілдікті. Жолақы төлеудің үйреншікті әдістері — ақшалай есеп айырысу және жол жүру билеттері күшінде қалады.

Карталарды мына мекен-жайлар бойынша орналасқан кассалардан сатып алуға болады:

Кассалар / Мекен-жайы / Жұмыс кестесі

№2 касса
Абылай хан даңғ., 57/1 («Астана LRT» ЖШС КДО)
09.00 — 19.00

№ 3 касса
Петров к-сі, 24 («Евразия» СҮ)
10.00 — 20.00

№ 4 касса
Тілендиев даңғ., 15 («Рахмет» СҮ)
10.00 — 20.00

№ 5 касса
Гете к-сі, 5 (Сапаржай Астана)
08.00 — 19.00

№ 7 касса
Бөгенбай батыр даңғ., 68 («Әлем» СҮ)
10.00 — 20.00

№ 8 касса
Қабанбай батыр даңғ., 5 (Астаналық цирк)
10.00 — 20.00

№ 11 касса
Жеңіс даңғ., 47 («Жеңіс» СҮ)
10.00 — 20.00

11 қарашада сағат 19.00-де «Астана» концерт залында (Конгресс-холл) ҚР Тәуелсіздігінің 25 жылдығына арналған «Әнім сенсің, Туған Ел!» концерті өтеді.

Мерекелік концерттік бағдарламаны Астана қаласы әкімдігі Мемлекеттік академиялық филармониясының қазақ оркестрі орындайды. Көркемдік жетекші және бас дирижеры – ҚР еңбек сіңірегн қайраткері, профессор Айтқали Жайымов. Дирижер – Мәдениет қайраткері Нұрлан Бекенов.

Бұл кеште қалалық филармонияның ең үздік дауыстары Сіздерді ләззатқа бөлейді. Аңызға айналған қазақстандық композиторлар Түркештің, Ғ.Құрманалиевтің, М.Қанапияновтың, Т.Базарбаевтың, Б. Тілеухановтың, Т. Ізтайдың, Н. Тілендиевтің, К.Күмісбековтың, А. Жайымовтың және жас композиторлар Арман Жайым мен Нұрлан Бекеновтың әндерін классикалық, эстрадалық және халықтық вокал бөлімінің орындаушылары шырқайды.

Қалалық филармония әртістері концерттік бағдарламада тыңдармандарға «Салем саған, Туған Ел», «Дархан Дала», «Туған жер», «Атамекен», «Ұлы дала» және т.б. көптеген осы сынды шығармаларын ұсынады.

Елордада Орынбор көшесінің атауын Мәңгілік ел деп өзгерту және атаулары қайталанатын көшелерді жаңаша атау мәселесі көтерілді. Кезектен тыс 11-ші сессия барысында қалалық мәслихат депутаттары ономастикалық комиссия ұсынған жаңа көше атауларын мақұлдап, бұл мәселеге нүкте қойды.

«Алматы» ауданында Хусейн бен Талал көшесі пайда болады, оның жобалық атауы 23-17 болған, Кенен Әзірбаев (бұрынғы 23-31 көше), және А19 деп аталған көшеге Темірбек Жүргеновтың есімі берілді. Ал бұрынғы Хусейн бен Талал көшесі енді Ұлы Дала даңғылы деп аталады. Иван Панфилов атындағы көше Сәкен Жүнісов көшесі деп өзгертілді, ал Бейімбет Майлин және жобалық атауы А193 көшесі біріктірілетін болды. Еңбекшілер көшесі №36 көшемен біріктіріліп, Әлихан Бөкейханов даңғылы деп аталады. Ал «Сарыарқа» ауданындағы осы аттас көшеге Әзербайжан Мәмбетовтың есімі берілді. «Есіл» ауданында жобалық атаулары ғана болған 10 көшеге жаңа атаулар берілді. Солардың бірі Е10 көшесі Орынбор көшесі деп аталады. Одан басқа, сол жағалауда Нияз би, Нұрпейіс Байғанин, Сұлтанбек Қожанов, Қайым Мұхамедханов, Никола Тесла, Рабиға Есімжанова, Саттар Ерубаев, Ханшайым Сүйінбике және Бұқар жырау есімдерімен аталатын көшелер пайда болды. Әділет органдарында тіркелген соң он күн өткен соң бұл шешім күшіне енеді. Демек, елорда тұрғындары мен қонақтары қалада адаспас үшін көшелердің жаңа атауларын біліп алу қажет.

Өздеріңіз білетіндей /білмесеңіз осы посттан біліңіз/, бір топ блогер қауым "Қазақстан" ұлттық арнасының эфирінен берілетін «Білгірлер бәйгесі» атты зияткерлік сайыстың 2016 жылғы маусымына қатысты.
Жалпы, ойын дәрежеміз жаман болған жоқ: 32 команданың ішінде біз жартылай финалға дейін жетіп, 3-4 орынға тұрақтадық.
Ойындар қызық, дегенмен біртекті емес. Мысалы, естеліктерден: түсірілімдердің бірі қарсылас команданың қиғылық салуымен, айғай-шумен өтті. :) Ал соңғы ойынымызда Алмас Алтайдың тойы қабаттасып, Маралбек ұшып кетті, сол жартылай финалды ойнай сала артынан мен де асығыс ұштым Ақтауға. Бірақ жеңілісіміз соған байланысты деп тұрғам жоқ. :J

Қазақ телевизиясына интеллектуал жобалар қажет-ақ. Ол факт. Дегенмен, сапалы дүние — жоқтың қасы.
Біз қатысқан бұл сайыстағы сұрақтардың біразы — «ХХ ғасыр көшбасшысы» кезіндегі жұрнақтан қалған сауалдар сияқты. Дәл қазір 27 жасымда мен 16-ымда айтып кеткен «Функцияның экстремумдары» немесе "Қабысу, матасу, жанасу" секілді тіл элементтері туралы жауаптар бергім келмейді. Дегенмен, иә, бұндай сауалдардың болу/болмау мәселесі — талқыланатын, дауласуға тұратын, дәлелдеуді талап ететін сұрақ. Яки, бір жақты емес, әрине.

