Білім және ғылым министрлігі ұлттық біріңай тестілеу және мектеп бітіру емтихандары жөнінде орталық коммуникациялар қызметінде өткен баспасөз мәслиxатын өткізді. Мұнда ҰБТ мен мектеп бітіру емтихандарының тапсырылу реті, тәртібі туралы айтылды. Жаңа ережелер оқушылардың психологиялық-моральдық дайындығы, оңтайлығы мен практикалық тұрғыда тиімділігі тұрғысында ұнады. Дегенмен, байқап отырсақ, мектеп бітіру емтиханы мен ҰБТ емтихандарының арасында қайталанатын пәндер бар.
Түлектер келесә пәндер бойынша мектеп бітіру емтиханын тапсырады:
1) Қазақ тілі мен әдебиеті ( эссе жазу);
2) Алгебра жəне анализ бастамалары (жазбаша емтихан);
3) Қазақстан тарихы (ауызша емтихан)
4) Орыс тілі (тест)
5) Таңдау пәнінен емтихан
Емтихан тапсыру барысы қатаң қадағаланады, сұрақтарын ұлттық біріңғай тестілеу орталығы дайындайды.
Ал ЖОО түсу үшін ҰБТ тапсырады. Бұл тестілеу ЖОО өткізіледі және келесі пәндерді қамтиды:
1) Оқу сауаттылығы
2) Математикалық сауттылық
3) Қазақстан тарихы
Таңдаған мамандығына байланысты қосымша екі таңдау пәні бар. Қазақ тілі мен әдебиетінен жазбаша эссе тақырыптары өзгеруі мүмкін. Әдетте мектепте "Қазақстан тәуелсіздігіне 25 жыл", «Елін сүйген, елі сүйген елбасы», «Туған тілім — тұнығым», «Тәуелсіздік — тұғырым» деген сияқты. Ал университетте «Мен бұл мамандықты неліктен таңдадым», «Астана әлем назарында», «ЭКСПО- ел мерейі» деген сияқты тақырыптар ұсынылады. Ал Қазақстан тарихы бойынша сұрақтар өзгертілмейді. «Айрмасы болмаса, артық төлеп не керек?» дегеней, бір сабақ бойынша емтиханды екі рет өткізу қажеттілігі бар ма? Кейін абитуриенттен студентке айнаса, бірінші курста бір семестр бойы Қазақстан тарихын қайта тереңдетіп оқып, мемлекеттік емтихан тапсырады. Қазақстан тарихын жадынан кетпейтіндей етіп емтихан алу қажет болса, сол жерден есе алуға болады. Ал оған дейін түлектердің миын босқа ашытпай, таңдаған кәсібіне бет бұруға, бейімдеуге мүмкіндік берген жөн болар еді.

2016 жылдың 14 қарашасы күні Бұқар – Жырау даңғылы Каскад алаңында Қарағанды облысының жастар саясаты мәселелері жөніндегі басқармасы, «Қарағанды облысының жастар ресурстық орталығы» КММ және Қарағанды облысының ІІД жол полициясы басқармасымен бірлесе отырып «Жастар жолдардағы қауіпсіздік үшін» акциясын өткізді.

Акцияның мақсаты: Қараңғы уақыттарда көшеде және жолда жүргенде жаяу жүргіншілер киімдерінде жарық қайтарғыш элементтерді қолдануды насихаттау.


Акцияның міндеті:

* жол-көлік апатының зардаптарын азайту, сонымен қатар, балалардың жол-көліп апатынан алатын жарақаттарының деңгейін азайту.

* жолдағы жаяу жүргіншілердің жүру мәдениетін арттыру.

Ауа температурасының күрт төмендеуіне байланысты екінші ауысымдағы 1-4 сынып оқушылары үшін сабақ болмайды

«Әйелдер — ұлт болашағы үшін» ҚБ елорда әкімдігінің қолдауымен алғаш рет «Қазақ қызы» байқауын ұйымдастырды. Жобаның ерекшелігі– жеңімпаз сұлулығына қарап емес, қазақ халқының мәдени-адамгершілік және отбасылық дәстүрлерін білуіне қарай анықталды.

Жарыстың финалына 125 үміткердің ішінен 20-сы өтті. Байқау барысында 16-дан29 жасқа дейінгі арулар шеберлік байқасты.

«Қазақ халқының салт-дәстүрін білгенімен қатар, оларды күнделікті өмірде пайдалану керек. Мысалы, аспаздық. Қазіргі заманда қыздардың кейбірі ұлттық тағамды әзірлеу білмейді, біздің конкурс отбасылық дәстүрлерді жандандыруға және насихаттауға, адамгершілікке тәрбиелеуге, қыздар мен жас әйелдерді қаламыздың қоғамдық-саяси өміріне белсенді тартуға бағытталған», — дейді «Әйелдер — ұлт болашағы үшін» ҚБ басшысы Жанна Бороздина.

Байқау барысында арулар ас әзірлеу, тігу мен тоқу өнерінен сайысқа түсті, Абайдың қара сөздерін оқыды, сондай-ақ, ән айтып, би биледі, актерлік шеберліктерін ортаға салды. Финалдың бес кезеңінің қорытындысы бойынша «Инабатты қыз» номинациясы бойынша Жанкерке Тынышбаева үздік шықса, Арайлым Советжан «Өнерлі қыз» атанды, «Ісмер» — Зумрат Қайроллаева, «Зерделі» — Айым Дәуіт, «Тіл шебері» — Гауһар Кішірбаева, ал Дана Еламанова нағыз «Қазақ қызы» титулына ие болды.

Астана қаласының ІІД Жергілікті полиция қызметі Астана қаласы әкімдігінің қолдауымен «Астана-Арена» және «Астана-Барыс» стадиондарының басшылықтарымен меморандумға қол қойды.

Енді әлеуметтік осал топтар санатына жататын және арнайы есепке алынған жасөспірімдер тұрақты түрде футбол және хоккей ойындарына барып тұрады. Жүзге жуық кәмелеттік жасқа толмаған балалар «Барыс» (Астана қ.) пен «Слован» (Братислава қ.) арасындағы құрлықтық хоккей лигасы чепионатын тамашалады.

«Балаларды спорт түрлеріне апаруымызға әкімдік оңай колдау көрсетті, сондай-ақ осындай оңтайлы іс-шараларды алдағы уақытта жалғастырамыз. Біздің басты мақсатымыз – балалардың спортқа деген қызығушылықтарын арттырып, алға қойған мақсатына қол жеткізген спортшылардың өмір тәжірибелерінің балаларға түрткі болуын мысал ретінде көрсету» – деп Астана қ. ІІД Жергілікті полиция қызметінің бастығы өз ойымен бөлісті.

Астана қаласының Білім басқармасы Астана қаласы әкімдігімен келісіп белгіленген, қысқы кезеңдегі ауа-райының қолайсыз жағдайларына байланысты қала бойынша білім мекемелеріндегі (жалпы білім беретін мектептер, колледждердің 1-2 курс студенттері үшін) сабақты тоқтату параметрлерін ұсынады.

Білім басқармасының хабарлауынша, балалардың қауіпсіздігі мен денсаулығын сақтау мақсатында, білім мекемелерінде сабақты тоқтатудың параметрлері:

– 1-4 сыныптарда ауаның температурасы минус 25 градус және одан төмен болғанда (атмосфералық ауаның температурасы желдің жылдамдығына сәйкес);

– 1-9 сыныптарда ауаның температурасы минус 30 градус және одан төмен (атмосфералық ауаның температурасы желдің жылдамдығына сәйкес) болғанда;

– 1-11 (12) сыныптарда, колледждерде (1-2 курс студенттері) үшін ауаның температурасы минус 35 градус және одан төмен (атмосфералық ауаның температурасы желдің жылдамдығына сәйкес) болғанда;

Айта кету керек, егер желдің күші 15-20 м/с болғанда ауа температурасы күшейеді (қатты жел, боран, көру деңгейінің төмендеуі).

