Білім және ғылым министрлігінің мәлімдеуінше, оқу бағдарламаларының мазмұнын жаңартумен қатар, білім беру жүйесі жоспарлы түрде 5-күндік оқу аптасына көшірілмек.

Оқу жоспарларын үйлестіруді методолог мамандар мен ұстаздардан құралған топ қолға алған. Бірінші сынып оқушылары алдағы оқу жылын 2017 жылдың 30 мамырынан кешікпей аяқтайды.

Министрліктің жоспары бойынша, 5-күндік оқу аптасына көшірілгеннен кейін бастауыш сынып оқушылары оқуларын 30 мамырға дейін, ал негізгі және жоғары сыныптарда оқитындар – 10 маусымға дейін аяқтайды.

Жаңартылған мазмұн мен 5 күндік оқу аптасына көшу кестесі:

1 қыркүйек 2016 ж. – 1 сыныптар;

1 қыркүйек 2017 ж. – 1, 2, 5,7 сыныптар;

1 қыркүйек 2018 ж. – 1,2,3,5,6,7,8,10 сыныптар;

1 қыркүйек 2019 ж. – 1,2,3,4,5,6,7,8,9,10,11 сыныптар.

Бастауыш сыныптардағы кейбір сабақтарды пән мұғалімдері өткізетіндіктен, мұғалімнің апталық жұмыспен қамтылу мөлшері азаятындығы белгілі. Министрлік сол сағаттардың орнын толтырудың түрлі жолдарын мектеп директорлары мен мұғалімдермен талқылап, қарастыруда.

bilimnews.kz

11 тамызда елордада өтетін кезекті тоғызыншы бос жұмыс орындары жәрмеңкесі білім саласына арналмақ. Жұмыс іздеушілер мен жұмыс берушілер «Жастар» сарайында бас қосады.

Бос жұмыс орындары жәрмеңкесіне мектепке дейінгі ұйымдар, балабақшалар, мектептер мен колледждердің өкілдері қатысады.

Астана қаласы Жұмыспен қамту орталығының мамандары тамыз айында білім саласындағы кадрлар қажеттілігі артатындықтан шара барысында педагогтарға басымдық берілетінін атап өтті.

Астаналықтар сағат 10.00-13.00 аралығында жұмыс берушілермен танысып, сұхбаттасып, өз түйіндемелерін қалдыра алады.

Айта кетейік, Жұмыспен қамту орталығы жыл соңына дейін 12 бос жұмыс орындары жәрмеңкесін ұйымдастыруды жоспарлап отыр.

astana.gov.kz/kk/modules/material/11130

Кәсіпқой фотограф Саламат Аязбай түсірген фотолардан ойынның қалай қызық өткенін байқауға болады. Ойынның атмосферасын жақсы жеткізе алады.









































Суреттер Саламат Аязбайдың парақшасынан алынды

Астаналық саябақтағы «Оазис» жағажай клубында уақытты қызықты өткізуге болады. Кешенде ашық бассейндер, SPA-ванна, жазғы дәмхана, волейбол ойнайтын алаң, трамплиндер, сырғанақтар мен субұрқақтар орналасқан. Күн жылы болғанда мұнда жүзге жуық қала тұрғыны мен қонақтары демалады.


Жағажай клубы Астаналық саябақты қайта жөндеу аясында ашылды.

– Кешен қажетті әрі пайдалы болып шықты. Астанада жазда кез келген отбасы демалысқа бара бермейді, ал мұнда жақсы демалуға болады, кешен инфрақұрылымы әлемдік шипажайлардағы қонақ үйлерден еш кем емес, – дейді Астаналық саябақ басқарушысы Ғани Хасенов.


«Оазис» кешені күн сайын сағат 11-ден кешкі 21.00-ге дейін жұмыс істейді.

Кешен аумағында үш бөліктен тұратын (жалпы, балаларға арналған және SPA-ванна) суы жылытылатын бассейн, сондай-ақ, әлемдік стандарттармен жасалған спорттық бассейн орналасқан. Су ұдайы сүзгіден өткізіліп отырады. Сонымен қатар, күнде таңертең бассейндер арнайы су электр шаңсорғыштармен тазартылады.


Демалушылар ашық аспан астында волейбол алаңында күш сынасады. Айналадағы күркелер мен жазғы дәмханалардан салқын сусындар алып, жүрек жалғауға болады. Тамақты өзіңмен бірге ала келуге де тыйым салынбаған. Кішкентай астаналықтар мен қала қонақтары сырғанақтарға шығып, субұрқақтарда ойнап, көңіл көтереді.

– Мұнда ата-анаммен бірге келдім. Маған өте ұнайды. Біз жиі келіп тұрамыз, – дейді 11 жасар Аянат Бақытжанова.

Ересектер үшін жағажайға кіру билетінің құны — 5000 теңге, балалар үшін – 3000 теңге, 3 жасқа дейінгі балалар үшін кіру тегін. Дүйсенбі күндері халықтың әлеуметтік осал топтары клубқа тегін кіреді.

– Бүгін күн жылы болған соң құрбыларыммен бірге келдік. Осындай бассейн бар екенін естіп, өз көзімізбен көрейік деп шештік. Балаларымызды ойнатып, демалып қайтпақпыз. Бізге де, балаларға да ұнады, – дейді Камила Бушенеева.

astana.gov.kz/kk/modules/material/11129

Астанаға алғашқы рет аңызға айналған Канаданың және Ресейдің спикерлері, және ұлттық желі жұлдыздар келеді.

2016 жылдың 14 тамызында Астанада қазақстандық және шетелдік спикерлер қатысатын жеке даму үшін білім беру форумы өтеді. Бұл қайырымдылық форум балалар үйіндегі балалардың әлеуметтік бейімдеуіне, мүмкіндігі шектеулі адамдарға көмек көрсетуге, оларға тең мүмкіндіктер беруге және олардың қоғамға интеграциялануын қамтамасыз етуге бағытталған.
Жоба бастамашысы — француз қайырымдылық бірлестігі “StopLazy” (Жалқаулыққа күрес). Бұл бірлестігінің негізін қалаушылар — Қазақстан Республикасының азаматы Вадим Костерев пен қазақстандық қоғамдық қорлар «Best for kids», «Үнсіз әлем».

Форум Астана қаласындағы түрлі санаттағы адамдарды біріктіруге және балаларды әлеуметтік бейімдеу үшін баға жетпес үлес қосып, әр қатысушыға тең мүмкіндік беруге бағытталған. Қатысушылардың балалар үйінде тәрбиеленуші балаларға қайырымдылық көмек көрсетуіне мүмкіндік бар.

Гил Петерсил (Канада), Филипп Богачёв (Ресей), Мерей Мұстафина, Болат Башеев және басқа бизнес-жаттықтырушылар Динара Сәтжанмен бірге өз дәрістерін беруге жиналады.

“Бұл форум арқылы мүмкіндігі шектеулі адамдарға, соның ішінде есту мүмкіндігі шектеулі жандарға есік ашқымыз келеді, себебі әлеуметтік теңдік принципі біздің ұйымның негізінде жатыр." дейді — StopLazy Ассоциациясының Вадим негізін қалаушы Вадим Костерев. Форумда сурдоаудармашылар және мүмкіндігі шектеулі адамдарды қолдау үшін арнайы қызметкерлер болады.

Форумға қатысушылар жеке даму тақырыбы бойынша Ресей және Канаданың үздік спикерлері мен сарапшыларымен кездеседі.

Форум туралы ақпарат алу үшін www.stoplazyforum.com сайтына кіріңіз.

БАҚ аккредиттациясы: partners@stoplazyforum.com
Телефон анықтамалары: +7 701 553 75 70

07 тамызда өткен ойында өткен турда 2-орын алған "Әйел бақыты" командасы 7 ұпаймен 1-орын алды. Бақсы командасы 6 ұпаймен 2-орында қалды. Тартысты өткен ойында Фортуна, Brainstorm және Шымкенттен онлайн қатысқан Тәтті шәй командасы 5 ұпаймен 3-орын алды.

