Клубтарға тұрақты түрде екі мыңнан астам балалар мен бозбалалар барады, деп хабарлайды астаналық әкімдіктің медиа орталығы.

-Бүгінгі таңда Астана әкімдігінің қолдауымен 18 аула клубтары жұмыс істейді. Секциялар мен үйірмелердің жалпы саны- 109. Аула клубтарына тұрақты 2089 бала мен бозбалалар барады. Келесі жылы Астана қаласы әкімі Әсет Исекешевтің бастамасымен аула клубтарының санын 30-ға дейін жеткізу көзделген, — деп хабарлады елорда әкімдігінің медиа орталық тілшісіне «Астана жастары» КММ жетекшісі Мұхамеджан Болысбек.

Оның сөзінше, өткен жылмен салыстырғанда биыл клубтарға баратындар саны екі есеге өскен. Аула клубтарының басым бөлігі «Алматы» ауданында орналасқан, мұнда 10 аула клубы бар. Ал, қалғандары Астананың өзге аудандарында.

Бүгінде аула клубтары елордалық жастардың бос уақытын өткізетін және жеке қабілеттерін дамытатын орталыққа айналды. Клубтарда каратэ, бокс, еркін күрес, қол күресі, дзюдо, стол теннисі, шахмат және шашки бойынша секциялардың кең түрі қарастырылған.

Бұдан бөлек, жастарға шығармашылық таланттарын шыңдауға мүмкіндік беретін әртүрлі үйірмелер ашылған. Ал, спорт, ұлттық, және қолданбалы өнер, хореография және музыка салауатты өмір салтына баулиды.

-Бүгінде аула клубтарына баратын балалар мен бозбалалар спортпен айналысып, техникалық шығармашылыққа үйрене алады, өздерінің көшбасшылық қабілеттерін дамытады. Сол себепті қаланың барлық тұрғындарына балаларын аула клубтарына әкеліп, тегін оқытуға шақырамыз, — дейді Мұхамеджан Болысбек.

Бүгін елорда әкімдігінде қала басшысы Әсет Исекешевтің төрағалығымен міндетті әлеуметтік медициналық сақтандыру жүйесін енгізу жөнінде ақпараттық-түсіндірме жұмыстары бойынша кеңейтілген жиналыс өтті.

Жиналыс жұмысына ҚР Денсаулық сақтау министрі Елжан Біртанов, аудан әкімдері, қалалық ведомство басшылары, медициналық мекемелер мен бизнес қауымдастығының өкілдері қатысты.

-Қазақстанда 1 шілдеден бастап ресми түрде міндетті әлеуметтік медициналық сақтандыру жүйесі енгізілді. Алғаш болып әлеуметтік медициналық сақтандыру қорына жұмыс берушілер мен жеке кәсіпкерлер төлем жүргізе бастады. Тұрғындар медициналық көмекті 2018 жылдың қаңтарынын бастап міндетті медициналық сақтандыру жүйесі арқылы ала бастайды.

Бұл реформаның маңыздылығы – әр Қазақстан азаматының қызығушылығы қамтылады. Сол себепті біз осы жиналысқа елорданың бизнес өкілдерін шақырдық, — деді әкім шараға қатысушыларға.

Өз кезегінде Қазақстан Республикасының денсаулық сақтау министрі Елжан Біртанов медициналық қызметтің қолжетімділігі мен сапасын арттыратын елдегі жүргізіліп жатқан бұл реформаның маңыздылығы туралы айтты.

— Егер бүгін қазақстандықтардың денсаулығын зерттейтін болсақ, біз жақсы динамиканы байқаймыз. Мысалы, ұзақ өмір сүру ұлғайған, ана мен бала өлімі азайған деген секілді негізгі көрсеткіштер қуантарлық. Бұған қоса, тұрғындардың қартаюына байланысты аурулар құрылымы өзгеруде. Бүгінде ақша эквивалентінде медициналық қызметті тұтыну артуда, — деп атап өтті министр.

Министр қазіргі қолданыстағы бюджеттік модельмен салыстырғанда міндетті әлеуметтік медициналық сақтандыру жүйесінің тімді тұстары көп: тұрғындардың денсаулығын қадағалау саласында тең жауапкершілік сақталады – мемлекет – жұмыс беруші – азамат, қолжетімділік теңдігі, әлеуметтік бағыттаушылық және МӘМС сипаты.

