Интернет-сатылым «Авибус» ақпараттық жүйесін енгізу аясында іске асырылуда, деп хабарлады Астана қаласы әкімдігінің медиа орталық тілшісіне«Сапаржай-Астана» ЖШС директорының орынбасары Жарқын Бекжанов.

Тағы бір жаңашылдық – электронды терминалдар. Әзірге олар автовокзал ғимаратында пайда болды, ал екінші жарты жылдықта елорданың сауда үйлері мен темір жол вокзалдарында орнату жоспарлануда.

-Жаңа қызмет жақында ғана жүзеге асырылды, бірақ оның тиімділігі – жолаушылар үшін жылдам әрі ыңғайлы, — деді Ж.Бекжанов.

Күн сайын автовокзалда 3 мың билет сатылады, оның 150-і онлайн-режимде сатылып алынады.

Астана автовокзалы халықаралық, облысаралық, облыстар ішіндегі маршруттарға қызмет көрсетеді.

Күн сайын автовокзал 158 рейс жөнелтеді.

Астана қаласының әкімдігінде қалааралық бағдарлар схемасын өзгерту және Алай-Astra» мен «КенМарт- Astra» (автобекеттер) көлік орталықтарының жұмысы мәселелері бойынша баспасөз конференциясы өтті.

Елорданың көлік кешенін жаңарту мақсатында «Алай-Astra» және «КенМарт-Astra» жолаушыларды қалааралықлық тасымалдаудың екі көлік орталығы ашылды. «Алай-Astra» және «КенМарт-Astra» көлік орталықтарының аумағы жолаушыларды мінгізіп түсіру аймақтарымен, билет кассаларымен, күту залдарымен, сақтау камераларымен жабдықталған. 800 тұрақ орнын ескерген ыңғайлы орынтұрақ кеңістігі ұйымдастырылған.

Жаңа «Алай-Astra» және «КенМарт-Astra» көлік орталықтарын пайдалану көше-жол желісіне түсетін жүктемені және «Астана» темір жол вокзалы мен «Сапаржай» автовокзалы жанындағы көлік кептелістерінің санын азайтуға мүмкіндік береді. Сондай-ақ «Сапаржай» автовокзалында және жаңа «Алай-Astra» және «КенМарт-Astra» көлік орталықтарында бар ағымдарды үлестіру арқылы қалааралық бағдарлардың бағыттарын шектеу елорда тұрғындары мен қонақтары ТЖ вокзалы аймағынан қалалық бағдарлар бойынша орын ауыстыруға жұмсайтын уақытты қысқартуға мүмкіндік береді.

Қалааралық бағдарлар жүрісінің жаңа схемасы қала орталығына кірмей, айналма жолдары бойынша өтетін болады. «Алай-Astra» көлік орталығы С 316 көшесі, 5 (Астана қ. Орталық базарынан кейін) және «КенМарт- Astra» көлік орталығы Астана-Қарағанды тас жолы, 45-ғимарат мекенжайы бойынша орналасқан.

2017 жылғы 22 шілдеден бастап «Алай-Astra» көлік орталығынан павлодарлық бағыт бойынша жүретін қалааралық автобустар жөнелетін болады. Ресми қалааралық тасымалдаушы күн сайын 23 рейске қызмет көрсететін 9 бағдар бойынша тасымалды жүзеге асыратын болады.

2017 жылғы 22 шілдеден бастап «Алай-Astra» көлік орталығынан павлодарлық бағыт бойынша жүретін қалааралық автобустар жөнелетін болады. Ресми қалааралық тасымалдаушы күн сайын 41 рейске қызмет көрсететін 8 бағдар бойынша тасымалды жүзеге асыратын болады.


«Сапаржай» автовокзалы келесі бағыттар бойынша 30 бағдарға қызмет көрсететін болады:



«Алай-Astra» көлік орталығын қамтамасыз ету үшін №№ 7, 11, 34, 38, 39, 41, 307, 503 – 7 қалалық және 1 қала маңы бағдарлары жұмыс істейді, оған
61 автобус іске тартылған.

«КенМарт- Astra» көлік орталығын қамтамасыз ету үшін №№ 9, 29, 80, 304, 315, 506 – 4 қалалық және 2 қала маңы бағдарлары жұмыс істейді, оған
65 автобус іске тартылған.

Қосымша ретінде, қала тұрғындары мен қонақтары үшін «Нұрлы жол» темір жолы мен «Алай-Astra» көлік орталығын байланыстыратын жаңа №201 түнгі экспресс-бағдар іске қосылады, одан түнгі қалааралық тасымалдар жүзеге асырылатын болады.

— 7 сәуірден 8 сәуірге қараған түні біз бірінші маршрутты іске қостық, соған байланысты елордада көптен күткен маршрут пайда болды деген пікір айтылды. Тұрғындар мен қала қонақтары маршрутты өз игіліктеріне белсенді түрде қолдана бастады. Бұл маршрут қаланың орталығы мен ескі теміржол вокзалын және әуежай аралығындағы бағытты қосады. Жол ақысы – 150 теңге. Тұрғындардың сұрайы бойынша біз басқа да аудардармен жүретін, түрлі алыс аялдамалар мен тұрғын нысандар аралағын қамтитын жаңа маршрутты іске қостық. Жол ақысы – 150 теңге, жүрі жиілігі – 25-30 минут, деді Астана қаласы Жолаушылар көлігі басқармасының басшысы Бекмырза Игенбердинов.

«Алай-Astra» және «КенМарт-Astra» автобекеттерінен жөнелтілетін қалааралық рейстерге билеттерді көлік орталықтарының өзінен, сондай-ақ «Сапаржай» автовокзалынан сатып алуға болады. Алдын ала сатып алынған қалааралық жол билеттері түгел автобекеттерде жарамды болып табылады. Жоспарланған сапар алдында жолаушылар алдын ала сатып алынған билет бойынша қай автобекеттен жөнелету жүзеге асырылатындығын нақтылау қажет. Мұны Астана қаласы әкімдігінің astana.gov.kz және Астана қаласының Жолаушылар көлігі басқармасының upt.astana.kz сайттарында, сонымен қатар 8 (7172) 574-777 call-center телефоны бойынша жасауға болады.

Бас прокуратура және ҚР ІІМ қала әкімдігінің қолдауымен жүзеге асырылатын «Электронды хаттама» жобасын таныстырды.

Құқықтық статистика және арнайы есеп бойынша комитет электронды хаттама толтыру бойынша пилоттық жобаны іске қосуда. Оның мақсаты — әкімшілік өндірісін электронды форматқа көшіру.

«Әкімшілік өндірістердің бірыңғай реестрі» — бұл сандық ақпаратты – әкімшілік іс материалдарын сақтауға арналған, қағаз нұсқасын толығымен алмастырады және жоғары деңгейде қауіпсіздікті қамтамасыз етеді. Бұл орайда аталған жүйеде әкімшілікті құру бойынша функция болуы керек. Онда әкімшілік өндірісті қозғаудан бастап әкімшілік өндіріп алуды орындауға дейін, барлық салынған үкімнің шектеулерін алып тастау оның ішінде алынған куәләндірудің барлық мәліметтерін тіркеуге мүмкіндік беретін фото, аудио жазба, видеобейне, сонымен қатар өзге де файлдар мен бағдарламалық мәліметтер секілді ары қарайғы алгаритм болады.

Енді жол қозғалысы ережесін бұзғаны үшін хаттама толтыруға адамның ЖИН болса жеткілікті, қалғанын жүйе өзі шығарады. Жыл сайын елімізде 4 млн. жуық әкімшілік іс қозғалады. Олар бойынша хаттаманы 64 мемлекеттік орган жазады. Соттардан бөлек бұл істерді 50 өкілетті орган қарайды. Тиісінше бұл салаға барлық мемлекеттік ақпарат және еліміздің әрбір төртінші тұрғыны жұмылдырылған.

Анықтама үшін, 2016 жылы 64 млрд. теңгені құрайтын 3 млн. айыппұл жазылған. Бұл әкімшілік істердің 75%-ын құрайды.

-Менің ойымша, бұл Президенттің «Астана-ақылды қала» бағдарламасы бойынша тапсырмасына сай келеді. Көріп тұрғандарыңыздай, «Ақылды қала» бағдарламасы – бұл жайлылықты арттыратын, тұрғындардың қауіпсіздігі мен ашықтығын қамтамасыз ететін нақты жобалар. Сіздер көрген жоба бір реттік жәй жоба емес, бұл азаматтардың өмірін қауіпсіз әрі жайлы ететін бүтін бір жобалар кешенінің топтамасы. Біз айыппұлдарды төлеу және хаттамаларды толтыру барысында бюрократиялық процедуралар шетке ысырылып ашықтық артады және тұрғындарға аз қатынауға мүмкіндік жасалады деп сенеміз. Біз бас прокурормен және Ішкі істер министрімен көптеген әкімшілік өндірістерді бірнеше есеге қысқартып, тұрғындардың өмірін ыңғайлы ету бойынша талқыладық. Сондықтан біз бұл жобаны планшеттермен және термопринтерлермен толық қамтамасыз етеміз. Мен барлық әріптестерге әлі де көптеген мемлекеттік қызмет және мемлекеттік органдар мен тұрғындарды мазалайтын сұрақтардың жеткілікті екенін айтқым келеді. Сол себепті, біз құрылысқа рұқсаттама беру, жер қатынастары, ПИК пен тұрғандар қарым-қатынасы, білім, денсаулық сақтау салаларына қатысты 20 жобаны жүзеге асыруды көздейміз. Олардың барлығы мемлекеттік қызмет сапасын қамтамасыз етуге осы қызметтерге уақытты қысқартуға арналған, — деді әкім.

Салтанатты шарада Әсет Исекешев жол полициясы қызметкерлеріне планшеттерді сыйға тартты. Бүгінгі күнен бастап 50 планшет және 50 терминал жұмыс істейді. Елордалық полицейлер жұмысының толыққанды жұмыс істеуі үшін 283 планшет пен терминал қажет.

Жобаны республика көлемінде іске асыру үшін 2971 планшет қажет. Бұл міндет жергілікті атқарушы органдармен бірлесіп шешіледі.

Бағаны тұрақтандыру мақсатында Астана қаласының əкімдігі күн сайын азық-түлік тауарлары бағасына бақылау жүргізеді. Алғашқы қажеттіліктегі тамақ бағасы ерекше назарда.

Атап айтқанда, ұн, нан, макарон өнімдері, ет, жұмыртқа, қант, тұз, көкөністер.

Үлгі ретінде қаланың ірі сауда орындарында, мәселен, Магнум, Астықжан сауда орталықтары мен Шапағат базары сөрелерінде азық-түліктің орта бағасы жазылған.

Астана тұрғындары мен қонақтары азық-түлік бағасы туралы толық ақпаратпен төменде таныса алады.

Мына жерден қараңыз

17 шілдеде ЕХРО-2017 Халықаралық көрме аясында Тәуелсіздік сарайының көрме залында «Есік» Мемлекеттік тарихи-мәдени қорық-музейінің «Сақ мәдениеті» көрмесінің ашылу салтанаты өтеді.

Көрменің мақсаты — сақ мәдениеті мен мұрасын музейлік көрме мен қазіргі заманғы көркем интрепретация арқылы көрсету болып табылады. «Сақ мәдениеті» көрмесі «Алтын адамның құпиялары», «Пазырық кілемі», «Өрнек қорымдары» атты үш бөліктен тұратын болады.

«Сақ мәдениеті» атауымен өтетін аталмыш көрмеде келушілер «Алтын адамның» құпиясымен, Жетісу сақтарының жаңа табылған археологиялық олжаларымен, дүниедегі ең көне кілем болып табылатын «Пазырық кілемімен» және «Алтын адамды» алғаш ашушылардың бірі, әйгілі археолог Б.Нұрмұханбетовке арналған фотокөрмемен таныса алады, дейді ұйымдастырушылар.

Сақ мәдениеті дегенде біздің есімізге қазіргі Қазақ жерінің Алтайы мен Жетісу түседі. Ә.Ақышевтің айтуынша бұл туыстас сақ мәдениетінің кең жайылған, ру ароалық байланыстар берік орнаған «таулар белдеуі» болып табылады. Жалпы, сақ мәдениеті, мұрасы, тіпті «Алтын адамның» ашылу тарихы да толық зерттеліп бітті деп айта алмаймыз. Керісінше, жыл өткен сайын олар жаңа ғылыми деректермен толыға түсуде.

Алтайдан Қара теңізге, Жетісудан Арқаға дейінгі аралықты мекен еткен сақ-скифтер арттарына аса бай мұра қалдырды. Соның бірі Алтай тауындағы Пазырық қорымының бесінші қорғанынан шыққан кілем (Ресей федерациясы, Алтай Респбуликасы, Ұлаған ауданы) 1949 жылы ғалым-археолог С.И. Руденконың жетекшілігімен жүргізіліген археологиялық қазба жұмыстары кезінде табылды. Кілем өлшемі 4,5х6,5 м. Кілем негізінен қалыңдығы 3 мм құрайтын орташа деңгейде басылған ақ киізден жасалған.

«Есік» қорық-музейінің археологтары да соңғы жылдары Жетісу жерінде біршама жаңа археологиялық зерттеулер жүргізіп, жаңа олжаларға кез болды. Солардың бір парасы «Өрнек қорымдары» олжалары да көрме қонақтарының назарына ұсынылатын болады.

Әдемілік бізге көптік етпейді немесе Астанада қазақстандық дизайнерлердің алғашқы EXPO Fashion fest сән фестивалі қалай өтті?



Астанадағы алғашқы сән фестивалі болғандықтан, толқыныс, қобалжу болғаны түсінікті. Дегенмен, сән мен сұлулық мерекесі болғандықтан, көркемдік пен кербез сипат басым түсті. Астана әкімдігі медиа орталығының тілшілері елорда билігінің ұйымдастыруымен өткен алғашқы сән фестиваліне қатысып қайтты.



EXPO Fashion fest сән фестивалі ЭКСПО-2017 халықаралық мамандандырылған көрмесі аясында арнайы ұйымдастырылды. Мақсаты – қазақстандық дизайнерлердің жұмыстарын халыққа кеңінен насихаттап, отандық сән индустриясының ахуалын паш ету. Қазақ елінің сән әлемінде қол жеткізген табыстарымен таныстырып қана қоймай, дизайнерлердің бір-бірімен танысып, өзара ынтымағын нығайтуды көздеді.



Фестиваль барысында қазақстандық 36 дизайнер топтамалары көрме
сатылымға шығарып, шоу-рум өткізді. Олардың арасында сән әлемінің тісқаққан
Аида Кауменова бастаған майталмандарымен қатар бұл салаға енді аяқ басқан жас
дизайнерлер бар.



Астана
тұрғындары мен қонақтары үшін бұл фестиваль жаңалыққа толы болды. Соның бірі — белгілі қазақстандық имиджмейкер Жанна Ахметова өткізген шеберлік сыныбы.
Ахметова қыз-келіншектерге киім киюдің әдебі мен сауаттылығы жөнінде білгенін үйретіп бақты.


Ұйымдастырушылар тұрғындарға тағы бір тосын сый жасады.
Мэйкап шеберлері жиналғандардың шашын сәндеп мен тегін макияж жасайды деп ешкім
күтпеген-ді. «Артист» сұлулық салонының шеберлері 40-қа жуық қыз-келіншекті сәндеп,
айымдардың ажарын әрлей түсті.



Сән әлемінің мамандары адамға әдемі болып көріну үшін тек сәнді киім кию жеткіліксіз дейді. «Адам көркі шүберек» деген қағиданы естен шығармаған жөн. Алайда, сұлулық тек киім-кешекпен өлшенбейді. Әйелдер сәнді киініп, бет әлпетін әрлеп қана қоймай, сондай-ақ әдемі сөйлеп, әдемі жүре білуі де тиіс. Мамандардың елорда тұрғындары мен қонақтарына берген кеңесі осыған саяды.



Сән фестивальі болғандықтан, сән көрсетілімісіз өтуі мүмкін емес қой. Ашық аспан астында қазақстандық алты дизайнердің жаңа топтамаларының таныстырылымы өтті. Жинағандар көрсетілім арасында жас орындаушылардың концертін тамашалады.



Сонымен бірге Ayana style брендімен танылған еліміздің ең жас дизайнері Аяна Мұратованың жаңа топтамасы да Астана жұртшылығына таныстырылды. Дизайнердің өзі Миланда өтіп жатқан сән конкурсына қатысып, бас жүлдені иеленгені де сол жерде белгілі болды. Дизайнердің киім үлгілерін киіп подиумға шыққан кішкентай сәнгерлер Ақтөбеден арнайы келген екен. 



«Астанада мұндай сән фестивалі алғаш рет өткізіліп отыр.
Астана қаласының әкімдігінің қолдауымен фэшн фестивальді жыл сайын өткізіп
отырамыз деген жоспарымыз бар. ЭКСПО көрмесі Қазақстан үшін зор әрі ұмытылмас
жетістік болып қалмақ. Сәйкесінше, аталған көрме аясында өткізіліп отырған
біздің фестивальіміз де отандық сән тарихында өз ізін қалдырады деп ойлаймыз»,
— деді EXPO Fashion fest ұйымдастырушысы 
Айгерім Сүйіндікова медиа орталықтың тілшісіне берген сұхбатында.

Мәтіні: Айнұр ШОШАЕВА
Фотосы: Әділхан ІЛИЯСОВ

Орталықтың жұмысы өтініштер мен шағымдарды қабылдауға, өтінімдерді, қылмыстық, əкімшілік және азаматтық істерді (оның ішінде жауаптардың көшірмесін беру) қарау туралы мәлімет беруге, тұрғын-үй құрылысында үлескерлік қатысу саласындағы қолданыстағы Заңнаманы түсіндіруге бағытталған.

-Елордада прокуратураның бастамасымен үлескерлерді қолдау орталығын құру ұсынылуда. Ол Астана қаласы, Сейфуллин көшесінің басындағы (188 көше) ХҚКО ғимаратында орналасады. Енді азаматтар мемлекеттік органдардың əкімшілік ғимараттарында кезек күтіп тұрмайды. Барлығы бір жерде — бір терезе қағидасы бойынша болады" — деп хабарлады Facebook əлеуметтік желісінде Бас прокуратура департаментінің аға прокуроры Ринат Əтембеков.

Үлескерлік құрылыс сұрақтары бойынша барлық азаматтарды Астана қаласы əкімдігінің қызметкерлері қабылдайды.

Астанада қазақстандық дизайнерлердің фестивалі EXPO FASHION FEST өтті

Астана қ. ІІД Жергілікті полиция қызметі жазғы маусымда кәмелеттік жасқа толмаған жеткіншектердің тарпынан болатын бұзушылықтардың алдын алу, ІІО-да есепте тұрған жасөспірімдерді іспен қамту мақсатында кездесу өткізді.

Шараға Астана қ. прокуратурасының, Жастар саясаты мәселелері жөнінде басқарманың өкілдері, «Астана жастары» аула клубы даму бөлімінің басшысы, оған қоса ІІО-да есепте тұрған жасөспірімдердің ата-аналары қатысты.

Астана қ. ІІД ЖПҚ ювеналды полиция қызметкерлері балалар мен оның ата-аналарына қолданыстағы еңбек заңнамасының ережелерін түсіндірді. Астана қ. Жұмыспен қамту орталығының директоры Олжас Омар келушілерге бос жұмыс орындары туралы айтып, ү.ж. 20 шілдесінде «Жастар» сарайында өтетін бос орындар жәрмеңкесіне жұмыссыздарды шақырды.

Кәмелеттік жасқа толмаған жасөспірімдерді ұйымдастырылған демалыспен, іспен қамту мақсатында «Астана жастар» ЖК даму бөлімінің басшысы Нұрсұлтан Жұқат қалада орналасқан тегін аула клубтары туралы айтып берді. Шараға жиналған балалар мен оның ата-аналары әлеуметтік әлжуаз санаттарындағы жасөспірімдерге арналған бейнесюжет көрді. Шарадан кейін 20 жеткіншек ІІД-нің музейіне барып, Қ. Қуанышбаев атындағы қазақмузыкалық-драма театрнда қойылым көрді.

Естеріңізге сала кетейік, кәмелеттік жасқа толмаған жасөспірімдерді жұмысқа алған кезде олармен міндетті түрде келісім-шартқа отыру керек. ҚР Еңбек кодексінің 31 бабына сәйкес, 16 жасқа толған азаматпен келісім-шартқа отыруға болады.

Кәмелеттік жасқа толмағандарды заңсыз жұмысқа тарту фактілері анықталған жағдайда ювеналды полиция қызметкерлері Астана қаласының Жұмыспен қамту, еңбек және әлеуметтік қорғау басқармасына жұмыс берушілерге қатысты шара қолдану туралы арыз толтырады.

15-16 шілдеде «Қазақстан» СС көлік тұрағының аумағында республиканың 4 өңірінен келген тауар өндірушілердің қатысуымен кезекті жәрмеңке өтеді.

Ақмола, Қызылорда, Атырау, Батыс Қазақстан облыстарының тауар өндірушілері нарықтағы бағадан 10-15 пайызға төмен бағамен 600 тонна азық-түлік өнімін ұсынады.

Мәселен, жылқы етінің 1 келісін 1500 теңгеге сатып алуға болады, сиыр етінің 1 келісі 1250 теңге сомасында ұсынылмақ, сұйық май 340 теңге көлемінде сатылымға шығады.

Азық-түлік өнімінің 35-тен астам түрі ұсынылады: ет және сүт өнімдері, көкөніс пен жеміс-жидектер, сұйық май, күріш, балық және т.б.

Дәстүр бойынша жәрмеңке өңірлік шығармашылық ұжымдардың ұйымдастыруымен концерттік бағдарламамен жалғасын таппақ.

Келесі демалыста өтетін жәрмеңкеге Атырау, Ақтөбе, Оңтүстік-Қазақстан және Қостанай облыстары келеді.