2-тур сұрақтары by asaubota

1. Жазғы Олимпиада бағдарламасынан шығып қалған бір спорт түрі АҚШтан басқа жақтарда кеңінен танымал емес. Ал, Қысқы ойындардағы бір спорт түрі бойынша АҚШ мықтылар қатарында. Бұл екі спорт түрін анаграмма ретінде жазыңыз. Яғни, тек әріптердің орындарын ауыстырып.

2. Жергілікті әкімдіктің Шаңырақты ұсынуларына қарамастан Тәңіршілік белгісін символ қылған мына суреттегі байқаудың атын атаңыз.


3. 1965 жылы Германияда пайда болған танымал бұл бренд арқылы әлемнің 100-ден астам елінде адамдар бір біріне ризашылықтарын білдіреді. Ал, қазақтарда бұл бренд өнімі алғыстан бөлек, сыйлық түрі сипатында да. Көлеміне қарай алғыс дәрежесін де шамалауға болатын бұл брендті атаңыз.

4. Әлеуметтік плакаттардың бірінде қабырғаға ілінген 4 портрет бейнеленген. Портреттердің үшеуінің жоғарғы бұрыштарында қара жолақ бар, ал 4-ші портретте қара жолақ ортада тұр. Әлеуметтік плакат нені жарнамалайды?

5. Байланыстың бұл түрін кезінде ағайынды жігіттер өзара қауіпсіз байланыс үшін ойлап тапқан екен. Ал қазір Жер бетінде 100 млн көп адам осылай байланысады. Иран және Қытайдың кей аймақтары бұл санаққа кірмейді әлбетте.

6. Танымал автомобиль маркасының логотипінің шығу тарихы туралы компания тарихында эмблеманың бір қонақүй бөлмесіндегі түсқағаздағы суреттен алынғаны туралы жазылады. Алайда, екінші бір нұсқа ретінде компания басшысының өз қолымен салған сурет нұсқаларынан көбелек-галстук бейнесі таңдалғаны да айтылады. Қай автомобиль маркасының логосы көбелек-галстукқа ұқсайды?

7. 1987 жылы Бирмада 35 және 75 кьяттық (кьят — Бирма валютасы) банкноттар айналымға ене бастады. Кейін ел басшысы У Не Вин айналымнан 25, 35, 75 кьяттық банконттарды алғызып тастады да, оның орнына 45 және 90 кьяттық банкноттарды енгізді. Өйткені бұл сандар 9-ға бөлінеді екен. Экономикалық жағдайдың нашарлауы және түрлі реформалардан жалыққан халық жиі бас көтере бастады. Кейін тарихта “8888 көтерілісі” деген атпен қалған үлкен көтеріліс болды. Бұл оқиға неліктен 8888 деп аталды?

8. Google компаниясы қызметкерлеріне логотиптеріндегідей түрлі-түсті презервативтер таратады. Презервативтердің сыртындағы жазуды ағылшынша білмесеңіз қазақша немесе орысша баламасын жазып көріңіз.

9. Гондурас — 26, Ирландия — 77, Кувейт — 0, Түркия — 103, Қазақстан — 104, Ресей — 282, АҚШ — 554. Картада ненің саны көрсетілген?


2-тур сұрақтары by MERmukhanov

1. Cәтпаев астероиды жөнінде білесіздер. Одан бөлек, Қазақстанға қатысты тағы кемі 8 жұлдыз бар. Негізгі белдеудің астероидтарының бірі, 1906 жылы 4 наурызда Макс Вольф ашқан, # 590 астероид шартты түрде қазақ әйел адамның атына берілген. Танымал қазақ сайттарының бірін еске түсіре отырып, ол астероидты атаңыз.

