Жайдарманнан аздаған есеп

Бейсенбінің кешінде астаналық керекшілер Домбыра Патиге асықса, мен Конгресс Холлға қарай беттедім. «Жайдарманнан» бөлек, онда баруға тұрарлық себеп болған. (Ол — оқырмандар үшін маңызды емес).

Қазақпыз ғой, 19:00-де басталады деген Жайдарман жарты сағаттай кешікті. Ұйымдастырушыларды түсінуге болады. Түсірім болғасын залдың толып отырғаны керек. Көрермен жастардың жайбарақаттығына қынжылдым. Орнымызға жайғасып алған соң, әзіл-қалжың басталып кетті.

Ұнады

— Бұрын Шымкент қазақша квн-нің отаны еді. «Сөз тимесін», «Көз тимесін» және т.б. командалар болатын. Кейінірек сол жақтың жайдарманшыларының әзіліне жарытып күліп көрмеппін. Есесіне кешегі Астана қаласы әкімінің кубогына келгендердің арасынан шымкенттіктер суырылып шықты. Атап айтатын болсам, Қуатжанның кафеге барған сәті кубокті Оңтүстіктің қолына ұстатты. Очм, Қуатжан — кешегі күннің «жұлдызы».


Сурет Мерейдің инстаграмынан алынды.

— Екінші орын алған Ақтөбеге «базар жоқ» дедім. Әзілдері өтімді. Әсіресе, «Стадионы бар Астанаға, футболы бар Ақтөбеден сәлем» дегені сәтті шықты. Жалпы ақтөбеліктердің жақсы дайындықпен келгені көрініп тұрды.

— Евразия университетінің студенттері де жақсы ойын көрсетті. Ортада тұрып ән айтқан қыз… ням-ням «Айдап кетуге қарсы бла-бла» деген жарнаманы көрсеткенде күлкіден жаттым. Орысша жарнамалардың қателігі туралысы да өтімді болды деп ойламын. Дегенмен, әлгі «айдап кетуге» күлгендер аз болған сыңайлы. Соған қарағанда әлі де көпшілікке бет-аузын қисайтқан әзілдер ұнайтын секілді.

— Аздап боян болса да, Сейфуллин атындағы аграрлық университеті айтқан "- Ракетаның қарны жарылған күн. -Әзіліңнен гептилдің иісі шығып тұр" дегені хошыма кетті.

— «Күлкі терапиясы»! Осы команданың әзілін сүйсіне қараймын. Дегенмен, кеше аздап дайындық жетіспеген сыңайлы.

— Иманғали Тасмағанбетовтың балалық шағы мен қазіргі кезінің жолыққаны туралы әзіл. Қай команда ойнағаны есімде емес. Жалпы арзан әзілден гөрі, Жайдарманда осындай тапқырлық көп болса екен.

Ұнамады

— Ерлан Малаев!!! Бәрі жақсы басталған. Көрермендер үшін де, әнші үшін де. Алайда сахнаған ән айтуға шыққан Ерлан фонограмма пайдаланғаны былай тұрсын, онысын сездіріп алды. Қазақстандық әншілерді бұрыннан жақтырмаушы едім. Оным дұрыс екеніне көзім тағы бір мәрте жетті. Айналдырған бір залға бір әнді өз даусымен айтып бере алмаса, несіне әнші?!



— Дос. Осындай әнші бар екен және кеше келіп жюрилер қатарында отырып, қосымша ән айтып беріп кетті. Іштеріңіз сезіп отырған шығар, плюсовкамен айтты.

— Менің фаворитім «Демеушіміз Болашақ»-тың болмағаны. Нұрболхан «тәпәқ» жаттап жүр ме, кім білсін?