Алдар Көсе жылы

Биыл Алдар Көсенің жұлдызды шағы болды десек болады. Ертегі кейіпкерлерінің ішінде ең танымалысы Алдар болған шығар. Сонымен, биыл:

«ХІ ғасырдағы Алдар көсенің бастан кешкендері»

Керекинфода бұл туралы бір-екі пост та жазылды.
Әрі қарай

"Толағай" және "Маймақ қаз"

Қазақ мультфилімдері қатарына тағы да екі мульт қосылды. Бірі, Әбділдә Тәжібаевтың «Толағай» поэмасы бойынша түсірілген «Толағай» мультфилімі. Жалпы сюжеті бізге белгілі. Ауылын қуаңшылық жайлағанда алыстағы тауды ауылына көтеріп келетін жасөспірім жайлы.
Екінші мульт көрген жандарға ой салатын туынды екен. Қаздар отбасысы аяғы маймақ (қисық) балапандарынан бас тартады. Сәйкесінше, балапандары жоқ отбасы бұл балапанды өз тәрбиелеріне алады. Жақын күндері өз көрермендеріне жол тартпақ мульттердің қысқаша сипаттамасы осындай.
Әрі қарай

Абайдың қара сөздері - V сөз

V сөз
Көкірек толған қайғы кісінің өзіне де билетпейді, бойды шымырлатып, буынды құртып, я көзден жас болып ағады, я тілден сөз болып ағады. Қазақтар: «Ә, құдай, жас баладай қайғысыз қыла гөр!» деп тілек тілегенін өзім көрдім. Онысы — жас баладан гөрі өзі есті кісі болып, ескермес нәрсесі жоқсып, қайғылы кісі болғансығаны. Қайғысы не десең, мақалдарынан танырсың: әуелі — «Түстік өмірің болса, күндік мал жи», «Өзіңде жоқ болса, әкең де жат», «Мал — адамның бауыр еті», «Малдының беті — жарық, малсыздың беті — шарық», «Ер азығы мен бөрі азығы жолда», «Ердің малы елде, еріккенде қолда», «Берген перде бұзар», «Алаған қолым — береген», «Мал тапқан ердің жазығы жоқ», «Байдан үмітсіз — құдайдан үмітсіз», «Қарның ашса, қаралы үйге шап», «Қайраны жоқ көлден без, қайыры жоқ елден без» деген осындай сөздері көп, есепсіз толып жатыр.
Бұл мақалдардан не шықты? Мағлұм болды: қазақ тыныштық үшін, ғылым үшін, білім үшін, әділет үшін қам жемейді екен, мал үшін қам жейді екен, бірақ ол малды қалайша табуды білмейді екен, бар білгені малдыларды алдап алмақ яки мақтап алмақ екен, бермесе оныменен жауласпақ екен. Малды болса, әкесін жаулауды да ұят көрмейді екен. Әйтеуір ұрлық, қулық-сұмдық, тіленшілік, соған ұқсаған қылықтың қайсысын болса да қылып жүріп, мал тапса, жазалы демесек керек екен.
Бұлардың жас баланың ақылынан несі артық? Бірақ, жас бала қызыл ошақтан қорқушы еді, бұлар тозақтан да қорықпайды екен. Жас бала ұялса, жерге ене жаздаушы еді, бұлар неден болса да ұялмайды екен. Сол ма артылғаны? Қолымыздағыны үлестіріп талатпасақ, біз де өзіндей болмасақ, безеді екен. Іздеген еліміз сол ма?
Әрі қарай