Жүйені кезеңімен енгізу тұрғындарға жаңа реформаға көшуге мүмкіндік береді.

Нақтырақ айтар болсақ, 2017 жылдың шілдесінен бастап жұмыс берушілер 1 % бөліп отырады, 2018 жылдан әр қызметкердің еңбекақысынан 1,5%, 2020 жылдан – 2%, 2022 жылдан – 3% бөлінеді.

Жұмыскерлердің бөлуі 2019 жылдан — 1%, 2020 жылдан -2% құрайды. Өзін жұмыспен қамтығандар, оның ішінде жеке кәсіпкерлер, мамандандырылған медиаторлар, азаматтық-құқықтық келісімшарты негізінде қаржы алатын жеке тұлға 1 шілдеден 2 төменгі еңбекақыдан 5% бөледі (1% е.а.- 1414 теңге)

«Әлеуметтік медициналық сақтандыру қоры» коммерциялық емес акционерлік қоғамы басқармасының төрайымыЕлена Бахмутова талқылау кезінде жиналғандарға жүйенің барлық кезеңі туралы жан-жақты түсіндірді. Қор жетекшісі МӘМС аясында медициналық көмектің қолжетімділігі туралы айтып берді. Бұдан бөлек сарапшы міндетті ерікті сақтандыру мен жеңілдік қарастырылған тұрғындар санаты туралы баяндады.

-Егер адам жеңілдік санатында болса, онда оған төлем жасаудың қажеті жоқ, жеке кәсіпкер де АҚК бойынша да төлем жүргізбейді. Мемлекет бұл міндетті өзіне алады, — деп мәлімдеді қор жетекшісі.

Жаңа жүйе «мүмкіндігінше төлеу — қажеттілік бойынша алу» принципі бойынша жұмыс істейді, деп аяқтады Бахмутова.

Жиналыс қортындысы бойынша қатысушылар қызықтырған сұрақтарға толық жауап алды.

Астанада азық-түлік өнімдерінің негізгі түрлеріне бағаны реттеу бойынша күн сайын тексеру жүргізілуде.

Атап айтқанда, қала билігі «Астықжан», «Магнум» және «Шапағат» базарлары сияқты қаланың сауда орталықтарында бағаны тұрақтандыру бойынша бақылау жүргізуде.

Статистикаға сәйкес, әлеуметтік маңызы бар азық-түлік өнімінің бағасы ай басынан 98,4 пайызды құрайды. Бағаны тұрақтандыру мақсатында мамыр айынан бастап 30-дан астам өңірлік ауыл шаруашылық жәрмеңкесі өтті, 11660 т өнім іске асырылды. Салыстырып алғанда 2016 жылы 12 мың т өнім іске асырылды, олардың 3660 тоннасы тек көкөніс өнімдері, олардың ішінде: картоп шамамен — 800 т, орташа бағасы — 110 тг/кг (Астана қ. бойынша орташа баға 160 тг/кг), қырыққабат 900 тг/кг (орташа баға – 109 тг/кг), пияз – 120 тг/кг (орташа баға 154 тг/кг), сәбіз – 150 тг/кг (орташа баға 140 тг/кг). 5-6 тамызда Атырау және Қостанай облыстарының жәрмеңкесі өтеді.

Ірі отандық өндірушілермен жасалған келісімшарттар аясында сиыр етінің сатып алу бағасы бекітілді (1300 тг/кг), сатылымға сүйексіз жұмсақ еттің 1 келісі 1350 теңгеден шығарылады.

«Astana» ӘКК» ҰК» АҚ «Кеңмарт» СО және «Астықжан» СО-на жалпы көлемі 300 млн теңге (әрқайсысына 150 млн теңгеден) сомасында несие берді. Қазір бұл нысандар ағымдағы жылдың соңына дейін тауардың 10 санаты бойынша азық-түлік өнімінің 49 түріне өздерінің бағасын бекітті. Атап айтқанда: тауыр еті, сүт өнімдері, гастрономия, сусындар, жартылай фабрикаттар, сұйық май, нан және тоқаш өнімдері және т.б.

Қант бағасын тұрақтандыру мақсатында тексеру жүргізілуде. Қанттың бағасы 260 тг/кг болып бекітілген.

