Отбасылық типтегі балалар үйінің тәрбиеленушілері қысқы ертегіге дайындық үстінде. Ұлдар жағы декорация қиып, ал қыздар жәрмеңкеге ойыншықтар тігуде. Осы үйдегі жылулық пен мерекеге дайындық қарсаңындағы қарбалас жайлы Астана қаласы әкімдігінің ресми сайты тілшісінің жазған материалынан оқыңыздар. 

Осыдан бір жыл бұрын Балалар үйі балаларды қолдау орталығы қызметін атқару болып қайтадан жаңартылды. Онда түрлі себептермен ата-ананың қамқорлығынсыз қалып, осында келген балаларды отбасыларға орналастыру жұмысы жүреді. Қазір мұнда 79 бала бар, бәрі де өз отбасында тұрып жатқандай өмір сүреді. 6 коттедж салынған және әрқайсысында 4 жастан 17 жасқа дейінгі балалар орналасқан. Әр үйдің өз сәні мен тіршілігі бар.

Мұнда ас бөлме, жатын бөлме, сабақ оқуға арналған бөлме, демалатын орын кіші оранжерея бар. Әр отбасында ең көп дегенде 15 адам тұрады. Отбасында бала көп болған сайын бір-біріне қамқорлық пен татулық арта түседі.

Тәрбиеленушілердің дамуы үшін барлық жағдай жасалынып жатыр. Айталық, тігін және ағаш шеберханасы, хоккей және футбол алаңы, кітапхана, робот техникасы кабинеті, тағы басқа үйірмелер бар. 

Кітапхана 8 мың кітаппен қамтылған, кітапты сонда немесе үйге әкетіп оқуға да болады.

Тәрбиеленушілер хоккей ойындарына, киноға шығып тұрады, ал қыздар үшін бұл жерде сұлулық салоны ашылған, онда олар маникюр, шаш үлгілерін жасауды үйренеді. Курсты аяқтаған соң сертификаттар беріледі және осы сертификаттармен жұмысқа орналаса алады. 

Тігіншілер бірден кәсіби құрал-жабдықтарда үйренеді, өз жұмыстарымен фестивальдер мен жәрмеңкелерге қатысады.

Қазір шырша, гномиктер, түрлі мерекелік костюмдер мен телефонға арналған тыс қабын тігуде.

«Мен түрлі материалдан ойыншық жасағанды жақсы көрем. Желтоқсан айында бізде жәрмеңке өтеді, өзіміз жасаған заттарды сатамыз. Бисерден түрлі заттар жасағанды ұнатамын. Бұдан бөлек, биге, тенниске, волейболға және басқа үйірмелерге барамын», — дейді Аня.

Мұнда тек балалардың тәрбиесіне ғана емес, қосымша білім беруге де үлкен маңыз береді. 

Тәрбиеленушілер үшін қазақ, ағылшын, ментальды арифметика курсы және сурет салу, вокал, музыка үйірмелері ашылған.

Үйірмелер бос уақытты өткізуге көмектесіп қана қоймай, балалардың шығармашылық талантын ашуға да бағытталған.

Жоғарыда робототехника, сұлулық салоны, шахмат кабинеті орналасқан. Келесі кезекте біз ұлдардың өнерін көрелік деп сыртқа шықтық.

Келесі кезекте біз ұлдардың өнерін көрелік деп сыртқа шықтық.

Студия түрлі құралдармен жабдықталған: ұста ісі, ағаш қаңқасын кескіндеу, кесу, сондай-ақ, лазер арқылы сурет және оның кесу аппараты.

«Біздің шеберханада қышпен де жұмыс істейді. Бірақ қазір сазбен жұмыс жасамаймыз, себебі ол салқынға шыдамайды. Негізі балалармен түрлі заттар жасаймыз. Міне қазір робототехника үйірмесімен бірге арнайы құралда мерекелік заттар жасап жатырмыз», — деп түсіндірді қосымша білім беру мұғалімі Василий Семенов.

Балаларды асырап алу жақсы жүріп жатыр. Асырап алу құжаттары жеңілдетілген. Бала асырап алам деген әлеуетті ата-аналар қамқоршылық бөліміне тиісті құжаттарды тапсыруы тиіс, одан кейінгі барлық процесс онлайн түрде жүргізіледі.  

«Басты талап — отбасыға бала емес, балаға отбасын тауып беру. Отбасы дұрыс таңдалса бәрі жақсы болады. Баланы асырап алу барысы бір айға созылуы мүмкін. Негізінен біз отбасын қолдау қызметі арқылы балаларды өзінің ата-анасымен өз отбасында қалуын көп ойластырамыз. Бұл қызмет осы жылы 57 отбасына серіктестер арқылы тұрғын үй беру, жұмысқа және балабақшаға орналастыру бойынша көмектесті», — дейді директордың тәрбие ісі бойынша орынбасары Бибігүл Такисова.

Баланы асырап алуда ағайынды балаларды бөліп жармайды. Мысалы Машаның 4 ағасы бар. Бір отбасы асырап алғысы келсе 5 бала да бір үйге баруы тиіс.

Басшылық өздерінің түлектерінің болашақ өмірін қадағалауда ұстайды. Ол үшін Мәдина Жиенбаеваның «Таңдау» бағдарламасы жұмыс істеуде. Барлық баланы оқу орнына түсуге және жұмысқа орналасуға дайындық жүргізеді және «Дара» қорының «Наставничество» жобасы арқылы балаларға өз жолын таңдауға және достар табуға көмектеседі.

«Тәрбиеленуші 29 жасқа толғанша балалар үйі оның тағдырына қарайлайды. ЖОО мен колледждегі оқуларына көмектесеміз. Оқу орнына барамыз. Ал олар өздерінің оқудағы, жұмыстағы жетістіктерімен бөліседі. Әр баланы мейірімге баули отырып, біз олардың жақсы адам болып ер жететініне  сенімдіміз», — деді Б. Такисова.

Отбасылық типтегі осындай орталықтар балалардың ересек өмірге нық қадам басуына көмек көпірі. Тәрбиешілер өз тарапынан махаббат, қамқорлық сыйлайды. Әрине туған ата-ана алақанының жылуын сыйламасы анық, дегенмен балалардың жүрегіне жылу, жүзіне жылылық сыйлайтыны сөзсіз.

Қазіргі таңда қаладағы көмірдің жалпы қоры 10 мың тоннадан асады, деп хабарлайды Астана қаласы әкімдігінің ресми сайты.

Астанаға 1727 тонна көмір келіп түсті, оның ішінде 345 тоннасы – «Шұбаркөл», 482 тоннасы – «Қаражыра» көмірі. Отын-энергетикалық кешен және коммуналдық шаруашылық басқармасының мәліметіне қарағанда, 21 желтоқсандағы жағдайға сәйкес көмірдің жалпы қоры 10 490,81 тоннаны құрайды.

Астанадағы көмірдің бағасы төменде көрсетілген:
«Шұбаркөл» тоннасы – 11 400 теңге, «Қаражыра» тоннасы – 13 200 теңге, «Майкөбе» тоннасы – 12 500 теңге, «Богатырь көмір» тоннасы – 9 000 теңге, «Кузнецкий» тоннасы – 12 250 теңге.
Қазіргі таңда нарықтағы көмірге қатысты жағдай тұрақты.

Бұдан бұрын хабарлағанымыздай, елорданың отын-энергетикалық кешені және коммуналдық шаруашылық басқармасы сатушылармен бағаны көтермеу жөніндегі меморандумға қол қойған болатын.

Астана әкімдігі күн сайын нарықтағы көмірге қатысты жағдайға мониторинг жүргізіп, оны үнемі бақылауында ұстап отыр. «iKomek» қалалық мониторинг және жедел әрекет ету орталығының базасында тұрғындар үшін арнайы жедел желі жұмыс істейді.

Бүгін Астанада Денис Тен қоры қамқоршылық кеңестің мүшелері ұйымның 2019 жылға арналған жоспарларымен бөлісіп, оның қызметінің алғашқы қорытындылары туралы айтып берді, деп хабарлайды елорда әкімдігінің ресми сайты.

Спортшының анасы, Қор директоры Оксана Тен, Денистің жан жақты тұлға болғанын, шығармашылық бағыттағы көптеген қызметпен шұғылданғанын айтты. Оның айтуынша, мәнерлеп сырғанау академиясын ашу Денис Теннің басты арманы болған.

«Біз концепт құрдық. Бәрін Татьяна Тарасовамен талқыладық. Бұл жоғары дайындықты қажет ететін ұзақ мерзімді жоба. Біз оны Мәдениет және спорт министрлігімен, Мәнерлеп сырғанау федерациясы және ұлттық олимпиада комитетімен бірлесіп жүзеге асырмақпыз. Алматы әкімі бізге «Халық Аренаны» бөліп берді. Қазір мұз айдынын пайдалану кестесін әзірлеу үстіндеміз. Қанша дегенмен идея бар, оны іске асыратын әлеуетіміз де жеткілікті», — деді Қордың қамқоршылық кеңесінің мүшесі Сергей Кан.

Оксана Тен осы жылы Қордың Алматы мен Астанада бірнеше фотокөрме өткізгенін айта кетті. Алматыда Денистің құрметіне арналған ескерткіш тақтасы ашылды, оны Татьяна Тарасова ашқан болатын. Сонымен қатар, Алексей Ягудин мен Елена Радионованың қатысуымен бірнеше шеберлік сабағы өткізілді.

Еске сала кетейік, Сочиде өткен Олимпиаданың қола жүлдегері, фигурист Денис Тен 2018 жылдың 19 шілдесінде Алматыда автотонаушының қолынан қаза тапқан болатын. Оның өлімінен кейін анасы ұлының көзі тірі кезінде ойға алған жобаларын жүзеге асыру үшін Қор ашты.

«Astana Winter Marathon» ІІ қысқы марафонының сызбасына сәйкес қаланың бірнеше көшесі 23 желтоқсанда сағат 8:00-ден 13:00-ге дейін көлік қозғалысы үшін жабық болады, деп хабарлайды елорда әкімдігінің ресми сайты.

Қалада кептеліс жағдайларының туындауын болдырмау және жабық учаскені айналып өту үшін басқа ашық жолдарды пайдалану мақсатында Астананың ПД Әкімшілік полиция басқармасы елорда тұрғындары мен қонақтарына өз бағыттарын алдын ала жоспарлауға кеңес береді (Қошқарбаев даңғылы мен Жүргенов көшесі аралығында жатқан Байтұрсынов көшесімен, сондай-ақ, Сарыкөл көшесімен, Тәуелсіздік даңғылымен, Аманжолов көшесімен).

«Сонымен қатар, іс-шараны өткізу кезеңінде Қошқарбаев даңғылы, Нәжімеденов пен Қалдаяқов көшелері жүк автокөліктерінің қозғалысы үшін толық жабық болады.

Қоғамдық көлік жолаушыларының жайлылығы үшін қоғамдық көлік бағыттарының қозғалыс сызбасы уақытша өзгертілетін болады (қоғамдық көлік қозғалысы Нәжімеденов көшесі және Қошқарбаев даңғылы бойынша жүзеге асырылатын болады)», — делінген хабарламада.

Жақын күндері елордада ауа температурасы -32 градусқа дейін төмендейді, деп хабарлайды Астана әкімдігінің ресми сайты.

Бейсенбіде «Қазгидромет» Қазақстанның бас қаласында дауылды ескерту жариялады. «Астанада 21 және 22 желтоқсанда ауа температурасы түнде -30...-32 градусқа дейін төмендейді. Дауылдың ықтималдылығы 90-95% құрайды», — делінген синоптиктердің хабарламасында.

Астана әкімдігінің дін проблемаларын зерттеу орталығы жастардың жаңа буынын анықтау ретінде «Q» ұғымын енгізуді ұсынады, деп хабарлайды елорда әкімдігінің ресми сайты.

Мұндай идея «Ұлы дала академиясы: рухани иммунитетті нығайту арқылы Q буынын қалыптастыру» атты Елбасы Нұрсұлтан Назарбаевтың «Болашаққа бағдар: рухани жаңғыру» және «Ұлы даланың жеті қыры» бағдарламалық мақалаларында айқындалған міндеттерді жүзеге асыруға арналған конференцияда айтылды.

Астана әкімдігінің дін проблемаларын зерттеу орталығының басшысы Гүлмира Серікбаеваның айтуынша, бұл қадам жастар арасында радикалды идеологияға қарсы рухани иммунитеттің қалыптасуына ақпараттық-түсіндіру жұмыстарын жүргізуге мүмкіндік береді.

Елордалық жастар Астана қаласының қоғамдық денсаулық сақтау басқармасының, халықты жұмыспен қамту орталығының және басқа да ұйымдардың өкілдерінен кәсіби кеңес алды, деп хабарлайды елорда әкімдігінің ресми сайты.