2. Кельн карнавалы кезінде әйелдер көшеде пышақ, қайшы іспеттес өткір құралдармен жүріп, еркектердің ИКСтеріне шабуыл жасайды.
Қазіргі шетелдік облыс басшыларының бірі ИКСті мақсатқа сай пайдаланбағандығымен есте қалды.
Хорват азаматы ТомИслав ЗвонАрич түсін өзгертетін ИКС ойлап тапты. Жалпы, көп тілде ол сөз «Хорват» сөзінен шыққан деседі.
Иксті атаңыз.

3. Қазақтарың жер дүниенің шығуы мен түрлі атауларға байланысты өз аңыздары бар деп жазады «Экспресс К». Бір әзіл аңызды оқиық. Баяғыда бір замандарда жер дүние екі баһадүрдің тең бөлінісінде болыпты. Олардың әрқайсысы бұл әлемнің жеке дара қожайыны болғысы келіпті. Ақыры екеуі қатаң айқаста кездесіпті, сөйтіп, қартайып өлгенше алысыпты. :) Содан бері олар шайқасқан орын да екі қаһарманның құрметіне аталып кетіпті.
Ал бүкіл әлем ол жерді қалай атайды?

4. Махаббат, дем, Рим, билік, дөңгелек, сезім, арна,…

5. Фаина Раневскаяның цитатасын спорт түрімен толықтырыңыз.
Лесби, мазохизм, садизм — бұл шектен шығып бұзылғандық емес. Шектен шығып бұрмалаушылық тек екеу ғана: мұздағы балет және……

6. Швециядағы Стурш, Якутиядағы Лыбынкыр көлі, Қытайдағы Ханас көлі, аустарлиядағы Вайторен, Чилидегі Ақ көл, Қазақстандағы Көккөл, Канададағы Манилого көлі. Бұлардың қатарында тұруы тиіс ең танымалын атап көріңіз.

7. Қызық жұмбақты шешіңіз.
Дөңгелек болсам – қаттымын,
Төрт бұрыш болсам – бүктелем.
Мені жасаған – айтпайды,
Мені білмейтін – қабылдайды,
Ал білетін – жолатпайды.

8. Әлемде көп адамдар олимпиада медальдарын және естелік белгілерін жинайды. Алайда коллекционерлер үшін, айталық, ХІІ Олимпиада ойындарының медалдары ерекше құндылыққа ие. Неліктен?

9. Тарихта халықтардың қандай да бір ашылған жаңалықтар мен өнертабыстарды өздеріне теліп, дауласу фактілері жиі кездеседі.
Ал енді Тейлор деген кісінің ойлап тауып, Томпсон деген кісінің арқасында әйгілі болған, екі держава бірі-біріне телитін «ойын-сауық» өнертабысын атаңыз.

Елорда әкімдігінің құрылымдық бөлімшелерінің басшылары үшін бизнес өкілдерімен жұмысты ұйымдастыру жөніндегі жаңа талаптар белгіленді. Сыбайлас жемқорлыққа қарсы күресті күшейту жөніндегі Ведомствоаралық комиссияның отырысында Астана қаласының әкімі Әсет Исекешев тиісті тапсырма берді. Отырысқа қала әкімдігінің барлық құрылымдық бөлімшелерінің, ведомствоға қарасты ұйымдар мен ведомстволардың басшылары қатысты.

Елорда әкімі басқармалардың басшыларының сыбайлас жемқорлыққа қарсы күрес саясатын жүзеге асыруға немқұрайлы қарайтынын атап өтіп, осы бағытта пәрменді шаралар қабылдауды тапсырды.

Ә. Исекешев әкімшілік тосқауылдарды қысқарту бойынша жұмыстарды жалғастыруды және әкімдікте көрсетілетін барлық мемлекеттік қызметтердің айқындылығы мен жариялылығын қамтамасыз етіп, талдау жүргізуді тапсырды.

Сонымен қатар, қала басшысы жер учаскелерін беру және құрылыс барысында тендерлер өткізу және орындалған жұмыстар актілеріне қол қою кезінде сыбайлас жемқорлық тәуекелдерін азайтуға бағытталған бірқатар тапсырмалар берді.

