Ұнатамын/Ұнатпаймын

Ұнайды:
Кеш жатып, ертеңінде сағат он екіге дейін ұйықтау, жаңбырлы күні ешқайда шықпау, жақсы бір корей сериалының қызығына кіріп, күні бойы соны қарап тастау, жақсы бір тақырып тауып, блогқа жазба жазу, «бір адамның» қалжыңдары, жалпы суырып-салма қалжыңдайтын адамдар, отырыстарда гитарада, домбырада романтикалық әндерді тыңдау, өзімнің таңертең боянып шыққандағы түрім, ақылды, терең адамдармен әңгімелесу, адамдардың кішіпейілділігі, мейірімділігі, жұмыстан қарның ашып келгенде мамамның дәмді тағам жасап қоятындығы, бір әнді ұнатып қалып, соны мың рет тыңдау, істелген жұмысымнан ләззат алу, Сатыбалды.

Ұнамайды:
Аяқ астынан топас бола қалатын адамдар, жмоттар, өркөкіректер, бай адамдар (олардың жанында өзімді некомфортно сезінемін), мәдениетсіздік, мәмбеттер, асфальтқа түкіретіндер, кондукторлар, таңертеңгі қара суық, әділетсіздік, жаныңа кіруге құмар адамдар, мақтаншақтар, көп білгішсінетіндер, қыздардың мәселесін шешуге құмар жігіттер, мүлде кітап бетін ашпайтындар, агентке қате жазатындар, сонымен қатар агентте күнде «сәлем», "қал қалай" деп жаза беретіндер, қашан тұрмысқа шығасың деген сұрақтар, бой-бітімімді сөз қылатындар, мияу-қыздар, біреумен ұрсып қалып, келіп жалоб жасап, біраздан соң сонымен қайта шүйіркелесіп отыратын қыздар (оның алдында маған келіп не үшін жалоб жасадың?), өте түзу адамдар, "қазіргі жастар, қазіргі адамдар" деп сөйлейтіндер, мини юбка кисе бітті — бұзылған деп қорытынды жасайтын адамдар, радикал діншілдер.