Құтқарушылар Астана тұрғындары мен қонақтарына ашық су қоймаларында шомылу кезінде аса абай болуға кеңес береді. Терең жерлерде су әлі салқын. Сондай-ақ, мамандар алкогольді ішімдік ішіп суға түсу, үлкендердің қарауынсыз балаларды суға жіберу өте қауіпті екенін еске салады.

Арнайы жабдықталған, рұқсат етілген жерлерде ғана шомылған абзал. Тап сол жерлерде күн сайын сағат 8:00-ден 22:00-ге дейін құтқару қызметі жұмыс істейді. Елорда тұрғындары мен қонақтарына қалалық жағажайда демалуға мүмкіндік мол. Астанадағы жалғыз жағажай – Тұран 2/1 даңғылында. Құтқарушылар Есіл өзеніндегі суда шомылу еш қауіпті емес екенін айтады: сүңгуірлер шомылатын орындарды күн сайын тазалайды. Астана қаласының әкімдігі барлық демалушыларға сәттілік тілеп, судағы қағидаларды еске салады:

Рұқсат етілмейді:

• судың тереңдігін тексермей жатып жарлар мен мінберлерден секіруге

• белгіленген жерден асып кетуге немесе су тоғандарын толық жүзіп өтуге
• мас күйінде шомылуға
• суда қауіпті ойындар ойнауға
• суық суда ұзақ шомылуға
• егер жүзу білмесеңіз үрленген матрастар мен шеңберлер арқылы жағажайдан ұзап кетуге

• судың жанында балаларды үлкендердің қарауынсыз қалдыруға
• балаларға таныс емес жерлерде шомылуға, алысқа жүзуге, егер балалар жүзу білмесе қауіпсіздік құралынсыз суға түсуге рұқсат етуге болмайды.

Қазақ радиосындағы «Ой-Зерек» танымдық-интеллектуал ойынының 11-шығарылымына «Әйел бақыты» командасы қатысып, 2-айналымды жалғастырды. Есеп 4:7.

1. Үндістандағы Амбер қамалынында бір майшаммен жарықтанатын мың АЛЬФА сарайы бар. Фаина Раневская бірде 5 шыбын өлтіргенін айтқанда, «Оның екеуі – аталық, сыра бөтелкесіне қоныпты, ал үшеуі – аналық шыбын, себебі АЛЬФАда отырды» дейді. АЛЬФАны атаңыз.

2. Кәріс күнтізбесінде сосо айы (7-22 шілде аралығы) — кіші ыстық деген мағынаны білдіреді, тэсо айы 23 шілде мен 6 тамыз аралығы — үлкен ыстық деп аталады. Ал 23 тамыз бен 7 қыркүйек аралығындағы Чхосо айы қандай мағынаны білдіреді?

3. Бір мультфильмнің эпизодында бақалар отбасы бәрі тату-тәтті арнайы жиналып, көз алмай Х-тен шіркейдің ұшып шығуын күтеді. Х-тің өзі болмаса да, аналогы бәрімізде бар екенін біле отырып, оны атаңыз.

4. 1994 жылдың 10 желтоқсанында Ицхак Рабин, Шимон Перес, Ясир Арафат Ослода бір жерге келеді. Бұл кездесудің мақсаты не еді?

5. Қазақ жұмбағын шешіңіз:
Алпыс кісі аяқасты,
Ертеменен таяқтасты.

6. Париждегі балауыз мүсіндер музейінде мисс Робертенің алтын жалатылған көйлек киілген мүсіні Билл Клинтон және Мадонналардың жанында тұр. Үлкен бір іс-әрекеттері болмаса да, танымалдық жағынан олардан қалыспайтын Барбара Роберте деген кім?

7. Бұл тұлға туған күнін білмегендіктен, 8 наурыз болып бекітілген. Ол туралы телебағдарламада діни қауым анасымен аналогия келтіріледі.
Монтажшы боп жүрген кезінде, Оның суретін көрген атақты жазушы: «Пұшық қой» дегенде, режиссер Рошаль: «Мұрынды жөндейміз, бастысы, маған оның көздері керек» деп, рөлге шақырған екен. 1996 жылғы фильмде өзін-өзі ойнады, Карловы Варыдағы Халықаралық кинофестивальдің құрмет дипломын, «Шоқжұлдыз» кинофестивалінің үздік егде адам рөлі сыйлығын алады. Оны атаңыз.

8. Бұл шығармада шамамен 3 апталық уақыт аралығында 3 адам өлтіріледі, 2 адам өзін өзі өлтіреді және 1 өлім уайым-қайғыдан болады. Шығарманы атаңыз.

9. Қызық, дегенмен жанр атына қарамастан Деметри Мартин көбіне отырып өнер көрсетеді. Ал ол қандай біршама кең таралған жанрда еңбек етеді?

10. Танымал Монополи ойынының 1997 жылы Эконополи атты жаңа нұсқасы шығады. Оның авторы Брюс Хазерли атты кісі. Бұл ойында да әр шаршының ішінде компания аты, банк аты немесе басқа түрлі мекеме аттары жазылады. Хазерли бұл ойын арқылы сатылымынан бөлек бірнеше миллион доллар табысты қалай тапты?

11. Француздар қай тәтті дәмді «Папаның сақалы» деп атайды?

Ойынның аудиожазбасы — мұнда.

Қазақстан Республикасы Қарулы Күштерінің 25 жылдығына арналған «Айбын» халықаралық әскери-патриоттық жастар жиынында 1 орынды иеленген «Жетісу тарландары» командасын Талдықорған қаласының «Жастар» саябағында салтанатты түрде қарсы алды.

Алматы облысы Қорғаныс істері жөніндегі департаменті қызметкерлері ұйымдастырған ұлттық оркестрдің әуенімен «Жетісу тарландары» командасының мүшелерін «Жастар» саябағында туған-туыстары, достары мен жақындары салтанатты түрде қарсы алды.

«Қазақстан Республикасының Қарулы Күштердің 25 жылдығына орай ұйымдастырылған «Айбын» жастар жиыны осы жылы халықаралық дәрежеде өтті. Жиынға 600 республикалық «Жас ұлан» әскери мектептерінің, өңірлердегі әскери-патриоттық клуб мүшелері мен Ресей Федерациясының ОренбургПрезидент кадет училищесінің тәрбиеленушілері қатысты. Ұйымдастырылған жарыстар оңай болмады, алайда қызықты өтті. Физикалық күшті, рухы биік, білікті жастардан құралған біздің команда халықаралық деңгейде өздерін жоғары дәрежеде көрсете білді. Алдағы уақытта біз жоғары жетістіктерге жететінімізге сенеміз», — деді Алматы облысы Қорғаныс істері жөніндегі департаменті бастығының тәрбие және идеология жұмыстар жөніндегі орынбасары Қуандық Әділбеков.

Ескерте кетейік, Қарағанды облысында «Айбын» халықаралық әскери-патриоттық жастар жиыны өз мәресіне жеткен болатын. Алматы облысының атынан шыққан «Жетісу тарландары» командасы 16 өңірден шыққан әскери-патриоттық клуб арасынан жүлделі 1 орынды иеленді. Команданың әр мүшесі арнайы дипломмен, медальмен және бағалы сыйлықпен марапатталды.

Астаналық жұмыскерлер артық су қоры мен күннен қорғайтын қалпақ дайындап, төзімділік танытуларына тура келеді. Елордада бір жарым жұма бойы аспап ыстық болады, — деп хабарлады Елорда әкімдігінің медиа-орталығы.

Салқын күндер маусымның 28-нен кейін ғана күтіледі, — деді «Қазгидромет» ұзақ мерзімді болжам жасау басқармасының аға инженері Айгүл Мыңжанова Елорда әкімдігінің медиа-орталық тілшісіне.

Жақын күндері су қоймаларына барып, шомылуды жоспарлағандарға ауа-райы кедергі келтірмейді. Синоптиктер 35 градусқа дейін ыстық болады деп отыр. Демалыс күні жаңбыр жаууы ықтимал. Келер аптаның басында қапырық сәл бәсеңдейді, Ресейден келетін циклон термометр көрсеткішін 30 градустан жоғары көтерілуіне мүмкіндік бермейді. Алайда, артынан іле-шала Қазақстанға Ираннан ыстық ауа массасы келеді. Сол себептен 21 маусымнан кейін сынап бағанасы қайтадан жоғары көтеріледі.

Синоптиктердің болжамы бойынша ең аптап ыстық күндері маусымның 26-27-нде күтілуде. Ол күндері ауа температурасы 39 градусқа дейін жетеді.
Әдетте Қазақстанда ең ыстық ай саналатын шілдеде синоптиктердің алдын-ала болжамы бойынша күн салқын әрі жаңбырлы болады. Ал тамызда қайтадан ыстық күндер күтілуде, температура көрсеткіші нормадан бір градусқа жоғары болады.

Астанада өңірлік тауарөндірушілердің кезекті жәрмеңкесі өтуде. Бұл жолы Елорда тұрғындары мен қонақтарына Ақтөбе мен Алматы облыстарының шаруалары кең көлемдегі өнімдерін жеткізді.

Алматы облысының үш қаласы мен 19 аудан орталығынан келген шаруалар 1 млрд теңгенің 2800 тонна өнімін ұсынуда. Ал жалпы жәрмеңкеде 250 ауыл шаруашылығының тауар өндірушілері өсімдік шаруашықтарын, көкөністер мен жеміс-жидектер, бақша дақылдарын жеткізді.

— ЭКСПО-2017 көрмесі кезінде біз Астанаға 19 мың тонна өнім жеткізуді жоспарлап отырмыз. Бізге күн сайын 7 мың өнім жеткізетін дистрибьюторлық компаниялар бар. Ал жылжымалы жәрмеңкелерде шаруалар 12 мың тонна өнім әкеледі. Мұндай шаралар облыс кәсіпкерлері үшін аса тиімді. Ыстық ауа-райына қарамастан өндірушілер тырысып бағуда. Бізде рефрижератор фуралар бар, барлық өнімдер сол жерде сақталады. Маусым барысында біз жәрмеңкеге үш рет қатысуды жоспарлап отырмыз, — дейді Алматы облысы әкімінің орынбасары Серікжан Бескемпіров.

Алматы облысының өнімдеріне тұтынушылар тарапынан сұраныс жоғары екені байқалады. Астаналықтар әсіресе келісі 180-нен 210 теңге аралығындағы жаңа піскен картопты көптеп алуда. Сондай-ақ, құлпынай, шие, балық және сүт өнімдері де жақсы өтіп жатқанын айтады Алматы облысы әкімдігінің өкілдері. Бұдан басқа, қызығушылық танытушылар арасында жаппай сатып алушылардың да бар екенін айтады Серікжан Бескемпіров.

Сонымен қатар Астананың ауылшаруашылық басқармасы қойылған өнімдердің бағасына мониторинг жүргізіп, санитарлық талапты да қадағалауда.

— Баға саясатын қадағалаудан тыс, мұнда ертемен ветеринар дәрігерлер жұмыс жасауда. Олар арнайы зертханаларда сынама жүргізіп, қауіпті заттардың бар-жоғын анықтайды. Сонымен қатар мұнда тұтынушылардың құқығын қорғау департаменті, қалалық әкімдіктің өкілдері де жұмыс істеп жатыр, құжаттарды тексереді. Сауда сөрелеріне тауарлар толық тексерістен өткеннен соң ғана қойылады, — дейді Астана қаласының ауыл шаруашылық басқармасы азық-түлік өнімдері қауіпсіздігін қамтамасыз ету бөлімінің басшысы Ризагүл Мүсілімова.

Алматы облысының өңірлік коммуникациялар қызметінде Назарбаев Зияткерлік мектебінің директорының тәрбие ісі бойынша орынбасары Гүлназ Жетпісбайқызы мен Ақтөбе, Атырау қалаларындағы Назарбаев Зияткерлік мектептерінің оқушылары Қайыржан Жанель мен Көңілқош Бек баспасөз мәслихатын өткізді. Онда дарынды оқушыларға арналған «Туған елге тағзым» жобасы жайлы айтылды.

«Туған елге тағзым» жобасы Назарбаев Зияткерлік мектептерде 2012 жылдан бастау алған. Жоба оқушылардың патриоттық сезімін тәрбиелеуге арналған. Басты ерекшеліктердің бірі — Назарбаев Зияткерлік мектептептерінің оқушыларын Қазақстанның барлық жерлерін аралатып, сол елді-мекеннің тарихын, флора мен фаунасын, мұражайларын, археологиялық қазба жұмыстарын, индустриалды обьектілен таныстыруға бағытталғаны айтылды.

