Мини Блог Құрылтай-2: Есеп

БлогҚұрылтай жақындаған сайын, кездесулеріміз жиіліне түседі. Бүгін де 13 адам болып жиналған екенбіз. (Біз үшін қасиетті сан болып кетті ғой дейм, иә? Алдында да отырғанда 13 адам едік.) Арамызға Қуаныш та қосылды. (Келгеніне ол да, біз де өте қуаныштымыз)
.

Сонымен не істедік?
— Алдында берілген тапсырмалардың қаншалықты орындалғанын бір қарап шықтық. Алдағы аптаға арналған тапсырмалардың тізімін жасап, оларға жауапты еріктілерді сайлап қойдық. (Bekzhan`ға тапсырма бермеппіз)

— Жақын уақытта БлогҚұрылтайға тіркелу формасын жариялаймыз.
БлогҚұрылтай форматын, презентацияларға қойылатын талаптар, оларды жіберудің соңғы
күні қандай екенін де сол жерде айтамыз.

— БлогҚұрылтайға жаңалық ретінде презентациалардың баяндамалырын кітапша ретінде шығарамыз. Оның бірнеше пайдасы бар: Кейбір презентацияларды көре алмағандар, кітапшадан оқып, біле алатын болады; Келер жылы БлогҚұрылтай ұйымдастырғанда демеушілермен жұмыс, өткізетін орын жайлы мәселелерді шешкен кезде осы кітапшаны өткен Құрылтайдың нәтижесі ретінде ұсынуға болады.

— Тағы бір қосатын жаңалық: Барлық презентацияларды видеоға түсіріп, интернетке салу. Ол үшін әр аудиторияға камерасы бар жақсы фотоаппарат, ноутбугы, екі флеш-картасы бар еріктілерді сайлап қою керек. Оған әлі кейін тоқталамыз.

Қуаныштың айтқан ойы ұнады. Яғни, үздік презентацияларды анықтау үшін барлық қатысушыларды бір аудиторияға жинап, негізгі ойын жеткізу үшін әрқайсына 30 секунд беріледі. Сол кезде аудиториядағы барлық адамдарда әр презентация туралы жалпы түсінік пайда болады. Әрі ойларын іске асыру үшін қолдаушы, демеушілер табылады.

Айтпақшы, өз арамыздан демеушілер қорын да ұйымдастыру деген ұсыныс болды. Ол туралы да кейінірек.

Жобамен БлогҚұрылтай өткізетін күндер осылай болады деп отырмыз:

22 наурыз: кешке бейресми ашылу
23 наурыз: презентациялар
24 наурыз: мәдени іс-шаралар (Астана, я Бурабай, тіркелу формасында анықталады)

Тапсырмаларға еріктілер тағайындалды:

Aizhantabyn Наурыз көжеге жауап беретін болды.
Nurgisa Логолы футболкаларды
huanysh Сайтты техникалық жағынан қатырады.
AKY мен Leyla кітапшаның контентін реттеуді қолға алады.
Алмагүл кофе-брейкті қолға алды.
Жамиля Бурабай жағын өз мойнына алды.
Aldeken Уеб-ресустар байқауын ұйымдастырады.
Erbol Баннерлерді қолға алады.
aikona Логолы қалам, папка, блокноттар жағынан көмектеседі.

БлогҚұрылтай-2012 өткізетін орнымен келістік. Қолдаймыз деп жатыр. Тек бір ресми жауап қалды. Оны дүйсенбі күні алармыз деп ойлаймыз. Өткен аптада презентациалар көрсететін аудиторяларды қарап шықтық. Егер рұқсат берілсе, осы жерде өткіземіз.
Видео:


Сурет мына жерден