Исламдағы таңдаулы 100 сұрақ

Сұрақ: Раббың кім?
Жауап: Аллаһ тағала.
Сұрақ: Дінің қайсы?
Жауап: Ислам.
Сұрақ: Кітабың қандай?
Жауап: Құран Кәрім.
Сұрақ: Құбылаң қайда?
Жауап: Меккедегі – Қағба
Сұрақ: Мұсылмансың ба?
Жауап: Әлхамдулилләһ, мұсылманмын.
Сұрақ: Қашаннан бері мұсылмансың?
Жауап: Әл-мисақтан бері.
Сұрақ: Әл-мисақ дегеніміз не?
Жауап: Адам баласы рухтарының бұл дүние тіршілігінен бұрын рухтар әлемінде Аллаһтың құдіретін танып, Оған қайтып келетіні туралы ант берген кезең.
Сұрақ: Мұсылмандығыңның дәлелі қайсы?
Жауап: «Әшһәду ән лә иләһә иллаллаһу уә әшһәду әннә Мухаммадән абдуһу уә расулуһу» (Алладан басқа тәңірі жоқ екендігіне, Мұхаммед Оның құлы және елшісі екендігіне куәлік етемін).
Сұрақ: Кімнің ұрпағысың?
Жауап: Адам атаның ұрпағымын.
Сұрақ: Кімнің үмметісің?
Жауап: Мұхаммед (с.ғ.с.). пайғамбардың.
Сұрақ: Пайғамбарың кім?
Жауап: Мұхаммед (с.ғ.с.) Мұстафа.
Сұрақ: Пайғамбарымыз (с.ғ.с.) қай жерде туған?
Жауап: Мекке қаласында.
Сұрақ: Пайғамбарымыз (с.ғ.с.) қай жылы туған?
Жауап: 571 жылы, 20-сәуірде.
Сұрақ: Пайғамбарымыз (с.ғ.с.) ай (қамари) санауы бойынша қай күні туылған?
Жауап: Рабиул әууәл айының 12-сі, дүйсенбі күні.
Сұрақ: Пайғамбарымыздың (с.ғ.с.) Исламға дейін халық арасында танылған сипаты қайсы?
Жауап: Мухаммадул әмин (сенімді Мұхаммед).
Сұрақ: Пайғамбарымыздың (с.ғ.с.) ең көп аталатын есімдері қандай?
Жауап: Ахмет, Махмұд, Мұхаммед және Мұстафа.
Сұрақ: Пайғамбарымыздың (с.ғ.с.) әкесінің есімі кім?
Жауап: Абдуллаһ.
Сұрақ: Пайғамбарымыздың (с.ғ.с.) анасының есімі қандай?
Жауап: Әмина.
Сұрақ: Пайғамбарымыздың (с.ғ.с.) сүт анасының есімі қандай?
Жауап: Халима.
Сұрақ: Пайғамбарымыздың (с.ғ.с.) атасының есімі қандай?
Жауап: Әбдімүтәліп.
Сұрақ: Пайғамбарымыздың (с.ғ.с.) сүт бауырлары кімдер?
Жауап: Шәйма, Үмәйса, Абдулла.
Сұрақ: Пайғамбарымыздың (с.ғ.с.) немере ағалары кімдер?
Жауап: Хамза (р.а.), Аббас (р.а.), Әбу Тәліп, Харис, Әбу Ләһаб, Зубайр, Хажл, Дирар және Муқаууим.
Сұрақ: Пайғамбарымыз (с.ғ.с.) қанша жасында үйленді?
Жауап: 25 жасында.
Сұрақ: Пайғамбарымыздың (с.ғ.с.) алғашқы әйелі кім?
Жауап: Хадиша бинт Хуайлид.
Сұрақ: Пайғамбарымыздың (с.ғ.с.) өз перзенттері кімдер?
Жауап: Ибраһим, Қасым, Абдуллаһ, Зейнеп, Рұқия, Үммү Гүлсім және Фатима.
Сұрақ: Пайғамбарымыздың (с.ғ.с.) немерелері кімдер?
Жауап: Хасан және Хұсейн.
Сұрақ: Пайғамбарымыздың (с.ғ.с.) меккелік кезеңі қанша жыл?
Жауап: 13 жыл.
Сұрақ: Аллаһтың соңғы Елшісіне (с.ғ.с.) қанша жасында пайғамбарлық келді?
Жауап: 40 жасында.
Сұрақ: Пайғамбарымызға (с.ғ.с.) алғашқы уаһи қай жерде келді?
Жауап: Хира үңгірінде.
Сұрақ: Пайғамбарымыз (с.ғ.с.) пайғамбарлық міндетін қанша жыл бойы атқарды?
Жауап: 23 жыл.
Сұрақ: Пайғамбарымыздың (с.ғ.с.) ұлы қоныс аударуы ( хижреті ) қай жылы қай қалаға бағытталды?
Жауап: Пайғамбарымыз (с.ғ.с.) 622 жылы
Меккеден Мәдина қаласына көшті.
Сұрақ: Хижретте Пайғамбарымыздың (с.ғ.с.) жанында кім болды?
Жауап: Әбу Бәкір (р.а.).
Сұрақ: Пайғамбарымызбен (с.ғ.с.) Әбу Бәкірдің хижретте жасырынған үңгірі қалай
аталады?
Жауап: Сәуір.
Сұрақ: Ислам тарихында алғаш салынған мешіт қалай аталады?
Жауап: Құба мешіті.
Сұрақ: Құба мешіті қай қалада орналасқан?
Жауап: Мәдина қаласында.
Сұрақ: Пайғамбарымыз (с.ғ.с.) Мәдинада қанша жыл өмір сүрді?
Жауап: 10 жыл.
Сұрақ: Пайғамбарымыз (с.ғ.с.) қай жылы қайтыс болды?
Жауап: 632 жылы. 63 жасында.
Сұрақ: Пайғамбарымыз (с.ғ.с.) қай жерде қайтыс болды?
Жауап: Мәдина қаласында.

жалғасы келесі санында

Қазақстан мұсылмандары діни басқармасы қолайлы қойын кітапшасын шығарды. Жан азығы – шағын кітапшада қарапайым мұсылманды мазалайтын сұрақтар жауабымен қоса берілген.
Құнды дүниенің ерекшелігі – имандылыққа бет бұрып, адамға ұл, Құдайға құл болуды өмірдің өзегі деп білетін әр адамның Ислам құндылықтарына қатысты білуі тиіс сұрақтар мен жауаптар түсінікті тілмен жазылған. Сондай-ақ дастархан батасын білсем екен деген ниетпен жүргендер де іздегенін осы кітапшадан табады. Тағы бір тілге тиек етерлігі, құнды дүниені рухани кештерде, арақсыз адал тойларда, ғибратты кездесулерде жиынның көркін қыздыру мақсатымен викториналық сұрақтар ойыны ретінде пайдалануға болады. Ол – ойнау һәм ойлану құралы. Жарыққа шыққан кітапшаның жамағатқа жол тартуына мұрындық болған – ҚМДБ-ның діни уағыз-насихат бөлімі. Жауапты редакторы – осы бөлімнің бас маманы Алтынбек Ұтысханұлы.
muftyat.kz/uploads/2012/1/100surak.pdf