Лондон олимпиадасы туралы мистикалық аңыздардың астарында не бар?

Енді 17 күннен кейін (шілденің 27-сі) әлемдік деңгейдегі үлкен спорт додасы – Лондон олимпиадасы шымылдығын түреді. Ағылшын жерінде өтетін жазғы Олимпиадаға дүниежүзі бойынша он жарым мыңнан астам спортшы қатыспақшы. Барлығы 39 спорт түрінен 302 медаль жиынтығы сарапқа салынатын байрақты бәсекеге атақты палуанымыз Нұрмахан Тінәлиев бастаған 114 спортшымыз аттанғалы отыр. Бірақ біздің айтпағымыз басқа мәселе…

Соңғы кездері Лондон олимпиадасына қатысты аңызға бергісіз мистикалық әңгімелер көп айтылып жүр. Әсіресе тосын табиғат құбылыстары мен астрономиялық түсініксіз жайттар туралы әпсана көп. Дәл осы байрақты бәсеке қарсаңында жұмыр жердің халқы магнитті дауылдар, аспан әлеміндегі жұмбақ шұғыла-сәулелер секілді адам түсініп болмайтын жайттарға куә болатын секілді. Осыдан тура бір жыл бұрын «Утро.ру» сайты астрономдардың «күн белсенділігінің күрт артқанын соның салдарынан күн тәжінен бөлінген магнитті дауылдардың кесірінен жер бетіндегі күллі ақпараттық жүйе істен шығуы мүмкін. Бұл өркениет атаулыға үлкен соққы болады!» деген дабылын жариялаған болатын. Ең қызығы, магнитті дауылдар шабуылының ең белсенді кезеңі 2012 жылы Лондон қаласында өтетін жазғы Олимпиадамен тұспа-тұс келетін секілді. Осының салдарынан күллі компьютерлік жүйеге зиян келіп, спутниктер біраз уақытқа хабар тарата алмай қалмақ. Осылайша адамзат баласы олимпиада ойындарының тікелей көрсетілімін көре алмай қалуы бек мүмкін», – деп жорамал жасады. Бұл ақпараттың қаншалықты шындыққа сай келетінін уақыт көрсете жатар.

Ал енді аспан әлеміндегі жұмбақ шұғыла-сәулелерге қарай ойыссақ. Кейбір ғалымдар бұны магнитті дауылдардың әсерінен болатын табиғат құбылысы деп түсіндіріп отыр. Астрономдар дәл спорт додасы қарсаңында болмаса да осы жылдың қыс мезгілінде күн бетінен бөлініп шыққан магнитті дауылдар салдарынан ғаламшарымыз түгелге жуық поляр шұғыласына оранады дейді. Дегенмен, жер бетінің көп бөлігі магнитті дауылдар шабуылына қарсы жүйемен жабдықталғанын да естен шығармаумыз қажет. Ал бұндай жүйе орнатыла қоймаған жердің оңтүстік және солтүстік полюс халқы бірнеше апта бойы ғасыр ғажайыбына куә болатын секілді. Алайда бұндай ғажайыптан алған әсерлерін адамдар жердің басқа нүктесіндегі туысқандарымен бөлісе алмайды. «Өйткені, дәл сол уақытта жердің оңтүстік және солтүстік полюсінде бірнеше апта бойы интернет торабы мен спутникті байланыс жүйесі істен шығады», – дейді астроном ғалымдар. Айтпақшы, «ақырзаман – 2012» дақпырты тағы бар. Бұл туралы сөз қозғамай-ақ қоялық.

Алайда соңғы кездері бұдан да күдікті әрі қорқынышты жайттар айтыла бастады. Ғаламтор бетінде Лондон олимпиадасының бойтұмарларына қатысты пікір талас өршіп-ақ тұр. Әдетте спорт тарихында олимпиада символы ретінде жануарлар таңдалып алынады. Соның ішінде адамға ерекше әсер сыйлайтын барыс, дельфин, қонжық секілді сүйкімді жануарлар болады. Ал бұл олимпиаданың символы – Венлок пен Мандевиль – мүлдем оғаш тіршілік иесі. Мифтик бейне деуге де келмейді. Құбыжық деуге болады. Бірі басында пирамида (!) тәріздес тәж, екіншісі қамал бейнесіндегі бас киім киген жалғыз көзді қос бейне. Көзі қарақты оқырман пирамида мен 13 қатардан тұратын қамалдың «әлемдік үкімет» деп аталатын құпия ұйым – масондардың белгісі екенін жақсы түйсінеді. Ендеше бұндай масондық белгілердің әлемдік деңгейдегі бәсеке – олимпиадаға қандай қатысы болуы мүмкін. Әрі жалғыз көзді қос тажалдың атауының өзі – күдікті көрінді. Ғаламторды ақтарып отырып, Wenlock сөзінің «шіркеудің әулие-әнбиесi, жебеушісі», ал «mandevil-дің» көне француз сөзінен алғанда – «ұлы қала» немесе үлкен оқиға болатын аймақ және жасырын уақыт деген мағына беретінін көріп жағамызды ұстадық.

Олимпиаданың логотипындағы «2012» санының да цифрдан гөрі «Zion» сөзіне қатты ұқсайтыны кезінде үлкен дау тудырды. Сион сөзі Иерусалим қаласындағы дәстүрлі еврейлік белгінің атауы секілді. (Тағы бір деректерде «Zion» сөзі Иерусалим қаласының атауы) Осыны дер кезінде аңғарған Иран Ислам Республикасы осы жылдың наурыз айында Лондон Ойындарына бойкот жариялаған болатын. Кей деректерде құбыжық бейнесіндегі осы таңба мен бейнероликті ғаламтордан көрген көптеген адамдар жүйке ауруын шалдыққаны туралы айтылып жүр. Бірақ бұл да нақтыланбаған жайт. Венлок пен Мандевилдің бейнесін британдық «Wolff Olins» брэнд-дизайнерлік фирмасы жасап шығарыпты. Бұл фирманың негізін қалаған адам – еврей жұртынан шыққан Уолли Олинс атты адам. Ол күллі үрім-бұтағы, тұқымымен масон болған көрінеді.

Тағы бір күдік тудырып отырған мәселе – байрақты бәсекенің Англияда өтуі болып тұр. Тұманды альбионды әлемдік деңгейдегі спорт бәсекесін өткізуге құқы бар зайырлы мемлекеттің бірі дегенімізбен ресми Лондон масондық ұйымдардың негізгі ордасы саналады. Аса құпия ложалардың біразы осы елмен тікелей байланысты болып жатады. Оның үстіне бұл бәсеке олимпиадалық есеп бойынша, отызыншы ойын. Әдетте халықаралық стандарт бойынша, бұл реттік нөмiр римдiк цифрмен жазылады. Яғни XXX (Үш икс) болып шығады. Әрбір оқиғадан құпия астар іздейтін мамандар өзге емес дәл отызыншы олимпиаданы өткізу бақытының Англияға бұйыруының өзі кездейсоқтық болмаса керек деп отыр. Кейбір батыстық басылымдар «үш иксті» ібілістің санын білдіретін 666 яғни «үш алтылықтың» құпия бейнеленген нұсқасы деп жазып үлгерді.

Тарихқа үңіліп көрсек, алғашқы кездері олимпиада атты дүбірлі доданың түпкі мақсаты болғанын байқауға болады. Жарыстардың барлығы да бастапқыда спорттық шара емес, Аполлонға, яғни Ібіліске табыну мақсатында жасалған дiни жоралғылары болды. Бүгінде сол секуляризм мен толықтай оккульттік былыққа айналған бұл діни сипаттағы жоралғы тек спорттық ойын ғана емес, әлеуметтік, саяси астары бар оқиға ретінде әлем елдерінің басын қосып келе жатқан әлемдік шараға айналып кеткеніне бір ғасырдан асып барады. Оның үстіне Олимпиадалық қозғалыстың негізін қалаушы Пьер де Кубертен масондық ұйымдардың белді мүшесі болғаны тарихтан белгілі. Осыған қарап, кейбір құпия ұйымдарды зерттеушілердің «Олимпиадалық ойындар ең алдымен, әлемдік ұйым құрудың алғашқы қадамы болды. Олимпиаданың ресми символы – құрлықтар. Эмблемадағы 6 құрлықты сақина етіп, бір-бірімен байланыстыру арқылы әлемдік ұйым құру идеясы шынайы өмірге қадам басты» деген болжамында шындық жатыр ма деген ой келеді. Оларға сенсек, АҚШ долларындағы құпия символдар мен белгілердің символикадан ауысып жаратылыс ретінде көрініс тауып отыр. Яғни турасын айтқанда, Лондон олимпиадасы қарсаңында әлемдік үкімет атты аса құпия ұйым жаңа сатыға қадам басады-мыс!

Оның үстіне Лондон олимпиадасымен Қасиетті Рамазан айының сәйкес келуі де көңілге күдік болып отыр. Бәлкім ұлы жаратушының ислам дініне берік мұсылман елдеріне «бұл бәсекеге бармаңдар!» деген ескертуі болуы мүмкін емес пе? Әрине, ондай жайттан бетін аулақ қылсын дейміз.

