Almaty Events

Қаламызда болып өткен, болып жатқан және енді болатын ивэнттер жайлы тағы бірер сөз:

1. Қаламызда екінші аэропорт пайда болуы мүмкін.

11-қазан күні Премьер-министр Кәрім Мәсімов жаңа аэропорттың жобасымен танысып өтті. Екінші халықаралық аэропорт Алматы қаласынан 100 км. қашықтықта орналасатын болады. Жобаның идеясы малайзиялық ALR Builder компаниясына тиесілі. Бұл аэропорт жылына бірнеше миллион жолаушыларға қызмет көрсететін болады. Толық ақпарат.

2. Медеу мұз айдыны өз жұмысын қайта бастады.

1-қазаннан бастап «Медеу» мұз айдыны қайта ашылды. Коньки тебуге барғыңыз келсе, мұз айдынының жұмыс кестесі баяғысынша: бейсенбіден жұмаға дейін сағат 10.00ден 16.00ге дейін, сосын 18.00ден 23.00ге дейін. Билеттердің құны: үлкендерге — 1600 тенге, 7-12 жас аралығындағы балаларға — 500 теңге. Студенттерге, әдеттегісінше, жеңілдіктер бар, ал 7 жастан кіші балаларға кіру тегін. Медеуде болатын іс-шаралардың тізімі.

3. Алматы әкімі мұғалімдер күні қарсаңында білім беру саласының 14 қызметкеріне пәтер кілтін табыс етті.

Осылай Есімов қала мұғалімдерін кәсіби мерекелерімен құттықтады. Тұрғын үй мәслелесі бүгінде көпшіікті қинап қойғаны белгілі. Осындай жақсы жаңалықтар көбейе берсін. Дереккөз.

4. «Мен сенімен біргемін» веломаршы

Алдыңғы постымда осы іс-шара туралы жазған болатынмын. Веломаршқа қатысушылар қаланың көшелерін аралап қана қоймай, онкологиялық ауруларға шалдыққан балаларға қаржылай көмек жинауға да белсене қатысты. «Здоровая Азия» қорының қолдауымен Алматыда 12 адамға арналған хоспис ашылады. Бұл емдік орталық осы екі-үш айда өз жұмысын бастап кетуге дайын.

5. 02.10.2011. Апорт орталығының тұрағында «Драйв-2011» авто-фестивалі болып өтті.

Бұл шара vse.kz және drive.kz интернет-қауымдастықтарының ұйымдастырылуымен іске асты. 300ден аса техника құралдары жиынға келген көрермендердің көз қуанышына айналды. Келген қонақтар күні бойы неше түрлі конкурстарға қатысып, әр түрлі көліктердің фонында суретке түсіп үлгерді. Конкурстар әрқилы: бір машинаға қанша жолаушы сияды, 1 стакан суды машинаның төбесіне қойып, мәреге дейін жеткізу және т.б. Көрермендердің айтуынша, бұл Алматыда осыған дейін болған автожиындардың ішіндегі масштабы бойынша ең ірісі. Толық ревю мына жерде..

6. «Open Way-2011». Жас дизайнерлер байқауы.

30.09.2011. "Қазақстан" қонақүйі, Premium Hall. Бұл байқаудың мақсаты жас талант иелерін жинап, өз жұмыстарын халыққа көрсетуге мүмкіндік беру. Ұйымдастырушылар және қолдау көрсетушілер — Almeo Group, Kazakhstan Fashion Week және Алматы қаласының әкімшілігі. Байқаудың басты талабы бойынша қатысушылар 2012 жылға лайық, жаңа өмірді бейнелейтін киім үлгісінің эскизін дайындау керек болатын.

21 финалистің ішінен Павлодар қаласынан келген Құсайынов Жеңіс өзінің «Lady Gaga образы» үлгісімен жеңімпаз атанды. Қысқа видео шолу.

7. Сүйікті қаламызда тағы бір гламур-тусовкаларға арналған «El Mirador» рестораны ашылды.

«El Mirador» Bar&Grill — талғамы жоғары тұлғаларға арналған, қымбат ресторан. 24-қыркүйекте ашылуын атап өткен бұл ресторан өз қонақтарын асыға күтуде. Ашылу мерекесінде атақты француз «Gipsy Kings» тобы мен Rico Sanchez қонақтарды өздерінің қайталанбас туындыларымен қуантты. Дегенмен, сапа мен бағасының сай келетініне қонақтар әлі сенімсіз. Өзім тексерген ақпараттарға сүйенсек, мұнда алдын-ала столға (6-7 адамға) тапсырыс беру 50 000 тенге екен. Қонақтардың пікірлері.

8. 27-29.10.2011. Almaty Towers, Ballroom.
Kazakhstan Fashion Week

Еліміздегі сән индустрияның ең елеулі оқиғаларының бірі. Әр жылы осы мерекеде жаңа отандық және шетелдік дизайнерлердің жұлдызы жанып, жаңа идеяларға бағыт беріледі. Әдеттегідей, подиумға атақты дизайнерлердің ең жақсы коллекциялары мен жаңа туындалары шығарылады. Сонымен қатар шығармашылық жолын енді бастаған дизайнерлер де стиль мен сұлулық әлемінде бағын сынап көреді. Open Way-2011 жеңімпазы Жеңістің cән үлгілері де осы мерекеге қатысады. KFW ресми сайты.

PS. @konvict, Таразда қар жауыпты ғой. Жылы киініп жүр.
Барлықтарыңызға бұл аптаның соңғы жұмыс күнін жақсы аяқтаңыз дегім келеді! Демалыс күндеріңіз көңілді өтсін!