Астаналық әкімдік жарықпен қамтамасыз ету және құрылысты үлескерлікпен салу, оқушылар мен мектеп жасына дейінгі балалар баратын мекемелердің тығыздығы мәселелері, сондай-ақ жедел оқиғаларға қатысты Елбасының тапсырмасын іске асыруға белсенді кірісті.

Естеріңізге сала кетейік, 28 маусымда Әсет Исекешев Елбасының қабылдауында болды. Кездесу барысында Президент елорда тұрғындарының тіршілік әрекетіне байланысты бірқатар тапсырма берді.

Мемлекет басшысы елорда тұрғындарының саны күннен күнге көбейіп келе жатқанын баса айтты, осы орайда оқушылар мен мектеп жасына дейінгі балаларды білім ордасымен, балабақшамен қамтамасыз ету мәселесін тілге тиек етті. Әсет Исекешев биылғы жылдың сәуір айында Астана қаласының дамуы бойынша өткен кездесуде берілген тапсырмалардың орындалу барысы жөнінде есеп берді. Президент пен шаһар басшысының кездесуі кезінде сондай-ақ қаланың инфрақұрылымы мен құқықтық тәртіпті жақсарту жөнінде сөз болды. Президент үлескерлікпен салынатын құрылыс мәселесін де сырт қалдырған жоқ.

Астана әкімі Нұрсұлтан Назарбаевқа елорданың бірқатар экономикалық даму көрсеткішінің өсімі туралы және әлеуметтік салада жағымды серпіннің орын алғаны жөнінде айтты.

Кездесу қорытындысы бойынша Мемлекет басшысы атқарылған жұмыстың нәтижесін атап өтіп, елорданы дамытуға бағытталған жұмысты жалғастыруды тапсырды. Оған қоса қалада халық санының өсуі мен көші-қон процесін бақылау жөнінде сөз болды. Президент елордада мемлекеттік бағдарлама бойынша тұрғын-үйлерді үлестіру жүйесін тәртіпке келтіруді тапсырды.

Әкім қаладағы жағдайды айта келе, көш-қон процесінің жоғары қарқынына қарамастан, ағымдағы жылдың 5 айында қылмыстың жалпы саны (18 314 оқиғадан 15 122-ке дейін) 17,4 пайызға төмендегенін атап өтті. Адам өлтіру, зорлау, тонау, ұрлау, алаяқтық, күшпен тартып алу және көліктерді алып қашу сияқтыауырлығы орташа, ауыр емес және аса ауыр қылмыстардың саны қысқарды.

Ағымдағы жылдың 5 айының қорынтындысы бойынша ұрлау оқиғалары (9 727 оқиғадан 8 943-ке дейін) 8,1 пайызға төмендеді, оның ішінде пәтер ұрлығы 10, 9 пайызға (992 оқиғадан 884-кедейін) азайды.

Әкім өз сөзінде елордамызда азаматтарды тіркеуде жағымды қарқын алғанын атап өтті. Оның сөзіне қарағанда, бұған дейін елордада негізінде сол жекен-жай бойынша тұрмайтын және пәтер иелерініне ешқандай туыстық қарым-қатынасы жоқ жүздеген азаматтарды бір пәтерге тіркеу мәселесі өткір мәселелердің бірі болса, бүгінде ол оң шешімін табуда. 2016 жылы осындай тіркелімнің 200-ден астам оқиғасы анықталған. Тіркеуде жауапкершілік арттырылған соң, бұндай пәтерлердің саны күрт азайды. Бұл бағытта жұмыс жалғасуда.

2017 жылдың сәуір айынан Астанада көші-қон және жергілікті полиция қызметінің қызметкерлері есебінен мобильді топтар құрылып, жұмыс істеуде.

Бүгінгі таңда 561 мекен-жай тексеруден өтті. Негізінде сол пәтерде тұрмайтын, бірақ құжат бойынша тіркеуде тұрғаны үшін 81 үйдің иесі әкімшілік жауапкершілікке тартылды. Пәтер иелерінің өтініші бойынша, 13 002 азамат тіркеуден алынды.

Қала басшысы елордада көші-қон бақылауда екендігін және заңсыз көші-қон мәселесіне аса ден қойылатынын атап өтті.

Қазіргі уақытта Астанада ресми статистикаға жатпайтын 77 мың шетел азаматы және шамамен 200 мың азамат уақытша тіркелген.

Қала әкімдігі мектеп пен балабақшаларда оқушылар мен балғындардың көптігі мәселесі кешенді түрде шешілуде.

Қалада 130 542 оқушы оқитын 95 жалпы білім беретін мектеп жұмыс істейді. Олардың 84-і мемлекеттік мектеп, онда 126 917 бала оқиды, 11-і жеке мектеп, онда 3 625 оқушы білім алады. 2016-2017 оқу жылында қаланың 27 мектебінде оқушылардың саны белгіленген есептен көптігі сақталған, оның 3 білім ордасында үш ауысымды сабақ жүргізілген. Осылайша 9 588 оқушы орны жетіспегені байқалды.

1-ші сыныпқа келген оқушылардың саны (болжам бойынша 22 000 оқушы) күрт өсуіне және көші-қонға (болжам бойынша 4 500 оқушы) байланысты, 2017-2018 оқу жылында болжам бойынша 17 мың оқушы орны жетіспей қалуы әбден мүмкін.

Осыған байланысты 2017-2018 оқу жылында 2600 орынға арналған жапсарлас салынған 5 мектепті пайдалануға беру жоспарлануда. Қазіргі уақытта 11 100 орынға арналған 10 мектептің құрылысы басталды, ол 2018 жылы пайдалануға беріледі деп жоспарлануда.

2018-2019 жж. салынатын 13 мектептің жобасын жасау жұмысы жүргізілуде. Елордада 263 мектепке дейінгі мекеме, оның ішінде 96 мемлекеттік және 2 ведомствалық, 116 жеке және 49 шағын орталық жұмыс істейді. 2017 жылдың 1 шілдесіндегі жағдай бойынша, 3-6 жас аралығындағы 33 240 бала мектепке дейінгі мекемеден орын алу кезегінде тұр. Мектепке дейінгі балалардың саны туу мен көші-қон көрсеткішінің жоғары деңгейіне байланысты артып отыр. Күн сайын балабақша кезегіне орташа есеппен 90 бала тұрады (60-70 сәби дүниеге келеді, 20 бала көші-қон есебі арқылы).

2017 жылы 480 орындық 2 мемлекеттік балабақша, МЖС аясында 720 орындық 3 балабақша пайдалануға беріледі. Сондай-ақ балабақшаларды салу бойынша жеке серіктестерді анықтау жөнінде байқау өткізілді. Қазіргі уақытта 2019 жылы пайдалануға берілетін 1 680 орындық балабақша бойынша 6 жоспар іске асырылуда. Білім басқармасымен жыл сайын мемлекеттік тапсырыспен 10 000 орындық жеке балабақша ашу жоспарлануда.

Астана қаласының күннен күнге өсіп келе жатқан тұрғындарын жарықпен қамтамасыз ету үшін 2010 жылдан бастап «Астана қаласында ЖЭС-ның құрылысы, 1-ші кезек» жобасы іске асырылуда. Оның құрамына суды жылыту қазандығы, ЖЭС-3 барлық инфрақұрылымы, теміржол стансасы, ішкі және сыртқы инженерлік жүйелер, су беру нысандары, 1-ші көтеру сорғысы, 480 Гкал/сағатына қуаттылығымен әкімшілік ғимараттар кіреді.

Бүгінде су жылыту қазандығы ғимаратының құрылысы, 4 су жылыту және 1 бу беру қазандығының монтажы, теміржол және көлік бағыты, мазут шаруашылығы, негізгі ғимараттар мен құрылымдар, ОРУ және релелік қалқанның монтаждау жұмыстары аяқталған. ЖЭС құрылыс дайындығы 70 пайызды құрайды.

Барлық жөндеу жұмыстарының аяқталуы және ЖЭС-3 іске қосылуы 2018 жылға жоспарланған.

Әкімдік үлескерлікпен салу мәселесін де бақылауда ұстап отыр.

Қазіргі уақытта әкімдік, прокуратура, ішкі істер және мемлекеттік кірістер органдарының жоспарлы жұмысының нәтижесі бойынша, тұрғын-үй құрылысына үлескерлікпен қатысу мәселелері бойынша ведомствоаралық комиссияның аясында күрделі нысандардың саны тек соңғы жылда 67-ден 52-ге азайды.

Ведомствоаралық комиссияның мүшелерімен заң аясында нысандардың құрылысын аяқтауға септігін тигізу ынтымақтастығы жүргізілуде.

Бүгінгі күні бұл бағыт бойынша 44 ТҚК жұмыс істейді, оның ішінде ТҚК-де нысандарды және жер учаскесін беру жөнінде 18 нысан бойынша соттың шешімі бар.

Ведомствоаралық комиссия атқарып отырған жұмыстың аясында 2015-2017 жылдар аралығында 100-ден астам нысанда тұру үшін баспананы заңсыз пайдалануға беру оқиғалары анықталды, бұл тұрғыда баспананы салушыларға қатысты шара қабылдау үшін құқыққорғау органдарына арыз берілді.

Атқарылған жұмыстың нәтижесі бойынша, 2016-2017 жылдары 25 алақол салушыға қатысты кәсіпкерлікпен заңсыз айналысу және алаяқтық фактілері бойынша 22 қылмыстық іс қозғалды. Құрылыс жүргізушілердің активтері құрылысты аяқтау үшін үлескерлерге өтті.

«Азбука жилья» АҚ-ның 9 күрделі нысаны бойынша «Орда Инжиниринг» ЖШС-нің басқарма компаниясына активтерді беру аяқталды. Қазіргі уақытта «Орда Инжиниринг» ЖШС тұрғын-үй кешендерінің құрылысын қайта қалпына келтірді.

Сот «Тамыз Инвест Групп», «Төленді» «Номад Құрылыс-ЭК» және т.б. құрылыс компанияларының басшыларына қатысты істерді қарастыруда.

Қала әкімдігінде Бас прокуратура, Құрылыс істері жөніндегі комитет, Құрылысшылар ассоциациясы, қалалық құқыққорғау органдары және кепілдендірілген тұрғын-үй құрылыс қорының өкілдері қатысқан құрылыс компаниясының 150 басшысымен кездесу өтті. Кездесу барысында әкімдік пен тұрғын-үй құрылысы қорының тарапынан берілетін рұқсат құжаттарынсыз салынған баспананы пайдалануға беруде туындайтын қылмыстық жауапкершілік жөнінде айтылды.

«Тұрғын-үй құрылысына үлескерлікпен қатысу жөнінде» Заңына сәйкес, баспананы сату жөнінде жарнаманы үлескерлерді тартуда әкімдіктен рұқсат алған немесе кепілдендіру қорымен келісімшарт жасасқан құрылыс жүргізген компания ғана бере алады.

Бүгінде 7 компания рұқсат алған.

Қорытындылай келе, әкім өз сөзінде атап өткендей, бұл бағытта жұмыс жалғасуда және ол әкімдіктің қатаң бақылауында болады

МӘМС қорының рейтингі бойынша тұрғындарды ақпараттандыру бойынша Астана 4-ші орында.

Бүгінгі таңда 875 638 ересек тұрғындардың 118 325-і ақпараттық-түсіндірме жұмыстарымен қамтылған (13,5%).

Бұдан бөлек, Астанада жыл басынан бері алты мыңнан астам кездесу өткізілген. Қалалық жұмыспен қамту басқармасының қолдауымен елорда кәсіпорындарының еңбек ұжымдарымен кездесулер ұйымдастырылған және зейнеткерлік жарна төлемейтін тұлғалар ақпараттандырылған. Олардың барлығы МӘМС бойынша түсіндірме жұмысымен қамтылған.

ҚР Денсаулық сақтау министрлігі қаланың алып кәсіпорындарында түсіндірме жұмыстарын жүргізу бойынша «Қазақстанның 500 ірі кәсіпорындары» акциясын ұйымдастыруда. Жақын арада Астана қаласының 76 ірі кәсіпорнында акцияны өткізу жоспарлануда.

Елорданың медициналық мекемелері «Нұр Отан» партиясы қалалық филиалының қоғамдық қабылдауында МӘМС бойынша өткізілетін ақпараттандыру шараларына қатысады.

Сонымен қатар адамдар көп жиналатын орындарда: базарларда, сауда ойын-сауық орталықтарында, т.б жерлерде жұмыстар жүргізілуде.

Бұдан бөлек, подъездерде жабыстыру үшін парақшалар басып шығару дайындалған. БАҚ-да 358 мақала жарияланды. 69 қоғамдық орында аудио-видеороликтер ротациясы жүргізілді. Таратылған баспа өнімінің көлемі 47 мың дананы құрады.

2016-2020 жылдарға арналған кешенді жоспарға сәйкес, ағымдағы жылы елордада 12 заңды тұлға жекелешелендіруге жатады.

Бүгінде 3 заңды тұлға бойынша белгіленген тәртіпте бағаны төмендетуге бағытталған сауданың екінші кезеңі басталды. Атқарылған жұмыс қорытындысы бойынша «Астана-Тазарту» ЖШС (65 933 542 теңгеге сатылым) және «Астана Миллентум KZ» ЖШС (34 245 358 теңгеге сатылым) нысандары бойынша өз бағасынан баға құны 49%-ға төмендеді.

«Ақмола-Диірмен» ЖШС бойынша қатысушылардың болмауына байланысты сауда жүргізілген жоқ. Астана қаласы әкімінің орынбасары Андрей Лукиннің қатысуымен өткен Астана қаласы мемлекеттік коммуналды мүлікті жекелешелендіру мәселелері жөнінде комиссия отырысының қорытындысы бойынша 6 заңды тұлғаға қатысты шешім қабылданды. Осылайша «Көркем — құйма комбинаты» МКК және «Стоматология» УКЦ" ЖШС тендер арқылы сатылатын болды. «Астана қалалық жарық» ЖШС нысаны бойынша 1,6 млрд теңге несие қарызы бар.

Осыған байланысты Энергетика басқармасы 5 шілдеге дейін аталмыш серіктестікті сату жолын қарастырып, ұсыныс жасайды. «Опера және балет театры» ЖШС "Өркен қала" ЖШС-не қосылу арқылы қайта құрылады. Ал «Астана құрылысы мониторингі» ЖШС нысаны «Астанақаласәулет» ЖШС-мен біріктіріледі.

«Астана» спорттың ойын түрлері клубі" МҚКК-не қатысты қалған активтерді шығару нұсқасы ұсынылды. Қалған «Астана Өрнек» ЖШС, «Астана эко полигон» ЖШС мен «Арман» сауықтыру спорт лагері" МҚКК сынды 3 нысан бағалану үстінде.

Атап айтқанда жұмыс штабы жұмыс істейді, оның аясында азық-түлік тауарларына күнделікті бақылау жүргізіледі.

Баға негізсіз өскен жағдайда монополияға қарсы инспекцияға xабарланады.

Бақылау барысында азық-түлік тауарларының негізгі түрлеріне барлық баға деңгейіне қадағалау жасалынады. Оған қоса тұрақтандыру қоры құрылған, 1500 тонна қант, 500 тоннадан күріш пен қарақұмық сияқты баға өсуі мүмкін өнім сатып алынды.

Қаланың ішкі нарығында «Кеңмарт», «Смол», «Баxус», «Магнум», «Рамстор» секілді 5 сауда нысанында қанттың 11,5%-ға өсуі байқалды. Қазіргі уақытта Жамбыл облысымен келісімшарт бойынша алдағы уақытта өтетін жәрмеңкеде келісі 230 теңгеге 20 тонна қант сатылымға қойылады. Айта кеткен жөн, бұл «Шапағат» базарында келісі 270 теңгеден сатылатын қант 15%-ға төмен болмақ. Қалада «Баxус» сауда маркетінде қанттың келісі 319 теңгеден болса, " Рамстор" мен «Магнумда» 260 теңгеден. Сондай-ақ азық-түлік бағасын қымбаттатпай, тұрақтандыру үшін СПК «Astana» 300 млн теңге мөлшерінде (150 теңгеден әрқайсысына) «Кеңмарт» және «Астықжан» сауда дүкендеріне несие берді.

Бүгінгі күні бұл нысандар ағымдағы жылдың соңына дейін азық-түліктің 9 түрі бойынша 49 аталымына өз бағаларын қойды. ЭКСПО-2017 көрмесін өткізу кезінде сондай-ақ жыл соңына дейін «Шапағат» әкімшілік базары ірі отандық кәсіпорындармен ет өнімдерін үзіліссіз, тұрақты түрде жеткізу туралы келісімшартқа отырды.

Ет өнімінің жоғары сапасына баға 1350 теңге (1 келі) сомасында тұрақтандырылды. Көрме кезінде өнімді жеткізуде қиындықтар тумас үшін азық-түлік тауарларының резервін құру туралы қаланың ірі делдал фирмаларымен келісім жасалды.

2017 жылдың 5 айы бойынша қала бойынша инфляция 103% құрады, азық-түліктік және азық-түліктік емес тауарларға жалпыреспубликалық деңгейден 0,3% төмен.

Бақылаудың нәтижесі бойынша жыл басынан азық-түліктің 4 түріне баға өсімі байқалады: картоп (104,4%), пияз (81,2%), сәбіз (68,7%),қырыққабат (62,2%).

Сондай-ақ өнімнің 4 түрі бойынша баға төмендеген: қарақұмық, күріш, жұмыртқа, сұйық май. Бағаның өсуі тауарөндірушілердің бағаны өздері қоюына байланысты болып отыр. Статистикаға сәйкес, бір апта ішінде картоп бағасы Ақмола облысында 3.3%-%-ға, сәбіз ОҚО-да 7,9%, Павлодар облысында 4,2%-ға өскен, қырыққабат Ақмола облысында 4,5%-ға баға көтерілген, ол Астанада өнімдердің бағасының көтерілуіне септігін тигізген. Бүгінде қалада 45 мың тонна көлемінде бір айға жететін азық-түлік өнімі бар. 19 наурыздан бастап 28 жәрмеңке ұйымдастырылып, өткен, онда 60 мың тонна азық-түлік өнімі сатылған. Оған қоса 18 өңіраралық (Жамбыл облысы, ОҚО, БҚО, Атырау, Қызылорда, Алматы, Ақтөбе, Қарағанды, Қостанай облыстары) жәрмеңке өткен. 1-2 шілдеде Атырау, Жамбыл, ШҚО, Павлодар облыстарының жәрмеңкесі өткізіледі деп күтілуде.

Өңірлік жәрмеңкелерде бас-аяғы шамамен 5220 тонна азық-түлік өнімі сатылған.

Бүгінде өңірлер азық-түлік өнімдерінің көлемін арттыру бойынша жұмыс атқаруда. Сондай-ақ тауарлардың артық қалып және бүлініп кетпеуі үшін жәрмеңкеге ең қажетті өнімдерді ғана жеткізу туралы мәселе қарастырылуда. Бұл бағытта жұмыс іске асырылауда.

Бірыңғай мектеп формасын базардан да сатып алуға болады, бірақ киім классикалық стильге сәйкес, қара көк түсті болуы керек, деп хабарланды әкімдікдің медиа орталығынан.

Астана оқушыларының қара көк түсті бірыңғай формаға көшеуі кезең-кезеңмен жүзеге асырылады. Биылғы оқу жылында тек бірінші сынып оқушыларына ғана сабаққа пиджак пен шалбар киюге рұқсат етіледі, — деп хабарлады медиа орталық тілшісіне қалалық білім басқарамасының жетекшісі Ануар Жанғозин.

«Бірінші сынып оқушылары үшін қара көк түсті форма сатып алынуда. Қалған сынып оқушыларына бұндай форма қолда бар мектеп формасы киюге жарамай қалған кезде сатып алынатын болады. Осылайша бір түстес мектеп формасын енгізу кезең кезеңмен іске асырылады», — деді А. Жанғозин.

Ұлдар үшін мектеп формасы қара көк түсті пиджак, көкірекше, шалбар, тоқылған көкірекше және ақ түсті жейдеден құралады. Қыс мезгілінде ақ жейденің орнына водолазка киюге болады. Дегенмен биыл ата-аналардың шағымы мен сұраулары ескерілді, ендігіде киімнің барлық жиынтығын сатып алу міндетті емес. Ең негізгі болып ақ жейде, көкірекше мен шалбар белгіленді. Қыздар үшін ең негізгісі болып – сарафан және жейде, көкірекше және белдемше немесе көкірекше, жейде және шалбар белгіленді. Білім басқармасы атап өткендей, мектеп басшылығы мектеп формасын бір ғана тауарөндірушіден алуға мәжбүрлеуге құқығы жоқ.

«Ата-аналар қазіргі кезде дүкендерде мектеп формасының көптеген түрі бар екендігін алға тартуда. Мүмкін біреуінің мектеп формасын дүкеннен сатып алуға шамасы жоқ шығар, олар ендігіде мектеп киімін базардан да сатып ала алады. Сәйкесінше, қазір мектеп формасын сатып алуда ешкімге шектеу қойылмайды. Форманы кез-келген жерден сатып алуыңызға болады, тек түсі мен стиліне мән берсеңіз болды», — деді Жанғозин.

«Мектеп формасын тек бір тауарөндірушіден сатып алуға мәжбүрлеген жағдайға тап болсаңыз, Білім басқармасына хабарласуыңызды сұраймыз»,- деп атап өтті ол.

Жаңа мектеп формасы бойынша сұрақтартарыңыз болса келесі телефон нөмірлеріне хабарласыңыз: 55-68-53, 55-74-67.

Астана қаласының ТЖ департаментінің мамандары ЭКСПО-2017 халықаралық мамандандырылған көрмесіне қатысушы елдер павильоны мен 70 қоғамдық тамақтану орнында өрт қауіпсіздігі талаптарының сақталуы бойынша бақылып шығып, нұсқама берді.

Құтқарушылар төтенше жағдайларда әрекет ету бойынша қазақ, орыс, ағылшын тілдерінде жазылған жаднамалар таратты. Онда өрт кезінде, түтіннен уланғанда қалай әрекет ету керектігі жазылған. Термикалық күйік шалғанда көмек көрсету, өрт сөндіру құралын дұрыс пайдалана білу бойынша бар нұсқаулық көрсетілген және жедел қызмет нөмірлері бар.

— Қауіпсіздікті қамтамасыз ету үшін сақ болу қажет, жалпы қауіпсіздік ережелерін сақтап, күдік тудыратын қараусыз қалған қораптар мен пакеттер және басқа да заттарды көрген бойда 112 құтқару нөміріне хабарласу керек, — дейді департамент мамандары.