Сабақты тоқтату туралы ақпаратты 6.45-тен 7.00-ге дейін (бірінші ауысым) және 11.15-тен 13.00-ға дейін (екінші ауысым) келесі ақпарат көздерінен ала алады:

— Smart Astana мобильді қосымшасы бойынша,

— «Алма ТВ» кабельдік жүйесіне қосылмаған болсаңыз, «Хабар», «Қазақстан-1», «ОРТ Қазақстан», «Астана ТВ», «КТК», «НТК» телеарналарынан «дауысты хабарлама» беріледі;

— 109 телефонына қонырау шалуға болады (ұялы телефоннан тегін);

— www.e.astana.kz Астана қаласы әкімдігінің электронды қызметтер порталында;

— www.bilim.astana.kz Астана қаласы білім басқармасының сайтында;

— Мектептегі кезекшінің телефонына, сынып жетекшісіне, мектеп әкімшілігіне хабарласуға болады.

Ата-аналарды мұқият болуға шақырамыз. Сабақты тоқтату туралы ақпарат жоғарыда көрсетілген уақытта ғана беріледі. Қыс мезгілінде ауа-райының суықтығын ескеріп, балаларыңызға жылы киінуді, ақпаратты уақытылы тыңдауын қатаң тапсыруларыңызды сұраймыз.

2016 жылдың 1 қарашасында жұмыс істеп тұрған заңды тұлғалардың саны 33,6 мың бірлікті құрады. Олардың саны өткен жылдың сәйкес кезеңімен салыстырғанда 5247 субъектіге немесе 18,5%-ға өсті, деп хабарлайды Статистика департаменті.

Соның ішінде 97,7%-ы — шағын, 1,5% — орта және 0,8% ірі болып табылады. Олардың негізгі саны «Алматы» — 49,8% және «Сарыарқа» — 31,4% аудандарында шоғырланған.

Жұмыс істеп тұрған заңды тұлғалардың ең көп саны сауда — 24,9%, құрылыс — 23,5%, өзге де қызметтерді көрсету — 9,2%, кәсіби, ғылыми және техникалық қызмет — 7,8%, өнеркәсіп саласы — 5,6%, әкімшілік және қосалқы қызмет көрсету саласындағы қызмет — 5,2% салаларына шоғырланған.

Үстіміздегі жылдың қазан айында 552 компания бастапқы тіркеуден өтті, ал бизнестің 75 субъектісі таратылды.

16 қарашада «Астана Опера» театрының Камералық залында композитор, әдебиет және өнер саласындағы ҚР Мемлекеттік сыйлығының лауреаты Балнұр Қыдырбектің ел Тәуелсіздігінің 25 жылдығына арналған «Бабалар аманаты — Тәуелсіздік» атты концерті өтеді,

Концерт бағдарламасында композитордың оркестрлік, вокалдық және басқа да шығармалары орындалады, соның ішінде «Ақтау сарыны», «Өрен», «Өрлеу», «Гауһар күй», «Дешті-Қыпшақ», «Балғын», «Туған мекен Күреңбел», «Сенбейсің», «Той көбейсін» және т.б…

«Мен бұл кешті камералық оркестрге жазылған шығармаларға арнағым келді. Өзім аса толқыныспен күтетін мереке — Тәуелсіздік күні қарсаңында бұл әуендер жақсы қабылданады деп ойлаймын. Жалпы, мен өз шығармашылығымда махаббат, Отанға деген сүйіспеншілік, табиғатқа, туған өлкеге деген махаббат сезімін жырлап келемін», — дейді Балнұр Қыдырбек.

Қала тұрғындары мен қонақтарының арасында кең тараған демалыс түрлерінің бірі — коньки тебу. 1 қазанда «Алау» мұз сарайында кезекті бұқаралық коньки тебу маусымы ашылды. Бүгінге дейін аталған спорт орталығына 22 мыңға жуық адам барған.

Чемпиондық мұз айдынында жаппай коньки тебу шарасы салауатты өмір салтын насихаттауға, қала тұрғындарын спортқа баулуға бағытталған. Мұнда дене шынықтыру мен спортқа деген қызығушылықты арттыру үшін түрлі спорттық-көңіл көтеру шаралары тұрақты негізде өткізіліп тұрады. Сондай-ақ, жастарға және халықтың әлеуметтік әлсіз топтарының өкілдері үшін жеңілдіктер қарастырылған.