«Астықжан», «Кеңмарт», «Магнум», «Шапағат», «Апрель», «А2» желісі, «Встреча», «Алма» супермаркеті, «5 минут» сауда жүйесі секілді 33 сауда нысанында азық-түлік өнімдері іске асырылады.

2-3 тамыз аралығында Astana Music Hall-да британдық InvisibleFlock ұжымы еліміздің астанасы туралы «Бақытта адамдар Live» музыкалық қойылымын қояды.

Қойылым ең бақытты сәттерді сезінген қаладағы жерлер туралы Астана тұрғындары мен қонақтарының естеліктеріне негізделген. Шілде айында «Керуен» ОСО-да кез-келген тұрғын интерактивті тақтайшаға өзінің арман-мақсаттарын жазып, ұмытылмас естеліктермен бөлісе алу мүмкіндігіне ие болды.

-Астана біз үшін – әрдайым шабыттандыратын бірегей қала. ЭКСПО кең ауқымды шарасын сапалы өткізіп жатырсыздар. Керемет әсер алдық, — деді InvisibleFlock өкілдері.

Қойылым ЭКСПО-2017 үшін британдық FutureCreative мәдени бағдарламасы аясында өтеді.

Invisible Flock — интерактивті арт-студия, ол 2009 жылы Лидс қаласында Бен Итон, Виктория Пратт және Ричард Уорбертон есімді үш суретшімен құрылған.

«Бақытта адамдар Live» қойылымына билеттерді www.biletiastana.kz. сайтынан сатып алуға болады.

«Астанадағы бақыт сыйлайтын жерлер» картасы:

www.invisibleflock.com/bringthehappy/newMap.html

Толығырақ жоба туралы: www.britishcouncil.kz/ru/programmes/arts/bring-the-happy

Елордада қаланың бағыттық желісін жаңғырту бойынша жұмыстар жүргізілуде.

29 шілдеден №50 бағыт қозғалысының сызбасы ұзартылды: «Нұрлы жол» теміржол вокзалы аялдамасынан автобус мына бағыттар бойынша жүреді: Байтұрсынов көшесі – оңға Шарбақты көшесіне-солға Шалкөде көшесіне – жаңа соңғы аялдама «Промышленный» тұрғын үй массиві. Кері бағытта осы қозғалыс сызбасы бойынша жүреді.

№105 жылдам бағытының қозғалыс сызбасы: соңғы аялдау пункті Нұрлы жол» теміржол вокзалы болады.

«Бал бала» балабақшасы соңғы аялдамасынан автобус Абылай хан даңғылы және Қобда тұйығына дейінгі қиылысқа дейін жүреді, ары қарай оңға мына бағыт бойынша: Қобда көшесі – Төлеубаев көшесі – Шарбақты көшесі – теміржол эстакадасы бойындағы жолмен – «Нұрлы жол» т/в».

Қалалық автобус бағыттарының өзгеруі жолаушылар ағынының өсуімен және жаңа қалалық нысандардың іске қосылуымен, оның ішінде тұрғын үй массивтерінің пайдалануға берілуімен байланысты.

Қазіргі таңда қала жолдарының 25 шақырымына орта жөндеу жұмыстары жүргізілді; ағымдағы жылдың соңына дейін қашықтығы 79,9 шақырым 89 көшенің жолдары қалыпқа келтіріледі, деп хабарлады Астана әкімдігінің медиа орталығы.

Үстіміздегі жылы Астана қаласының әкімдігі құрылыс жұмыстарын жүргізіп, бірнеше қатар көшелерге жол ашты.

-Жолдар А.Байтұрсынов көшесінде Қ.Аманжолов көшесінен «Нұрлы жол» теміржол вокзалына дейін (А62 көш.), Ж.Нәжімеденов –Қ.Аманжолов көшесінен жаңа «Нұрлы жол» теміржол вокзалына дейін (А62 көш.), А62 көшесінде «Нұрлы жол» теміржол вокзалы аумағында, №24 көшесінде Қабанбай батыр даңғылынан Мәңгілік ел даңғылына дейін, Түркістан және Ақмешіт көшелерінде Орынбор көшесінен Керей, Жәнібек хандар көшесіне дейінгі аумақта, Ақмешіт көшесінде Керей, Жәнібек хандар даңғылына дейінгі аумақтан №24 көшесіне дейін және №26 көшесінен Ұлы дала даңғылына дейін, №31 көшесінде Қабанбайбатыр даңғылынан Нұра-Есіл арнасына дейін, №357, 496, 498 көшелерінде №31 көшеден өрт депосына дейін жолдар ашылды, — деп хабарлады Астана қаласының көлік жолдары басқармасы басшысының орынбасары Асқар Исаков.

Бұдан бөлек Мәңгілік Ел даңғылы мен №31 көше қиылысы маңында аумағы 40 мың шаршы метр 1,5 мың көлікке шақталған тұрақ құрылысы аяқталды.

Бүгінгі таңда аумағы 25 шақырым елорда жолдарына орта жөнде жүргізілді.

Бұған қосы осы жылдың қараша айының соңына дейін Сарайшық көшесіндегі Тұран даңғылынан Ш.Бейсекова көшесіне дейін ұзындығы 3 шақырым жол ашылады. Ш.Бейсекова көшесіндегі Сығанақ көшесінен Ұлы Дала даңғылына дейінгі аумақта қашықтығы 2,9 шақырым жол құрылысы басталады.

-Бұл шара Тұран, Қабанбай батыр, Мәңгілік ел, Қорғалжың тасжолындағы қозғалысты азайтуға септігін тигізеді,- дейді А.Исаков.

Қаланың әлеуметтік нысандарына инженерлік желілер мен келетін жолдар тарту үшін бірқатар көшелерде құрылыс жұмыстары жүргізілуде, оның ішінде С.Сейфуллин және Н.Тілендиев даңғылы 4 көше жалпы ұзындығы 5,3 шақырым: Қошқарбаев көшесі ауданындағы 7 көше жалпы аумағы 9,1 шақырым; Сығанақ көшесінің оңтүстік аумағында Құлагер» ТК, «Шығыс» ТК аумағында көше құрылысы басталды.

Жолдарды қалыпқа келтіру және салу жұмыстарына 1 мыңнан астам адам жұмылдырылған. Жыл соңына дейін орта жөндеу жұмыстарымен 89 көше қамтылады, ұзындығы 79,9 шақырым.

Орта, ағымдағы жөндеуге 630 адам жұмылдырылады. Бұдан бөлек, «Жұмыспен қамтудың жол картасы-2020» бағдарламасы бойынша 174 адам, 80 бірлік мамандандырылған техника еңбеккке тартылады.

Жыл бойы жолдардағы ойылған жерлерді жамауға 15 бригада жұмылдырылған.

Ағымдағы жылы «Screpton» материалын қолдану арқылы 50 көшеде жалпы аумағы 27 шақырым жол құрылысын жүргізу жоспарлануда.

Елордада «Оқушылар арасында инновациялық жобалардың ұлттық олипиадасы» басталды. 2017 жылдың 26 шілдесінен 15 қазанына дейін 6-11 сынып оқушылары байқауға қатыса алады.

Бұл туралы журналистерге «Қазақстан-2050» Жалпыұлттық қозғалысы кеңесінің төрағасы Мұхтар Манкеев мәлім етті.

-Біздің оқушыларымыздың құндылықтары әртүрлі. Көбісі мектептен кейін жоғары оқу орнына түсіп, мамандық алып, кейін жұмыс істегісі келеді. Жаңа бір нәрсені ойлап табу дегенді екінің бірі ойлай бермейді. Сол тұрғыда біз жаңашылдықты құруды көздейтін жастарды дамытуымыз керек. Басқа олимпиадаларға қарағанда біздің олардан ерекшелігіміз: қазақстандық байқаулардың көбісі тек мапараттаумен бітеді. Диплом алып, оны қабырғаға ілесің – осымен болды дегендей. Біз болсақ іріктеу қорытындысы бойынша ең үздік 10 жобаны аламыз да 15 қарашадан бастап оны іске асыра бастаймыз. Оқушылар өз тәжірибесінде мықты идея болса, оны іске асыруға болатынына көз жеткізуі тиіс, әрі қарай бизнес құруға болады дегенге сенуі керек. Бұл еліміз үшін пайдалы іс, — деді Манкеев.

