Блогиада: мақсаты, мәні және мәнсіздігі.

БЛОГИАДААРАЛЫҚ САЙЫС: Блогиада: мақсаты, мәні және мәнсіздігі.

Бұл көптен жүрген ой еді. Қума ой, қисық пікір, асқынған аллегория күтпей, езуіңіздегі күлкіні жинай отырып, барынша салмақты түрмен оқып шығуға тырысып көрші дос!
Блогиаданың мақсаты не еді? Ұйымдастырушылардың ресми сөздерін ресми сайттан қиналмай тауып аларсыңдар, менің миыма келген ойларды тізбектеп шығайын:
— Әшейінде ауыз жаппағанымен жазуға келгенде желкесінен жалқаулық мініп алатын қазнеттің тұрғындарына бір стимул;
— Бір қуыста жүріп алып, жазғанын ешкімге көрсетпей немесе көрсете алмай жүрген бала-шағаға жарыққа шығуға мүмкіндік жасау;
— «Біз бармыз!» деп шекеден күле қарайтын өзге тілді блогерлерге дөңайбат көрсету;
— Бір-біріңмен тәжірибе алмасу;

БЛОГИАДААРАЛЫҚ САЙЫС: Блогиада: мақсаты, мәні және мәнсіздігі.

Бірақ не көрдім? Шынын айтайын, тек қана «Лайк үшін өмір» көрдім. Барлығы деп айтсам айып болар, бірақ басым көпшілік қатысушылар «аты шықпаса жер өртеуге» тырысты. Ия, «жарыс сонысымен қызық қой, онда тұрған не бар құдаяу?!». Түсіндірейін. Ол үшін аздаған түсіндірме:
Менің пікірімше блогер – өзіндік қолтаңбасы бар, жазбасына қарап авторын танитын, мүмкіндігінше салалық жазбамен айналысатын адам. Салалық алаң кішірейген сайын сапа да арта береді. Ал блогиадада бір тақырыптағы жазбаның 80 пайызы бірсарынды. Бір жазбаны оқысаң болды, қалғандарының суретіне қарап не туралы екенін мөлшерлей бересің. Және жаңалық жеңген жазбалар болды. Бұл кәдімгі кез-келген журье жаза алатын нәрсені қазіргі мен сияқты ерігіп отырып ұсынуға болатын шығар, бірақ блогиада үшін беруді өз басым кемсіту деп санадым.
Әлқисса, 80 пайыз жазба ұқсас болған соң ғана біздің қатысушылар ерекшелініп, «жер өртеуге» кірісті. Бірақ, жазба стилінде «оттай жанып» тұрған ештеңе болмаған соң бәрі бекер еді. Сондықтан жоғарыда айтылған «лайк үшін өмір» блогиада салмағын тым жеңілдетіп жібергендей болды…

БЛОГИАДААРАЛЫҚ САЙЫС: Блогиада: мақсаты, мәні және мәнсіздігі.

Қазылар… Құрметті қазылардың кәсіби деңгейіне шегім жоқ. Бірақ жоғарыда айтылған нәрселерге бейресми, жалпылама түрде болсын бағыт сілтеп, бір ауыз кеңес айтар деген үміт болды. Бірақ… қате санап, «қара тізім» жасағаннан аса алмадық. Түсінемін, уақыт, қатысушылардың көптігі, жеке сараптамаға келгендегі қиындық… Дегенмен қазы атануға келісімін берген соң ауыздарына қарап отырған жамағатқа бір уағызын арнауға уақыт табуға міндетті деп санаймын.

БЛОГИАДААРАЛЫҚ САЙЫС: Блогиада: мақсаты, мәні және мәнсіздігі.

Ұсыныс. 1. Блогерлер үшін. Әсіресе жастарға. «Қасқыр» аға-апаларыңа еліктемесеңдер. Олар өз дегенін айтып, мойындары қатып кеткен адамдар. Сендер өз жолдарыңды іздеңдер. Біреуді жазбасы көбірек ұпай алса, дәл сол жазба блогосфераның эталоны деген сөз емес. Ұпай үшін емес, «кәйіптерің» үшін жазсаңдар. Әйтпесе кейбір жазбадан «Қайтсем жоғары ұпай алам» деген күлімсі иіс мүңкіп тұрады… 2. Қазыларға. Сіздерге бірдеңе айту ыңғайсыз. Ұпайларыңызды не үшін қойғандарыңызды айтпасаңыздар да, тым болмаса бала-шаға жазбаны жетілдіру туралы кеңес айта отырсаңыздар. Барлығымыз оқиық. Түзелейік. Сіздердің басты миссияларыңыз жеңімпазды анықтау емес, қазнеттің контентінің сапасын артыру деп түсінемін. Блогиаданың мақсаты орындалсын.
«Дос жылатып айтады». Ұйымдастырушылар да, қазылар да, қатысушылар да менің достарым. Араласып, әңгімелесіп, анда-санда «дүзграммдатып» жүргендер. Бұл жазбаны «кеткен қыздың сандырағы» деп емес, «жанашыр ағайынның ақылы» деп қабылдауларыңызды сұраймын. Ертең керектің фейсбуктегі тобынан шығарылып, сайттағы қара тізімге ілікпеймін-ау деген үмітпен
Алмас Көзілдірік
Бөлісу:

23 пікір

Daniar-Alan
Шынымды айтсам 1 ай бойы «жазам» дегеніңде бір тау қопарады деп ойладым  мынауыңа ешкім ашуланбайды ғо  күлкілі даЧы…
kozildirik
Ал менің жляғым келед (((((
Janasil
банға
kozildirik
Лібә, сендер бүйтватсыңдар, жюрилер келсе уапще ғо))))
kokbori
Базар жоқ, өте орынды
MamaAya
Керемет, но өте жұмсақ жазыпсыз, көзілдірік мырза!
Талай патилерде қолтықтасып, бір-бірі үшін жанын берердей болып суретке түскен блогерлердің арасына сызат салған миллион мен блогиада сияқты боп кетті ғой өткенде.)))) Алыстан қарап отырғанға қызық көрінеді екен, кел!, кет!, кір!, шық! деген балалардың үйшік-түйшік ойыны сияқты ма???))))
Бірақ блогтар ұнап жатыр өзіме. Күтіп жүрем, қуанып оқим, болеть етем «бір жан» үшін. Сол жеңуі тиіс! ))))
kozildirik
Көзілдірік бас әріппен жазылады)))
MamaAya
кешіріңңң, нигіңізге қараппын))))
bizbike
Бір жан үшін? Қай жан екен ол ә? Ойбүй, бірдеңеден қалып қойғандай болып отырғанымды қарашы.
MamaAya
Анар, «А, кто этот жан?»-деген сұраққа жауап беру үшін біраз уақытым кетіп еді, посттарын оқытып, сайтын ашып көрсетіп дегендей. Ренжімеш, ол кім екені миллион кімге бұйыратыны сияқты жұмбақ болсын))) Жақсы жан, ерекше)
ken
гастарбайтер?
bizbike
Мен де сол ма деп ойлап қойғанмын.
Daniar-Alan
но өте жұмсақ жазыпсыз,
соғо айтып отқаным
MickThatsMyNick
мен де блогиадаға қатысып жатқан жоқпын, мынау менің пікірім
ken
қалай болса да, жоғынан бары жақсы емес пе?
OrkenKenzhebek
7,0!
1. Блогиадаралық сайыс болған соң нағыз Блогиаданың тақырыптарынан кем емес эксклюзив, экстраординар дүниелерді көруге іштей бекіп келгенім рас. Ал мынау атақты «Асқар Базарбай инцидиенті» болып кетіп, Ерлан Оспан баллын ашық жаза бастаған, Асқардың өзі Астанаға келіп, Аршаттармен мауқың басып, қауқылдасып кеткеннен кейінгі «мезгілінен сәл кеш сермелген таяқтай» болып тұр.
2. Шынымды айтсам, қандай критерийге сай бағаларымда да білмей басым қатып отыр. Себебі, 1-ші себептегідей, менің түсінігімде бұл пост Блогиадааралық сайыстың талабына келіңкіремейді.
Тақырыптан соң нүкте қойылғаны ұнамайды) ол жағын Назгүл айтар, дегенмен…
kozildirik
Бұл бір апта бұрын жазылған, дау-дамай өршіп тұрған сәтте жазылған нәрсе ғой. ЕнД Сіз аздап кешігіп оқып жатсаңыз, яки мен ерте жариялап қойсам ғафу өтінемін))))
Aya
ааа, жоғарыдағы жеті балл қойывстаған бағалаушы ма?
dark_nazgul
Екі. «Хабардың» ақпараттық-сараптамалық бөліміне кетсеңші.
Gastarbaiter
1) <blockquote>Блогиада: мақсаты, мәні және мәнсіздігі.
Нүкте(((
Минус 1 бал
2)
«80 пайызы бір сарынды»

Бір сарындылық таза субъективті аргумент. Сапасыз, тұзсыз, идеясыз десең бір жөн.
Минус бір бал.
3)
қазы атануға келісімін берген соң ауыздарына қарап отырған жамағатқа бір уағызын арнауға уақыт табуға міндетті деп санаймын.

Келісем. Миллионды 32 блогердің барлығына тегін таратып бергелі жатқандай тондар байқалып қалып жатады, блогиададан тыс әңгімелерде де. Біреуге әрине дөрекі тон жарасады, себебі, ол өз амплуасында, бұрыннан солай сөйлейді. Ал блогиадаға дейін сыпайылықтың символы боп жүрген біреудің дереу гестаполық қаталдық көрсеткені біртүрлі терең комплекстерін жалаңаштап тастайды.
Плюс бір бал.

4)
"Ұсыныс. 1. Блогерлер үшін. Әсіресе жастарға. «Қасқыр» аға-апаларыңа еліктемесеңдер. Олар өз дегенін айтып, мойындары қатып кеткен адамдар."



Даулы ұсыныс. Әлемде үш ақ түс бар. Қызыл, жасыл, көк, қалғаны осылардың әртүрлі комбинациясы.
Біреуге лидерден асып түсу арман, біреуге олардан бірдеңе үйрену қызық. 2007-де Мәссаған, Солай.Де сайтарына аттандап, мен-мендеп келгенімде, менде де "Қазнетке берерім болмаса, аларым жоқ" деген тәкаппар сезім болатұғын.
Көп дүниені кумирлеріме еліктеу нәтижесінде үйрендім. Қазір де топ-10-дықтағылардың меніңше күшті шыққан жазбаларын зерттеп, мені «байытатын» «жұқтырып алуға тұрарлық не бар?» деп іздеймін. Сондай еліктеушіліктен, бірегей, дәмді коктейль шығып, нәтижесінде ешкімге ұқсамайтын бірегей стиліңді қалыптастырмасыңа кім кепіл??
Барлығы: 8 ұпай
Соңғы түзету:
bake
«Біз бармыз!» деп шекеден күле қарайтын өзге тілді блогерлерге дөңайбат көрсету;
соңғы кездері осы бапты қалап жазамын. Лайк үшін жазуды игермей-ақ қойдым  Сосын, сосын «жазбама сын оқу үшін».
Соңғы түзету: