Алматы. Керекшілер. Демалыс.

Сәлем бердік, «Керекинфо»-ның тұрғылықты жамағаты! Жағдайларыңыз жақсы, мал-жан аман ба? Студенттер қауымы оқу жылының жартысын артқа тастап, қысқы демалысқа да шыққан болатын. Мен де сабақтарымнан емтиханымды сәтті тапсырып, демалысымды Алматы қаласында өткізбек болдым. 4-5 күнге жоспарланған демалыс, бір апта, жо-жоқ, 10 күнге ұласты. Сонымен не керек, қаңтар айының 17-ші жұлдызында батыс пойызына билет алып, жолға шықтым.
Батыс пойызына ризамын, үнемі тазалық, тәртіп, жоғарғы қызмет — бәрі реттелген. 16 станцияны: Қызылорда, Белкөл, Шиелі, Жаңақорған, Түркістан, Арыс-2, Шымкент, Манкент, Түлкібас, Жамбыл, Луговая, Шу, Отар, Жирен-айғыр, Алматы-1, Алматы-2 артта қалдырып, үлкен әрі әсем қала — Алматыға да жеттік. Келдім.  Орналастым.  Хабарластым.  Кездесу уақыты мен орны белгіленді, кездестік.
Кездесуге келгендер: Берік — Argyn , Жалғас — e_zhalgas , Мейірбек — TERISKEY , Маржан — madlen , Назира — estetika91 , Жаңылай — Zhanylai , Мәншүк — manshukn .  
Кездесуге белгілі себептермен келмей қалып, әдемі кездесу тілеген: Анар — Zere , Айжан — Aikona сұлуларға алғысым шексіз, хабарласқандарыңызға рахмет.
Енді, көптен күтіп отырған суреттерге кезек берейін, көп жазып кетсем ренжімеңіздер.
Бірінші кездесу.
Мәншүк пен Жаңылай — ҚазҰУ-нің журналистика факультетінің биылғы жылғы түлектері, алғыр да білімді, әдемі қыздар.  (ну енД, ҚазҰУ жайлы көп айтылды да)

«Кездесуге келіңізші» деп, қоймай шақырған ағам, Шымкенттің сымбатты һәм ақылды жігіттерінің бірі, Қазақстан Журналистер Одағының мүшесі — Берік Сұлтанов.

Жалғас Ертай — нағыз креативті ойлар иесі, өткенде айтқандай іш пыспайды, белсенді, ашық мінезді Түркістанның жігіті.

Әрине, осы кездесулерді ұйымдастыруға ат салысып жүрген, ҚазҰУ-нің филология факультетінің 3-курс студенті, «Гүлстан» журналының тілшісі, жаны да, сөзі де, жүзі де жылы ару — Назира Бурханова.

Толығырақ суреттерді фейсбук желісінен көре аласыздар.  Айтпақшы, сайтымыздың ару қыздарының бірі — Мадлен де келді, зор алғысымды білдіремін. Көп болмады, бірақ уақытын қиып келгеніне риза болдым. Суретке түсіп үлгермедік… Оххх, Теріскей бар сосын. Мяяя, ренжімеңізші, Теріскей. Суретке бізді көөөп түсірді, бірақ өзі азғантай түскен, ол 2-3 суреттердің өзі менің фотигімде, ал мен шнурды әлі таппадым. Жақын арада тауып, суреттерді қосамын.  Теріскей жайлы не айтуға болады? Әрине, тек жақсы сөз, жылы пікір білдіре аламын. Ризамын, жігіттің сұлтаны өзіңіздей-ақ болсын! Қыздарды шығарып салған жігіттерге үлкен алғыс!
Екінші кездесу.
Мен, Эстетика, Жаңылай — үшеуміз, Алматы қаласының тұрғындарының көптен күткен метросын көруге бардық. Көрдім. Ұнаттым. Әдемі.




Метроны көріп, «Жастар» театрына аттандық. «Махаббат пен Ғадауат» қойылымын тамашалап қайттық. (Жаңылай түүүүш)  
Қойылым бітісімен «Ориент» кафесіне тоқтадық, әдемі музыка, жақсы қызмет, тазалық, жанға жайлы орын.

Сағат 11:00 көрсетуге таяу, қыздарға жатақханаға қайту керек. Мен ағамды күтіп біраз уақыт өткізіп алдым. Болмағасын қыздармен бірге ҚазҰУ-нің жатақханасына бардым. Жаңылай университет туралы біраз айтып, таныстырды. Жатақханада Әйгерім Бегімбет пен Мәншүкті кездестірдім. Мұнда да біраааз тұрып қалдым, маған қалашық ұнады, сөз жоқ. Ағам да келіп, мен де үйіме қайттым.
Үшінші кездесу.
Бұл кездесуге де сол үштік келді, сонымен қатар Монти және Мәншүк қосылды. Катокқа барамыз деп келіскен болатынбыз. «PROMENADE»-та жолықтық, мен күткен Монти де келді, қуанып қалдым. Ауырып тұрғанына қарамастан, көңіл бөлгеніне ризамын, АРБ! Күннің суықтығына байланысты катокқа бармай, іште отырып, тортпен шәәәәй іштік.  Біраааз, әңгіме айттық, күлдік, талқыладық, ойларымызбен бөлістік. Әдемі отырыстан соң үйлерімізге тарқастық.

Смайликтер ханшайымы — Монти сооондай жақсы адам, мейірімді, көздері жайнап, күлкісі де әдемі.

Солаааай, қыздардың бар уақытын алдым. Күннің суығында менімен қыдырып жүрді, Назира өзінің сыйлықтарын ұсынды.

Күлегеш қыз деп атасақ та болады Назираны. «Жауап жазу» функциясы әңгіменің ең қызықты жері болды. Сонымен қатар, Назираның 10 күн бойы «И жаным))» деп, басталатын смс хаттары толассыз болды. Күн сайын жағдай сұрасып тұрдық, ризамын! Аллаһ разы болсын! Астанадағы «Блогқұрылтай-2012»-де кездескенше деп тарадық. Ыстық ықылас пен ерекше көңілдеріңіз үшін мың алғыс! Аман болыңыздар!

Пы.Сы. Кездесу қорытындысы осындай, арнайы көрмегендер үшін, жекеде сұрағандар үшін. Керекинфоның тарихында қалар, назар қойғандарыңызға рахмет! Аман болыңыздар, Астанада иншАллаһ кездескенше!