Ғарыш пен жердің энергиясын "басқаша" сезетіндер

Блог - aikarakoz: Ғарыш пен жердің энергиясын басқаша сезетіндер
Біреуі жылап тұр, екіншісі теңселіп тұр, ал, басқасы тіпті түсіп қалардай басын жұлқылайды. Оларды еліткен әуен маған да ұнап қалған сияқты. Туыс әпкемнің сонау Шымкенттен келгіштеп кеткені де осы екен ғой…

* * *

Блог - aikarakoz: Ғарыш пен жердің энергиясын басқаша сезетіндер
Қала сыртында орналасқан қажетті мекен-жайды әрең дегенде таптым-ау. «Есіктің алдында көлік қаптап тұрады,» деген сөзі миымда жатталып қалыпты, қымбат көліктер үйірілген зәулім үйді көре сала, бірден сол жаққа бұрылдым. Дәл өзі!

Блог - aikarakoz: Ғарыш пен жердің энергиясын басқаша сезетіндер
"Қақпадан енген соң бірінші емес, оның ар жағындағы үйге кіресің," демек, аноу есік маған керегі". «Мяяя, жиналатын жерлері керемет екен,» деген ой табалдырықтан аяғымнан бұрын аттап қойды.
Ауласынан жан баласы көрінбеген үйге үреймен беттедім. Үйдің ішінен әуен естіледі, шығыс музыкасына ұқсаттым.

Блог - aikarakoz: Ғарыш пен жердің энергиясын басқаша сезетіндер
«Кірсем бе, қайтсам ба,» деп ойландым да, тәуекел етіп, есікті ақырын ашып көрдім. Ерлердің емес, әйелдердің аяқ киімі көп болған соң, ішімде сенім пайда болды. Құдды, әйелдер құтқарушыма айналып кетердей.

Блог - aikarakoz: Ғарыш пен жердің энергиясын басқаша сезетіндер
Үйдің ішін бықсыған ағаштың түтініне ұқсас иіс алып тұр. Алғашында тыжырынып қалғаныммен ұнай бастады: көңіліңді жайландыратын сияқты. Ә, таптым! Бұл — SPA-салондардағы иіс қой.

Блог - aikarakoz: Ғарыш пен жердің энергиясын басқаша сезетіндер
Бөлмеге көз салдым. Бөлме емес-ау, үлкен зал. Төрт қабырғасына да жағалата дивандар мен орындықтар тізіпті. Олардың үстінде қарайып-қарайып жатқан сырт киімдер болмаса, адамдары көрінбейді. Жалма-жан кешігіп келгенім есіме түсіп, өзімді тез жия қойдым.

Блог - aikarakoz: Ғарыш пен жердің энергиясын басқаша сезетіндер
Әуен шығып тұрған бөлмеге жақындадым, есік орнына тұтылған перденің жанына хабарландыру іліпті.

Блог - aikarakoz: Ғарыш пен жердің энергиясын басқаша сезетіндер
Ақырын бөлменің ішіне ендім. 20 шақты адам әуен тыңдап тұр. Балалы әйел мен аяғы ауыр келіншекті орындыққа жайғастырыпты. Бәрінің көзі жұмулы, тек кішкентай бала ғана жан-жағына жалтақ-жалтақ етеді.

Блог - aikarakoz: Ғарыш пен жердің энергиясын басқаша сезетіндер
Кең бөлменің ішіндегі заттың бәрі қоңырқай түсте, жаныңа жайлылық сыйлайтындай. Көзім бірден Иисусты көтерген Мария анаға түсті. "Құдай-ау, қандай жерге тап болдым" деген ой жүрегімді кеудемнен шығарып жіберердей.

Блог - aikarakoz: Ғарыш пен жердің энергиясын басқаша сезетіндер
Жан-жағыма қарап, аузым ашылып тұрғанда бір әйел тұрған орнынан жылжыды да, екінші адамға барып, қолын кеудесіне қойды. Жаңадан бері байқамаппын, бәрінің жанына барып, 2-3 минуттай тұрады екен.

Блог - aikarakoz: Ғарыш пен жердің энергиясын басқаша сезетіндер
Екі қолын адамның мойнына, көкрігеніне, ішіне және қуық тұсына қойса, көзі жұмулы тұрған адам желді күнгі қайыңға ұқсап ырғала бастайды.

Блог - aikarakoz: Ғарыш пен жердің энергиясын басқаша сезетіндер
Блог - aikarakoz: Ғарыш пен жердің энергиясын басқаша сезетіндер

Блог - aikarakoz: Ғарыш пен жердің энергиясын басқаша сезетіндер
Солай тұрғандардың бәріне қолын қойып шықты да, музыка қосылып тұрған аппаратқа қарай жақындады. Аппараттың айналасына қақпағын ашып қойған су толы баклажкалардың үстінен қолын апарды. Бейне бір қолымен суға сиқыр жіберіп жатқандай. Солай бес минуттай тұрды да, музыканы сөндіріп, «кезекпен біртіндеп кіруімізді, қалғанымыз бөлменің сыртында күтуімізді» сұрады.

Блог - aikarakoz: Ғарыш пен жердің энергиясын басқаша сезетіндер
Екінші бөлмеге шығып, шеткі креслоға жайғаса бергенім сол екен, іштен шыққан бір топ адам маған қарай атылды. Қолымдағы фотоаппаратымды сындырып, өзімді ұрып тастардай ентеледі. «Біздің рұқсатымызсыз неге суретке түсіресің? Бұл — біздің жасырынып істейтін тірлігіміз,» дейді. Айналамды қоршап алған олар бажылдап отырып, суреттерді біртіндеп өшіртті. Аяқ жағында арт жақтан түсірілген суретті қалдыруын сұрап, жалына бастадым. Журналист екенімді түсіндірдім. Кейбірі ғана келісті.

Үрпиген қоян ұқсап, шетте отырмын. Әр адам ішке жеке кіреді де, 10-15 минуттан соң шығады. Адамдардың бәрі кетті-ау дегенде бөлмеге қайта кірдім.

Блог - aikarakoz: Ғарыш пен жердің энергиясын басқаша сезетіндер
Төрде тұрған үстелге жайғасқан әйел күліп қарсы алды да, аты-жөнімді көп адамнан тұратын тізіміне қосып қойды. Келген адамның бәрін солай тіркейтін көрінеді.

Есения Александровна — космоэнергет. Алдына келген адамдарды космостың энергиясымен, жердің энергиясымен емдейді, ол үшін айтатын арнайы паролі де бар екен. Айтуынша, дәрігерлер өлімге шығарып салған адамдарды құлан-таза айықтырыпты.

Блог - aikarakoz: Ғарыш пен жердің энергиясын басқаша сезетіндер
Әуен қосылып, адамдар көзін жұмғаннан кейін әрқайсысына энергияның арнасын ашады. Сондықтан адамдар ғарышта қалқып жүргендей теңселе бастайды екен. "Ғарыштан келген энергиямен адам өз-өзін емдейді. Діннің ешқатысы жоқ,"- дейді. Әр емделу курсы 11 күннен тұрады. Өзімен бірге су әкеліп, оған да ғарыш энергиясы құйылады. Бұл су тез айығуға көмектеседі-мыс. Ал, адам жеке кірген соң оның ауруы мен басындағы қиындықтарын Есения «көріп», оның шешілу жолын айтады. Тіпті кейбіреулерді суретіне қарап «оқып», ішкілікке салынып кеткен жерінен айықтырады екен.

«Маған жарнама керек емес, емдеген адамдарымның өзі-ақ клиенттерді көбейтіп жатыр. Күніне 20-30, тіпті 50-60 адам келеді. Әдейі адамдардың жұмыстан қайтар уақытын таңдадым. Ал, күндіз көпшілікке көрінгісі келмейтін жандарды қабылдаймын. Маған жұлдыздар да, „жоғары“ жақта отыратын адамдар да келеді,» дейді.

Блог - aikarakoz: Ғарыш пен жердің энергиясын басқаша сезетіндер
«Жақында ғана Қазақстан емшілер қауымдастығына мүше болдым. Мәскеудегі ұстазым қуанып жатыр. Енді мен де шәкірт тәрбиелеуді жоспарлар отырмын,» — дейді куәліктері мен түрлі ресми хаттарды маған көрсетіп жатып.

Блог - aikarakoz: Ғарыш пен жердің энергиясын басқаша сезетіндер
«Былтыр бір сеанс мың теңге болатын, Емшілер қауымдастығына мүше болған соң екі мыңға көбейттім, төлейтін салықтарымды ақтау керек. Клиенттер қуанбаса, қарсы болған жоқ». Мынау тұрған қобдишаның ішінде бүгінгі «екімыңдықтар» жатыр.

Блог - aikarakoz: Ғарыш пен жердің энергиясын басқаша сезетіндер
Есенияның Грузиядан көшіп келіп, Астанада осылай адамдарды емдеп жүргеніне 5 жыл болыпты. Осында күйеуге шыққан, қазір үш баланың анасы. Әлі жасқа толмаған кішкентайы бар.

«Ешкімге сұхбат бермей, қайтарушы едім, саған неге келіскенімді білмей отырмын,» — деп, жылы жүзбен шығарып салды.

Блог - aikarakoz: Ғарыш пен жердің энергиясын басқаша сезетіндер

Көптің алғысы мен қаржысына бөленіп жүрген Есенияның үйінен шыққанымда қараңғы түсіп үлгеріпті.

Туыс әпкем Шымкенттен жиі келгіштеп, апталап жатып кетіп жүр еді. Соңында осы космоэнергет «алпыс алты мың теңгеңді өртеп жіберіп, шайтандарды қуу керек,» дегеннен кейін Астананы ұмытты.

Бірақ, маған ем жүргенде қосатын әуені ұнап қалды…

Блог - aikarakoz: Ғарыш пен жердің энергиясын басқаша сезетіндер
Бөлісу:

41 пікір

AKY
Ұнап қалғаны нес, сектаға кіріп кетіп жүрме, әхәхәххә)))))))))))))
aikarakoz
Есчо тартам ғо сені
Nurgisa
Аха, тарта ғой AKY'ді, есчо
AKY
Иятсыз ағашкі
MamaAya
Эльвира, таппайтының жоқ сенің!!! Ақылдысың!!! Тек абайла! Жарайсың! Көп нәрсе білмейтініме таң қалған үстіне таң қалып отырмын))) Ана бізден баратын әпшеңнің телефонын берші маған)))
aikarakoz
Астанаға көшіп келіп жүрме
MamaAya
осы себептен көшкім келетінін айтсам, тікелей ғарышқа өзі-ақ жіберер отағамыз!
Adiletshu
Күніне кемінде 20 адам келетін болса 40 мың теңге. Айына 1 миллион 200 мың минимум
Zilola
біреудің қалтасын санауға мастерміз
Adiletshu
Адал жолмен емес, біреуді алдап тауып жатыр. Бұндайларды органдар мамалату керек қой
19852407
Мына бизнес жақсы екен. Екі мың теңгеліктер үйіме күнде өз аяқтарымен келеді. Бизнеске кетем бір күні!
Adiletshu
Шәкірт тәрбиелегісі кеп жүр екен ғой
Abylai
Осындай сектанттардың арасына барып көргім келеді. Мен де ғарыш энергиясына сенемін ))
AKY
Кетіңдернақ, осыдан соған кіріп кетсеңдер, мен құтқарад деп ойламаңдар Эль екеуің
Abylai
Эль екеуміз сені құтқарамыз
AKY
Смайлигің жынды екен
MERmukhanov
9.80, Эль бырат
aikarakoz
Бұл не дегенің, сіңілім?
MERmukhanov
сіңлім.
aikarakoz
Назгүл соқсын сені! Түзейді ғо
Korkem
Жүрегіңнің түгі бар екен, Эль)))
xsanatos
Сектанттар қайда? Мынау сектанттар емес. Космоэнергетика мүлде басқа нәрсе.
aikarakoz
«Сектанттар» деп, тырнақшамен жазғам. Ол интрига болатын
Adiletshu
Ана шармен не істейді екен?
aikarakoz
Просто атрибут қо
ken
Жақсы бизнес екен.
SaryQazaQ
«Ешкімге сұхбат бермей, қайтарушы едім, саған неге келіскенімді білмей отырмын,»
"Ғарыштық энергияң" бар болып тұр ғо, мына әйелді орынбасар қылып алып, секта ашсаңшы
Zhan
 менде осыны айтқалы отыр едім, молодец сұхбат ала алыпты деп. Жарайсың, Эльвира!!!
Arys_arlany
НЛП ғой мынау. басым айналып кетті, зарблады алған соң бармасам
zholantai
ырзамын, ұнады, шымкентте бар ма екен, музыкасын тыңдайтын, маған «С широко открытыми глазами» киносындағы әнебір ән ұнайтын ед
Zilola
Шырақшылардың (аққу-сұңқар) кештеріне барып тұрушы едім, ақпаратты қайдан алатынын сол күйі түсінбей кеттім.

Enigma стиліндегі музыка ма екен?
Adiletshu
Ужссссссссссссссс!
Zilola
ешқандай сектаға қатысып жоқ и, ақпарат бұлағы қызық болды маған, сол күйі миым жетпей кетті
Adiletshu
Тисе терекке, тимесе бұтаққа деп айта береді да
Zilola
ал егер айтқандары терекке де, бұтаққа да дөп тисе ше? ол да сандырақ?
007
Меніде бір танысым шақырып еді баруға жүрексіндім
Makos
«Мяяя, жиналатын жерлері керемет екен,» деген ой табалдырықтан аяғымнан бұрын аттап қойды.

Аяғым Алматыда болғанмен ойым Астанаға ұшып кетті ғой… Бірақ, ойыма ақша керек емес қой, қай жер болса да зеленый
Соңғы түзету:
Simona
Лiбә. Пардон, анау сүлейiп тұрған адамдарды көргенде ойыма басқа эпитет келмедi.
MERmukhanov
Апайдан сұрау керек ед та: космоэнергоны жиып алып, сатайық та, қазір энергия қымбат қо)))) баламалыэнергияңдыссс...
Abilakim
Кезінде "Әлмерек баба" дегендерге сыйынатын топтан 200 теңге алып кеткен едім. Жұрттар табаққа ақша тастайды екен. Бір бейбақ тақиялар тұратын жерге(жалаң бас кіруге болмайды) 200 теңге тастап кетіпті. Басыма киетін топы алып жатқан болып "қағып" кеттім)))