8 тамызда Астанада «Сәлем, Астана» атты интерактивті қалалық жоба іске қосылатын болады, ол өз алдына қала тұрғындары мен қонақтары үшін қаламен хабарлама арқылы байланып орнатып, сөйлесуге мүмкіндік береді.

«Сәлем, Астана» жобасы Урбанистика және Астана қ. әкімдігінің қолдауымен ЭКСПО-2017 үшін FutureCreativeбритан мәдени бағдарламасы шеңберінде Британ Кеңесімен іске асырылуда. Жоба 2017 жылдың 30 қыркүйегіне дейін жалғасады.

Жобаны әзірлеп жатқан мамандардың айтуынша, жобаға Астана қаласындағы кез-келген қала тұрғыны-қонағы қатыса алады. Қаламен «сөйлесуді» бастау үшін FacebookMessenger қосымшасы арқылы SalemAstana2017 (https://www.facebook.com/salemastana2017/) қолданушысына «Сәлем» сөзімен, өзі тұратын көшенің атауы мен үйдің нөмірін қоса көрсетіп, хабарлама жіберу керек. Мәселен, «Сәлем Республика#3».

Одан кейін хабарлама жіберген адамға жауап хат (хабарлама) келеді. Қаламен байланыс орнатуда онымен «сөйлесу» 4-5 сұрақ қою арқылы және оған түрлі тақырыпта жауап алу арқылы өтеді.

Интерактивті «Сәлем, Астана» жобасы қала тұрғындарына өздерінің сүйікті шаһарларымен «сөйлесіп», байланыс орнатуына мүмкіндік береді; кез-келген қала тұрғыны шаһар туралы өзінің пікірімен не болмаса алған әсерімен бөлісе алады, қаланы жаңа тұрғыдан танып, мол ақпарат жинай алады, өзге де адамдардың пікірін біле алады. Жоба қаланың Сарыарқа, Алматы, Есіл сынды 3 ауданын қамтиды.

Айта кетейік, «Сәлем, Астана» жобасы қала тұрғындары арасында, онымен бірге қала тұрғындары мен шаһар арасында байланыс орнату үшін қалалық сәулет пен «ақылды қала» технологиясын қолданатын PlayableCityхалықаралық жобасының негізінде құрылған.

Айта кеткен жөн, өңірден әкелініп жатқан азық-түлік өнім көлемі артуда, деп хабарланды әкімдіктің медиа орталығынан.

Жыл басынан елорда тұрғындары мен қонақтары ауылшаруашылық жәрмеңкелерден 12 мыңнан астам азық-түлік өнімін сатып алды. Бүгінде 32 жәрмеңке өткізілген, дегенмен өңірлерден тасымалданып жатқан азық-түлік өнім көлемі селеп артуда.

Мәселен, ағымдағы жылдың наурыз айында небары 300 тоннаға жуық азық-түлік өнімі сатылса, бүгінде астаналықтар бір келгенде 1000-ға жуық тонна азық-түлік өнімін сатып алады. Ауылшаруашылық басқармасынан хабарланғандай, бақша өнімдері, көкөніс, жеміс-жидектер мен қант өнімі елорда тұрғындарының жоғары сұранысына ие.

«Қарбыз, қауын тез сатылып кетеді. Қазір «тосап» маусымы болғандықтан жеміс-жидектер, көкөністер, қияр, қызанақ, картоп тез сатылады. Ет өніміне сұраныс азайды», — деді Ауылшарушылық басқармасы азық-түлік қауіпсіздігін қамтамасыз ету бойынша бөлімнің басшысы Ризагүл Мүслімова.

Оның сөзіне қарағанда, азық-түлік өнімдері белгіленген әрі бекітілген баға бойынша сатылады. Саудагерлердің бағаны қымбаттатуға құқысы жоқ. Мәселен, ет өнімі әдетте 1250 теңгеден сатылады, ал базарларда бұл баға 1800-ге дейін жетеді.

«Біз азық-түлік өнімін бекітілген баға бойынша сатпаған кәсіпкерлерді жазалаймыз. Баға нарыққа байланысты қойылады. Кей кездері тұрғындар баға базарларда әлдеқайда төмен деп шығамданып жатады. Бұл шындық, нарыз заманы, саудагерлер өз сатушыларын жоғатлып алмауы үшін бағаны төмендетіп өздігінен реттейді», — деді Ризагүл Мүслімова.

Ауылшаруашылық басқармасынан хабарлан, андай, тазалық пен тәртіп арнайы қызметтің күнделікті бақылауында. Санитарлық дәрігерлер барлық азық-түлік өнімін тексереді.