Елорда әкімдігі мен ведомствоға қарасты құрылымдардың ғимараттарының бірінші қабаттарында бейнебақылау камераларымен және дыбыс жазатын құралдармен жабдықталған кәсіпкерлермен кездесулер өткізу үшін арнайы орынжайлар ұйымдастырылады. Кездесулер комиссиялардың қатысуымен өтеді, бұл басшылардың кәсіпкерлермен жеке байланысқа шығуына жол бермейді. Әкімдіктің барлық құрылымдық бөлімшелерінің басшыларына құжатқа қол қою үшін кәсіпкерлік субъектілерін өз кабинеттерінде қабылдауға тыйым салынды. Сондай-ақ, жұмыстан тыс уақытта тендер жеңімпаздарымен кездесуге тыйым салынды.

«Қоғамның мемлекеттік қызметшілерге қойған моральдық-адамгершілік талаптары жоғары», — деді Ә. Исекешев.

Мемлекеттік қызметшілер жұмыстан тыс уақытта жалпыға белгіленген моральдық-этикалық нормаларды ұстануы керек, қоғамға қарсы жүріс-тұрыс жағдайларына жол берілмеуі керек. Қала басшысы мемлекеттік қызметкерлердің Әдеп кодексіне сәйкес тәртіп стандарттарын сақтауға баса назар аударып, қызметтік көліктерді жұмыстан тыс уақытта және жеке мақсатта пайдаланудың заңға қайшы әрекет екендігін де еске салды.

Астана әкімі «Астана Су Арнасы» МКК, «Коммуналдық меншік қоры» МКК, «Қалалық жылжымайтын мүлік» МКК, «Астанаэнергосервис» АҚ, «Астанатеплотранзит» АҚ, «Астана-РЭК» АҚ және т.б. кәсіпорындардың басшыларына да сыбайлас жемқорлыққа қарсы күрес жұмыстарын күшейтуді тапсырды.

Сыбайлас жемқорлыққа қарсы күрес заңнамасын бұзу фактілері тіркелген жағдайда, бірінші басшылар өздері жетекшілік ететін мемлекеттік орган үшін жеке жауап беретін болады, — деді әкім.

«Анықталған кез келген жағдай қоғам алдында тұтастай әкімдіктің беделін түсіріп, азаматтардың мемлекеттік органдарға деген сенімін жоғалтады. Сондықтан осы шаралардың бәрі лауазымды тұлғалардың да, жалпы, мемлекеттік органның да қызметінің айқындылығын қамтамасыз ету үшін қажет»,- деді Ә. Исекешев.

astana.gov.kz/kk/modules/material/11115

Биыл білім саласында біраз өзгерістер болғалы тұр. Үш тілде оқыту туралы жазбай-ақ қояйын. Өзім ұстап, оқып, тексеріп көрген «жаңалықпен» бөлісейін. Балалары мектепке баратын ата-аналар жақсы түсінеді. Баланы мектепке жинау тек қалтаға ғана емес, жүйкеге де, қимыл-тірек аппаратына да салмақ салады. Киім-кешегін, портфелін, дәптер-қаламын сатып аласың ау, әупірімдеп. Содан соң кітап жыры басталады. Математиканы «Атамұрамен», орыс тілін «Алматыкітаппен», ағылшын тілін «Просвещениемен», ән «Мектеппен» кете береді осылай… Жүргенің сосын қаланың бүкіл кітап дүкенін жағалап…
Биылғы оқу жылынан бастап бірінші сынып оқушылары бірыңғай оқулықтармен оқитын болады. Яғни, барлық мектептің бірінші сынып оқушылары бір кітаппен оқиды. Мейлі Nazarbayev зияткерлік мектебі болсын, Дарын мектебі болсын, Созақ ауданының Иманов атындағы орта мектебі болсын. Қателеспесем 2019 жылғы мектеп оқушыларының барлық сыныптары осындай бірыңғай оқулықтарымен қамтылады ғой деймін.

Кітаптардың авторлық құқықғы БҒМ тиесілі болады. Баспалар әртүрлі. Мысалы, «Сауат ашу» оқулығын «Атамұра» баспасы, орыс тілін «Алматыкітап» баспасы шығарады. Неге дәл осы оқулықтар десеңіз, бұл министрліктің еркелігі емес. Былтыр 30 мектепте өткізілген, 9 баспа үйінің оқулықтары сараланып, ата-аналар, оқушылар, педагогтар, сарапшылар қатысқан эксперменттің нәтижесі. Ең үздік кіаптарды Білім және ғылым министрлігі бекітіп, енді барлық білім беру мекемелеріне ұсынып отыр.



Қызым биыл бірінші сыныпқа барады. Сондықтан бұл кітаптарды өзім сынап көрдім. Енді артықшылығы мен кемшіліктерін айтайын.
Артықшылықтары:
1. Енді әр баспаның есігін сығалап, дүкен аралаудың қажеті жоқ. Барлық кітаптарды мектептен аламыз.
2. Бір оқулық, бір бағдарламамен дайындалғандықтан, біріңғай ұлттық тестілеуде жауаптардың әр алуандығы болмайды. Былтыр мектеп оқушылары ҰБТның 289 сұрағына шағымданған болатын. Мысалы, Ұлы Отан соғысының басталуы бір оқулықта 22 маусым түнгі сағат 3-30 десе, енді бір оқулықта таңғы сағат 4-01 минут, енді бірінде 3-50 минут деп беріледі.
3. Оқулықтардың авторлық құқықтары ҚР Білім және ғылым минстрлігіне тиесілі. Енді кітаптан қателік кетіп жатса, бұрынғыдай баспаға ысыра салмайды. Барлық жауапкершілікті өз мойнына алады. Соған қарағанда оқулықтардың сапасына да сенімді болар.
4. Тең мүмкіндіктер. Маған білім және ғылым министрі Е. Сағадиев бір сұхбатында «элита мектептер немесе әлсіз мектептер болмауы тиіс! Қазақстан мектептерінің деңгейі әртүрлі. Қайсібірінің айырмасы жер мен көктей. Біздің барлық мектептердің деңгейі жоғары болуы қажет.» деген еді. Ауыл баласы қашанғы ауылдық квотасына алға тарта береді. Ауылдағы білім нашар деген стереотипті бұзатын уақыт жетті. Мақсат ауыл баласын квотадан айыру емес, тең мүмкіндіктер беру. Барлығы бір оқулықпен оқиды, қосымша білім алам десе, бәрекелді. Мұғалімдер оны да бере қояды.
5. Жемқорлыққа жол жоқ. Бұрын мейілінше көп мектептің бір баспа кітаптарын алғаны «біреулерге» жақсы болатын. Мысалы, бір мектеппен келіссеңіз, онда кемінде 5-6 мың бала білім алады. Оқулықтың ең арзаны 500 теңге. Бір ғана оқулықтан 25 000 000 теңге. Ал аудандық білім беру басқармасымен сөйлессеңіз, құдай жарылқады дей беріңіз. Тегін емес, әрине… Ал енді бірегей кітап болған жағдайда, кітабыңыз не тізімге енеді, не ешбір пара көмектеспейді. Сіздің кітабыңыз бекітілуі үшін еш конверт көмектеспейді, тек кітап сапасы маңызды.

Кемшілігі.
1. Бағдарлама бірдей. Сенде бар оқулық барлық мектептерде бар. Ал енді бәйгеден озып келер жүйріктерді дайындай ғой. Бұл жерде бар салмақ мұғалімге түсетін сияқты. Сондықтан енді элита мектептерге емес, білікті мұғалімге сұраныс арта түседі. Хм, мұны енді кемшлік деуге келе ме екен… Бірақ жақсы ұстаздар әрқашан аз ғой.


Енді оқулықтардың өзін сынап көрейік. «Сауат ашу» оқулығы. 1-сынып оқушыларына арналған.
Артықшылықтары
1. Оқулық атауын байқадыңыздар ма? Әліппе де емес, Ана тілі де емес, Сауат ашу. Бұл оқу мен жазу оқулығының интеграциясы депті жасақтаушылар. Бұрын бірінші сыныпта мен өмірі естімеген ақын-жазушылар жүретін еді. Бұл оқулық мазмұнынан мін таба алмадым. Жарасқан Әбдірашев, Мариям Хакімханова, Бауыржан Жақып сияқты ақындардың өлеңдерін көріп қуанып қалдым.
2. Қате жоқ!!! Шынымды айтсам оқулықты ежіктеп екі күн оқыдым. Дәлірек айтсам қате іздедім. Таппадым)) Айтпақшы, екі томдық кітаптан түсінбегенім тек бір жұмбақ қана болды. Бір күн бойы бас қатырған жұмбақтың жауабын Аршат Ораз бірден тапты.
3. Кітап көлемі, бұрынғыдай кішкентай Б5 емес, Б4 форматы. Мәтін мен суреттер кеңінен орналастырылған. Дизайны көзді талдырмайды.
4. Бет көлемімен қоса, шрифті де үлкейген.
5. Суреттерінің сапасы тым жақсы. Түстер тым қанық емес, көзді шаршатпайды. Пастель тондар қолданылған. Бұл психикалық жағынан да балаға жағымды сияқты.
6. Кітапта топтық жұмыс, жұппен жұмыс, өз бетімен іздену, ойнау, ойлау, күрделі тапсырма, тыңдау, жазу, тағы басқа командалар белгіленген.
7. Авторлар. Беделді әрі білікті. Педагогика ғылымдарының докторы Әзия Елеупанқызы Жұмабаева, Абай атындағы ҚазҰПИ бастауыш сыныптарға білім беру теориясы мен әдістемесі кафедрасының профессоры Гүлнар Инаматқызы Уаисова. Кітап сапасына, мазмұнына қатысты күмәнім қалмады. Сізде ше?
8. Жеңіл. Қағаз сапасы жоғары. Бір оқулық салмағы 100 грамнан аспайды.

Кемшіліктері
1. Мұқабасы жұқа. Ойлана келе кітап жеңіл болуы үшін мұқабасы жұқа болды ма дедім. Қалың мұқабалы кітаптарды рюкзаңына салып мықшыңдаған қызымды елестетіп, бұл пункт кемшілік емес, артықшылығы шығар дедім.
2. Ағылшын тілі оқулығының ғана электронды нұсқасы бар екен. Басқа кітаптардың электронды нұсқасы жасалса ше? Әй бірақ баланы онсыз да планшеттен айыра алмай отырғанда бұл дұрыс емес шығар. Оның үстіне ватсапта баланың есебіне жабылып шығаратын ата-аналар елестеп, мұның да болмағанына шүкір дедім.
Әзірше осы. Баланың да менің де болашағым олардың алған біліміне байланысты. Қартайғанда зейнетін көру үшін балаңыздың біліміне зер салыңыз. Айтпақшы, бала білім мен тәрбиені тек мектепте ғана емес, үйде де алады. Ертең балаңыз ержеткенде мұғалімін емес, сізді асырайды ғой иә? Сондықтан бала тәрбиесін мектепке, мұғалімге ысыра салмаңыз. Бірақ, бала үшін сабақ оқып, тапсырма орындаудың да қажеті жоқ.

Айтпақшы, қызық жұмбақтың жауабын тауып көріңіз ;)

Елордада тегін жаяу экскурсиялар жобасы қарқынды дамып келеді, туристер аудиогидтің көмегімен қаланың басты көрікті орындары туралы толық ақпарат ала алады. «Хан шатыр» сауда, ойын-сауық орталығына қарсы және «Бәйтерек» монументінің алдындағы алаңда арнайы шатырлар орнатылды.

– Идея Нұржол желегін, оның жанындағы көрікті жерлерді барынша кеңінен танымал етуге негізделген, қала қонақтары мен шетелдіктер кепілге аздап ақша қалдырып, аудиогидпен желекті аралайды, жаңалықтармен танысады, – дейді «Астана Конвеншн Бюро» ЖШС директорының орынбасары Амантай Әбілов.