Байқау 4 бағыт бойынша өтеді: IT-технологиялар, «жасыл энергетика», «тұрмыста» (идеялар мен күнделікті өмірде қажет болатын заттар, туындылар).

10 қазақстандық сарапшы мен танымал бизнесмендер ең үздік жобаларға қолдау көрсетеді. Олардың ішінде: ВТБ Капитал 12BF бас директоры Әділ Нұрғожин және TheSummerStartupSchool.com мектебінің негізін қалаушы Арман Сүлейменов.

Арман Сүлейменовтің сөзіне қарағанда, балалар байқауға қатысу арқылы өздерінің арман-мақсаттарына жетуде алға қадам басады, жұмсалған күш-жігер міндетті түрде ақталады.

-Үш жыл қатарынан біз жазғы мектеп үшін бағдарламалау машықтары бар адамдарды іздестіріп, табамыз және олардың деңгейін жоғарылатамыз, яғни мобильді әзірлеуші деңгейіне дейін жеткіземіз. Жыл сайын біз 1000-нан астам өтініш қабылдап, олардың ішінен 130 адамды іріктеп аламыз. Оларды 600 жұмыс сағаты күтіп тұрады: идея құрудан бастап оны қалай жүзеге асыру қажет, идеяның жүзеге асырылу тетіктері, сыры сынды сарында тәрбиелейміз. Бұл олимпиада өз жобасын жүзеге асырып, өз кәсібін ашуда таптырмас мүмкіндік. Өтініш толтыруға 15 ақ минут кетеді. Дегенмен нәтиже соған тұрарлық. Алға қадам жасаудан қорықпау керек, — деді ол.

Оқушылар арасында инновациялық жобалардың Ұлттық олимпиадасының жобасына өтініштерді қабылдау 15 қазанға дейін жалғасады. «Қазақстан-2050» жалпыұлттық қозғалыс сайтында байқауға қатысу үшін өтініш беріп, тіркелуге болады.

Қосымша GooglePlay и AppStore дүкендерінде қолжетімді, дейді Астана әкімдігінің медиа орталығы.

Жаңа нұсқаның бұған дейінгіден айырмашылығы – жұмыс берушілер өтініш, ал іздеушілер өзі туралы ақпарат қалдырады. Қалалық жұмыспен қамту орталығының мәліметінше, қосымшаны жүктеп алу көлемі бүгінде 5 мыңды құрайды.

Мобильдік қосымша мен әлеуметтік желілердің арқасында қолданушылар еңбек нарығындағы бос жұмыс орындары туралы біліп, кәсіби мамандығына қатысты тесттен өте алады, сонымен қатар түйіндемені қалай дұрыс толтыру қажет, әңгімелесу кезінде сұрақтарға қалай жауап беру керектігі туралы ақпарат алуға болады. Жұмыс берушінің міндеттері мен құқықтары туралы да ақпарат бар.

Сондай-ақ қосымшада жоспарланған шаралар, курстар, бос жұмыс орындары жәрмеңкесі, шеберлік сыныптарының тізімі жазылған.

«Астана қаласы әкімдігінің жұмыспен қамту орталығы» КММ өз жұмысында Facebook, Твиттер, Инстаграм және ВКонтакте әлеуметтік желілерін белсенді қолданады. Оларда 3 мыңнан астам қолданушы тіркелген.

Қазіргі уақытта Астана жұмыссыздықтың ең төменгі деңгейі бойынша алдыңғы орында тұр. Бұл көрсеткіш республикалықтан 0,3% пункт төмен.

Елордада жұмыссыздық деңгейі 2017 жылдың І тоқсанына 4,6%-ды құрайды

Астанада қысқы жылыту маусымына электр желілерін дайындау жұмыстары жүргізілуде

Ежелден көшпенділердің өмірі жылқымен тығыз байланысты болған.
Біздің ата-бабаларымыз үшін ұрыс даласында ең сенімді серігі һәм көлігі, қиын
кезеңдерде күн көріс көзі болған. Сондықтан жылқы көптеген ұлттық ойындардың бөлінбес құрамы, оның ішінде бәйге десе делебесі қозбайтын қазақ жоқ.



