Бальзактың жасы - жаңа өмірдің бастауы

Ағылшын ғалымдары 40-тан асқан әйелдердің психологиясын зерттей келе, осы жасқа келген нәзік жандылардың жеңілтектікке салынатынын байқаған екен. Олар қарсы жыныстағылармен таныса сала көңіл көтеруді қалайды. Салмақты ойлап, саналы шешім қабылдауды ұмытып, жас бойжеткенше қылмыңдап, қылық таныта бастайды екен. Сонымен бірге бұл жастағы әйелдер серігінің бойындағы кемшіліктерге де аса мән бере бермейтін болады.
«Бальзак жасы» деген ұғым қайдан шыққан дейтін шығарсыз? Оноре де Бальзактың «Отыздағы әйел» атты романы бәрімізге таныс. Жазушының осы туындысынан кейін француз әйелдері соған еліктеуді шығарған. Келе-келе бұл ұғым 40-тан асқан әйелдерге қаратып айтлатын болған. Бұл жастағы келіншектер, әсіресе тағдырдың тауқыметін, ажырасу, жұбайсыз қалуды бастан кешірген, болмаса өмірде жолы болмаған нәзік жандылар жан қажеттілігін тән қажеттілігімен өтеуге құмартып тұратын күйге жетеді.
Өзім куә болған жағдайды баяндап берейін. Менің қырықтан асқан бір танысым балаша қуанып, агенттен жігіт іздейтін күйге жетті. Жары жоқ, баласы болмағаннан солай істеп жүрген шығар деп те кейде ойланатынмын. Сөйтсем, бар гәп оның психологиялық ерекшелігінде болып шықты. «Бальзак жасы» деген осы екен, достар!