Іс-шара «NEET жастарды әлеуметтендіру және жұмыспен қамтудың жол картасы» бағдарламасын іске асыру шеңберінде өткізілді.

Кездесуді елорда әкімдігінің «Астана жастары» ресурстық орталығы ұйымдастырды.

«Біз барлық сауда үйлері мен ойын-сауық орталықтарында қыркүйектен бастап осындай шараларды өткізіп келеміз. Біз барлық бағдарлама бойынша өзі-өзіне жұмыс жасайтын жастарға кеңес беру үшін бар күшімізді саламыз. Кейбір жастар уақытша тіркеуге тұру туралы білмейді. Осы бағытта түсіндіру жұмыстарын жүргізетін ХҚКО-ның өкілдері бар», – деді «Астана жастары» ресурстық орталығының басшысы Үкібай Нұрпейісов.

Аталған іс-шараның мақсаты – жастарға қолдау көрсету, оларға жастарды қолдауға бағытталған мемлекеттік бағдарламалар туралы ақпарат беру.

Келесі жылы мәнерлеп сырғанау шебері жазған 15 туынды топтастырылған музыкалық диск жарыққа шығады, деп хабарлайды Астана әкімдігінің ресми сайты.

Қайғылы жағдайда мерт болған мәнерлеп сырғанаудың жұлдызын еске алу қоры 2018 жылдың тамызында құрылған болатын. Оның құрамында Болат Жәмішев, Тимур Бекмамбетов, Сергей Кан, Татьяна Тарасова, Арыстанбек Мұхамедиұлы, сондай-ақ Денистің анасы Оксана Тен бар.

«Қордың көмегімен біз Денистің арман-мақсатын жүзеге асыра отырып, оның атын мәңгіге есте сақтаймыз», – деді ҚР Мәдениет және спорт министрі Арыстанбек Мұхамедиұлы.
Қордың қызметі туралы Оксана Тен де мәлімдеді. Оның айтуынша, келесі жылы 15 композиция жинақталған музыкалық диск жарық көреді. Онда классикалық туындылардан бөлек, Денис жазған әндер де топтастырылған.

«Дискіден басқа, біз ұлым жазған өлең, ертегілер мен әңгімелерді жарыққа шығарамыз. Сондай-ақ, Астана мен Алматыда екі фотокөрме өткіздік», – деді О.Тен.
«Соқыр махаббат» туындысы 2019 жылы жарыққа шығады. Режиссер Тимур Бекмамбетов атап өткендей, фильм АҚШ-та түсірілмекші. Мәтіннің сценарийі ағылшын тілінде жазылған.

«Біз Дениспен тамыз айында таныстық. Ол фильмдер жасау байқауына қатысып көрді. Оның жұмысы қызықты болды. Сөйтіп ол, кәсіпқойлармен өтетін әңгімелесуге келді. Біз онымен сонда таныстық. Денистің ашықтығы, адалдығы жағымды әсер қалдырмай қоймайды. Фильмнің жұмыстары жүріп жатыр. Ол Денистің мерейтойына қарсы дайын болады деп ойлаймын», – деді Бекмамбетов.

Әкімшілік құқық бұзушылық туралы мәліметті qamqor.gov.kz сайтынан білуге болады, деп хабарлайды елорда әкімдігінің ресми сайты.

Астананың полиция департаменті қалалықтарға Жаңа жылды әкімшілік айыппұл бойынша қарызсыз қарсы алуға ұсынады. Полиция 2019 жылдың 27 қаңтарынан бастап қала аумағында «Борышкер» жедел-профилактикалық шарасының екінші кезеңі жалғасатынын еске салады.

«Әкімшілік құқық бұзушылық жасағаны жөнінде қосымша мәліметтің бар-жоғы туралы qamqor.gov.kz сайтынан немесе 95-44-98, 76-83-65 анықтама телефондары, 8-776-197-23-48 WhatsApp мессенджерінің номері арқылы білуге болады. Сондай-ақ, қажетті ақпаратты Астана қ, 20-40 к-сі, 4/1 үй мекен-жайы бойынша орналасқан ПД ӘПБ әкімшілік практика бөлімінде алуға болады», — делінген хабарламада.

Бақыт Сұлтанов ресми сапарымен Амманға барды, деп хабарлайды елорда әкімдігінің ресми сайты.