«Биыл біз 1 қазанда ашылдық, және осының алдындағы жылдармен салыстырғанда келушілер саны 30%-ға көп, яғни, Мұз сарайы коньки спортының түрлерін насихаттау бағытында жұмыс істеп келеді деп айтуға негіз бар. Биыл біз қайырымдылық шеңберінде белсенді негізде жұмыс жүргізудеміз, мұнда балалар үйлерінің балалары тегін негізде жиі келеді», — деп мәлім етті «Алау» Мұз сарайы директорының орынбасары Ильдар Садыков.

«Алау» отбасымен бірге уақыт өткізуге ең лайық орын, дейді мұз сарайына келушілердің бірі Әсел Мәселова. Ол қысқы спорт түрлерін жақсы көреді, және өз балаларын да спортқа буылып келеді.

«Әр демалыс сайын, мектеп каникулы кезінде балалармен бірге келуге тырысамыз, бұл салауатты өмір салты ғой. Барлық астаналықтарды балалармен бірге демалуға шақырамын, бұл өте пайдалы, бұл жер де керемет. Менің ата-анам бала кезімнен шаңғы, коньки тебуге үйретті. Өзім де балаларыма үйреткім келеді, кішкентайынан спортпен әуестенгенін қалаймын», — дейді Әсел Мәселова.

«Алауда» коньки тебуге арналған екі корт бар. Мұнда дүйсенбіден басқа кез келген күні келуге болады. Демалыс күндері — бес сеанс, жұмыс күндері үш сағаттық — 1 сеанс қарастырылған.

Жергілікті тұрғындардан басқа, Мұз сарайына Қазақстанның басқа қалаларынан келген қонақтар мен шетелдіктер жиі келеді.

«Мен Астанаға Алматы қаласынан келдім, осында тұрып жатқаныма үш ай болды. Мұз сарайында құрбымды коньки тебуге үйреттім. «Алау» Астанадағы керемет орын. Өзім қысты және мұзда коньки тепкенді ұнатамын», — дейлі Медея Ахмарова.

Бұқаралық коньки тебуден басқа, мұз сарайының халықаралық жарыстар кестесі бар. Мысалы, желтоқсанның 2 інен 4-іне дейін ол өз айдынында конькимен жүгіру спортынан әлем Кубогының үшінші кезеңін қабылдайды, ал 7 желтоқсанда келушілер үшін есігін қайта ашады.

ҚАРАҒАНДЫ ОБЛЫСЫ ӘКІМІНІҢ «ҚАЙНАР» ЖАСТАР СЫЙЛЫҒЫНА ҚАТЫСУ ҮШІН ҚҰЖАТТАР ҚАБЫЛДАУ БАСТАЛДЫ

ҚАРАҒАНДЫ ОБЛЫСЫ ӘКІМІНІҢ «ҚАЙНАР» ЖАСТАР СЫЙЛЫҒЫН ТАҒАЙЫНДАУ ЖӨНІНДЕГІ ЕРЕЖЕ

Қарағанды облысы аумағында жастар ортасында танымалдылыққа ие болған жемісті ғылыми, шығармашылық, кәсіби және қоғамдық жұмысы үшін облыстың 14 жастан 29 жасқа дейінгі жас азаматтарына берілетін Қарағанды облысы әкімі сыйлығының лауреаттарын іріктеу жөніндегі комиссия (бұдан әрі – Комиссия) Қарағанды облысы әкімінің аталған сыйлығының (бұдан әрі – Сыйлық) лауреаттарын іріктеу бойынша жұмысты жүргізу үшін құрылды.
Сыйлық байқау негізінде тағайындалады.
Комиссия құрамы Қарағанды облысының әкімінің орынбасарымен бекітіледі.
Қажет жағдайда Комиссия бөлек сұрақтар бойынша кеңесшілерді, сарапшыларды тартуға құқылы.
Сыйлыққа үміткерлерді ұсынуды Қарағанды облысының жергілікті және басқа мемлекеттік органдары, шығармашылық және кәсіби одақтары, ұйымдар мен мекемелері, жастар қоғамдық бірлестіктері жүзеге асырады.
«Жастар саясатының дамуына қосқан үлесі үшін», «Жетім балалар мен ата-анасының қамқорлығынсыз қалған балалар үшін үздік жасөспірімдер үйі», «Үздік жастармен жұмыс жасау орталығы» номинацияларынан басқа, «Мемлекеттік жастар саясаты туралы» Қазақстан Республикасының Заңына сәйкес, он төрт жастан жиырма тоғыз жасқа дейінгі Қазақстан Республикасының азаматтары сыйлықтың лауреаттары болып саналады.
Комиссияның жұмысшы органы «Қарағанды облысының жастар саясаты мәселелері жөніндегі басқармасы» ММ (бұдан әрі – Жұмысшы орган) болып табылады.
Сыйлық салтанатты түрде тапсырылады, марапаттау рәсімі Қазақстан Республикасының Тәуелсіздігінің25 жылдығына орайластырылады.
Жұмысшы орган оған жүктелген міндеттерге сәйкес:
1) үміткерлердің байқау құжаттарын қабылдайды және сыйлық алуға ұсынылғандардың жұмысын алдын ала қарайды, оларды ұсыну тәртібінің сақталуын қамтамасыз етеді;
2) үміткерлерді іріктейді, байқауға қатысуға рұқсат беру туралы ұсыныстар енгізеді, байқауға жіберілген жұмыстарды авторларын, оларды ұсынған ұйымдарды көрсете отырып баспасөз беттеріне жариялайды;
3) байқауға жіберілген үміткерлердің жұмысын ашық және ауқымды талқылау жұмысын ұйымдастырады;
4) сыйлықты тағайындау туралы шешім қабылдайды;
5) сыйлық лауреаттарының дипломдарын дайындайды;
Комиссияны облыс әкімінің жетекшілік жасайтын орынбасары ретінде төраға басқарады. Комиссияның төрағасы жоқ кезде оның міндеттерін «Қарағанды облысының жастар саясаты мәселелері жөніндегі басқармасы» ММ басшысы ретінде Комиссия төрағасының орынбасары атқарады.
Комиссияның төрағасы:
1) Комиссияның жұмысын басқарады;
2) Комиссияның құзыреттілігі аясында басқа да өкілеттілікті атқарады.
Комиссияның хатшысы:
1) Комиссия отырысының күн тәртібін жасақтайды;
2) Комиссияның отырысын өткізуді қамтамасыз етеді;
3) Комиссия мүшелеріне отырыстың күн тәртібі, өтетін орны мен уақыты туралы хабарлайды;
4) Комиссия мүшелеріне берілген құжаттарды ұсынады;
5) Комиссия отырысының хаттамасын рәсімдейді.
Комиссия өзіне жүктелген міндеттерге сәйкес:
1. Сыйлыққа үміткерлердің материалдары мен құжаттарын зерттеп іріктейді.
2. Облыс әкіміне Сыйлықты тағайындау туралы ұсыныс енгізеді.
Комиссия лауреаттарды іріктеудің келесі критерийлерін басшылыққа алады:
1) «Жылдың жас көшбасшысы» — оқудағы, қоғамдық жұмыстағы, мәдениеттегі, спорттағы жетістіктер, әлеуметтік маңызы бар және кең ауқымды саяси іс-шараларға қатысу, табысты жүзеге асырылған жобалар, оларды өткізу нәтижесінде қол жеткізген әлеуметтік әсер, жұмысының бұқаралық ақпарат құралдарында (бұдан әрі – БАҚ) жариялануы, ұйымдастырушылық, көшбасшылық қасиеттер;
2) «Отан қорғаушы» — әскери қызметкерлер, құқық қорғау органдарының өкілдері, кәсіпқойлық үшін мадақтамалар мен марапаттар; ел қауіпсіздігін қорғау саласындағы мемлекеттік саясаттың жүргізілуіне белсене қатысу; нәтижесі адам өмірі мен денсаулығын сақтап қалуға әкелген жеке бас жетістіктері, қайғылы салдарды алдын алу, қылмыс жасауды болдырмау бойынша әрекет қылу және т.б.;
3) «Үздік жас мәдениет қызметкері»- мәдениет саласын дамытуға үлес қосқан, өнер, туризм, музыка, әдебиет саласының қызметкерлері (суретшілер, дизайнерлер, фотографтар, музыканттар, актерлар, қолөнер шеберлері, экскурсоводтар, әдебиетшілер, т. б.) шығармашылық конкурстарға қатысатын, (дипломдары, наградалары, шығармашылық жобалары, жұмыстары) болуы қажет;
4) «Жылдың жас жұмыскері» — өнеркәсіп саласының жұмыскері (слесарь, машинист, механизатор, дәнекерлеуші, қырнаушы, қақтаушы, кенші, металлург және т.б.), өз қызмет саласының дамуына үлес қосу, белсенді азаматтық ұстанымы, қоғамдық пайдалы қызмет;
5) «Жылдың жас ұстазы» — білім беру ұйымдарының мұғалімдері мен оқытушылары, мектептен тыс ұйымдардың педагогтары, балабақша тәрбиешілері, әдістемелік құралдар авторлары және өскелең ұрпақты тәрбиелеуге үлес қосқан азаматтар;
6) «Жастар саясатының дамуына қосқан үлесі үшін» — мемлекеттік және азаматтық қызметкерлер, мемлекеттік емес ұйымдардың өкілдері, ЖОО және арнайы орта оқу орындарының өкілдері, білім, мәдениет және спорт саласының қызметкерлері.
7) «Жылдың жас ғалымы» — ғылыми қызметкерлер, жоғары оқу орындарының ғылыми-педагогикалық жұмысшылары, өнеркәсіп пен ғылыми ұйымдардың мамандары, ғылыми дәреженің бар болуы (аспиранттар мен докторанттар), ғылыми саладағы мемлекеттік саясаттың жүргізілуіне белсенді қатысу, қоғамдық өмірдің түрлі салалары бойынша ғылыми жобаларды енгізу мен жүзеге асыру, Қазақстан ғылымына қосқан айрықша үлес, ғылым саласындағы жеке бас жетістіктері, меншікті ғылыми-зерттеу жұмысы, ғылыми конференцияларға, зерттемелерге, грант байқауларына қатысу; басылымдардың болуы: монографиялар, оқу және оқу-әдістемелік құралдар, мақалалар, тезистер, ғылыми мекемелердегі жұмыс тәжірибесі;
8) «Жылдың жас медицина қызметкері» — әдістемелік әзірлемелері, публикациялары, наградалары бар (алғыс хаттар, мақтау қағаздары) жас медицина қызметкері, әртүрлі деңгейдегі конкурстық іс-шаралардың қатысушылары мен жүлдегерлері.
9) «Ауыл шаруашылығының немесе агроөнеркәсіптік кешенінің ең үздік жас маманы»- ауылдық жерде жұмыс істейтін, ауыл шаруашылығында, мал шаруашылығында, өсімдік шаруашылығында жаңа технологиялар енгізген, ауылдың қоғамдық өміріне белсенді қатысатын және ауылдастардың беделі мен құрметіне ие жас мамандар;
10) «Үздік жас мемлекеттік қызметші»- кәсіби жетістіктері, белсенді азаматтық ұстанымы бар, инновациялық жұмыс әдістерін қолданатын мемлекеттік қызметкер,
11) «Шын жүректен» — қайырымдылық шараларымен айналысатын, сондай ақ қиын өмірлік жағдайға тап болған адамдарға көмектесіп жүрген жас азаматтар.
12) «Жетім балалар мен ата-анасының қамқорлығынсыз қалған балалар үшін үздік жасөспірімдер үйі» — балалар үйінің түлектерінтабысты әлеуметтік бейімдеп, тұлғаны жан-жақты, үйлесімді дамытып, кейіннен қоғамға біріктіріп, құқықтары мен заңды мүдделерін қамтамасыз ететін жағдай туғызатын жасөспірімдер үйі;
13) «Үздік жастармен жұмыс жасау орталығы» — жұмыс тәжірибесі табысты жастармен жұмыс жасау орталығы, жастарға көрсетілетін әрекетті қызметтер, мемлекеттік жастар саясатын жүзеге асырудағы жасампаз амалдарды жасақтау мен белсенді қатысу, жастарға атаулы және консультативтік көмек көрсету, қызметі БАҚ-та жариялау.
Сыйлық алғаннан кейін үш жылдың ішінде ұқсас номинация бойынша қайта Сыйлық тағайындауға жол берілмейді.
Сыйлық алуға ұсынылғандар мен байқау жұмыстарын Комиссия екi кезеңде қарайды. Бірінші кезеңдеКомиссия әрбір номинация бойынша сыйлық алуға 3 үміткерді іріктейді, екінші кезеңде солардың ішінен Комиссия әрбір номинация бойыншаСыйлық тағайындауға бір-бір үміткерді анықтайды.
Комиссияның шешімі ашық дауыс беру арқылы көпшіліктің дауысым қабылданады. Комиссия мүшелерінің дауыстары бөлінген жағдайда Комиссия төрағасының дауысы шешуші болып табылады.
Комиссия хатшысы Комиссияның мүшесі болып табылмайды және шешім қабылдау кезінде дауыс беру құқығына ие емес.
Комиссия шешімдері оның құрамының кемiнде 2/3 мүшесі қатысса заңды деп есептеледi.
Комиссия мүшесінің Сыйлық алуға өз үміткерлігін ұсынуға құқығы жоқ.
Байқау өтінімін рәсімдеуге қойылатын талаптар:
1) Байқауға қатысуға өтінім сайысқа қатысатын әлеуетті үміткерлердің осы Тәртібі көрсетілген талаптар мен шарттарға келісім білдіру түрі болып табылады.
2) Байқауға қатысуға ниет білдірген үміткердің Байқауға қатысуға жолдаған өтінімдері бірінші басшының қолы және мөрімен расталған хатпен бірге қабылданады (заңды тұлғалар үшін).
3) Осы Тәртіпте көрсетілген талаптарға сай емес өтінімдер байқауға қатысуға қабылданбайды және тіркелмейді.
4) Байқауға қатысу үшін қажетті құжаттар:
 түйіндеме;
 мемлекеттік органдар және/немесе мекемелердің, қазақстандық және/немесе халықаралық үкіметтік емес ұйымдардың, бизнес-құрылымдардың, өзге де ұйымдардың үміткердің атына жазылған ұсынысхаттары;
 7 фотосурет: 1 стандартты, құжаттар үшін (3х4), 3-«жұмыс үстінде», 2-«бос уақытта»; фотосуреттер басылған және электронды түрде тапсырылуы тиіс, JPEG форматта, кемінде 3000*2000 пиксельде рұқсат етілген; («Жылдың әлеуметтік жобасы» номинациясы үшін талап етілмейді);
 мемлекеттік немесе орыс тілінде «Мен (біз) неге «Қайнар» сыйлығына лайықтымын (-мыз)» тақырыбында эссе. Көлемі 1 беттен аспауы керек, MS Word мәтіндік редакторында, қаріп — Times New Roman, кегль 14, аралық 1,5.
 жетістіктерін растайтын құжаттар (мақтау қағаздарының, дипломдардың, сертификаттардың, лицензиялардың, патенттердің, бейне-фото материалдар көшірмесі CD, DVD түрлі-түсті форматында, баспа, телевизиялық және электронды БАҚ-тардағы мақалалар (мақалалардың кесінділері, газет, журналдардағы мақалалар (немесе олардың көшірмелері), электронды БАҚ-қа сілтеме).
Байқауға қатысу туралы өтінімдер 2016 жылғы 25 қараша сағат 18.00-ге дейін мына мекен-жай бойынша қабылданады: Қарағанды қаласы, Құрылысшылар даңғылы 4, 204 кабинет. Толық ақпаратты Қарағанды облысының жастар ресурстық орталығынан білуге болады: 8(7212) 40-21-33.
Қарағанды облысы әкімінің "Қайнар" жастар сыйлығы 2016 жылдың 8 желтоқсаны күні табысталатын болады.