Айтпақшы, жақында бір сайт туристерге толы Лондонда үлкен теракты болуы мүмкін деп жорамал жасапты. «Ядролық немесе биологиялық қару пайдаланады. (Адам санасына өзгеріс әкелуі де ғажап емес). Нәтижесінде көптеген құрбандармен Лондонның бір бөлігі зардап шегеді. Сол кезде Тажал пайда болып, ес – түсінен айрылған халыққа қол созады. Оның кереметін көрген халық соңынан ереді… Процестер жалғаса береді…», – депті.
Масон демекші, бұндай құпия белгілердің соңғы кездері Қазақ елінің астанасында да қаптап кеткені айтылып жүр. Ғаламтор бетінен де «Астана – ХХІ ғасырдағы масондық ұйымдардың ордасы» («Астана – масонская столица 21-го века», «Астана – столица Сатаны. Масоны») деп аталатын түрлі бейне-роликтер көбейіп кетті. Оларға сенсек бас қаламыздың көрікті жерлері, әсіресе сол жағалаудың архитехтуралық ерекшелігі әр түрлі ложалар мен массондық ұйымдарға тән құпия символ-свастикалармен «өрнектеліп» жатыр-мыс. Сол жағалауда орналасқан «Самрұқ тауэрс», Ақ орда және Бәйтерек монументі мен Яхин мен Боаз колонналарының ортасында жарқырап тұрған дельтасы бар масон сызбасынан өзара ұқсастық «тауып» шулап жүргендер баршылық. Әрине бұның барлығын да кездейсоқтық деп бағалаймыз. Десе де, қытайдың әйгілі философы Конфуцийдің «Әлемді түбінде сөз бен әділ заң емес, құпия таңбалар мен символдар билейді деген сөзін ескерсек, көңілге кірбің ұялайтыны тағы бар. Көгілдір экранға үңілген жұрттың бәрі біледі. Батыс жұртының «Қара бетперделі Зорро» деген атақты фильмі бар. Сол фильде басты кейіпкер Зорроның өзі жаулап немесе жүріп өткен жеріне көрген жұрттың есін тандыратын «Z» деп белгі соғып кетпейтін бе еді? Бұдан әрине, Алаш даласын масондық ұйымдар жаулап алды деуден аулақпыз. Бірақ, «сақ болыңдар Алаш даласына біз де келіп-кетіп жүрміз!» деген ескертуі мүмкін емес пе екен?

Айтпақшы, тақырыпқа тұздық ретінде төменде бір бейнероликтің сілтемесін сылқитып отырмын. қарап көріңіздер…
Лондон 2012
Бөлісу:

48 пікір

berkut
кейбір азаматтар Лондон олимпиадасына бармау туралы үндеу тастап жатыр екен сілтемесі мынау www.youtube.com/watch?v=eriLnqpe4CI&feature=related
Marco
Дэн Браунды оқығанда болады екенсің)))
asaubota
Осыны жазғым кеп жүрген, орысшасын оқыдым. жазылғандар сәйкестік емес заңдылық деп ойлаймын.
berkut
berkut
ал ана терракт туралы сандыраққа не айтуға болады?
satibaldi
Қаззақтардың тілін құрдымға кетіріп, өздерін ұлт ретінде жойғысы келіп жүрген арам пиғылдағы топтардың ісі (Розенкрейцерлер, Ротшильдтер Сарайы, францискан манақтары). Құрыдың, біттің.
berkut
оооо-ееее-боооо! ай қайдам, өздері құрып кетеді ғой
satibaldi
Біттің. Шайыңа плутоний салып кетіп, төсек тартып қалсаң — қуан: олар қайта тірілей қазанға салуды саған тым қатал жаза деп шешкені!!!
berkut
Құдай сақтасын!
satibaldi
Сол ғой, сақтамайтын сияқты…
aza
Көбәріп мынаның қасында ойнап қалды ғой… Егеменқазақстандық стиль…
konvict
Меніңше, ештеңе де болмайды. Олимпиада нәп-нәрмәлні өтеді. Сосын, жаңағы видеоны түсіргендер "әне, біз айтқасын тоқтады" деп мақтанып шыға келеді. Екі жағдайда да халықтың көңіліне күдік ұялап, қорқа түседі. Ал, масондар күш ала бермек
п.с. ххх мен үшін басқа ұғымды білдіреді екен
Armanjan
Күләнда деген құмалақшы Лондонда Қазақстанның туы екі рет желбірейді деп нық сеніммен айтып жатыр жұртты аузына қаратып.
alisha
Күләнда
Кәдімгі Күләнда
berkut
Айтқаны келсін!
alisha
Аз ғой… Шүкір-шүкір!
satibaldi
Барлығы бітті… Дәрмен жоқ… 2023 жылы франк-масондар өздерінің Мәжілісін Астанаға көшіріп, Мәжіліс пен Сенатты Арқалыққа қужіверед дейді. Қор болдың қаззақ, қор болдың! Әйтпесе қандай білімді, ізденімпаз, еңбекқор, жаужүрек, иманды, сұлу халық едіңдер… Арампиғылды итниет масондар осының барлығын «Аралтұз» АҚ мен «4-інші торллейбус паркі» ЖШС-ын жекеменшікке айналдырып алу үшін істеп отыр…
Zhan

