Маңғыстаудағы Домбыра Party-дың маусымашары!

• Домбыра Party
• 22 сәуір 2014, 04:11

2014 жылдың сәуір айының 21-інші жұлдызында Маңғыстауда Домбыра Патидың биылғы маусымы ашылды! Ашылуы керемет өтті.Қаламыздың тұрғындары, патидың тұрақты көрермендері риза болды. Соңғы рет Домбыра Пати 2013-тің 30 тамызында өткен болатын.Алдағы уақытта аптаның әр бейсенбі күні 14ш/а теңіз жағалауында, сағ 20:00 де кездесетін боламыз! Жалпы әдемі маусымашар болды!
Жиналған көрермендер де көп болды..



Бауырсақтан алыңыздар!

Жанар Айлашова апамыз

Жарху Ардақ





Уайс Ерсайынұлы ағамыз


Суреттерді түсірген Талант Құсайын ағамыз!

Жалпы видео, суреттер толықтай ФБ-дағы Домбыра Party тобында бар!
Маусымашарда дастархан жайып, шұбат, бауырсақ әкеліп демеушілік еткен Ақтау қалалық жастар орталығына алғысымыз шексіз!

Әрі қарай

Ақтауда өткен Домбыра Party-ды бір есімізге түсіріп жіберейік!

• Домбыра Party
• 31 желтоқсан 2013, 05:27

Домбыра — думан!!!

Аталардың жолымен жиған үлгі
Домбыраның шанағына сыйған үнді,
Құдіреті қос ішектің дәлелдесін
«Қазақ» болып атадан туғанымды!

Шабыт берсін шалқыған кеуделерге
Желбіретсін желкенді туларымды!
Әсем әуен төгілген пернелерден
Көріңіздер, домбыра думанымды!

Суреттейтін тұлғасы тау елесін
Абыл, Ақтан, Нұрымдар жебегесін,
Паш етіп даламдағы дархандықты
Жеті қайқы саздары әуелесін!

Қалықтаса көгімде бала қыран
Талмасын деп қанатың салам ұран!
Құрманғазы, Дина мен Есір болып
Күй төгілсін киелі шанағыңнан!

Сағым болып жортады құмай тазы
Ата сөзін баталы ұл айтады,
Қашаған, Аралбайдың дастандарын
Жаттап жүрген ұлдарың жыр айтады!

Сырға толы Шәмшінің саздарымен
Маңғыстаудың таулары мұнартады.
Дүбірлеткен даланы дара үнді
Құлақ тігіп, тыңдай ма шың арқары?

Тебіреніп, толқынымен тербегендей
Асау теңіз жуасып, сыр айтады,
Домбыраның шанағында дөңгеленген
Менің жаным дүниеге құмар тағы!

Нұргүл Маулина, ақын.

Бізде Ақтауда алғашқы Пәти 23-інші мамырда 14 шағын/аудандағы теңіз жағалауында өткен болатын.Ол туралы Абылай kerekinfo.kz/blog/10647.html жазған болатын.Осы Домбыра Party бізге көп пайдасын тигізді.Оны әрине Ақтаулық пәтишілер біледі.қызықты оқиғалар да көп болды.)Айтыста, тартыста бәрі болды… Ал мен сіздермен керемет естелік, суреттер мен видеолармен бөлісейін!

Әрі қарай

Домбыра party. Үздік суреттер.

• Домбыра Party
• 21 қыркүйек 2013, 23:44

Домбыра party-ға фото қортынды жасап жіберсек. Осында сәтті шыққан суреттеріңізді жүктеңіздер. Мүмкіндік болса суреттің қашан? қай жерде? кім түсіргенін және суреттегі кімдер екенін жазып отырыңыздар.
Мысалы:

"Үш Бәйтерек" Астана қаласы. Party men жігіттер Нұрғиса мен Азамат.

Соңында сәтті шыққан оншақты суретті үлкен форматта (A3,A4) шығарып беремін (астаналықтарға).

Әрі қарай

Домбыра патиден естелік

• Домбыра Party
• 2 қыркүйек 2013, 15:23

Еліміздің түкпір-түкпірінде өткен домбыра-патиді Ақтауда аяқтадық. Сол Ақтауда өткен жаз бойғы домбыра-патиден естеліктер қарай отырыңыздар. Каспий теңізінің жағасы, самал жел, ашық аспан астындағы домбырашылар мен өнер сүйер халық. Тамаша көрініс, тамаша ән-күй…

Соңғы пати

• Домбыра Party
• 30 тамыз 2013, 03:30

Бүгін міне, домбыра-патиіміз де аяқталды. Бүгін де бір өзгеше ерекшеліктері болды. «Соңғы түйенің жүгі ауыр» дегендей, осыған дейін патиімізді өткізіп жүрген «Астана» алаңымыз бос болмай, басқа жерде өткіздік, 7-шағын ауданда Жалау Мыңбаев ескерткішінен төмен қарай теңіз жағасына барып отырдық Тып-тыныш, нағыз пати өткізетін жер екен. Басында жаңа жерге үйренісіп, аздап кідіріс болғанмен, бәрі жақсы өтті. Жиналатын жеріміз ауысқанмен, жиналатын адамдарымыз азайып қалған жоқ. Ән айтылды, күй де тартылды,өнерпаздар бар өнерлерін салды.Әдеттегідей, пати соңында естелік суретке түстік.
Ақтау қаласында осындай ерекше жиын ұйымдастырған бастамашы топқа үлкен рахмет! Аз ғана уақыт болса да, көпке дейін ұмытылмайтын шара болды. Ең әуелі Уәйс Ерсайынұлына рахмет, жастардың басын біріктіре алған,үйымдастырып, бытыратпай соңына дейін болған. Әр патиді көпшілікке жеткізіп жүрген фотограф Талант Құсайн мен Ақсындар Табылдыға рахмет! Біраз достарын ертіп келген Арайлым Қален, Ақниет Асқар, Хазірет Төлегенов деген жастарға Аллаһ алдағы мақсаттарына жеткізсін деген тілек айтқым келеді. Ақын апамыз Нұргүл Маулинаға шығармашылық табыс тілеймін! «60-минут» хабарында арнайылап бір тақырып арнаған Жанар Айлашоваға еңбегі жана берсін демекпін!
Қазақ жастарының жақсы істерде «бір жағадан бас, бір жеңнен қол шығарып», бір мақсатта бірігіп, ұлты, діні, елі үшін жасалар игі бастамалары көп болсын!

Әрі қарай

Астанадағы бір домбыра

• Домбыра Party
• 19 тамыз 2013, 19:27

Жалпы, Домбыра-патилердің орнын өзгерту ықтимал дүние ме? Оң жағада, Кенесары ескерткіші жанында скамейкалармен қатар мынадай домбыра мүсіні бар. Тақырыпқа сай болар ма еді деген ой ғой… Адамдар да көп жүреді онда.
Мүмкін емес болса да, біле жүріңіздер дегенім. Дәл осындай домбыралардың қаланың өзге жерлерінде де бар екенін жорамалдаймын.

Әрі қарай

Сегізіндегі party-дің тоғыз қонағы

• Домбыра Party
• 9 тамыз 2013, 12:04

Бірінші қонақ. Сонау Атыраудан арнайы ат терлетіп келіп, өнер көрсеткен sigma

Әрі қарай

Айтыс. Нұрғиса Асылбек - Мерей Ермұханов

• Домбыра Party
• 5 тамыз 2013, 18:00

Әрі қарай

Ақтау қаласындағы № 10-ыншы ДОМБЫРА PARTY.

• Домбыра Party
• 26 шілде 2013, 19:07

Ақтауда атаулы № 10-ыншы Домбыра Party және open air форматындағы мини-ауызашар өтті.Бұл күннің ерекшелігі-теңізден соққан самал жел патиге қатысшыларды біршама мұздатып та алды. Осыған қарамастан патидің думаны түн ортасы 12-ге дейін жалғасты. Тағы бір ерекшесі- патишілер өздерімен бірге тамақтарын, термосқа құйылған шайын да ала келіпті. Сонымен мұнда ауыз ашар да, ән-күй де болды. Соңын ала атақты өнер жанкүйері, жыршы-термеші Қамбар Оразовтың келе қалғанын қайтерсің?

Пәтидің тұрақты қатысушы өнерпазы Жексембаев Нұрсұлтан

Әрі қарай

Алматыда кеш ерте түседі, әттең

• Домбыра Party
• 26 шілде 2013, 13:26

Кешегі пати патилердің бірегейі болмаса да, жақсы өтті. Арбаттағы жұрттың көзі үйренген бізге, әдейі бұрылып келіп тыңдайды, әдейі іздеп келетіндер де аз емес.

Өнер адамдары да естіп, біліп, қызығушылықтары оянып жатыр. Өткен жолы Асқар Наймантаев ағамыздың сөзіне еріп, Мұқағали ескерткішіне кетіп қалмағанымыз жөн болған екен.

Әрі қарай