Алжасты ма жаңбыр жауды бір күні...

Қазақша әндердің сөздері: Алжасты ма жаңбыр жауды бір күні...

Қай жылы еді есімде жоқ дала әппақ ,
Біздің жақта жауып жатты қар әппақ.
Алжасты ма жаңбыр жауды бір күні
Ауыл жұрты қалған еді алақтап…

Сормаңдаймын, жанымды ұқсын енді кім,
Сол жауынға ұқсап тұрмын мен бүгін.
Қарғам, мені ғашық еттің өзіңе
Не болады, не болады ендігім?..

Бесігінде тербетілген бар ұлым,
Бесік тербер бір бейбақтың жарымын.
Саған менің махаббатым не керек,
Жаздан ғана жауын күткен жарығым…

Бәрін білем, білем бәрін сөз бар ма?
Сенің арнаң менікінен өзге арна.
Сені сүймеу мүмкін емес алайда
Шыққыр мынау маңдайымда көз барда…

Не істе дейсің, көзімді ойым тасташы,
Кетейін мен қара түнмен астасып.
Содан кейін жүрегімді ал суырып
Екеумізге мәлім сосын басқасы.

Сормаңдаймын, жанымды ұқсын енді кім,
Сол жауынға ұқсап тұрмын мен бүгін.
Мен қаңтарда жауған жаңбыр болдым-ау
Не болады, не болады ендігім?..
Бөлісу:

6 пікір

qonyrbai
Жақсы ән екен. Жақында шыққан ба? "Қайран жеңгемді" орындауы өте ұнайды.
merekeee
Бірнеше жыл болған сияқты, естігеніме көп болды. Тек, қаңтар дегенін ақпан деп жаттап қалыппын. Сондықтан, кеш тауып отырмын.
MickThatsMyNick
жақсы орындаушы, өзекті тақырыптарды қозғайды, бұрын тамаша сахнасынан көретін едік, әзілдер арасында шығып жүретін
MickThatsMyNick
Бауыржан Бекахмет деген де әнші бар сырнаймен термелететін.
merekeee
Тыңдаймын, танимын. «Интернатта қара нанды жеп едім, бірақ оны қара екен демедім», ешкі орнына теке сатып алған шал-кемпір жайлы, он екі әйел жіберіп барып, гәп өзінде екенін түсінген адам жайлы термелерін тыңдап өстік түрін білмесек те. Кейін көрдік қой түрін )
Abilakim
Бір жылы «Алтын дауыс» па бірдеңе деген номинацияның иесі атанған.