Бүгінде спорттың бұл түрін кейбіреулер ең қатыгез ойын деп санайды. Себебі жылқылар жазықсыз жарақат алып немесе өліп жатады. Алайда тұрғындар арасында ең қызықты әрі белгілі спорт болып қала береді. Астана қаласы әкімдігінің медиа орталық тілшісі күні кеше Қазақстан Президентінің Кубогына бәйге жарысын тамашалау үшін ипподромға барып, қазіргі заманауи бәйгедегі өзгерістерді көріп қайтты.



Бәйге – көптеген түркі елдердің ұлттық спорт түрі болып табылады. Ол көшпенділерде ең қастерлі қанға сіңген қызығушылық деуге болады.          



Бұрындары ат жарыстары ұзақ шақырымдарда (тіпті кейде 50 шақырым) өтсе, бүгінде бәйгені өткізуде бірқатар өзгерістер енгізілген. Мысалы, сәйгүліктерді 21 шақырымнан 31-ге дейін жарыстыруға рұқсат беріледі.  Оның себебі, бұл спорт түрі шабандоздардың емес, жылқылардың жарақат алу қаупі зор болуымен байланысты.



Биыл бәйгеден Қазақстан Президентінің Кубогы елорданың «Қазанат» ипподромында өтті. Шабандоздар жорға жарыс, құнан және бәйге, аламан бәйге бойынша сайысты. Соңғысы қашықтығы (21 км) бойынша ең ұзақ әрі қиын болып есептеледі. Міне, осы жарыста тұлпардың шыдамдылығы мен күші сынға түседі.



Айта кетейік, көптеген араб және таза ағылшын тұқымды аттар мұндай ұзақ қашықтықққа шыдамайды. Сондықтан шабандоздар жергілікті жылқылардың тұқымына аса мән береді. Көнекөз қариялар кезінде қазақтың жылқылары 100 шақырымға дейінгі қашақтыққа шыдас бергендерін айтады. Алайда мәреге тек бірнешеуі ғана жетеді екен. 



Бәйгенің ережесі бойынша шабандоз ретінде балалар немесе бозбалалар жайдақ және барынша жылдамдықпен қатыса алады. Шабандоздық әдіс-тәсілдері мен тұлпардың табиғи мүмкіндіктері, бәйгеге дайындығы үлкен рөл ойнайды. Жеңімпаздар халықтың ықыласына бөленіп, құрметке ие болады және ақшалай бағалы сыйлық беріледі.  



Биыл жарыс жеңімпаздарына берілетін жүлде қоры қомақты болды. 51 млн. теңге бірінші келген 5 шабандоз арасында үлестірілді. Аламан бәйгеде 13 миллион теңге, құнан бәйгеде 7 миллион теңге және ең жылдам қашықтықта — жорға жарыста үш миллион теңге
жүлдеге тігілді. 



Ақшалай сыйлықтан бөлек, жеңімпаздарға Атырау облысының әкімдігі мен ұйымдастыру комитетінің арнайы сыйлығы табысталды.
Биылғы бәйге Астанада Атырау облысының күндері аясындағы соңғы шара болды. Кештің
көркін «Номад» театрландырылған қойылымы кіргізді. Онда каскадерлер өнер
көрсетті.



Жарысқа Қазақстанның барлық аймақтарынан әр қашықтық бойынша елуге жуық шабандоз қатысты. Үздіктер ақтық мәрені бірінші кесіп өтуге барынша ұмтылды. 



Жарыстарды тамашалауға келгендерге жамбы ату, қыз қуу, палуандардың күресі және ипподромда өтетін қызықты ойындардан көрініс көрсетілді. 



Ең шыдамды әрі жылдам тұлпар атағын «Тасқын» атты сәйгүлік жеңіп алды.
Бұл қазанат 2014 жылдан бері жарыстарға қатысып жүр және көптеген жүлделі
орындар мен жүлделерді иеленген. 



Үздік шабандоз алматылық Дияс Жұмаш атанды. Бәйгедегі өз жеңісін ол өз отбасына арнады. 



 Құнан бәйге жарысында (7 шақырым) Ділмұхамет Жолаушы бірінші келді. Ол 7 млн.теңгені қанжығасына салды. Жорға бәйгеде (5 шақырым) Айхан Төлегенов үздік болды. Оған 3 млн.теңгенің сертификаты табысталды. 



Айта кету керек, жүлде қоры демеушілердің қаржысынан жиналды.