"Каспий" тобы - Жаз не деді?!

Ұйқыдан көңілсіз тұратын таңдар болады ғой… Күн жексенбі болса да, көл көсір қуаныштан гөрі еңсе езген мұң бар… Балконға шықсам, аспанын бұлт бүркеген, Күнсіз Астана қарайды маған, бозарып… Сұрықсыз сырттан сырғақсып, ішке асықтым… Түнде телефонға да хат келмеген екен.
Плейлистті ақтарып отырып, бір трэкті баса салғам… Талтантты төрт жігіттің одағы төге жөнелді… Қай-қайдағыны қозғап…
Сағыныш… Арман… Мұң… Белгісіздік… Күту… Өтініш… Үміт… Бәрі бар екен…

Құшағында жаз қалды қоңыр түннің,
Көз алдымда көйлегі оның күлгін,
Сары шаш Күз кездесті бұрын, тегі,
Күз көрмеген секілді сен ұмтылдың…

Қайырма
Оп оңайға мұң шалып көкірегің,
Үйренісіп өзіңе кетіп едіп,
Маған қиын болады, жалғыз қалу,
Қалшы осында, қала ғой, өтінемін…

Қамығып жүр, қажып жүр демесін деп,
Күлген болып сол баққа келесің көп.
Жаз кіреді түсіңе…
Шошып тұрып.
Күздің суық ерінін өбесің кеп…

Қайырма
Қайырма
Оп оңайға мұң шалып көкірегің,
Үйренісіп өзіңе кетіп едіп,
Маған қиын болады, жалғыз қалу,
Қалшы осында, қала ғой, өтінемін…

Сары Күзге сенбейсің шүбәлісің,
Сыбырлайсың…
Қан жылап тұрады ішім.
Саған қиын болады жалғыз қалу!
Ооооу, аяулым, ҰҒАМЫСЫҢ?!