Астана қаласы ТЖД міндеті – ЭКСПО-2017 кезінде сапалы өрт қауіпсіздігін қамтамасыз ету және төтенше жағдайлар туындағанда уақытылы жедел әрекет ету. Бүгінгі таңда ЭКСПО-2017 көрмесінің барлық нысандарында өрт қауіпсіздігін тұрақты қадағалау үшін өзге аймақтардан келген инженерлік-инспекторлық құрам ішінен жауаптылар бекітілген.

Департаменттің барлық қызметкерлері көрме аяқталғанша күшейтілген режимде жұмыс істейді.

Астана қ. әкімдігіне жанындағы діни бірлестіктермен байланыс жөніндегі кеңес, Астана қалалық Дін істері жөніндегі басқармасымен, Қылмыстық атқару жүйесінің департаментімен қатаң режимдегі ЕЦ-166/10 түзеу мекемесіне танымдық экскурсия ұйымдастырылды.

Шараға «Астана қаласының Дін Істері жөніндегі басқармасы» ММ басшысы Д. Есин, «Астана қаласының қылмыстық-атқару жүйесі департаменті» ММ басшысы, әділет полковнигі Н. Рысбаев және ЕЦ-166/10 түзеу мекемесінің жетекшісі Нұрлан Әбен, сондай-ақ Астана қаласының діни бірлестіктерінің өкілдері қатысты.

-Этникаралық және дінаралық келісім еліміз үшін маңызды әрі басты бағыттардың бірі болып табылады. Қазақстанда діни сенім бостандығы бар, дегенмен елдің әр азаматы заңға бағынуы тиіс. Түзету мекемелерінде сотталушылардың әлеуметтенуі үшін жағдай жасау бойынша қабылданып жатқан шаралар ашықтық пен жалпы жаңғыртудың іске асырылуының дәлелі болып табылады. Бұл Елбасымыздың «Болашаққа бағдар» мақаласында да атап көрсетілген болатын, — деді Астана қ. Дін істері жөніндегі басқармасының басшысы Данияр Есин.

Шара барысында келген қонақтар түзеу мекемесінің барлық ғимаратын аралап көріп, ондағы жазасын өтеушілердің жағдайларымен, теологтың, психологтың т.с.с арнайы мақсаттағы кабинеттермен танысты. Мекеменің өндірістік аумағы мен шеберханасы кәсіби деңгейде жұмыс істеуге мүмкіндік береді. Сол жерде жасалатын өнім қаланың абаттандырылуы үшінпайдаланылады. Осылайша сотталушылар қоғамның дамуына үлестерін қосады.

Онымен бірге түзеу мекемесінде демалу үшін бөлмелер мен кітапхана және спорт залы бар.

Түзеу мекемелеріндегі жазасын өтеушілер арасында дінаралық татулықты сақтау, деструктивтік діни ағымдардың таралыуының алдын алу, теріс ағымдардың зиянды тұстарын түсіндіру және оған қарсы тұратын иммунитет қалыптастыру мақсатында тұрақты түрде дін қызметкерлері шақырылып, сотталушылармен жеке және топтық кездесу өткізіледі.

-«Дін – ол шынайы қарым-қатынас. Судың да сұрауы бар демекші біз әрбір ісімізге жауап береміз. Сондықтан да мейлі өзге дін өкілі болса да оған деген мәмілеміз дұрыс болуы қажет. Ислам дінінде дінаралық татулыққа аса мән береді. Дін мәселесінде толықтай хабардар болмайынша, қарапайым халқымыз әртүрлі деструк­тивті діни ұйымдардан зардап шегуді доғармасы анық. Деструктивті ағымдардың кері әсерінен еліміздің тұрғындарын қорғап қалудың өте тиімді әрі нәтижелі жолы – ақпараттан­дыру» деді «Нұр-Астана» орталық мешітінің найб имамы Әділхан Серікбай.

