Әйел сыры

Қазақ әйелі қандай болуы керек? Әйел – жар, әйел – ана, әйел – келін, әйел – кәсіби маман және тағысын тағылар. Осындай сан түрлі дәрежені шашауын шығармай, қатар алып жүру үшін әйел адамның бойында қандай қасиеттер болуы керек? Қандай білім қажет? Әйел – отбасының ұйытқысы, күллі әулеттің берекесін кіргізетін жан. Алайда заман тынысына сай парасатты ұрпақ тәрбиелеп, отбасын гүлдендіру үшін де әйел адамның игеретін дүниесі аз емес. Отбасын да құрып, мансапта да жетістікке жетіп, не кәсібін дөңгелентіп, өз өмірін ел қызығарлықтай етіп ұйымдастыра білетін қазақ қыздары – баршаға үлгі.
Қыз-келіншектерге тәлім-тәрбие беретін, әйел затының табиғатын сан қырынан аша білетін «Әйел сыры» бағдарламасы көрерменге «Еуразия» бірінші арнасының эфирінен дүйсенбі мен жұма аралығында сағат 13:50-де жол тартып отырады.