Gangnam style. Жалғасы

Әлемде Gangnam style эпидемиясы өршіп-ақ тұр. Youtube.com сайтында жарияланған клип, пост жазылған уақытта 3 359 099 лайк жинап, рекорд жаңартты. Қаралуы тіпті адам шошырлық — 353 287 065.
Бұл клиптің пародияларының өзі бір төбе. Кейбірі өте сапалы жасалған, біреулері телефонға түсірілген, тағы бірінің кесірінен адамдар жұмыссыз қалып жатыр. Алдымен мына видеоны тамашалап алыңыз.

Түсірілген жері Калифорния, АҚШ. Бишілер — құтқарушылар. Бастықтары клипке түскен 14 адамды жұмыстан шығарып жіберіпті. Қазір байғұстар қайтадан жұмысқа тұру үшін есіктен есік жағалап жүрген көрінеді.
Келесі клипке түскен АҚШ Әскери-теңіз академиясының курсанттары. Бұларға академия басшылығы рұхсат етпеген сияқты. Сондықтан оқудан шығарылулары әбден ықтимал.

Оқудан шығарылғаны ештеңе емес, режимдік нысан болып табылатын академияның іші-сыртын жария еткені үшін курсанттарды соттап жіберуі де мүмкін. Соттау демекші, пародияны сотталғандар да жасап үлгерді. Мынау атақты филиппиндік абақтының туындысы. Бұлар 2007-жылы Майкл Джексонның құрметіне де осындай флеш-моб жасағаны естеріңде шығар.

PSY қазір ең танымал адамдардың қатарында. Жақында тіпті америкаға барып Бритни Спирске қалай билеу керектігін үйретіп келген.

Пародиялардың ішінде маған келесі ролик ұнады. Әлде балалар сүйкімді ме, әлде мамалар ма… өзім де түсінбей отырмын.

Және мына бір пародия да тым «мими».

Ал тұздыққа мына бір қазақстанlық пародияны қарап жіберіңіз.

Сіз пародия жасаған жоқсыз ба?