Грант! Грант! Грант!
Ұлы қолбасшы Улисс Гранттың мүрдесі қабірінде жылына екі рет аунайды: бір рет — туған күні — 27 сәуірде Ұлттық Мемориалдық Мұражайда еске алынғанда; екінші рет — қаззақтар тамыз айының басында грантқа түскендердің тізімін іздегенде.
Соңғы мағлұматтар бойынша, грантқа түскендердің тізімі еш жерде жоқ дейді. Дегенмен, тығырықтан шығатын бір жол бар сияқты.
Менің аз-мұз бал ашатын қасиетім барлығыңызға мәлім. Бірінші, екінші дүниежүзілік соғыстарды, Кеннедидің өлімін, адамның Айға қонғанын айы-күніне дейін дәл болжағанымды барлығыңыз білесіздер. Иә, иә, менің аталмыш оқиғалардан кем дегенде 30 жыл кейін туғаным сендерді аз-мұз күмілжітіп отыр. Бірақ кеш туғаныма мен кінәлі емеспін ғой?
Сонымен, бүгін Нострадамустың әруағы есі дұрыс құты таба алмай, маған қонған сияқты. Грантқа түскендеріңді 0,6 коэффициентке дейінгі дәлдікпен болжап беремін. Ықтималдық теориядан хабары барлар бұл айтарлықтай дәлдік екенін шырамытып отыр. Жауаптар сол жақ иығымда міңгірлеп отырған Нострадамустың стилінде — катрэндермен беріледі. Сіз керек адамның аты-жөнін осы жерге жазыңыз.
Төремұратов Мықи Тұрсынбайұлы
Жүздері балбұл жанған грантшыларға,
Үш жыл алға барып үн қаттым.
«Мықи» дедім тобырға,
Ешкім бұрылып қарамады(((
Ал Сәке қарап жіберіңіз.
Қыз баланың тегінен қата кетіп,
Веззевул шатастырып тұрмаса,
Тегі деп отырғаның әке аты,
Атасы болса айталық — Жұмабек — Түсті деп бауырым қуана бер.
Технология дейді маған елестер.
Дерегі аз аспанның бұл жөнінен,
Тұмшалап тұр Құдайлар
Ақиқаттың айнасын.
Сығалап жүріп көргенім:
Өңдеуші екен білгенім.
Қаласы мен елінен дерек жоқ.
Жекекодта 3033 деген фрагмент бар.
Болғаны осы: Олимптегі бұтақбастар,
Құрбандық шалмадың деп кекірейіп.
Сирек есім екен, тек екен,
Болжап қарағаным да текке екен:
Асыр салған кісілер арасында
Мұндай кісі жоқ екен(((
көріп жіберш сатеке
Герцог Валуаны оба жығып,
Бара жатқам еміне үйден шығып,
Бұл кісіңді жолай қарай кеттім:
Жүрмесін дейді тағдыр, босқа күтіп…
Мыс шылапшын су толы шайқалады,
Бұлыңғыр келер шақ байқалады:
Дәуренбектен ұл мен қыз біраз екен,
Әттегені — Ақбердісі байқалмады…
Карталар күйсіз түсті
Бұл есімді сұрағанда.
Естілмейді мұндай есім
Келер шақтай антұрғанда.
Тіздім кеп Айтуғанның қыздарын,
Шыққаны — екі Гүлмира мен бір Шынар.
Айгүл деген ішінен табылмады.
… Мыс шылапшын, тастаймын сені, антұрған!
Сынапты шығын қылып,
Болашақтың айнасын қырнадым.
Дұшман қызы отыр екен
Қолында — төл әдебиет.
008 — не басында, не аяғында.
Әттең Дина болғанда…
Бірақ Дина да жоқ…
Сирек есім? Жоға бар екен алтауы;
Тегі де сирек емес: үш-төртеу.
Бірақ осы комбинация жоқтың қасы.
Герцог Валуа жазылып келе жатыр.
Болашағы арудың
Қостанайдың оңтүстігі,
Ақтөбенің солтүстігі.
Болған екен кезінде аймақ өз алдына.
Есігінің алдынан
Шоқша сақал кісі қарап тұр.
Герцог Валуа араққа салынып кетті.
Жазбаңыз сауатыңнан хабар берсе,
Шамаңның білерсің әуселесін
Көрінбейді тұманнан мұндай есім,
Нөмірің де батып кеткен тұңғиыққа.
Айтпақшы інім, шамалы сынап бар ма?
Айнасы тозып қалды шылапшынның.