Бүгін Халықаралық инвестициялық форум аясында «ASTRA» (Astana Transport Authority) қалалық транспорттық басқару компаниясының таныстырылымы өтті. Өнеркәсіптің негізгі бағыттары көлік, көлік жоспарлау, көлік инфрақұрылымы және көлік кешенін басқару болып табылады.

Қарағандыдағы Орталық көшені бойлап келе жатып суық жерде отырған қайыршыға көзім түсті. Шын мәнінде қайыршыға емес, бүрісіп, алдына қалбыр қойып отырған қарияға.
Осыған дейін де бірнеше жерде алақан жайып отырған қарияларды көргенім есіме түсіп, жанына жайғастым. «-Тоңған жоқсыз ба?» — дедім аяушылық білдіріп. «-Жоқ, суық емес» — деп астына төсеп алған қалың ағаш тақтайшаны көрсетті. Әңгімеміз осылай басталды. – Балаларыңыз қайда, неге бұлай отырсыз? – деп мән жайды сұрадым. Әлбетте, күнкөріс көзі. Үлкен екі баласы мен немересін осы қарт тіленшілікпен асырап отыр. Екі баласы да мүгедек. Ұлы ішкілікке салынып, соңында үлкен дертке шалдыққан. Тамақты өздігімен жей алғанымен, ас асқазанға, бойға батпайды. Асқынған асқазан ауруы. Қызы болса 3-ші топтағы мүгедек. Көзі әрең көреді. Және бастауышта оқитын немересі бар. «Ел ақша тастайды, күнкөріске жетеді, маған тек – ұят» — деді көзіне жас алып қария. Жасы 82-ге келген әжейдің жұмыс істеуге еш қауқары жоқ әрине. Амалының жоқтығынан көшеде ақша сұрап отыруға бел буған.
Бетін жуған тамшылардың өзінде қаншама мұң, «Ұят» сөзінің астарында іркіліп қалған қаншама сөз барын оты сөнген жанары айтып-ақ тұр. «-Үйдің өзін күтетін, жинайтын адам керек, оны кім жинайды? Менің қауқарым жетпейді, балалар болса – анау», — деп үйі бар болғанымен, оған еш жағдай жасалмағанын айтып мұңайды. Сол маңды торуылдаған Полицей ағайлар болса, «Бұл жерде отыруға болмайды» -деп қарт ананы отырған жерінен қуып жібереді екен. Бейнетінің зейнетін көретін шақта ешкімнен қамқорлық көрмей, өткен-кеткенге осылай жәутеңдеп отырған қарияның тірлігі жаныма батты. Бұл жалғыз қария емес, орталықтың өзінен қол жайып отырған бірнешеуін кезіктіресіз. Қарттардың бар екені тек бір күнде ғана түседі есімізге. Ол – қарттар күні. Сол күні оларға құшақ-құшақ сыйлықтар алынып, жылы сөздер арналады. Басым көпшілігі – ардагерлер мен қарттар үйіндегі ата-әжелерге назар аударады. Күннің суығында жұқа киіммен қайыр тілеп отырғандар ше? Ертеңгі қыстың қақаған аязында олардың күні не болмақ? Қамқорлыққа өте зәру көшедегі қарттарға назар аударса екен биліктегілер. Басына түскен қайғымен бөлісіп, кішкене болсын қол ұшын созса тіленші-қарттар саны азаяр ма еді? Қазыналы қарттармызға көшеде емес, үйдің төрінде, немерелеріне ертегі айтып отырған жарасады емес пе?! Оларға бір күнде ғана емес, әр күн сайын құрмет, қамқорлық жасалуы тиіс. Бізде болса тіленші қарттар саны әр жерде күн санап көбейіп бара жатыр. Қариясын далаға қаңғыртпаған ел емес пе едік? Қайдасыз қазақ баласы? Анаңыз, ата-әжеңіз — күздің, қоғамның қара суығынан тонып қалды ғой…

Бүгін VI Халықаралық инвестициялық форум аясында араб инвесторлары «Тұлпар-Тальго» жолаушылар вагондарын құрастыратын зауыт жұмысымен танысты. Өнеркәсіп 2011 жылдан бастап жұмысын істеп келеді. Зауыт халықаралық стандарттарға сай салынған. Бүгінгі күнде «Тұлпар-Тальго» ТМД аумағындағы теңдесі жоқ зауыт. Ең бірінші вагон құрамы Алматы-Петропавл бағытында жөнелтілді. Бүгінде аталыш поезд маркасы бүкіл әлемге танылған.

