«Құрбан айт» — қажылық біткен соң, «Ораза-айт» мерекесінен кейін, атап айтқанда 70 күннен кейін келетін қасиетті мереке. Әлемнің барлық мұсылмандары Құрбан айт мерекесін жыл сайын тойлайды.

Биыл «Құрбан айт» мерекесін тойлау 1 қыркүйекте басталып, 3 күнге созылады. 1 қыркүйекте сағат 07.00-де елорданың 8 мешітінде мерекелік «Айт намазы» оқылады. 3 қыркүйекке дейін құрбандық шалу өтеді.

Бүгінде Астанада құрбандық шалуда мал союға арналған белгіленген негізгі орындар анықталды:

1. «Нұрбереке-555» ЖШС, Алаш, 30 тас жолы («Көк Базар» базар жақта);

Ол жерге келесі қоғамдық көліктермен жете алады: № 11, 34, 38, 41, 53, 58, 120, 127;

2. «Метро» СҮ (Астана-Қарағанды тас жолы);

Ол жерге келесі қоғамдық көлікпен жетуге болады: № 71;

3. «Шаушен» ШҚ, «Астана-Павлодар» тас жолы 9 шақырым;

Ол жерге келесі қоғамдық көлікпен жетуге болады:№ 307;

4. «Мақсат 2007» ЖШС, «Железнодорожный» ТМ, ул. Ақжар, 20;

Ол жерге келесі қоғамдық көліктермен жете алады: № 15,22;

5. «Ұлжан» әмбебап базары, (бұрынғы «Саянұр» базары), Тілендиев көшесі, 24;

Ол жерге келесі қоғамдық көліктермен жете алады:№ 4, 71, 81;

6. «Темеш» ШҚ, Астана-Софиевка тас жолы 7 шақырым;

Ол жерге келесі қоғамдық көлікпен жетуге болады: № 307;

7. «Мамырханов» ЖК, «Өндіріс-1» ЖМ;

Ол жерге келесі қоғамдық көлікпен жетуге болады: № 24;

8. Есжанова А. ЖК, «Жайлау», «Алаш» тас жолы, Ц313 көшесі;

Ол жерге келесі қоғамдық көліктермен жетуге болады: № 7, 34, 38, 39, 41, 120, 127;

9. «Алтын-Таға» базары, Қосшы кентінің маңында;

Ол жерге келесі қоғамдық көліктермен жетуге болады:№ 308, 309;

10. «Сапа Су» ЖШС, Қосшы кенті, 4340 ү., Қосшы кентінің маңында.

Ол жерге келесі қоғамдық көліктермен жетуге болады:

Онымен бірге 28-29 тамызда Қазақстан мұсылмандары діни басқармасының филиалында «Нұр Астана» мешітінде шариат бойынша құрбандық шалуды өткізу бойынша мал қасапшылары үшін екі күндік оқыту семинары өтеді.

Семинарға кез-келген адам қатыса алады. Өзіңмен бірге жеке куәлік пен санитарлық кітапшаны әкелу қажет. Семинардың басталуы сағат 09.00-де, мекенжай: Астана қ. Қабанбай батыр даңғылы 36.

Оған қоса әр учаскеде мұқтаж адамдарға құрбандық шалуды қабылдау бойынша пункттер жұмыс істейтін болады. Бұндай пункттер елорданың барлық мешіттерінде жұмыс істейтін болады.

Естеріңізге салайық, елорда тұрғындары мен қонақтары «iMuslim Astana» мобильді қосымшасы жұмыс істейді, ол AppStore және PlayMarket қосымшалары арқылы қолжетімді. Онда Құрбан айт мерекесі кезінде құрбандық шалуға болатын жерлерге қандай автобустар жүретіні жөнінде ақпарат қамьылады.

Кез-келген туындаған мәселелер бойынша (діни бағытта) кеңес алу үшін елорда тұрғындары мен қонақтары тәулікбойы жұмыс істейтін «2288» сенім телефонына хабарласа алады. Қоңырау шалу тегін.