Туыстас қалалар Астана мен Амман экономика және мәдениет салаларындағы ынтымақтастығын нығайтуда. Бүгін Иордания астанасы көшелерінің біріне Қазақстанның елордасы – Астана атауы берілді.

Көшені ашу салтанатына Қазақстан астанасының әкімі Бақыт Сұлтанов пен Иорданияның бас қаласы Амманның мэрі Юсуф әл-Шауариба қатысты.

Астана әкімі Бақыт Сұлтанов Қазақстан Президенті Нұрсұлтан Назарбаев пен Иордания королі ІІ Абдолла арасындағы достық қарым-қатынастың өзгелерге үлгі екендігін, екі елдің мүддесі үшін қызмет ететінін тілге тиек етті. Ол аммандықтарға Елбасымыздың қызметіне деген ықыласы үшін өз алғысын білдірді. 2010 жылы Иордания астанасындағы орталық көшелердің біріне Нұрсұлтан Назарбаевтың есімі берілген болатын.

«Біз барша аммандықтарға біздің Елбасыға көрсеткен құрметі үшін өз алғысымызды айтамыз. Жаңа ғана жоғары мәртебелі Шауариба мырзамен бірге Нұрсұлтан Назарбаев атындағы көшеде болып, оның дамуын көріп қайттық. Ал енді Қазақстан астанасының атымен аталатын көшені ашып отырмыз. Бұл оқиға жас Астананың 20 жылдығы тойланып жатқан жылы орын алып отыр. Ол біздің қалалар мен елдердің тұрғындары арасындағы қарым-қатынастың нығая түсуіне жаңа импульс беретіндігіне сенімдімін», — деді Б. Сұлтанов.

Өз кезегінде Амман мэрі Юсуф әл-Шауариба екі ел астаналары арасындағы ынтымақтастықтың алдағы уақытта да жемісті болатындығына өз сенімін білдірді.

«Біздің халықтардың арасындағы қарым-қатынас пен екі ел басшыларының арасындағы саяси достық өзгелерге үлгі. Астана – заманауи қаланың үздік эталоны. Одан әлемнің басқа қалалары үлгі алады. Сол себепті, Иорданияның бас қаласында Астана атындағы көшенің ашылғаны біз үшін үлкен құрмет. Ол біздің мемлекеттеріміздің арасындағы достық пен жемісті ынтымақтастықты бейнелейді», — деді Юсуф әл-Шауариба.

Көшені ашу салтанаты Астана әкімі Бақыт Сұлтановтың Иорданияның бас қаласына жасаған ресми іс-сапарының аясында өтті. Кездесу барысында Астана әкімі мен Амман мэрі екі елдің алдағы уақыттағы түрлі салада ынтымақтастықта іс жүргізуінің әлеуетін талқылаған болатын.

«Біздің Амманға іс-сапармен келуіміз урбанистикалық даму саласындағы екі жақты ынтымақтастықты белсендендіруге зор мүмкіндік береді. Амманда көлік, көгалдандыру, құрылыс, смарт-технологиялар, әкімшілік үрдістерді жеңілдету, автоматтандыру, бизнес-ортаны жақсарту салаларында көптеген ірі реформалар мен жобалардың жүзеге асырылып жатқандығын білеміз. Астанада да аталмыш бағыттардағы жұмыс белсенді жүргізілуде. Бұл салаларда біздің бір-бірімізге үйретеріміздің аз болмайтындығына еш күмәнім жоқ. Біз тәжірибемізбен, білімімізбен бөлісуге дайынбыз», — деп атап өтті Сұлтанов.

Ол сондай-ақ, Амман мэрінің есіне Қазақстанның бас қаласында жыл басынан халықаралық «Астана» қаржы орталығының жұмыс істеп жатқанын салып, иорданиялық бизнесмендерді оның жұмысына қатысуға шақырды.

Астана көшесінің ашылу салтанатында қазақстандық және иорданиялық музыканттардың сүйемелдеуімен ұлттық әуендер шырқалып, дәстүрлі халықтық билер орындалды.

Еске салайық, 2012 жылдың қаңтарында Астанада Иордания Королі марқұм Жоғары мәртебелі Хусейн бен Талалдың құрметіне көше атауы берілген болатын.

Астана әкімдігі мен Амман қаласының муниципалды органы арасында туыстық қарым-қатынас орнату туралы келісім-шарт 2005 жылдың 8 қарашысында бекітілді.