Қыздар Кездесуге қалай киініп бармау керек!

Ана жақты бір қыз "қандай үлгідегі қыз көзге түседі?" деп сауалнама ашыпты. Жауабын бердік те, кездескен қыздарымыздың, досымыздың басынан кешкен оқиғаларындағы қыздардың киім үлгісін еске ала бастадық. Осылайша рейтингін жасаған ек.

Спорттық киім — ешқашан киюге болмайтын киім!
Осыдан бірнеше ай бұрын бір керемет орыстың қызымен кездесуге келістік. Шашы қоңыр, көк көзді, әдемілігі мен ақылында дау жоқ енді. Менің үстімде кажуал, көзілдірік пен қолымда сыйлығым бар. Мен білмес қаладағы кездесу болған соң жақын маңнан жақсы кафе қарастырып қойды. 2Гис-тің арқасында. Сәл қобалжып күтіп отырсам, алыстан бір «найкидің» крассофкиімен, «найкидің» бомберін киіп келе жатқан қызды көрдім. Романтика да, гүл де, кафе де жөнімен қалды. Сәл қыдырып, үйімізге кеттік. Спорт киімін киген қыздардың «нәзіктігі» болмайды ма, сондай бір бәле. Спорттық киімдер бірігіп ел аралауға жақсы ғой, алайда алғашқы кездесу мен үлкен (немесе "үлкен") жоспарлар үшін емес.


Үлкен тақа
Менің бір қызым болды, қызым болғанда хат жазысып, кездесіп, қол ұстасып жүрген бір қызым, өз қаласында "Қала аруын", одан кетті "Қазақстан аруы" ма, әйтеуір, сондай бір бәлеге қатысқан. Соңынан жүгірген жігіттері мен инстаграм мен вк-дағы подписчиктерінің саны 500-ден асқан, талайды арманына айналған қыз ғой. Ортақ жоба бойынша жұмыс жасаған едік, солай жақындасып кетті. Сөйтсе не керек, менің қалама келді, сол жоба бойынша. Кездесеміз деп келістік. Қырынып, таранып, әрленіп барсам — ана қыз еңкейіп менімен амандасып жатыр. Еңкейіп болғанда оңтүстіктің келіндері секілді емес, былай, бойы ұзын болғасын. Сөйтсем аяғында биік тақа екен. Не билей алмайсың, не үйіне шығарып салған сәтте дұрыс сөйлесе алмайсын, әйтеуір іштей ыңғайсыздық бар. Киінгені бәрі келісті, алайда, осы тақасын айтамын да…


Биік тақадан жаман не болуы мүмкін екен деп отырсам, бар екен. Иә, досымның басынан өткен оқиға. Осыдан екі жыл бұрын, 1 жыл кездесіп жүрген қызына керемет сый-сыяпат жасауды қолға алды. Көмектестік біз де. Шарлармен әрледік бір үйді, смокинг кидірдік, тағысын тағы дегендей. Екінші күні ренжулі келді. «Барлығы жақсы ғой, тек ол кездесуге былғары шалбар киіп келді. Былғары шалбар, түсінесін бе, Карл!» дейді. Түсіндік. Кейін бұның барлығы әзілге айналды, ал ана қыз былғары шалбарын жағып жіберді.


Қазіргі кезде қыздардың арасында модаға айналған бір киім — белден жоғары созылатын джинсы шалбар. Соның мәнін әлі де түсініп, әдемілігіне көз жеткізе алмай жатырмын. Тек, қызды сәл арық қып көрсетеді демесеңіз. Ондайды көбіне 16-17 жастағы кішкентай қыздар киеді. Сол үшін де, інілерімнің бірі қырылысып қалды қызымен. Театрға барғанда осылай киініп барғаны үшін. Бауырымдыкі дұрыс емес деп айта алмаймын.


Бір қызығы, ондай-мұндай жағдайларға «стиль иконасы» деп саналатын қыздар да, жігіттерді жақсы білетін арулар да тап болады екен.
Пы.сы: бірақ, дос-группаластардағы жігіттердің айтуынша, өздерінен үлкен қыздар киімімен бір рет те көңілдерін қалтырмаған екен.