АИТВ мәртебесін енді сілекей арқылы анықтауға болады

ЖИТС-ны алдын алу және оған қарсы күрес орталығы АИТВ-ны анықтауға арналған жедел тестілеудің жаңа әдісін енгізуді жоспарлап отыр, деп хабарлайды Астана әкімдігінің ресми сайты.

«Тестілеу бізде жоғары сапада жүргізіледі. Біздің орталық нәтижелердің сенімділігіне кепілдік береді. Жыл сайын халықтың кем дегенде 10 %-ы тексерістен өтуі қажет. Қазір сілекей арқылы АИТВ-ны анықтау бойынша пилоттық жоба жүзеге асырылуда», – деді ЖИТС-ға қарсы күрес және оның алдын алу орталығының бас дәрігері Сәбит Әбдіраимов.

Болашақта Республикалық орталық Денсаулық сақтау министрлігімен бірлесіп, үкіметтік емес ұйымдардың жедел тестілеуіне мүмкіндік беретін жобаны жүзеге асыруға ниетті. «Дәлірек айтқанда, жүктілікті анықтау сияқты әрбір адам өз мәртебесін жылдам біле алатын болады», – деді С. Әбдіраимов.

Бөлісу:

Пікір жоқ әзірше