Жұмыста дағдарыс

Өткенде Қазақпараттағы дағдарысты (қаржылық дағдарыс, шығармашылық дағдарыс) айтып мақала жазғаным үшін мені қуып жатқаны туралы айтып едім ғой. Керісінше болды. Мен Қазақпаратты қуып жібердім нақ. Айттым қойыңдар, менімен ерегесу қауіпті деп. Қоймады, деп жіберсең әңгімені.))) Оқып жатқан шығарсыңдар интернеттен. Қазақпарат болмай жатыр, науқастанып.

Кешелі бері журналистер көтеріліп, материал жазып жатқан жоқ. Бүгін сайты жабылды. Типі техникалық ақау шықты. Ертең банкрот болуы мүмкін деген сыбыс зулап жүр. Жабылмасын әрине. Біз кетсек ештеме емес. 90 жылдан астам тарихы бар агенттіктің жабылуы, тем более қазіргі интернетің итке де ие бола бастаған уақытта. 5 тілде ақпарат тарататын агенттіктің жабылуы үлкен күнә. Өз басым Қазақпараттың жабылуына қарсымын. Өткенде мені қысқартамыз дегеніне қалай қарсы болсам, қазақпарат жабылады дегенге солай қарсымын. Өзім үшін соттасқым келмеп еді, қазақпарат үшін кіммен болса да айқасуға бармын. Әкемнен қалған жоқ.Бірақ, осындай үлкен агенттікті өлтіруге болмайды. Ал, қайта құрылуына қарсы емеспін. Қазақпаратта қаржы дағдарысы ғана емес шығармашылық дағдарыс та бар. Өз басым ақпарат жазудан бастап түгел өзгерту керек деп есептеймін. Жаңа заман талабына сай жаңа концепсиясы керек. Болды, мыжымайын.

Очм, дағдарыстамыз. Дағдарып отырмыз. Кеңседегі ахуал 41 жылғы майдан шебін елестеді. Халық көңілсіз, көздерінде үрей, үміт, күдік…
Бөлісу:

21 пікір

edige
Жазатын дым жоқ па сонда
Erbol
Жазатын дым көп.Кері қайтып келіп жатыр жібергендеріміз. Сайтты жаңа ашты қайтадан
Zilola
бәлкім осы оқиғадан әріптестеріңді өзің алып шығарсың, проблемдерің тез шешіліп, басшылықтан орын бұйырсын деп тілеймін!
Erbol
 еее қайдан. Басшылық арман емес. Тек Қазақпарат жабылып қалмаса болды.
Пікір түзетілген: 16 маусым 2011, 15:50
Lyaila
Қиын жағдай…
дегенмен, қаржы дағдарысының «емі» түсінікті ғой, ал осы шығармашылық дағдарысқа қандай «ем-шара» қолдануға болады екен
Erbol
шығармашылық дағдарысты жою үшін КСРО кезінен келе жатқан мәтіндік ақпарат жазуды ғана білетіндерді пенсияға жіберу керек. Жаңа медианы түсінетін, білетін, жастарды нағыз интернет журналистерді тарту керек.Болмаса тілшілердің барлығына жаңа заман талабына сай интернет журналистканы меңгеруіне жағдай жасалуы қажет. Семинар- тренинг, курстар арқылы.Сосын тек мәтіндік ақпарат қана емес инфографика, аудио, видео, фото ақпаратты көбейту керек. Сайттың дизайны оқырманның ақпаратты жеңіл, жылдам алуына лайықталуы керек. Қазіргідей құр мақтаудан тұратын ода ақпараттар емес, барлық саладан, жаңалықтар беру керек.Оларды беру оқырман арту жолдары, жарнама тарту жолдары дегендерді қолға алу қажет.Журналистері қазіргідей офисте отырып жазатын емес, шағын онлайн офис арқылы басқарылатын, ерікті (волентер емес) журналистерден құрылуы тиіс. Яғни мен офисте отырмаймын. Онлайн арқылы координатордан тапсырма аламын, рюкзагымда диктофон, фотоаппаратым, бейнекамерам бар. Оқиға орнынан түсріп жазып, редакторыма жіберем. Ол тексеріп салуды жүзеге асырып отырады.Бұның қаржылық шығыны да аз. Осындай нәрселерді қолға алуы керек.Осында ем-шара.
Пікір түзетілген: 16 маусым 2011, 16:13
Lyaila
Әбден лайықты «рецепт»! Тек, осыны қолға ала білетін, бастамашыл, білікті «дәрігер» қажет-ақ…
omarbirat
«Хирургтың» пышағына ілінуге шақ қалып тұрған сияқты ғой, жағдайына қарасақ
Lyaila
ия, жағдай белгілі болды...«жан сақтау бөлімінен аман-есен шықсын» дегеннен басқа шара қалмаған сияқты… жәйлап «аяғынан тұрып кетер» деген үміттеміз
Erbol
Сондай басшы жоқ, өкінішке орай. Меніңше сондай адам Ержан Сүлейменов болып қалады.Асхат Еркімбай, бір тұтқасын ұстауға әбден лайық.Асеке ҚазАқпараттың қазақ редакциясын басқаршы келіп? Бұлар жаңа медианы, заман талабын түсінеді, ең бастысы.
satibaldi
Істейік те енді?
sozak
Айтайын дегенім қазақстанда әлі күнге дейін дамымай отырған фрилианс жобасын неге бастамайсыз үкіметке тәуелді болып отырғанша. Тәп-тәуір жазасыз. Сайт мәселесі қазір проблема емес, вордпесті алыңызда вперед…
satibaldi
"Қаза ақпарат"
Erbol
 жабылса амал жоқ, осылай еске аламыз
Пікір түзетілген: 16 маусым 2011, 15:58
satibaldi
ҚАЗТАГ деген де бар ма осы?
Erbol
ҚазАқпараттың СССР кезіндегі атауы ҚазТАГ болған. Кейін ҚазАқпарат болған соң Сейітқазы Матаев ҚазТАГ атымен жекеменшік ақпарат агенттігін ашты. Көп елдің ҚазАқпаратпен ҚазТАГ-ты шатастыратыны содан.
Пікір түзетілген: 16 маусым 2011, 16:07
Arnur
"ҚазАқпаратта" бір күн жұмыс істегенмін. Жеті жылдан бері істеп жатқан достарым бар сонда, Астанадағы редакциясында. 200 миллион теңге деген түк емес қой, шындап келгенде. Былтыр Премьер шеше ме деп едік, түк өзгермепті. Министр де біледі жағдайды. Сонда, олар шеше алмағаны ма деп таңғалмасқа шарам жоқ.
Erbol
Министрдің твиттеріне де жаздық, блогына да жаздық.Өткенде Алматыға келген Ақпарат мұрағат комитетінің төрағасымен де сөйлесіп, жағдайды түсіндірдік. Еш қайыр жоқ. Елбасы мен Премьердің құлағына жетпей болмайтын сияқты ғой. Депутаттарға да хат жібердім, бүгін Алматыға келіп қалыпты, сөйлестім. Көтереміз деді. Сол кісілерден бір үміт күтіп отырмыз.Үміт болғанда ана кісілердің құлағына жетсе, қайыр бола ма деген үміт қой.
Пікір түзетілген: 16 маусым 2011, 18:42
seken
Ойда өзіміздің (Интернет білетін аз-маз қазақтың) бір ақпараттық агенттік құру ойда бар. Қазақпарат та аман болсын! Әйтпесе кіммен жарысамыз?