Өңіраралық жәрмеңкелер Астанада қазан айына дейін өткізіледі. Бұл ЭКСПО көрмесі кезінде халықты азық-түлік өнімімен қамтамасыз ету мақсатында жасалынады. Жәрмеңкелер «Қазақстан» СК тұрақ аумағында және «Алтай» СО-да өткізілуде.

Астана қаласының әкімі Әсет Исекешев Беларусь Республикасы Премьер-министрінің орынбасары Анатолий Калининмен екіжақты кездесу өткізді.

Беларусь делегациясы елордамызға ЭКСПО-2017 көрмесінің құрылыс нысандары саласында, қалалық инфрақұрылым, коммуналды шаруашылық басқармасы секторында Астананың тәжірибесін үйрену үшін келді.

Кездесу барысында тараптар сәулет және қала құрылысы, смарт технологияларды қолдану, қалалық шаруашылықты басқару, энерготиімді жасыл құрылыс стандарттарын қолдану, қоғамдық көліктің жұмысы, аумақты абаттандыру саласында ынтымақтастық мәселесін талқылады. Энерготиімді технологияларды қолдану мен қалаларды дамыту саласында ынмақтастық орнату және тәжірибе алмасу басты әрі өзекті мәселе болды. Оған қоса қос тарап коммуналды техника және жабдықтар өндірісі саласында өнеркәсіптік кооперацияда ынтымақтастық мәселесін талқылады.

Онымен бірге Беларусь елінің делегациясы Астананың Бас жоспарымен танысып, қала басшылығымен қосымша кездесулер өткізді.

Естеріңізге сала кетейік, Елбасының тапсырмасы бойынша Астанада 2020 жылға дейін қаланы дамыту бағдарламасы іске асырылуда, оған сәйкес Астана шаһары өзін ақылды әрі қауіпсіз қала, өңір шеңберінде инвесторлар мен инновациялар үшін өңірлік халықаралық орталық ретінде қалыптастырады.

«Astana» ӘКК» Ұлттық компаниясы «Астана қаласында көше саудасын жүргізу үшін павильондарды орналастыру туралы» жобаның аясында жер учаскелерін жалға беру келісімшартына ие болу үшін өтініштерді қабылдау басталды, деп хабарланды әкімдіктің медиа орталығынан.

Жобаға қатысу үшін өтініштер ағымдағы жылдың 7-21 тамыз аралығында smart.astana.kz/ru/competition сайтында қабылданатын болады.

Өтінім берген кезде мына құжаттарды тіркеу керек: өтініш-анкета (үлгі); жеке кәсіпкерді немесе заңды тұлғаны тіркеу туралы куәліктің көшірмесі; өкілдің өкілеттігін куәландыратын құжат (қажет болса); өтініш берген кезде салық бойынша қарызының жоқ болуы туралы анықтама;

Өтінімдер тек шағын және орта кәсіпкерлік субъектілерінен ғана қабылданады.

Байқауды өткізу мен өтініштерді қабылдау бойынша келесі мекен-жайға хабарласуға болады: «Astana» ӘКК» ҰК» АҚ байланыс телефондары: Астана қ., Есіл ауданы, Д. Қонаев к., 8 үй, 1413 кеңсе, тел. 8 (717) 261-35-54.

Астанада қала мәселелерін шешуге арналған ашық мәліметтер бойынша хакатон өтті.

2017 жылдың 5-6 тамызында Astana Innovations Challenge ауқымды стартап-марафоны аясында ашық мәліметтер (Open Data) негізінде қала міндеттерін жүзеге асыратын жобаларға арналған бірінші хакатон өтті.

Стартап-марафонды Астана қаласы әкімдігі атынан «Астана Innovations» АҚ мен MOST бизнес-инкубаторы бірлесіп ұйымдастырды.

Хакатон – ашық мәліметтер негізінде сервистер мен мобильді қосымшалар жасау арқылы қаланың технологиялық мүмкіндігін шешу мүмкіндігі.

Қатысушылар өз жобасымен жұмыс жасау барысында сарапшының қолдауына және нетворкингке арналған алаңға қол жеткізді. Ал үздік үш команда жүлде қоры 500 000 теңгені өзара бөлісті.

Бағдарламалық қамту саласындағы құрастырушылардан дизайнерлерден, маркетологтардан, сарапшылардан құралған команда Астананы одан әрі жақсарту үшін бас қосты.

Іс-шарада құралған командалар 48 сағат ішінде қосымшалар прототипін жасап, өнертапқыштық бағдарламалау машықтары мен мәліметтерді өңдеу бойынша өзара жарысты.

Хакатонның бірінші күні бірқатар ақпараттық және білім беру сессиялары өтті. Оның барысында шақырылған сарапшылар ашық мәліметтермен қалай жұмыс істеу керектігін айтып берді. Менторлар мен қазылар ретінде тәжірибелі кәсіпкерлер, сарапшылар мен мемлекеттік құрылым өкілдері қатысты.

Ашық мәліметтердің басты мәні (open data) – билік органдары жұмысының ашықтығын арттыру, тәуелсіз құрастырушыларға қосымшалар мен сервистер жасауға жаңа мүмкіндіктер жасау, қаланы өз күштерімен жақсартуға жол ашу.

Бүгінде ғаламтор желісінде «Астананың ақкөңілділер клубы» деген атаумен танылған қайырымдылық қозғалысының мүшелері қарттар үйінің тұрғындары мен ерекше күтімді қажет ететін балаларды ЭКСПО көрмесіне апарып, экскурсия өткізді, деп хабарлайды елорда әкімдігінің медиа орталығы.

«Қарттар үйінің 60 тұрғыны мен ерекше күтімді қажет ететін 15 баланы ЭКСПО көрмесіне әкеліп, экскурсия өткіздік. Ата-әжелеріміз бен балалардың қуанышын айтып жеткізу мүмкін емес», — дейді «Астананың ақкөңілдер клубының» негізін қалаушы Гүлмира Абдрашева.

Оның айтуынша, бүгінде еліміздегі ірі қозғалысқа айналған аталмыш клуб алты қалада жұмыс істейді. Қозғалыс мүшелері-еріктілеріне қойылатын басты шарт жақын кенттерді қамқорлыққа алып, сол жердің тұрғындарымен жұмыс істеу.

«Астананың ақкөңілдер клубы» елорда маңындағы бірқатар ауылдарды қамқорлыққа алды. Атап айтқанда, Атбасар қаласы, Колотун, Семеновка ауылдары бар. Жақында олардың қатарына Новоишимовка ауылы қосылды», — деді Г.Абдрашева.

Айта кететіні,«Астананың ақкөңілдер клубы» әлеуемттік аз қамтылған отбасылардан бөлек, бүгінде қараусыз қалаған жануарлар мәселесі, қаланың санитарлық тазалығына қатысты бастама көтеріп, нақты жұмыстар істеп келеді.

ЭКСПО-2017 Халықаралық мамандандырылған көрме аясында демалыс күндері тауарөндірушілердің ауылшаруашылық жәрмеңкесі өткізілуде.

Қала тұрғындары мен қонақтарына бұл жолы Қостанай облысының тауарөндірушілері өз өнімдерін ұсынды.

Осылайша азық-түлік өнімдерінің түрімен және баға саясатын білу мақсатында қала әкімі Әсет Исекешев жәрмеңкеге барды. Қостанай облысының басшысы Архимед Мұхамбетов Астана қаласының әкімін өңірдің ауылшаруашылық секторымен таныстырды"

Шара бағдарламасында отандық ауылшаруашылық өнімінің бәсекеге қабілеттілігін арттыруға бағытталған ауылшаруашылық кешеннің жетістіктері көрсетілді.

Қостанай облысы әкімдігінің мәліметтері бойынша, екі күн бойы облыстың 3 қаласынан, 11 ауданнан 50-ден астам кәсіпорын ауылшаруашылық өнімін сатуда. Атап айтқанда: Алтынсарин, Әулиекөл, Жітіқара, Қостанай, Қамысты, Қарабалық, Мендіқара, Наурызым, Таранов, Федоров, Ұзынкөл аудандары, Аркалық, Рудный, Қостанай қалалары.

Жалпы 650 тонна ауылшаруашылық өнімдері жеткізілмек, оның ішінде: ет және ет өнімдері – 33 т, сүт өнімдері – 90 т, шұжық және еттің жартылай дайын өнімдері – 59 т, жарма және макарон өнімдері – 72 т, нан және тоқаш өнімдері – 70 т, ұн – 93 т, 72 мыңнан астам дана жұмыртқа.

Азық-түлік өнімінің 100-ден астам түрі ұсынылады.

Айта кетейік, қала тұрғындары мен қонақтары азық-түлік өнімдерін жәрмеңкеде базардың бағасынан төмен сомаға сатып ала алады.

Әлеуметтік кәсіпкер, «Green tal» шеберханасының жетекшісі Эмин Әскеров әлеуметтік аз қамтылған азаматтарды тігін және ағаш цехтарында оқытып, үздіктерін жұмысқа қабылдайды, деп хабарлайды Астана әкімдігінің медиа орталығы.

«Әлеуметтік жоба аясында әлеуметтік аз қамтылған азаматтарды тігін және ағаш цехтарында оқытып, үздік мамандарды жұмысқа қабылдаймыз. Екі жылдың ішінде шамамен 150-ге жуық азаматты оқытып, оның 20-ға жуығын әлеуметтік щеберханаға жұмысқа қабылдадық», — дейді кәсіпкер Эмин Әскеров.

«Green tal» шеберханасының жетекшісі Эмин Әскеров әлеуметтік аз қамтылған азаматтарды оқытып, үздіктерін жұмысқа алады.

«Сонымен қатар алғаш рет менталды ауытқуы бар азаматтарды оқытып бастадық. Оның үшеуі тұрақты жұмыс тапты. Жақын күндері тағы біреуі орналасады. Менталды ауытқуы бар 90-нан астам адам жұмыс кезегінде тұр», — деді «Green tal» шеберханасының жетекшісі.

Аталған шеберхана кез келген әлеуметтік аз қамтылған әлсіз топқа жататын азамттарды тегін оқытуға дайын. Үш топтағы мүгедектер, көп балалы аналар, есту және сөйлеу қабылеті төмен және жетімдер үйінің түлектерінің шеберханадан кәсіп меңгеріп, әрі қарай жұмысқа орналасу мүмкіндігі бар.

Шеберxана басшыларымен байланыс орнату үшін:

«Green tal» Эмин Аскеров, мекенжай: 187 көше, 21 үй, Green TAL әлеуметтік шеберxанасы

28 шілде-6 тамыз аралығында жасалған бақылаудың нәтижесі бойынша, қырыққабат (22,0%), картоп (9,4%), жұмыртқа (0,7%) бағасы айтарлықтай төмендеген.

Статистикалық мәліметтерге сәйкес, әлеуметтік маңызы бар азық-түлік бағасының индексі ай басынан 97,4%құрайды, жыл басынан 108,5%.

«Кеңмарт» СО және «Астықжан» СО ағымдағы жылдың соңына дейін тауардың 10 санаты бойынша азық-түліктің 67 өніміне өз бағаларын бекітті: (тауық еті, сүт өнімдері, гастрономия, тәтті сусындар, жартылай фабрикат өнімдері, сұйық май, нан және тоқаш өнімдері).

Қант бағасын тұрақтандыру мақсатында тексеру жүргізілуде. Қанттың бағасы 260 тг/кг болып бекітілген.

«Астықжан», «Кеңмарт», «Магнум», «Шапағат», «Апрель», «А2» желісі, «Встреча», «Алма» супермаркеті, «5 минут» сауда жүйесі секілді 33 сауда нысанында азық-түлік өнімдері іске асырылады

Қала билігі қаладағы «Астықжан», «Магнум» және «Шапағат» сауда нүктелерінде әлеуметтік маңызы бар азық-түлік бағаларын қатаң бақылауда.

2017 жылдың наурыз айынан 32 өңіраралық жәрмеңке өткізілді, онда 12 мыңнан астам азық-түлік өнімі сатылды.

5-6 тамызда «Қазақстан» спорт кешенінің көлік тұрағы аумағында Қостанай және Атырау облыстарының жәрмеңкесі өтеді.

9 қыркүйекте «Сарыарқа» велотрегінде ЭКСПО-2017 Халықаралық мамандандырылған көрмесіне арналған кәсіби бокс кеші өтеді. Көптен күттірген бокс кеші өтпек, атап айтқанда бокс саңлақтары Қанат Ислам мен Брэндон Кук арасында жекпе-жек өтеді.

Кештің басты айқасында қарсыластар 1-ші орта салмақ дәрежесінде WBA Inter-Continental және WBO-NABO версиясы бойынша титулға өзара бақталасады. Айта кеткен жөн, қазіргі уақытта біздің еліміздің мақтанышы, бокс саңлағы – Қанат Ислам — бұл титулдардың иегері.

Рингте танымал қазақстандық боксшылардың қатысуымен 8 жекпе-жек өтеді. Олардың ішінде — Жанқош Тұраров, Жәнібек Әлімханұлы, Мейірім Нұрсұлтанов, Руслан Мырсатаев, Али Ахмедов, Айдос Ербосынұлы, Димаш Ниязов және Руслан Жаңайбаев сынды мықты спортшылар бар.
Бүгін, 4 тамызда Қанат Ислам, Жанқош Тұраров және Нұрсұлтан Жаңайбаев жаттықтырушылардың делегациясымен Нельсон Лопестің басшылығымен Алматыдан Астана қаласына келеді.

Кәсіби бокс кешінің Бас серіктесі – ҚР мәдениет және спорт министрлігі, «Самұрық-Қазына» әл-ауқат қоры, Астана қ. әкімдігі, ZHERSU” инвестициялық өндірістік корпорациясы, «QAZAQ Promoutions» және «Nelson Promotions» промоутерлік компаниялары.