Аудиогид пен жолсілтемені сағат таңғы 10-нан кешкі 22-ге (онға) дейін кепілге 5 мың теңге қалдырып, алуға болады. Жабдықтарды тапсырған соң ақшаны қайтарып аласыз. Жаяу экскурсиялар кезінде «Хан шатыр» сауда, ойын-сауық орталығы, Ғашықтар саябағы, «Қазмедиа орталығы» ғимараты және басқа да нысандар туралы ақпарат төрт тілде: қазақ, орыс, ағылшын және қытай тілдерінде ұсынылады.

– Алдағы уақытта аудиогидті прокатқа беретін тағы да 3 орын ашуды жоспарлап отырмыз. Мысалы, орталық саябақта, жағалауда, атаулы көшелерде шатырлар орнатылады. Тілдер саны көбейеді, – деді Амантай Әбілов.

Аталған жоба 20 маусымда іске қосылды, осы күнге дейін 100-ге жуық адамға қызмет көрсетілді. Тегін экскурсиялар шетелдіктердің де, басқа қалалардан келген қазақстандықтардың да арасында кеңінен қолданыс тапты.

Айта кетейік, елорданы ЭКСПО-2017 көрмесіне дайындау, туристік тартымдылықты жақсарту аясында үш экскурсиялық автобус қатынайды. Қазіргі кезде қала бойынша жаяу жүргіншілерге бағыт-бағдарды анықтауға мүмкіндік беретін үш тілде 100 жуық пилон мен 140 жол көрсеткіш орнату жұмыстары басталды.

astana.gov.kz/kk/modules/material/11103

Қазіргі Олимпиада ойындарына жазғы түрлерден 28, қысқыдан 7 спорт түрі кіреді. Кірмейтін спорт түрлері көп. Олардың біразынан қазақстандық спортшылар мықты болып саналады. Егер бұл спорт түрлері Олимпиада бағдарламасына кіретін болса, қоржынымызға біраз медаль қосылар еді.

Самбо

Самбо — елімізде кең тараған спорт түрлерінің бірі. Бірталай Әлем және Азия чемпиондарымыз бар. Бірақ, бұл спорт түрі дзюдоның көлеңкесінде қалып қойды.

Армрестлинг

Қол күресінен Әлем бойынша алдыңғы орындардамыз. Еркектерден де, қыздардан да Әлем чемпиондары көп. Ең көп алтын әкелетін спортымыз болар еді.

Шахмат

Шахматтан мақтанатын спортшыларымыз көп. Әсіресе қыздар командамыз мықты. Шахмат спорт болып саналса да, Олимпиадаға қосылмайтыны өкінішті.

Бильярд

Бильярдың орысша түрінен Әлем чемпиондарымыз көп. Жалпы, бұл жағынан мықтымыз. Бірақ, орыс бильярдын Олимпиадаға қосуы екіталай. Оның орнына снукер қосылатын болса біздің жігіттер снукерге де икемделер еді-ау?

Су асты жүзуі

Судың астында жүзуден Қазақстан бұрын мықты еді. Қазір де көрсеткіштері жаман емес. Әлем, Еуропа, Азия кубоктарынан медаль әкеліп жүр спортшыларымыз. Олимпиадаға қосылу ықтималдығы ең жоғары спорт түрлерінің бірі. Егер бұл спорт түрі жүзу федерациясы FINA-ға кіретін болса, алдағы жылдардағы Олимпиада бағдарламасына кіретін болады.

Допты хоккей

Қысқы Олимпиадаға кіре алмай жүрген спорт түрі. Қазақстан Ресей, Швеция, Финляндиямен бірге Әлем Чемпионаттарында жыл сайын үздік төрттікке кіреді. Талай рет қола медальді де алдық. Егер қатысушы ел саны көбейе беретін болса, бір күні Олимпиада құрамына кіріп те қалар?

Футзал

Үлкен қарқынмен дамып келе жатқан спорт түрі. Ұлттық Құрамамыз Еуропаның қола жүлдегері. Олимпиадада нағыз атой салатын спорт түріміз болар еді.