Сауалдардың және жауаптардың формулировкасы кейде сәл қисынсыз. Соңғы турда кейде не сұрап отырғанын, қандай стильде жауап беру керегін ұғыну да қиын. Бізде жауап іздеуде тым терең қазу мәселесі кездесті. Тым.

Жобаны ең басты екі кемшілігі бар.

1) Жылдамдыққа иек арту — оңай сұрақтарды, мәселен, кімнің қолы шапшаң, сол ала бермек. Біз ҚазҰУ-мен алғашқы ойынымызда сөйтіп жеңдік. Бұл — дұрыс емес, кейбір командалар сол әлеуеті ашылмаған күйі жобадан шығып кеткен шығар.

2) Сұрақтар бөлінісінде бағалау — бұрыс. Ойындардың бірінде, 2-турға, түркілердің «Бөрі» таңбасы туралы сауал келді. Бұрын бастық та жауап бердік. Сол үшін 50 (!) ұпай берді. Ал шартты түрде Рио де ла Плата өзені жайлы сұраққа 5-10 ұпай. Бөрі айуаны түркілердің белгісі екенін білу неге арнасы ең жалпақ өзенді білуден 5-10 есе артық бағаланбақ?

Одан бөлек, өзіндік себептермен біз жоба жеңімпазының адалдығына («Болашақ» командасы) жалпы күмән келтірдік және ұйымдастырушылардың немқұрайлылық ситуациясына іш тартпадық. Жеке өзім жүргізушіге де көңілім толмайды.

Жобаның алғашқы жүлдегерлерін қайдам, өзіміз олардың эфирін жасап бергеннен басқа марапатқа ие болғанымыз жоқ. Жақсы, мен аздап эгомды қасып алдым. Бірақ ұйымдастырушылар қаражатты қалай жұмсағаны қызық.

Жалпы, осы не осындай жоба бір қатар түзетулер мен өзгерістермен эфирде үнемі болғаны жөн деп ойлаймын. IQ-і салмағынан аспайтын бұл қоғам мүшелерін дамытудың бір жолы ТВ-жобалар екеніне кәміл сенемін.

p.s. Өзіміз тек сынай бермей, бір толық серия (оннан аса ойын) жүргізілген «Керекринг» жобасының негізінде іріктелген командалармен жаңа жобаны бірер орындарға ұсынып көргенбіз. Сұрақтар — терең зияткерлік деңгейде (ресейлік «Что? Где? Когда?» бағдарламасының шамасындағы сауалдар), жоғарыда аталған кемшіліктер жоқ. Соған орай кей тв-мамандардың «Шоу-бизнес, әншілер қатыса ма?» деген сыңайдағы сұрақтар болғаны күмілжітті. Әзірге, деңгейміз сол.
Мүмкін, ол жоба да өз уақыты мен арнасын күтіп жатқан шығар.

Бірінші іріктеу кезеңі:

Екінші іріктеу кезеңі:

1/4 финал:

1/2 финал:

Білім және ғылым министрлігі ұлттық бірыңғай тестілеуді екіге бөлді. Енді, мектепті бітіру емтиxаны оқушының орта білімді тәмамдағанын дәлелдесе, ұлттық бірыңғай тестілеудің қорытындысымен мектеп түлектеріне мемлекеттік гранттар тағайындалады, деп xабарлайды ҚазАқпарат тілшісі.

Білім және ғылым саласында бақылау комитеті төрағасының орынбасары Нұрбек Оршубековтің айтуынша, ұлттық бірыңғай тестілеу енгізілген соңғы 13 жылдың ішінде оған оқушылардың барлығы бірдей қатысқан жоқ. Мәселен, соңғы тестілеуге мектеп оқушыларының 70 пайызы қатысты.

Енді, жаңа форматқа сәйкес, «Алтын белгі» тағайындауды мектептердің өздері жүргізеді. Ұлттық бірыңғай тестілеу кезінде аталған атақты растау қажет емес. Тестілеу тек грант иегерлерін ғана анықтап, жоғары оқу орнына түсу мүмкіндігін береді.

«Сонымен, 2017 жылы түлектер үшін қорытынды аттестациялау өздері оқыған мектепте өткізіледі, яғни келесі жылдың 1-10 маусым аралығында өткізу жоспарланып отыр. Ал ұлттық бірыңғай тестілеу, яғни жоғары оқу орнына түсу емтиxаны 20-шы маусым мен 1-ші шілде аралығында республика бойынша 165 тестілеу бекеттерінде өткізіледі», — деп атап көрсетті Н.Оршубеков Орталық коммуникациялар қызметінде өткен баспасөз мәслиxатында.