Символдардың ішінде есі дұрысы, тойыс тәуірі 1980 жылы жасалған қонжық қана сияқты
Aigolek
неге аралары 4 жылдан емес?
Armanjan
Айгөлек-ау, қанша жылында не шаруаң бар, онан да құмалағыңды сөйлетсеңші, неше рет желбіретіп жылайды екенбіз?
Marationok
Айголек дұрыс айтады, Монреаль-1976-ны ұмытып отыр ғой.
Мюнхенде-1972 жылы болған.
Aigolek
мюнхенде 72 де болган екен
Aigolek
енди осы пикир минусталуга миндетти емес еди
press
Сіз маған ұнамай тұрсыз.
berkut
плюс қойдым
Aigolek
плюсты да еркекше ундеми коюга болады го минус койган сиякты
Aigolek
Сизге унау менин жоспарымда жок
alisha
Қасқа, қан жоса етіп кетіпті ғой бәрін…
berkut
күтпеген жерден соғыс болып кете жаздады...
alisha
Ерінбей Белсенділікті қарап шығу керек екен, кім мен кім соғысып жатқан?
Aigolek
Сиздин аневреу постыныз ушин елдер мени осы жаман кыз болатын деп пикирлерди окымай ак инерциямен минустап жаткан сиякты
berkut
аневреу ол қайсысы?
Aigolek
Оширип тастаган елдер
alisha
Иә… заһарын шашып жібереді деп қорқады — ау, шамасы…
Aigolek
Корккан бурын минустайды
alisha
Әркімнің тактикасы әр түрлі..

Профмеры болуы да мүмкін
Aigolek
Тактика дейсин ба? Баскасын кайдам сенин жазган пикирлериннен тактиканын иси де шыкпайды. Не истерин билмеген сон ошин минус кою аркылы алып жаткан катындарски ашудын иси шыгат
alisha
Ее, қоя ғой, қарасаңшы Белсенділікке барып арнайы, тайға таңба басқандай көрініп тұр ғой бәрі, маған қызылдан көрі жасыл түс ұнайды, солай Айгөлек!
Gastarbaiter
Сені неге минустай береді екен себепсіз?
alisha
Айтып отыр ғой өзі, бір пікіріме бола жаман қыз деп ойлайды деп

Сен жоқта, Гаста, осы жердегі алқалы топтан ақыл сұрағам, мұсылманша неке қидыру туралы…

Қысқасы, аңдамай сөйлеген ауырмай өледінің кебі болды…
Aigolek
Ол жерде жазган пикирлеримнин оте дурыс екенин мойындагандыктан порожениенииени озин мойындагансын.
Не Вам судить! 

Мен білетіндерден жөн сұрадым, бар болғаны осы ғана. Дұрыс айтасыз, әңгіме ортада болып тұр! Шалқаңыздан түспеңіз, ортамнан суырылып, мұндай қадамға алғашқы боп баратын да біз болатын түріміз бар. Соңғысы да біз болары ғажап емес! 

Тиісінше, сіз бұған аяушылықпен қарайсыз, солай ғой! Иә… Дәл солай… Менің ортам Нұрберген сияқты бұған «шартты штрих» деп қарайды. 

Әңгіме менің тарапымнан басталған-ды, осымен жабылсыншы. ӨТІНІШ!<code>

Өзіме қажетті ақпарды алдым да, өшіріп тастадым. Былғанғым келмеді, түсінген шығарсың
alisha
Жеңілу емес, бұл қорғану ғана! Пікірдің ең жаманы сенікі болмауы мүмкін, бірақ одан да сорақысы болуы әбден мүмкін еді
alisha
Әдейілеп қарап шығып ем, бұған дейін біраз жерде оңбай "қызарыпсың" ғой… Так что, аневреу посттың кінәсі аз ба деп қалдым?
Aigolek
Менин прикирлеримнин кобиси минусталуга тиисти пикирлер. Ягни онын миндети кооп пикирлер сиякты жай гана окыла салмай биреудин жуйкесине тииуи керек болады. Ондай пикирлердин минусталган сайын кундылыгы арта туседи.
berkut
жетеді енді! пікір жазуға рұқсат жоқ!