Жылыту маусымына дайындық аясында елорданың коммуналдық шаруашылғы саласында күрделі және ағымдық жөндеу жұмыстары жүргізілді. Атап айтқанда, магистраль мен жылыту жүйелерін жөндеу жұмыстары, сондай-ақ, изоляция және гидравликалық сынақтар жүргізілді.

Бүгін Астанада VI Халықаралық инвестициялық форумының бірінші күні өтіп жатыр. Аталмыш шараға қатысу үшін елордаға Еуропа, ТМД мен Азия мемлекеттерінен делегаттар келді.

Бүгін Тәуелсіздік сарайында Astana Invest 2015 VI Халықаралық инвестициялық форумы басталды.

Astana Invest 2015 – қазақстандық истеблишмент пен шетелдік және қазақстандық бизнес-қоғамдарының өңірдегі инвестициялық дамуды талқылауға арналған бірегей алаң болып табылады. 20-дан астам басқа елдің 1000-нан артық делегаты Форумға қатысу ниетін білдірді. Шетелдік қонақтар үшін «Астана — жаңа қала» АЭА индустриалды парктің кәсіпорындары бойынша қызықты тур өткізіледі: «Еврокоптер Қазақстан Инжиниринг» ЖШС, «Тұлпар-Тальго» ЖШС, «Astana Solar» ЖШС. Нысаналардың көрсетудің барысында делегаттарға өндірістегі алдыңғы қатарлы технологияларды көрсете отырып, зауыттардың барынша қуаты жөнінде айтылады, сондай-ақ, соңғы жетістіктер мен еркін экономикалық аумақтың әлеуеті туралы сөз қозғалады.

Астанада өткен ҚР қарулы күштерінің алғашқы қайырымдылық жүгіруі елордалықтардың арасында қызығушылық туғызып қана қоймай, сонымен бірге Қазақстанның басқа да қалаларында әскери қызметшілер мен қоғам тарапынан қолдау тапты деп, хабарлады ҚР Қорғаныс министрлігінің баспасөз қызметі.

Бұрынғы бапкер Андрей Назаровтың оралуымен елордалық «Барыс» хоккей клубы қайта қайратына мінді. Құрлықтық хоккей лигасы аясында астаналықтар өз үйінде мәскеулік «Спартак» командасын қабылдап, жеңіске жетті.

Мектепке дейінгі мекемелерде кезекті азайту мақсатында ҚР Бас прокуратурасы елордада 48 орындық жаңа балабақшаны пайдалануға бермек. Аталмыш нысан Хусейн бен Талал мен № 36 көшелері қиылысындағы көппәтерлі тұрғын кешеннің бірінші қабатында орналасқан.

Қыс маусымында елорда тұрғындары, әсіресе, кішкентай балалар үшін дәстүрлі түрде мұз айдындар, сырғанақтар ашылады. Атап айтқанда, «Хан Шатыр» ОСО алдындағы алаңда қаладағы ең үлкен мұз айдыны пайда болады, аталмыш алаңда елорданың бас шыршасы да орнатылады. Астана қаласы әкімдігі жанындағы алаң мен Есіл өзені жағалауында да мұз айданы мен сырғанақтар ашылады. Сонымен қатар, Есіл өзені жағалауында түрлі мүсіндер орнатылатын қысқы қалашық бой көтермек. Елорда мектептері ауласында қосымша 11 мұз айдыны пайда болмақ.