-Бұл шара өте пайдалы әрі ортақ үйіміз Қазақстанның бір бөлшегі болған Сіздердің уақытша үйлеріңіз, яғни осы мекемедегі жағдайларыңызбен толықтай таныстық, осындай жағдай туғызып отырған мекеме басшылығына алғысым шексіз, бұдан былай жиірек келіп кездесіп тұруға уәде беремін» деді Рим-католик шіркеуінің епискобы Томаш Петта Бернард.

-Православ шіркеуінің өкілі, Астана қаласының Серафим-Саровский храмының архимандриты отец Иоасаф бұл мекемеге ай сайын келіп жазасын өтеушілермен кездесіп тұратындығын, және кездесу барысында дінаралық татулықтың маңызды фактор екендігін әрдайым айтатындығын жеткізді.

«Оазис» жағажай орталығы дүйсенбіден басқа, күн сайын сағат 11.00.-ден 20.00.-ге дейін жұмыс істейді.

«Оазис» жағажай орталығы дүйсенбі күні сағат 11.00.-ден 14.00.-ге дейін клуб тек зейнеткерлер, көпбалалы аналар мен балалар үшін тегін жұмыс істейді.

Аталмыш клубқа тегін кіру үшін жеке басын куәландыратын және жоғарыда аталған статусты растайтын құжат қерек.

Астана тұрғындары мен қонақтары үшін 30 маусым 2 шілде аралығында өтетін түрлі мәдени-сауықтық бағдарлама дайындалып, ұсынылады.

Кез-келген тұрғын не қонақ өзінің қызығушылығына байланысты айналысатын іс таңдай алады. Қалауыңызға орай ҚР Ұлттық музейіне барудан бастап, Thirty seconds to Mars танымал тобының концертіне дейін көзайым бола аласыз.

Қала қонақтарының назарына, астаналық әкімдік бірнеше құрылыс компаниялардың тұрғын-үй құрылысына үлескерлікпен қатысуына рұқсат берілгендігі хабарландыру таратты.

Осылайша бірқатар компания Астана қ. әкімдігінің 2017 жылғы 21 маусымындағы №120-1321 ұйғарымына сәйкес, екінші деңгейдегі банк жобасына қатысу немесе тұрғын-үйдің қасбетін салу арқылы баспана салу кезінде өз ісіне ақша құюмен үлескерлерді шақыруға құқылы.

Құрылыс компанияларының қатарында «Базисинвестқұрылыс» компаниясының салушысы мен «Barcelona Inc.» ЖШС бар. Оларға Астана қаласы, «Алматы» ауданы, № 37 көшесі (жобалық атауы), № 18 учаскесі (рұқсаттама №5/ 21.06.2017ж.) мекен-жайы бойынша орналасқан 7-9 қабаттық, аумағы 26 249 шаршы метр болатын баспананың 1, 2, 3 4, 5, 6, 7, 14 бөлігін салу үшін үлескерлердің ақшасын құюмен оларды жобаға тарту құқығы берілген.

Астана қ. әкімдігінің 2017 жылғы 21 маусымындағы № 120-1320 ұйғарымымен, «АЛТЫН ШАР WEST» ЖШС және «Шар-Құрылыс» ЖШС салушыларына Астана қаласы, «Есіл» ауданы, № 49 көшесі (жобалық атауы), № 4 учаскесі (рұқсаттама №6/ 21.06.2017ж.) мекен-жайы бойынша орналасқан 17 қабаттық, аумағы 19599,58 шаршы метр болатын баспананың 1 бөлігін салу үшін үлескерлердің ақшасын құюмен оларды жобаға тарту құқығы берілген.

Атап өтейік, бұған дейін жоғарыда көрсетілген 4 компания қалалық әкімдіктен үлескерлердің ақшасын құю арқылы оларды жобаға тарту құқығымен құрылыс салу үшін тиісті рұқсаттама (қажетті құжаттардың сілтемесі) алынған болатын.