Қызметтестерің тек жігіттер болса...

Әріптестеріңнің арасында әйелдерден гөрі еркектердің басым болғаны қалай өзі… жақсы ма?!

Блог - aikarakoz: Қызметтестерің тек жігіттер болса...

Әрине, қыздар өзіне бәсекелестің көп болғанын қаламайды, қай фронтта болса да  Сондықтан бірден «жігіттермен „істес“ болған керемет» деп, өре түрегелулеріңіз де мүмкін, қыздар қауымы.
Иә, иә, жігіттермен бірге қызмет еткен керемет! Бұл сөзімді қостайтындар да табылады .

Өзім бір кабинетте 5 жігіттің ортасында отыратындықтан тәжірбиесі бар адам ретінде  аздаған кеңес айтып жіберейін. Алдағы уақытта еркек жыныстылардың арасына топ ете қалғанда тірлікті неден бастарыңызды білмей сасқалақтамас үшін

Ең бастысы, жұмыс — жұмыс, әріптес — әріптес болып қалу керек. Жұмыстағы еркектер, жұмыс кеңсесіндегі еркектер   — флирт нысаны емес, тек әріптес қана. Егер біреу ұнап жатса да, білдіртпеуге, сездіртпеуге болады. Мұндайлар жұмыстан тыс уақытқа қалу керек .

Екіншіден, кілең жігіттердің арасына баратын болғандықтан жұмысқа дұрыс киініп келу керек. Алды тым ашық жейде мен қысқа белдемшеден аулақ болу керек. Ашық тұрған жерлерге еркектің көзі түсіп кете берсе, жұмысын істей алмай қалады . Ең тиімді де, кереметі — іскерлік киім.

Үшіншіден, барлық әріптестеріңізбен бірдей қатынаста болыңыз. Олар қылықтарымен сіздің жыныңызды қоздырып, ашуыңызды шақыратын болса да, сабырлылық танытыңыз. Кішкене уақыттан соң үйреніп кетесіз

Төртіншіден, макияж жайында Еркектердің арасында екенмін деп, ерінді қып-қызыл қылып, көзді қап-қара қылып бояудың қажеті жоқ. Одан да күндізгі жеңіл макияжға жүгінген жақсы. Бірақ, жұмысқа боянбай, кемшіліктеріңізді жасырмай келіп жүрмеңіздер, әріптестеріңіз шошып жүрер  Және ешқандай истерика, айқайдың қажеті жоқ!
Бөлісу:
  • 14

29 пікір

Daniar-Alan
Ашық тұрған жерлерге еркектің көзі түсіп кете берсе, жұмысын істей алмай қалады
дәл дәл
asaubota
профессионалдар ашық жерге қарамайды, макияжыңды байқамайды да

маған қыздармен істес болған ұнайды. оларға жігіттерге қарағанда ұрысу, қатты айту оңайырақ және қыздардың бір істі ұқыпты істейтіндері ұнайды. қиын нәрселерді қыздарға тапсыра аламын. егер жұмыс барысында ренжітсем де көңілін табуды да білемін
Zhan
егер жұмыс барысында ренжітсем де көңілін табуды да білемін
Ойбай мына коментіңнен кейін «бастығым болшы» деп жалынғым кеп кетті ғо:
Marco
Менің бір әріптесім болды, ну қазір де бар. Кезінде үш еркек және жаңағы қыз екі жыл бір кабинетте отырдық. Ол ешқайсымызға міндетсімей уборка жасап тұратын. Кейін қысылып өзіміз де мейілінше тазалық сақтайтын болдық.
asaubota
бұрын жұмыстас жігіттер көп болушы еді, ішіп кететінбіз. сосын жұмыстағы кемшіліктерін де айта берсек қатынсығандай болып қалатынбыз, жігіттер ссоын көп сұранып кете береді. обшым қыз жақсы
dark_nazgul
Қыздар сұранбай ма? қайта, қыздардың сыртта шаруасы көбірек емес пе?
Albatros
«жігіттермен „істес“ болған керемет»
)) Әрине керемет. Жігіттерге де "істескен" ұнайды деп ойлаймын.
MERmukhanov
Менің бөлімімде 4 қыз иықтас отырады  
«пациенттен ешқандай жалоба жоқ». Көбі некедегі салиқалы қыздар, шай жасайды, мадестер. Тәп тәуір киінеді. Маған жабылып зорламақ болған ниетін байқаған емеспін. Миыма зина жасауы да сирек.
Aldeken
жанр дагдарысы???))))))))))))))))
muratbekalatyraui
Еркек пен әйелдің ортасындағы жұмыстық қатынастар…
dark_nazgul
эээххх… болып еді сондай кездер, жігіттер кезек кезек көтеріп жүретін еді (буквально)… қалды ғой, тарих естелік болып…
ал бірінші жұмысым да, төртінші және бесінші жұмысым да тек қатындардың арасында.  
Ispek92
Қызметтестерің тек қыздар болса дегенге біреулеріңіз жазыңыздарш
AKY
жұмыста қыздар да, жігіттер де, ағайлар да бар. Бәрімен істесе берем, негізі мен жақсымын-ау осы
zholantai
Бәрімен істесе берем
сіз жақсысыз))))
rymbek
1-2 қыз, одан артық болып кетсе, қиын. Бір бірімен ұрыссып қалады, өсектейді және т.с.с.
Aikona
білмейм, өзім істеген жерлердің бәрінде орыстар. Қазақтармен істес болсам өсектерін ұнатпаймын, сонан соң жігіттердің көбі міндет іліп қойғыш боп келеді
AnarAlibayeva
Erkektermen jumis jasagan jaksi. Jumisina kilikpeydi. Nege kesh keldin nemese jogalip ketsen kaida kettin dep dinkendi de almaydi. Auir jumistarga komektese ketedi. Eshkimdi osektemeysin. Sosin sirlas bolip ketesin. Arkaysisin bir bir sirlarin tindap otyrasin. En bastisi Bastik sagan senedi.
asaubota
латынға өтуге асықпасақ екен…
MickThatsMyNick
Анар «ы» деген әріп латынша «y» болып жазылады, ал "қ" «q» болып.
Соңғы түзету:
bizbike
мен екінші жұмысымда бір бөлмеде төрт кісімен отырдым, кілең инженерлер. Сонымен не керек, өз ісіне мығым шығар, бірақ компьютердің кейбір ұсақ-түйектерін білмей, анау қалай, мынау қалай деп миымды ашытатын еді. Үлкен кісілер жарайды енді, үйренуге қиын ғой дейсің, бірақ жастардың «контр страйк» ойнағанда алдына жан салмай, ал «MS Office»-тің оңай функцияларды білмегені ұяттау. Үлкен кісілерге «бір рет көрсеттім, енді сіздің хатшыңыз емеспін, өзіңіз іліп әкетіңіз» дейтінмін, жастарына "өздерің жасаңдар, мен білмеймін" дейтін болдым. Әйтпесе күле қарасаң, жамау сұрайды олар.Сергей Андреевич деген шал болды, қызық әңгімелер айтатын, көршісімен өмірі сасып жүретін еді ішкіліктен кейін.
Супервайзерім Аршат айтқандай өзінше ұрысатын еді, бірақ себепсіз болған соң, «көке, мен сенің қатының емеспін айқайлайтын» деп бір айқайласып алдым, содан кейін байқап сөйлейтін болды.
А сосын өздерінше біздің қазақ жігіттерден саптыаяқтарын жуғызғысы келетіндер болды, олармен де ұрысуға дейін баратын едім "үйлен, келіншегің жусын сосын" деп.
Соңғы түзету:
bizbike
Сергей Андреевич деген шал болды, қызық әңгімелер айтатын, көршісімен өмірі сасып жүретін еді ішкіліктен кейін.
Супервайзерім Аршат айтқандай өзінше ұрысатын еді, бірақ себепсіз болған соң, «көке, мен сенің қатының емеспін айқайлайтын» деп бір айқайласып алдым, содан кейін байқап сөйлейтін болды.
А сосын өздерінше біздің қазақ жігіттерден саптыаяқтарын жуғызғысы келетіндер болды, олармен де ұрысуға дейін баратын едім "үйлен, келіншегің жусын сосын" деп.
assar
Негізі еркекте қыздарда керек қоғамға, ұсақ жұмыстарға қыздар бейім келеді, ауқымды жұмыстарға ер адамдар бейім келеді. Алла тағала екеуіне екі түрлі қасет берген. Кеңес үкіметі тараған уақыттары елімізде жалқаулар ішкіштер көп еді. Өйткені кеңес үкіметі жалқаулыққа үйретті халықты. Дайын жұмыс, дайын тамақ. Ал қазір ер адам болсын әйел адам болсын бос адам табу қиын. Барлығы жыбырлыаған тірлікте.
ken
Ұжымда біреу болса да әйел адамның болғаны жақсы. Әйтпесе жігіттер жабайыланып кетеді.
Мысалы, әскери кафедрада тек жігіттер едік. Сонда барғанымызда қалай болса солай жүре беруші едік. Боқтық сөздер, анайы әңгімере көп айтылады. Топ болып отырған жерден үш-төрт қадам жерге барып, шорылдатып кіші дәретін сындыра салу; немесе «тарс» еткізіп желдете салу деген секілді нәрселер қалыпты жағдайға айналатын.
Соңғы түзету:
assar
Дұрыс бір жерге біріңғай әйел немесе еркек жиналса қызық мәселелер туындайды.
kokbori
Маған бастығымның әйел адам болғаны ұнайды. Бірнеше бастығым болған бұрын, әйел адамдар. Барлығымен керемет тіл табысатынмын. Себебі еркектердің дүңк еткенін көтере алмайтыным болар. Әйелдердің ұрысқаны да есте қалмайды)
Gulistan
Әйелжанды боласың-ау…
kokbori
уаққақақаа Ішіңде қалып қойған "әйеліңе бағынышты боласың-ау" деген ойды айта салсайшы)
Соңғы түзету: