Олимпиада бағдарламасына қосылса, Қазақстанға медаль әкелетін спорт түрлері

Қазіргі Олимпиада ойындарына жазғы түрлерден 28, қысқыдан 7 спорт түрі кіреді. Кірмейтін спорт түрлері көп. Олардың біразынан қазақстандық спортшылар мықты болып саналады. Егер бұл спорт түрлері Олимпиада бағдарламасына кіретін болса, қоржынымызға біраз медаль қосылар еді.

Самбо
Олимпиадалар: Олимпиада бағдарламасына қосылса, Қазақстанға медаль әкелетін спорт түрлері
Самбо — елімізде кең тараған спорт түрлерінің бірі. Бірталай Әлем және Азия чемпиондарымыз бар. Бірақ, бұл спорт түрі дзюдоның көлеңкесінде қалып қойды.

Армрестлинг
Олимпиадалар: Олимпиада бағдарламасына қосылса, Қазақстанға медаль әкелетін спорт түрлері
Қол күресінен Әлем бойынша алдыңғы орындардамыз. Еркектерден де, қыздардан да Әлем чемпиондары көп. Ең көп алтын әкелетін спортымыз болар еді.

Шахмат
Олимпиадалар: Олимпиада бағдарламасына қосылса, Қазақстанға медаль әкелетін спорт түрлері
Шахматтан мақтанатын спортшыларымыз көп. Әсіресе қыздар командамыз мықты. Шахмат спорт болып саналса да, Олимпиадаға қосылмайтыны өкінішті.

Бильярд
Олимпиадалар: Олимпиада бағдарламасына қосылса, Қазақстанға медаль әкелетін спорт түрлері
Бильярдың орысша түрінен Әлем чемпиондарымыз көп. Жалпы, бұл жағынан мықтымыз. Бірақ, орыс бильярдын Олимпиадаға қосуы екіталай. Оның орнына снукер қосылатын болса біздің жігіттер снукерге де икемделер еді-ау?

Су асты жүзуі
Олимпиадалар: Олимпиада бағдарламасына қосылса, Қазақстанға медаль әкелетін спорт түрлері
Судың астында жүзуден Қазақстан бұрын мықты еді. Қазір де көрсеткіштері жаман емес. Әлем, Еуропа, Азия кубоктарынан медаль әкеліп жүр спортшыларымыз. Олимпиадаға қосылу ықтималдығы ең жоғары спорт түрлерінің бірі. Егер бұл спорт түрі жүзу федерациясы FINA-ға кіретін болса, алдағы жылдардағы Олимпиада бағдарламасына кіретін болады.

Допты хоккей
Олимпиадалар: Олимпиада бағдарламасына қосылса, Қазақстанға медаль әкелетін спорт түрлері
Қысқы Олимпиадаға кіре алмай жүрген спорт түрі. Қазақстан Ресей, Швеция, Финляндиямен бірге Әлем Чемпионаттарында жыл сайын үздік төрттікке кіреді. Талай рет қола медальді де алдық. Егер қатысушы ел саны көбейе беретін болса, бір күні Олимпиада құрамына кіріп те қалар?

Футзал
Олимпиадалар: Олимпиада бағдарламасына қосылса, Қазақстанға медаль әкелетін спорт түрлері
Үлкен қарқынмен дамып келе жатқан спорт түрі. Ұлттық Құрамамыз Еуропаның қола жүлдегері. Олимпиадада нағыз атой салатын спорт түріміз болар еді.
Бөлісу:

Пікір жоқ әзірше