Елрдалық әкімдік елорда тұрғындары мен қонақтарының назарына мал союға арналған санкциаланбаған орындар Тұтынушылардың құқығын қорау бойынша басқарма мамандарымен санитарлық-эпидимиялық тексеруден өткен жоқ, ал жануарлар ветеренарлық қызметтермен тексерілген жоқ. Қала билігі тұрғындарға сақ болуды үндейді.

Жыл соңына дейін Алматы облысында 35 мектеп, ал оның 24-і Білім күні пайдалануға беріледі. Бұл туралы бүгін облыс әкімі Амандық Баталов Талдықорғанда өткен ұстаздардың тамыз конференциясында хабарлады, — деп Алматы облысы әкімінің баспасөз қызметі ақпарат таратуда.
Қалыптасқан үрдіске сай жаңа оқу жылы қарсаңында өткізілген кеңес жұмысына облыс әкімі Амандық Баталов, Қазақстан Республикасының Білім және ғылым министрлігінің Ғылым комитетінің төрағасы Еркін Садықов және облыстың барлық аудан-қаласынан білім беру саласының қызметкерлері қатысты.
Облыс әкімінің орынбасары Жақсылық Омар конференцияны ресми түрде ашып, жүргізіп отырды.
Негізгі баяндаманы оқыған Алматы облыстық білім басқармасының басшысы Ләззат Базарқұлова, конференцияға қатысушыларға өткен оқу жылының, ҰБТ-ның қорытындысын баяндап, жаңа оқу жылында жүктелетін негізгі мәселелерге тоқталды.
Білім басқармасы басшысының сөзіне сүйенер болсақ, жаңа оқу жылына қойылар талаптардың негізгісі — білім деңгейін көтеру, педагогикалық ұжымның арасындағы тәртіп пен ұйымшылдықты арттыру, әрбір ұстаз бен мектеп әкімшілігінің жұмыс нәтижелілігіне қойылар талапты күшейту болып табылады. Баяндамада Мемлекет басшысы мен ҚР Білім және ғылым министрлігінің жаңадан енгізген талаптарын ұстаздар қауымының бұлжытпай орындауы қажеттігі жайында айтылды. Атап айтқанда, үш тұғырлы тіл саясаты, «Рухани жаңғыру» бағдарламасын жүзеге асыру, педагогтардың біліктілігін арттыру және өзге де маңызды тапсырмалар жүктелді.
Өткен жылдың жетістіктеріне тоқталған облыстың бас ұстазы проблемалық мәселелерге де көңіл аударды. Олардың ішінде ҰБТ-ның нәтижесікөңіл көншітпеді. Л. Базарқұлова осы іске жауапты тұлғаларға, соның ішінде облыстық білім басқармасына да кемшіліктерді алдағы оқу жылында қайталамаудың қам-қарекетін ойластыруға бүгіннен бастап кірісуді талап етті.
Конференеция барысында сөз сөйлеген Қазақстан Республикасының Білім және ғылым министрлігінің Ғылым комитетінің төрағасы Еркін Садықов, білім мен ғылымды дамытудың жаңа мемлекеттік бағдарламасы мен білімді дамытудың жаңартылған мазмұны туралы толықтай түсіндіріп берді.
Жарыссөзге қатысқан ұстаздар күн тәртібінде бүгінгі күннің өзекті мәселелеріне тоқталды. Олардың ішінде педагогтардың бәсекеге қабілеттілігі, жаңаша білім беру мазмұны, патриоттық тәрбие, дуалды оқыту, техникалық және кәсіби білім беруде еңбек нарығының сұранысына сай келетін білікті кадрлар дайындау мәселелері айтылды.
Педагогтардың тамыз конференциясын өңір басшысы Амандық Баталов қорытындылады.
Ұстаздар қауымын жаңа оқу жылының басталуымен құттықтап, жұмыстарына табыс тілей келе, жаңа оқу жылына қойылған тапсырмалардың басым бағыттарын айқындап өтті.
— Құрметті жиынға қатысушылар, құрметті ұстаздар! Келер оқу жылында педагогтарымызға үлкен міндеттер артылады. Елбасының «Болашаққа бағдар: рухани жаңғыру» атты бағдарламалық мақаласында ұсынған қоғамдық сананы жаңғырту жоспарын іске асыру бойынша өскелең ұрпақпен түсіндірме жұмыстарын бірлесіп жүргізуіміз қажет.
