Түн

Түн. Кішкентай кезімде жек көретінмін. Түн болмаса екен деп ойлайтынмын. Сол кездің ассоциациялары: Аленький цветочек — мамам осы ертегіні ғана айта беретін. Қоңыр көрпе — әжем бізге арнап түйенің жүнінен тіккен көрпесі. Папам ертегі айтқанда кейде осы көрпені иіскейтін. Мамасын сағынған шығар. Қасқырлар — көшеде түнде қасқырлар жүреді деп ойлайтынмын. Мастар — көшеде сәл шу шықса, әне мастар жүр деп қорқытушы еді.
Блог - Basic: Түн
Түн. Он-он екі жастамын. Ауылдағы жазғы түндерді жақсы көретінмін. Ойыннан түн ішінде келетін едік. Қазір есіме түсетіні: Қорқынышты әңгімелер — ол кезде мастардан да, қасқырдан да қорықпайсың. Қорқатының қызыл перчатка, ақ адам, қара радио. Алқа-қотан отырып алып, бір біріңе тығылып, қорқынышты әңгімеден қалш-қалш етіп. Кейде құлағыңды жауып аласың. Не зорлық деймін де қазір. Сосын, көршінің огороды. Ел жатты ау дегенде, іші пысқан балалар көршінің огородына түседі. Не ұрлайды дисіз, баяғы қияр мен қызанақ. Кедйе ауыл сыртындағы орыс шалдың жүгерісіне түсеміз. Үйдегі огород көршілердікінен екі есе үлкен. қиярлар жиналмай сарғайып кетеді. Бірақ көршінікі тәтті ғой.
Сосын Тоқылдақ. Картошка немесе тасты жіпке байлап қойып, ақрын барап терезе жақтауына шеге не скрепке тығып қоясың да, соған іліп анааау жерге тығылып жіпті тартасың. Әлгі үйдің теезесін тық-тық қағып. Ең есуас көршіні таңдаймыз ғой. Бажылдап шығып, тырқыратып қуатын.
Ең әдемі, ең жарқын ассоциация жұлдыздар. Ондай жұлдыздарды кейін көрмеген сияқтымын. Үйге қайтып келе жатып аспанға қарайсың. Жұлдыздар көп болса, ертең жылы болады. Жылы болса, өзенге барамыз деген сөз. Жыпыр жыпыр етіп тұрады ғой. Өздері жап-жарық, үп-үлкен.
Бұл кезде ешкім ертегі айтпайды. Есесіне сенің қиялың Андерсеннің ертегілерінен де ғажайып.
Блог - Basic: Түн
Түн. Бойжеткенмін. Құрсыыын. Дым қызығы жоқ. Үйге жылдам бару керек. қазір тағы сөз естимін ау. Сонда бір қызық болсашы, сол ұрысты естуге тұратындай. Мамаға бір-екі сағаттан кейін келем дейсің де. Ұрысса міңгірлеп «айттым ғой бір-екіде келем деп»… Жүйкеңді тоздырыппын ғой)))
Ғашық болған түндер. Түндер шынымен барқыт қой. Ай ше? Күннен әдемі ғой. Жұлдыздар шынымен жымыңдайды. Әрине, бала кездегідей емес, бірақ сәл болса, сол жұлдызға жетейін деп тұрсың ғой. Қолыңды созсаң болғаны))) Шегірткелердің дауысы не деген тәтті еді. Тәтті жаз, ыстық дем, қысқа түн.
Блог - Basic: Түн
Түн. Қазір түн ұзааақ болса екен деп тілеймін. Енді әдемі жұлдызды түндер экранның мониторында ғана болатын шығар… Балалар ұйықтады, үй шаруасын да бітіргендеймін. Енді бір материалды жазып тастау керек. Ми істемей тұр, тоңазытқышта не бар екен. Қарным ашып кетті ғой. Бутербродымды жеп отырып видеоны қарай салайыншы. Мыналар онлайн боп тұр ғой. Неге ұйықтамайды екен осы жұрт. Қой, киноның жалғасын сосын көрем. Бір сағат жұмысымды жасайын. Әлде ертең ерте тұрып «на свежую голову» кірісейін ба? Ой, білем ғой қалай жасайтыныңды. Өшір давай интернетті… Қой, сағат алты боп қалыпты. Жатайын, ертең ерте тұру керек.
Блог - Basic: Түн
Бөлісу:
  • 13

15 пікір

esilerkesy
Түн. Бойжеткенмін. Құрсыыын. Дым қызығы жоқ. Үйге жылдам бару керек. қазір тағы сөз естимін ау. Сонда бір қызық болсашы, сол ұрысты естуге тұратындай. Мамаға бір-екі сағаттан кейін келем дейсің де. Ұрысса міңгірлеп «айттым ғой бір-екіде келем деп»
Мынау дәл қазір мен кешіп жүрген сезім ғой)))
DinaAbdigalieva
Менің қазіргі сырласым — түн! Түні бойы әлеуметтік желіде әңгіме мен печенье емес әрине, Тек түнде ғана сабағымды оқып, курс жұмысына қарауға мүмкіндік бар. Кейде түнделетіп, біршама істі қопарып тастаймыз ғой:J
Basic
Түн шығармашылық шабыт оянатын кез ғой. Бәрі ұйықтағанда күйбең тіршілік те бір сәт толастайды. Ұтымды пайдалану керек сияқты. Дегенмен, түнде ұйықтамайтындарда организмнің регенерация процессі болмайды деуге болады. Тез қартайғыңыз келмесе, сағат он бірден кешікпей жатыңыз.
Marco
Ыхыхыхы, жұмыстан он бір жарымда шығатын мен сияқтыларға болмайды екен мына кеңес.
gul_satibaldi
Түн. 10 жыл бойы миды жеген холодильник дыбысымен күрескен нерв. Кухняда отырып сораптап шай ішу. Түннің маңызы жоқ екен, былай да, анадай да
asaubota
түнде уақыт неге тез өтеді?
Basic
пайдалы, қызықты, ләззатты (моральдық тұрғыдан да) өткізген соң шығар
Saniya
Мен үшін түн ұйқы уақыты, тек қана ұйқы. Әрине, кейде ауытқулар болып тұрады, бірақ негізі тек ұйқы))
MamaAya
Түн туралы әдемі суреттеліпті. Қазір түндерім Орал Нұрмышеваның әндерінсіз ұйықтамайтын біреумен өтіп жатыр… %)
MamaAya
упс, Нурмаханова гой. Тауықтың объемындай объем, часто портит.)))V_v
ken
не болды сонымен, балаларың қазақша үйренді ма?
MamaAya
Қазақ мектебінде оқимыз, 5 ке✊
Basic
Орал Нұрмаханова деген әже ма? кешірім, бұрын естімеппін. Бесік жырын тыңдап ұнатып отырмын
MamaAya
ия, даусы әженікі. Бізге де ұнап кетті. Той әні мен той бастар деген әндері де әдемі былай. Кішкентай баламыз сол әжені тыңдаса, тынышталады..))) жаттап алдық сөздерін)))
VKM
эх… күн мен түн шатасқалы біраз болды… юхтағым келеді)))