Қаланы қардан тазарту шараларына мамандандырылған техниканың 632 бірлігі жұмылдырылды

Барлық тұрғын үй-коммуналдық сұрақтар бойынша Астанадағы iKomek мониторинг және жедел әрекет ету орталығына хабарласуыңызға болады, деп хабарлайды елорда әкімдігінің ресми сайты.

Бүгін қаланы санитарлық тазалауға 1822 жол жұмысшысы шықты. 9 қарашада жолдарға құм-тұз аралас қоспаның 630 текше метрі себілді. Қала сыртына шығарылған қардың көлемі 3968 текше метрді құрайды.

Астана әкімдігі тұрғын үй-коммуналдық мәселелеріне, оның ішінде қар тазалауға қатысты барлық сұрақтарды Астанадағы iKomek мониторинг және жедел әрекет ету орталығына немесе call-орталықтағы 109 номеріне хабарласып, шешуге болатынын еске салады.