Жақсы дос - жан азығы

Өмірде кездесетін сан алуан қиындықтар мен қуаныштарды бірге көтеріп, ағынан жарылып, сырларын да бөлісіп отыратын жандар бір-бірімен дос бола алады. Достық ұғымына байланысты мақал-мәтелдер, нақыл сөздер жетерлік. Мәселен, " Дос болсаң берік бол, досыңа серік бол ", " Дос жылатып айтады, дұшпан күлдіріп айтады ", " Досы көппен сыйлас, досы азбен сырлас", т.б.
Ата-бабаларымыз кезінде өзінің жан досы үшін өмірлерің қиып, қиындықтарына бірге төтеп берген. Ал, қазіргі таңда жан дос деген некен-саяқ. Көпке топырақ шашпаймын, бес саусақ бірдей емес әрине, алайда кейбір достар өзінің жолдасын қызғаныштан, көреалмаушылықтан бұрыс жолға бағыттатып отырады. Шынайы дос — қашан да бір-біріне адал, арам ойлары жоқ, бір мүдделі, ортақ көзқараста болатын жандарды айтуға болады. Достықтың сақтаушысы, қорғаушысы адалдық пен шынайылық деп ойлаймын.
Дос деген киелі ұғым. Дос — биікке жетелейтін, шыңға шығаратын, көкке көтеретін, қызық қуанышына ортақ, қиындықта демеу болатын жан. Нағыз достар бір-біріне сенім артатын, жақсылығын асырып, жамандығын жасыратындар. Дос табу оңай, бірақ оны сақтау қиын. Бақтағы гүлді дұрыс баптап өсірсең, әдемі, жайқалып өсіп тұрады. Солай, достықты да баптап сақтасаң ұзағынан болады. Сондықтан да достық ұғымы мәңгілік сақталсын, берік болсын десең, өзің дұрыс бағбан болуың қажет. Бұл ұғым биігінен төмендемесін десек әрбір адам дос тұрғысынан адал болғаны абзал. Сонда ғана достықтың құны жоғары болары анық. Ал, сіздер үшін қазіргі уақытта достық ұғымы базардағы бағадай арзан ба, әлде қымбат па?
Бөлісу:

17 пікір

abilbekova_inabat
Мен үшін достық ұғымы — базардағы бағадан да қымбат. Жан құрбыммен бірге жүргенімізге 14 жыл болыпты. Қуанышты да, қайғыны да бірге бөліскен құрбым, базардағы бағадан жүз есе, тіпті, мың есе қымбат. Бала кезден достасқан бәрібір ыстық болады екен.
Sarsembekovna
Əрине, бала кездегі дос əрқашан ыстық болып сезіледі ғой. Достықтарыңыз мəңгі болсын!!!
DinaAbdigalieva
Иә, Инабатпен толық келісем.
Sarsembekovna
Менде толықтай келісемін.
satibaldi
Келісе алмаймын. Дос деген өткінші, алдамшы ұғым. Кеше ғана конгреске қол ұстасып барған сенаторың — бүгін сені республикашылдардың қосынында төпеп жатады. Меніңше, Інжілдегі «Жақыныңды лақтырып кет, әйтпесе басқа біреу келіп, сені де лақтырып кетед» деген аят дұрыс айтылған.
Sarsembekovna
Əрине, ол өзіңіздің жеке пікіріңіз.
satibaldi
Жоқ, бұл менің қасымда отырған Қасымның да пікірі! Біліп алып сөйлеңіз!
Sarsembekovna
Білгеннен кейін жазып отырмын. Менің қасымдағылар маған адал жандар. Ал сізде, сірə, дос жоқ-ау деймін пікіріңізге қарағанда.
InabatKussainova
Қазіргі алдамшы заманда ңағыз досты табу, әрине, қиын. Сондықтан бір жақтан сіздің айтқаныңыз дұрыс. Кейбір кезде дос дегенің өткінші екенін түсінесің. Біз әлі жаспыз ғой. Шынайы достықтың не екенін түсіне алмаймыз, қадіріне жете білеміз деп те айта алмаймын. Дегенмен нағыз дос деген ұғым әлі де бар.
Sarsembekovna
Инабат, сізбен нағыз дос əлі де бар дегенге толықтай келісемін.
alya
Әрине қымбат. Дос деген жүректері бөлек, тілектері бір жандар емес пе?! Сондықтан да өмірімізді таспен емес, доспен қалайық!))
satibaldi
Жақсы дос — жан азығы
Жаман дос — тән азығы
Sarsembekovna
Əйтеуір кері сөйлейсіз де тұрасыз. Бір жақпадық қой сізге))))
Ispek92
ЛайфХаҚ: тақырыпта нүкте болмайды
Sarsembekovna
Жақсы, енді ескере жүремін.