Мемлекет басшысы Нұрсұлтан Әбішұлы Назарбаевтың қолдауының арқасында білім берудің қазақстандық үлгісі дамудың жаңа сатысына көтерілуде, белсенді түрде заманауи инфрақұрылым қалыптасуда. Сол себепті, күш-жігерімізді бір арнаға бұрып, барлық бағыттар бойынша бірлесе жұмыс жасаумыз қажет. Біздің мақсатымыз ортақ, ол еліміздің өскелең ұрпағына сапалы білім беру, ұлт жанды, еліміздің мақтан тұтар азаматтарын тәрбиелеп шығу, — деді А. Баталов.
Өз сөзін жалғасытар келе өңір басшысы білім саласының ақсап тұрған күн тәртібіндегі мәселелеріне ерекше көңіл бөлу қажеттігін ескертті. Солардың ішінде ҰБТ-ның нәтижесі, балаларды қосымша біліммен қамтудың аз үлесі, мектеп директорларының атымен байланысты орын алған келеңсіз оқиғалар, кадрларды жұмысқа қабылдау кезіндегі өз ісіне жауапсыздық мәселелері бар. Сондай-ақ облыс әкімі тәрбиелеу ісінің босаңсып кетуінің салдарынан уақытынан ерте жүкті болу, жасөспірімдер арасындағы қылмыстың арту деректерінің көбейіп бара жатқандығына да назар аударды.
Осы аталған мәселелерге байланысты Амандық Баталов аудан-қала әкімдеріне, облыстық білім басқармасының басшысына жұмыстарын қайта қарап, айтылған әрбір бағыт бойынша тиісті шара қолдануды жүктеді. Сонымен қатар облыс әкімі аудан-қала әкімдеріне физика пәнінің мұғалімдерін оқушыларымен бірге «Астана ЭКСПО-2017» халықаралық мамандандырылған көрмесіне барып қайтуын, оларды жатын орынмен және тамақтануын қамтамасыз етуді тапсырды.
Өңір басшысы үш тілде оқытуды жетілдіру, «Рухани жаңғыру» бағдарламасын жүзеге асыру, мектепке дейінгі, техникалық және кәсіптік білім беру мәселесімен қатар ата-ана қамқорлығынсыз қалған балаларды баспанамен қамту мәселесі ерекше бақылауда тұрғандығын ескертті.
Осыдан кейін өзінің кәсіби шеберлігін шыңдауға үлкен көңіл бөліп, ұстаздық етудің жаңа әдістерін тұрақты енгізіп жүрген бірнеше ұстаздардың есімін атап, өткен жылдың қорытындысы бойынша үздік деп танылған ұстаздарды марпаттау рәсімін өткізді. Олардың ішінде «Қазақстан Республикасының білім беру ісінің құрметті қызметкері» және «Ы.Алтынсарин» атындағы төсбелгілермен марапатталғандары да болды. Сондай-ақ ұстаздарға облыс әкімінің Құрмет грамоталары мен Алғыс хаттары берілді.
Естеріңізге салар болсақ, І.Жансүгіров атындағы Мәдениет сарайының фойесінде облыстың білім беру мекемелерінің атқарып жатқан жұмыстарының басым бағыттарын көрсететін көрме ұйымдастырылды.
Ағымдағы жылы Алматы облысының білім беру саласының бюджеті 153,7 млрд. теңгені құрады. Оның ішінде білім беру нысандарының құрылысына 27 млрд. теңгеден астам қаражат қарастырылған. Өңірде 48 білім беру нысанының құрылысы мен қалпына келтіру жұмыстары жүргізілуде. Жыл соңына дейін 44 мектептің 35-і пайдалануға беріледі. Білім күнінде 24 жаңа мектеп өзінің алғашқы оқушыларына есігін ашпақ. Осы мектептердің 23-і үш ауысымда оқыту мәселесін шешетін болады. Ал 2018 жылы тағы 10 мектеп салу арқылы үш ауысымда оқыту мәселесі толықтай шешілмек. Сонымен қатар, биылғы жылы 24 мектепте күрделі жөндеу жұмыстары жүргізілгендігін атап өткен жөн.

Алматы облысы әкімінің баспасөз қызметі.

Осы жылдың жазында барлық жалпы білім беру мекемелерінде жөндеу жұмыстары жүргізілді және мектептердің ауласы абаттандырылды, деп хабарлады Астана әкімдігінің медиа орталық тілшісіне Астана қалалық білім басқармасы басшысының орынбасары Дулат Жекебаев.

— 93 елордалық мектепте ағымдағы жөндеу жұмыстары аяқталуда. Онда әрлеу жұмыстары жүргізіліп, едендер мен шатырлар жаңартылды, бейімдеу жағдайын құру, аумақты абаттандыру жүргізілді. №29 және №52 мектептер күрделі жөндеуден өтті, — деді Д.Жекебаев.

Нақтырақ №29 орта мектепте былтыр өрт салдарынан зардап шеккен. жаңадан салынған бөлік пайда болады. Ғимараттың шатырында акт залы мен асхана орналасқан болатын, алайда тоқ сымдарының түйісуі салдарынан өртеніп кетті. Осы жазда құрылысшылар жаңа бөлігін салып, инженерлік жүйе тартылды, жаңа есік-терезелер салынды. Білім күні қарсаңында мектепте барлық жөндеу жұмыстар аяқталады.

Тамыздың аяғында астаналық білім, денсаулық сақтау басқармаларының, төтенше жағдайлар департаменті мен қоғамдық денсаулықты бақылау департаментінің басшылары енген жұмыс тобы елорданың барлық білім мекемелерін тексеруді аяқтайды. Қалалық комиссия мектептерді білім нысандарын дайындау жоспар-тапсырмасына сай жаңа оқу жылына қабылдайтын болады.

Д.Жекебаевтің сөзінше, ата-аналардан сыныптарды жөндеуге ақша жинауға қатаң тыйым салынады.

-Барлық ағымдағы жөндеу жұмыстарына қажетті немесе басқа да жұмыстар үшін қаражат қалалық бюждет есебінен жүзеге асты, — дейді Д.Жекебаев.

Ақша жинау сұрақтары бойынша ата-аналар Астана қаласының білім басқармасына 557449 және 556867 телефон нөміріне хабарласуға болады.

Өткен демалыста «Рухани жаңғыру» бағдарламасының шеңбері барысы бойынша «Мейірімділік шуағы» атты қайырымдылық акциясы өткізілді. Акция аясында аз қамтамасыз етілген және көпбалалы отбасыларға, сондай-ақ зейнеткерлерге лайықты құрмет көрсетілді.

Аталған іс-шараны ұйымдастырушы-елордалық Қазақстан халқы ассамблеясы мен Астана қаласының кәсіпкерлік және өнеркәсіп басқармасы. Ал қайырымдылық акциясының демеушілері — Астана қаласы өзбек этномәдени орталығы төрағасының орынбасары Х.Х. Шарипов пен «Ахметова» ЖК.

«Мейірімділік шуағы» атауымен өткізілген қайырымдылық акциясына 128 адам қатысып, оның барысы бойынша «ЭКСПО-2017» халықаралық мамандандырылған көрмесін тамашалауға мүмкіндік алды. Олар бір күндік экскурсияда павильондарды аралап, ғажайып көріністердің куәгері болды. Сонымен бірге, іс-шара барысында демеушілер қайырымдылық акциясына арнайы шақырылған меймандарға Латын-Америка павильонына орын тепкен дәмханада түскі ас ұйымдастырды.

Қазақстан халқы ассамблеясы атынан қатысушыларға «ЭКСПО-2017» тақырыбына қатысты бейнелеген әрі керекті жабдықтармен қамтылған кәдесый пакеттері берілді. Жалпы, «Мейірімділік шуағы» акциясы жарқын мерекенің көрінісі ретінде өткізіліп, қайырымдылықтың ерен үлгісін паш етті.

«Осындай маңызды шара тек балаларға ғана емес, зейнеткерлерге де зор қуаныш сыйлады. Сондықтан біз баршамызға ерекше әсер қалдырған ұйымдастырушыларға алғыс айтамыз», — деп бөлісті «Радима» беларусь қоғамының мүшесі В.Ф. Кириченко.

Мұндай акцияларды қалалық Қазақстан халқы ассамблеясының мүшелері ұдайы өткізіп келеді. Осы жолы ЭКСПО-ға жасалған экскурсияны ұйымдастыруға «Возрождение» неміс қоғамы, «Поляк» және «Оберег» украин қоғамдық бірлестіктері атсалысты.

Жуырда «Нұрлы жол» жаңа теміржол вокзалы миллионыншы жолаушысын құрметтеді. Бұл елордалық «қақпа» көліктік түйінді анағұрлым босатып, үстіміздегі жылдың мамыр айында ғана есігін айқара ашқан болатын. Сонымен қоса жаңа вокзал дүниежүзілік сәулет байқауына қатысып, Астананың көрікті орындарының біріне айналды.

«Нұрлы жол» вокзалы қазіргі таңда қалай жұмыс істеп жатқаны туралы Астана әкімдігінің медиа-орталығының тілшілері әзірлеген фоторепортаждан оқып, біліңіз.

Алты деңгейлік кешен жүз ымңнан астам шарты метр аумақты алып жатқан нысан. Мұнда жалпы есептегенде 740 орынға шақталған паркингтер бар. Одан әрі перронға шығаберіс орналасқан, сәл жоғарыда – күту залдары. Мейрамханалар мен кафелерге, сонымен қатар вокзал әкімшілігі және қызметкерлеріне арнайы қабаттар бөлінген.

Журналистерге арналған пресс-тур барысында әкімшілік қоғамдық тамақтану нүктелеріндегі бағаларға баса азар аударады. Тілшіледің жаңа нысандағы бағалар соншалықты қымбат емес екеніне көздері жетті. Мысалы, самсаны 25 теңгеге, ал шайды 100 теңгеге сатып алуға болады. Төмен бағаны тамақтану нүктелерінің көптігі және бәсекелестіктің арқасында ұстап қалу мүмкіндігі бар.

Сатушылар журналистермен халық көп келмесе де бағаны көтеруге оларға ұяттары жібермейтінін айтып бөлісті. Нәтижесінде барлығы да жақсы көңілде: қалтасынан қағылмаған клиенттер де тоқ, жақсы табыс табатын сауда иелері де, жолаушылар мен шығарып салушылар тарапынан сөз естімейтін әкімшілікте көңілді.

Азаматтардың жайлылығы мен ыңғайлылығы – біз үшін ең маңызды, дейді вокзал басшылығы. Мүгедектерге ерекше мән берілген. Мүмкіндігі шектеулі адамдардың қозғалысы үшін жанасу жолдары, Брайль әліппесін пайдалану арқылы ақпараттық тақта, арнайы касса қарастырылған.

Демалыс бөлмесін де қашанда тынығатын келушілерді кездестіруге болады.

-Вокзал тамаша! Біз адасып адасып кетеміз бе деп қорықтық, өйткені ол жаңа, бейтаныс орын. Сөйтсек, қорқудың қажеті жоқ екен. Бізге бұл жерде барлығын түсіндірді, қай жерде демалуға болатынын шығарып салды, көрсетті. Енді біз пойызды қалай табамыз деп алаңдамаймыз, — Атыраудан елордаға отбасымен емделуге келген зейнеткер Әзиғали Кемелбай.

Вокзал ішінде сілтеме белгілер орнатылған.

Бір сөзбен айтқанда, сілтеме белгілермен тұспалдай алмаса, көмекке әрқашан жарқын жүзді қызметкер келеді. Олардың орта жасы -30-дан жоғары емес. Барлық қызметкерлер қатай іріктеуден өтті. Барлық мамандар жоғары білімді, үш тілді меңгерген. Шағымдар мен ұсыныстар кітабында соңғы жазбалардың пікірі көңіліңді жадыратады. Оны АҚШ азаматшасы жазған. Оған вокзал ішінде бағыттарды көрсетіп, такси шақырып, тіпті қонақ үйге орналасқанын хабарласып білгені үшін барынша көмектескені үшін қазақстандық қызметкерлерге алғысын білдірген.


Вокзалда үзіліссіз жұмысты 1300 қызметкер қамтамасыз етеді. Олар үнемі оқытылып тұрады. Бұл жерде қызметкерлерге де барлық жағдай жасалғанын айта кету керек. Арнайы орында – демалыс бөлмесі, жуыну, демалу кабинеттері.

Жаңа технологиялар – ерекше назарды талап ететін жеке бөлім. Бұл жерде ғаламторға шығу, телефонды тегін қуаттап алумен мәселе жоқ. Алдағы уақытта басшылық вокзалдағы кей кездері желі ұстамайтын нүктелерден арылуды жоспарлап отыр. Бұл сұрақ бойынша операторлармен келісім бар.

Супер заманауи кешеннің тағы бір ерекшелігі, оның шатыры болып табылады. Оның аумағы 42 мың шаршы метрді құрайды. Шатырдан ағатын су тазалаудан өтеді де көгалдарды суғаруға пайдаланылады.

Энергоүнемдеуші эскалаторлар. Егер оларда адам болмаса, олар қозғалысын ақырындатады немесе тоқтайды. Бұл энергияны үнемдеуге мүмкіндік береді.

Болашақта жаңа вокзал арқылы жаңа теміржол көлігі жүретін болады. Осылайша, вокзал өзіндік жолаушы хабқа айналады. Желі қала орталығын, шығыс аумағын, ЭКСПО, Назарбаев университетін және әуежайды байланыстырады.

Текст: Күнсұлу ЖАҢБЫРБАЕВА

Фото: Әділхан ИЛЬЯСОВ

Талдықорған қаласында «Қазақстан Республикасы Мемлекет басшысының «Болашаққа бағдар: Рухани жаңғыру» мақаласының негізгі ережелері арнайы ұйымдастырылған ашық диалог алаңында түсіндірілді.
Шараға 15 жылдық тарихы бар Алматы облыстық ішкі саясат басқармасының негізі құрылғаннан бастап, бүгінгі күнге дейін басқарған жеті басшы, 16 аудан және 3 қала газеттерінің редакторлары және журналистер қатысты.
Алматы облысының ішкі саясат басқармасының негізі 2002 жылы құрылғаны тарихтан белгілі. Сол кезеңнен бастап әр жылдары ішкі саясат басқармасында еңбек еткен басшылар «Рухани жаңғыру» тақырыбында өздерінің ойларын өңірдің әр ауданы мен қаласынан келген бөлім басшылары және газеттердің бас редакторларымен бөлісті. Бұл Елбасы мақаласында көрсетілген қоғамның рухани жаңғыруындағы ұрпақтар сабақтастығының айқын көрінісі.
«Елбасы мақаласы бойынша біздің өңірде де атқарылып жатқан жұмыс шаш етектен. Ел мақтанышына айналған әйгілі тұлғалармен кездесу, тарих пен тіл тағдырын көтерген жиындар, әсіресе, латын қарпіне көшу міндетін талқылаған басқосулар «Рухани жаңғыру» бастамасы аясында өтуде», — деді ерекше дөңгелек үстелді ұйымдастырған облыстық ішкі саясат басқармасының басшысы Рустам Алпысбаев.
«Ең алғаш өңірлерде ішкі саясат департаменті құрылғанда Алматы облысының басында тұрып, идеология саласын дәл осы Жетісуда құрғанымды мақтан етемін. Талдықорған әрқашан менің жүрегімде», -деді облыстық ішкі саясат басқармасының негізін қалаған Гүлсаруар Жакубаева.
«Алматы облысында Ішкі саясат басқармасының даму қарқынына қарап отырсам, мерзім бойынша 7 жыл қызмет етіп, ең көп басқарған мен екенмін. Бұл факт мен үшін абырой. Біз басқарған уақыт ең бір күрделі, тарихи кезең болғанымен өзіндік қызықтары да болды. Ең алғаш облыста жастар мәселесін біз қолға алған едік. Биылғы Ұлт Көшбасшысы «Болашаққа бағдар: Рухани жаңғыру» атты бағдарламалық мақаласы жастарға арналғаны анық. Өйткені, болашақ — жастардың қолында. Қоғамдық сананы жаңғырудың басты басымдығы ұлтымыздың жаһандық қоғамдастықта бәсекеге қабілетті болуы екендігі сөзсіз. Бұл ретте өзіміздің бірегейлігімізді, құндылықтарымыз бен дәстүрімізді сақтауға тиіспіз. Отаныңды сүймей салт-дәстүріңді сақтай алмайтындығыңды да жете түсінген жөн», — деп 2008 — 2014 жылдардағы облыстық ішкі саясат басқармасының басшысы — Сүлейменова Гүлжиян атап өтті.
Ал, 2015-2016 жылдары облыстық ішкі саясат басқармасының басшысы болған, бүгінгі күні облыстық «Нұр Отан» партиясы төрағасының бірінші орынбасары Ғалиасқар Сарыбаев: «Білім – бүгінгінің басты қажеттілігі. Дүниетанымы кең адам ғана бәсекеге төтеп береді. Көшбасшымыздың өскелең ұрпақты білімге құштар болуға үндеуінің сыры осында. Білім алуды культке айналдыру, басымдыққа айналдыру біздің қоғам үшін өте қажет. Сауатты ел ғана дамыған 30 елдің қатарында болмақ. Сондықтан рухани бай адам – кез келген ақпаратты тез қабылдап, заман талабына сай жылдам меңгеріп, көш ілгері жүріп отырмақ», — деді.
Ашық диалог алаңында Елбасының мақаласы қазақ халқын жарқын келешекке бастайтын білім, ғылым, руханият, туған жер, тіл мәселесіне қатысты айтылған нақтылы міндеттер елдің ұлттық кодын айқындап, ұлттық болмысын сақтап қалуға жол ашатыны жөнінде сөз қозғалды. Қатысушылар тарапынан «Рухани жаңғыру» қазіргі Қазақстанға қажет екені айтылып талқыланды.

Спорт күні қарсаңында Астана қаласы әкімдігінің Мамандандырылған жоғары спорттық шеберлік мектебінде «Білім және спорт психологиясы» кітабының тұсаукесері өтті.

Кітаптың авторы – Астана қ. әкімдігі «Мамандандырылған жоғары спорттық шеберлік мектебі» КМК басшысыРустам Калин. «Білім және спорт психологиясы» кітабы 6 бөлімнен тұрады: ұжымдық психология, басшылар түрі, спорт психологиясы және т.б.

Бүгінде мектепте 17 спорт түрі бар.

-Оқырман осы кітап арқылы кез-келген салада алға қойған мақсаттарды іске асыру үшін ұйым ішінде қолайлы жағдай жасау мақсатында жұмыста, ұжым ішінде жаттықтырушылармен және спортшылармен психолог маманының жұмысының қажеттілігі туралы білгенін қалаймыз, — деді кітап авторы.

Тұсау кесер барысында көрнекті спорт шеберлеріне, ҚР еңбек сіңірген жаттықтырушыларға алдағы Спорт күнін тойлау қарсаңында алғысхаттар берілді.

Бүгін Астанада Астана қаласының Жұмыспен қамту, еңбек және әлеуметтік қорғау басқармасы орталығының жаңа ғимараты салтанатты түрде ашылды. Қала тұрғындары мен қонақтары ведомство мамандарына келесі мекен-жай бойынша хабарласа алады: Достық көшесі, 13, «Нұрсая-2» ТК.

Басқарманың басты жаңашылдығы – электронды кезек арқылы тұрғындарға жедел қызмет көрсету. Ведомствоның жаңа ғимараты кең, қажетті барлық құрал-жабдықтармен және кәсіби біліктілігі жоғары мамандармен қамтамасыз етілген.

-Біз қоғамдық сананы жаңғырту бойынша жұмыс істейміз. Біздің жұмысымыздың сапасы күн сайын артады деп ойлаймын, — деді ведомство орынбасары Сәуле Нұргожина.

Басқарма мамандарымен көрсетілетін барлық қызметтер толық көлемде сақталды және жаңа мекен-жай бойынша берілетін болады.

Бүгінде Басқармамен мемлекеттік қызметтің 21 түрі көрсетіледі, оның ішінде: 11 қызмет түрі альтернативті негізде ХҚКО-да немесе «Электронды үкімет» порталында көрсетіледі.

-18 жасқа дейінгі балаларға мемлекеттік жәрдемақы тағайындау;

— мемлекеттік мекенжайлық әлеуметтік көмек беру;

— өтініш берушінің (отбасының) атаулы әлеуметтік көмек алушыларға тиесілігін растайтын анықтама беру;

— Тұрғын үй көмегін тағайындау;

— жұмыссыз азаматтарға анықтамалар беру;

— жұмыс берушілерге тиісті әкімшілік-аумақтық бірліктің аумағында еңбек қызметін жүзеге асыру үшін не корпоративішілік ауыстыру шеңберінде шетелдік жұмыс күшін тартуға рұқсат беру және ұзарту;

— үйде оқитын мүгедек балаларға материалдық қамсыздандыруды тағайындау;

— оралман мәртебесін беру;

— шетелдік қызметкерге жұмысқа орналасуға және жұмыс берушілерге тиісті әкімшілік-аумақтық бірлік аумағында еңбек қызметін жүзеге асыру үшін шетелдік жұмыс күшін тартуға рұқсат беру, қайта рәсімдеу және ұзарту;

— Семей ядролық сынақ полигонында ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәлік беру;

-адамдарға жұмыспен қамтуға жәрдемдесудің белсенді. нысандарына қатысуға жолдамалар беру;

Басқармада баламасыз негізде 10 қызмет түріне ие бола алады

Оған қоса азаматтар мүмкіндігі шектеулі азаматтарды рәсімдеу бойынша кез-келген сұрақтармен басқармаға келе алады.2017 жылдың басынан Басқармамен 68357 мемлекеттік қызмет көрсетілді, оның ішінде мемлекеттік корпорация арқылы – 9320 қызмет, «Электронды үкімет» веб-порталы арқылы 537 қызмет көрсетілді (2016 жылы — 229 183 мемлекеттік қызмет көрсетілді, оның ішінде ХҚКО арқылы 19 879 қызмет; 7 800 қызмет «Электронды үкімет» веб-порталы арқылы).Жұмыспен қамту саласында 17 605 қызмет көрсетілген, көші-қон саласында 47 78 қызмет, әлеуметтік салада– 45 974.

Халыққа әлеуметтік қолдау бойынша 2016 жылы жұмыспен қамту саласында-51 704 қызмет, оралмандардың көші-қон саласында-1 054 қызмет, әлеуметтік салада 176 425 қызмет көрсетілген.
Әлеуметтік қолдаумен жыл сайын 110 мыңнан астам адам қамтылады.

Қазіргі уақытта 2018 жылдан бастап мекен-жайлық әлеуметтік көмек көрсетудің жаңа форматы жайында халықты ақпараттандыру жұмысы атқарылуда. Тұрғын алқаптарында 157 кездесу өткізілген, 12249 адам ақпаратпен қамталды.Басқармада ведомствоаралық алаң құрылды, (әр дүйсенбі және сәрсенбі сағат 15.00-ден 18.00-ге дейін қызмет көрсетеді). 55-14-88; 8 775 353 74 99 телефон нөмірлері бойынша сенім телефондары жұмыс істейді.