«Бұл жобада әр Зияткерлік мектептен 7-10 сынып аралығындағы оқушылар білім, спорт, өнер салаларында жеткен жетістіктері үшін іріктеліп алынады. Экспедициядан кейін оқушылар өмірлік тәжірибесін арттырып, зертеген қаланың, ауданның тарихын біледі. Жоба аяқталған соң, оқушылардың жазған күнделіктері мен ғылыми жобалары толықтай зерттеліп, мектеп кітапханасында сақталмақ. Оны мұғалімдер, кіші сыныптардағы оқушылар оқи алады» — деді Назарбаев Зияткерлік мектебінің директорының тәрбие ісі бойынша орынбасары Гульназ Жетпісбайқызы.

Экспедиция жыл сайын алма-кезек екі бағытта өтеді: ғылыми және танымдылық. Жалпы осы 5 жыл көлемінде Талдықорған қаласының 159 оқушысы Көкшетау, Ақтөбе, Атырау, Семей, Тараз, Қызылорда, Өскемен, Шымкент қалаларына барып, зерттеу жұмыстарын жүргізіп қайтқан. Биыл Назарбаев Зияткерлік мектептері бойынша 240 оқушы, 40 жауапты қызметкер бекітілгені жайлы айтылды.
Аталмыш жоба 10-19 маусым аралығында өтеді.
Алматы облысының өңірлік коммуникациялар қызметі

17 маусым күні Астанада Нұржол саяжолында ІІІ халықаралық заманауи өнердің Astana Art Fest-2017 фестивалі жұмысын бастады.

Astana Art Fest – бейнелеу өнері, сәулет, мүсін, өнеркәсіптік дизайн, хореография және театр өнерлерін бір алаңда тоғыстыратын кросс-тәртіптік мультимәдени фестиваль. Шараға жыл сайын Қазақстан, Ресей, алыс-жақын шетелдерден 72 автор қатысады. Бүгінгі күні көрмеге 50 жұмыс қойылған. 90 күн ішінде перформанс Елорда тұрғындары мен қонақтарын қуантпақ.

Фестиваль Астана қаласы әкімдігінің қолдауымен ұйымдастырылды. Шараның хедлайнерлері — Стивен Сигал, Арагорн Дик Рид, DUNDU театры, Эдуард Казарян, Сәуле Сүлейменова, «Қызыл трактор» арт-тобы.

Көрме Эльдар Хасанов, Роман және Михаил Беличко фестиваль сәулетшілерінің кіреберістегі топ туындыларымен басталады. Қонақтарды қозғалыстарды сезініп, түсін өзгертетін интерактивті аймақ қарсы алады.

– Біз кіре берістегі топқа аса көңіл бөлдік, өйткені фестивальге келетіндер алдымен осы жерді тамашалайды. Меймандардың бірінші алған әсерлері мен көңіл-күйлері – біз үшін аса маңызды. Әдеттегідей, кіреберіске фестиваль тұжырымдамасын, фестивальдің материалдарына қарап отырып жазған менің ойын-ертегі еңбегім және барлық ақпараттар қойылды. Бұл ертегі бүгінгі кешкі шоудың негізгі бөлігіне айналады, — деді фестивальдің бас тәлімгері Яна Малиновская.

Фестивальдің ашылуына арналған ерекше театрландырылған шоу бүгін сағат 20:00-де басталады. Көрермендерді шараның басты идеясы — Nomad Energy тақырыбына негізделген ғажайып перформанс күтіп тұр. Номад энергиясы – бұл шығармашылық, адамзаттың күш-қуаты мен оны қоршаған кеңістіктің түрленуі. Бүгін Нұржол саяжолына келетіндер жарық сәуле мен отты шоуды тамашалайды, сондай-ақ, фестивальге арнайы дайындалған бірегей хореографиялық нөмірлер мен тұжырымдамалық музыкалық безендірулерді көре алады. Салтанатты ашылудың басты кейіпкерлері ҚР танымал балет әртісі – Досжан Табылды және ҚР еңбек сіңірген қайраткері, балет әртісі – Жандос Әубәкіров.

Бүгінгі күні фестивальге барлық нысандар қойылған жоқ. Қала күніне орай, 6-8 маусым күндері Art Fest көрмесі павильонының ашылуы өтеді. Бұдан бөлек, осы күні қазақтандық және шетелдік театрлардың көше қойылымдары болады. Сонымен қатар, панельдік пікірталастар, шеберлік сыныптар, урбанистік тақырыптағы лекциялар мен өнердің экологияға ықпалы сынды тақырыптардағы Арт форум ұйымдастырылады.

Қала күнінде тап осы алаңда альтернативті қазақстандық музыканың концерті өтеді. Оған андеграундтық командалар қатыспақ. Мерекелік шара Керуен мен Шығыс шұғыласының ортасындағы Асхат Сәдуовтың жетекшілігімен урбанистік орталықтың сәулетшісі Әйгерім Оспанова жобалаған сулы-жасыл саяжолында өтеді. Жоба Есіл әкімдігімен бірлесіп жүзеге асты. Жаз бойы нетворкингті дамытуға арналған астаналық қоғамдастықтар жиналатын кеңістік VIP-Астана деп аталады.

Фестивальдің кеңістігі 7 бөлімнен тұрады: заманауи өнер, сәулет, өнеркәсіпті дизайн, музыка, театр және перформанс, fashion, nomad 2.0.

Сонымен қатар фестивальге келушілер сулы-жасыл саяжолында орналасқан коворкинг–аймағын да аралай алады. Ұйымдастырушылар аталған аймақтың ерекше болуына мән берген. Онда кез-келген адам акцияға қатыса алады. Шараның талабы – өзінің жеке затын қазақ батырларының кескіні бар жейделерге ауыстырулары тиіс. Қатысушылардан жиналатын заттар кейін қайырымдылық шараларына жіберіледі.

— Саналы ғұмырымды батырлардың ерлігіне қызығып, оларды салуға арнап келемін. Әрбір адам өзінің ұлтын ғана емес, ата-бабаларын да жақсы тануы тиіс. Бұл — біздің байлығымыз. Осыны насихаттау мен үшін аса маңызды. Жастар өткенді оқып, танып, болашаққа бағдар алуы қажет деп санаймын, — дейді жейделердің авторы, Ресей суретшісі Әлібек Қойлақаев.

Фестиваль үшін арнайы сәулеттік кескіндер жасалды: жылжымалы, кюммель, кіре берістегі топ, әуедегі «орман», коворкингтер, мамандандырылған павильондар мен мобильді дәмхана. Олардың барлығы энергия қозғалысын, ресурстарды үнемдеу және технология арқылы байланыс ұғымдарына негізделген.

Жаңа ережелерді бұзғандарға айыппұл салынады, ал оларға көліктерін қоюға рұқсат етілмейді, деп хабарлайды Астана қаласы әкімдігінің медиа орталығы.

17 маусымнан бастап Астананың ескі вокзал аумағында Заңсыз коммерциялық қызметке, жеке тасымалдауға, жарнама қызметіне және пәтерлерді жалға беруге тыйым салынды, деп хабарлады сенбі күні «Астана LRT» ЖШС баспасөз қызметі.

Жаңа ережені бұзғаны үшін бірінші күні-ақ 12 адам жауапкершілікке тартылды. Қалалық жолаушылар көлігі басқармасының басшысы Бекмырза Игенбердиновтың сөзінше, астыртын сауда-саттықпен айналысқандар, пәтерлерді жалға берушілер және көлікпен жолаушыларды тасымалдаушылар жауапқа тартылған.

Айта кету керек, бұл саудагерлерге бірнеше рет заңсыз қызмет үшін жауапқа тартылатындары жөнінде ескерту жасалған.

-Құқық қорғау органдары ереже бұзғандарды әкімшілік жауапкершілікке тартады. Ал әкімшілік бұзушыларды жосықсыз қолданушылар тізіміне енгізіп отырады және одан кейін көліктерін қоюға рұқсат берілмейді, — делінген «Астана LRT» баспасөз хабарламасында.

Сонымен қатар, 17 маусымнан ескі вокзал аумағындағы тұрақтарға кіргеннен 24 сағаттан артық уақыт көлік қоюға шектеу қойылды.

Бұдан бөлек, ұзындығы 5 метр, ені 2,5 метр авто көліктерге, басқа көлік құралдарын тіркейтін көліктерге және тіркемесі бар автомобильдерге ақылы көлік тұрағына кіруге рұқсат етілмейді. Сондай-ақ, ақылы тұраққа сегіз орыннан асатын көліктерге де кіруге болмайды.

-Темір жол вокзалын және көлік тұрақтары аумағын өзгертуге қатысты болып жатқан өзгерістер көлік тұрақтарын қолданушыларға қауіпсіздік пен жайлылық жасауға бағытталған. Келушілерге тұрақ орындарын босату, көп уақытқа көліктерін қалдырып кету жағдайларын болдырмау және заңсыз тасымалдаушылар мен жарнамашылардың салдарынан орын жетіспеушілігі мәселесін жою бағытында атқарылуда.

Осы күнге дейін тұрғындар қалалық басшыларға вокзал аумағында тұрып, жолаушылардың діңкесін құртатын заңсыз тасымалдаушылар мен пәтерлерді жалға берушілер қызметіне бірнеше рет шағымданып, тәртіп орнатуды сұраған.

Осы ретте «Астана LRT» вокзал төңірегінде сауда жүргізу қызметін реттейтін ереженің жаңа редакциясын құрды.

Компания вокзал аумағындағы ақылы тұраққа ірі габаритті көліктердің кіру талаптарын не себпті күшейткенін түсіндіріп берді.

Өйткені, минивэндер мен ірі көлемді көліктерге кіруге шектеу қойылу себебі, олар өзге көліктерге кедергі келтіреді, ал тіркейтін көліктер мен автоматика тіркемесі екінші көліктік құрал ретінде есептеледі және шлагбаумды құлатып кетуі ықтимал.

Астанада эксперимент ретінде қалалық электр желілерін жеңілдетуге бағытталған күн батареялары орнатылған аялдамалар пайда болды, деп хабарлайды елорда әкімдігінің медиа орталығы.

Қазақстан астанасында электр қуатын үнемдеуге септігін тигізетін аялдамалар жұмыс істейді. Аялдамалардың төбесіне орнатылған күн батареялары күндізгі жарықты жинайды. Соның көмегімен аялдама өзін-өзі жарықтандырады. Қондырғы күніне 800 ватт жинақтайды.

Мамандар қытымыр аяздарда да аялдамалар ішкі ресурстардың көмегімен жылынатынын айтады.

Айта кету керек, бұл жаңашылдыққа бюджет қаржысы шығындалмаған.

-Жоба пилоттық және жеке инвесторлардың қаражатына жүзеге асырылуда,- деп мәлімдеді елорда әкімдігінің медиа орталығы тілшісіне Астана қаласы энергетика басқармасының маманы Қали Бекзат.

Қазіргі уақытта қала ішінде осындай 5 аялдама орнатылды. Олар «Керуен сити» СОСО (бұрынғы «Мега»), «Ханшатыр», «Азия парк» және ана мен бала орталығында қойылды.

Энергетика басқармасы жыл соңына дейін «ақылды» аялдамалар саны көбейетінін айтады.

Астана субұрқақтары таңертеңгі сағат 8-ден түн батқанға дейін жұмыс істейді, деп хабарлады Елорда әкімдігінің медиа-орталығы.

Елордада субұрқақтар маусымы мамыр айының басында ашылды, алайда оларға дәл қазіргі кезеңде — нағыз жаздың аптап ыстығы келген тұста, яғни температура көрсеткіші +30 градустан асқанда сұраныс ерекше.

Қала тұрғындары мен қонақтары таңертеңгі сағат сегізден түнгі 23:00-ге дейін жұмыс істейтін 122 субұрқақтар арқылы шіліңгір жаздың ыстығынан қорғана алады.

«Қаладағы ең үлкен әрі тұрғындардың ерекше жақсы көретін жасанды су қоймасы – музыкалық субұрқақ. Мұнда таза, салқын самал соғып тұру үшін күн сайын 1200 текше мерт су құйылады. Айына бұл көрсеткіш 12 мың текше метрге жетеді. Ал кішкентай субұрқақтарға шамамен 400 текше метр су жеткілікті», — дейді «Астана көгалдандыру құрылыс» АҚ медиа-орталықтың тілшісіне.

Жасанды су қоймалары күн сайын тазартылады.

«Субұрқақтарды тазалау жұмыстары бассейндерді тазалаумен тең, сол себептен ол жерлерге шомылуға рұқсат, қауіпті емес», — дейді компания өкілдері.