Қалай байқамай келгенбіз! Батыстық мультфильмдер сексті насихаттап жатыр екен...

Қазақ аниматорлары сұрықсыз бейне – Спанч Боб туралы мультфильмді балаларға түбегейлі көрсетпеу туралы бастама көтеріп жатыр. Айтуларынша бұндай анимациялық фильмдер ұрпақ болашағы үшін қауіпті әрі отандық мультфильмдердің көрсетілуіне кедергі келтіріп отыр.
Бүгінде біздің телеарналардан қазақстандық аниматорлар түсірген мультфильмдер мүлдем көрсетілмейді. «Том мен Джерри», «Спанч Бобты» көрсетеді. Осынау бір түсініксіз жұмсақ ысқыш, қаттырақ айтсақ, құбыжық барлық ұлт ұрпағының үлгі тұтар бейнесіне айналды. Бұл мультфильмді балаларға көрсетуге шектеу қою қажет», – деп мәлім етті бүгін елордада Қазақстан аниматорлары қауымдастығы сайтының ашылуына арналған баспасөз мәслихатында аталған қауымдастықтың басшысы Батырхан Дәуренбеков.
Оның ойынша, қазақ фольклоры «Дисней», «Dreamworks Аnimation», «Marvel» киностудияларының таспаларында жоқ бірегей әрі барынша қызықты бейнелерге бай. «Біздің бейнелерді бәсекеге қабілетті болумен қатар батыстық стереотипті басып тастайтындай қызықты етіп беруге болады. Бірақ көп дүниеге қаржылық мүмкіндіктеріміз жептей жатыр», – дейді ол.
Тыңдар құлақ болса, бұл әрине өте үлкен бастама. Әрі көптен бері айтылып келе жатса да қолға алынбай келе жатқан мәселенің бірі. Батыстық мәдениетті насихаттайтын анимациялық фильмдерге тыйым салу мәселесіне келгенде тек жас ұрпақтың санасына салмақ түсіретін теріс пиғылды элеметтерін теріп айтумен ғана айтумен шектеліп жатамыз. Алайда, бұндай батыстық фильмдер мен кинолардың, қала берді жарнамалардың астарында не жатқанын аңғара бермейді екенбіз. Жақында ғаламторда көп отыратын достарымның бірі сілтеме жіберіпті. Ашып көрдім де жағамды ұстадым: Анимациялық фильмдердің атасы саналатын, күллі әлем жұртшылығы көз алмай тамашалайтын «Дисней», «Dreamworks Аnimation», «Marvel» секілді компаниялар небір сұмдықтарды санамызға сіңіріп жатыр екен. Арғы жағын айтпай-ақ қояйық, өздеріңіз қарап көріңіздер: