Осымен осылай деймін...

Жұмыс уақытының аяғына сәйкес келген соң ба бұрын бұл бағдарламаны көрмеппін. Бар екенін білумен шектелетінмін. Сәті түсіп (сәті түскеніне өкінетінімді білмедім ол кезде) мамырдың 17-сі күнгі бағдарламаны көре қалдым. «Сонымен солай дейік…»…


Қаузап жатқан тақырыбы өзекті. Отбасы ошақ қасындағы әйелдер мәселесі.Бағдарламаға біраз күш салғандары көрініп тұр. Әйел жолдастардың күніне неше сағаты ыдыс жуу, үй жинауға және бала тәрбиесіне кететіндерін есептеп, арасында бейне көріністермен көмкеріп отырды. Қонақтар да өз бастарындағы оқиғаларымен бөлісіп жатты. Тігіншілігімен өз балаларын сонау тоқсаныншы жылдардан алып шыққан жалғызбасты анаға сүйсініп отыр ем. Тігіншімнің тілі қан қысымымды қалыпты жағдайдан сәл көтеріп жіберді. Қазақ тіліндегі бағдарламада отырғанын ұмытып кеткен апамыз орыс тілінде көсілді дерсің. Хош делік…Қонақтар қатарына мәжіліс депутаты Бақыт Сыздықова да жайғасты. Өзіне берілген мемлекеттік тілдегі сұраққа (басқа қай тілде қойылуы тиіс еді? Бағдарлама қазақ тілінде) депутат апамызда еш қымсынбастан орысша жауап берді. Көрермендерден кешірім сұрамады да. Қан қысымым екінші дәрежелі қан қысымына бірақ көтерілді-ау деймін. Бақыт Сыздықова осы мәселені өз әріптестерінің алдына 2009-шы жылдың аяғында көтергенін, содан бері еш өзгеріс болмағанын, тіпті бұл мәселе жөнінде комиссия да құрылмағанын айты. Апамыздың айтып отырған мәселесі үй шаруасындағы әйелдерге мемлекеттің қаржылай көмек беруі жайында болатын. Атап айтқанда үш не одан да көп бала тәрбиесімен үйде отырған әйелге мемлекеттен қолдау көрсету. Ойланатын және орындайтын-ақ мәселе. Бірақ осының бәрін ойлап отырған мидың орысша ойланып тілдің орысша жеткізуі көңілімді түсірді.
Лауазымды көкелеріміз бен тәтелеріміздің орыс тіліне етіміз де, бетіміз де үйреніп алғаны жасырын емес.Қазақ еліннің мәжілісінің депутаты бола тұра, қазақ тіліндегі бағдарламаға келетінін біле тұра, қазақша жауап бере алмайтынын Сыздықова ханым білмей қалды дей алмаймыз. Әріптестері екі әйел алу туралы дауласқанда, екі күйеуге тиюді де заңдастыруды тіліне тиек еткен депутат ханым бізді тағы бір таң қалдырды.

Суретке тікелей сілтеме
Бөлісу:
  • 0

20 пікір

asaubota
шоуменнің әйел түрін шоувумен дей ма?
ken
спортсменка деген секілді шоуменка болып кететін шығар
Erbol
Бақыт Сыздықова
Маған саласа бұның орнына ауылдағы ұлттық паркте істейтін «партком» Кәдір деген кісіні әкеп қояр едім.Мектеп бітпегені болмаса дәл жаңағы депа ханымға қарағанда ақылды нәрсе айтады.
Erbol
«Сонымен солай дейік…»… лоқсуыма себепкер ылғи. Бұл өзі ток-шоу деп аталмай ма. Қазақстанда ток шоу жоқ, шок шоу кілең. Шок болғанда ақымақ тақырыптар мен ақымақ ойлардан шок аласың.
Abilakim
Басына найзағай түскендей сап-сары шашты қыз жүргізтеді екен айтеуір… Кім екенін де біле алмадым.Себебі, бірінші рет көрдім
sammita
Мейрамгүл Мәдәлі жүргізуші. Ал шоуды көру үшін темірдей нерв керек, еркек-әйелі аралас айқайласып, дауласқанда миын айналып кетеді. Соншалық екпінмен, өлерменденіп, пікірін тықпаштап… Екінші жүргізуші Данияр Есен еді (хабарды баяғыдаа көргем 2-3 рет). Айтпақшы осы соңғы хабарда-ау деймін Бауыржан Қарақыз (көкшетаулық ақын бала) қатысқаны.
Abilakim
соңына дейін көрмедім, шынымды айтсам. Досымжан Таңатаров отырған…
19852407
Мейрамгүл брюнетка еді ғой, блондинка қып елестете алмай отырм ше))
asaubota
Бақыт Сыздықова

Бакыт Сыздыкова емес пе?
Gulistan
«Пусть говорят» Қазақстанға де келген екен ғой:)
Nurgisa
Қалай қазақшалауға болады?

«Не десе о десін!»
«Ит үреді...»
«Маған не дейсің?!»
«Оттапты...»
"Үшеуміз үшем бе едік?"
«Жанр дағдарысы?»

Күләнданы жүргізуші қып қою керек.
a63a1
Лібәәә бұл бағдарламадан анада көріпкершілік туралы тақырып көріп қалдым. Ана жерде не болып жатқанын түсінген жоқпын, бәрі иттің көтінше шулап кетеді, бірін-бірі күту деген жоқ.
Abilakim
Жүргізуші қыз Досымжанға бір сұрақ қойды.Ол өз кезегінде жалпылама, астарлай жауап берді. Жүргізуші сұрағын тағы қайталады.Досымжан «Жаңа айтып кеттім ғой» деп тағы түсіндірді.

ПыСы: блогшы Бүркіт Нұрасыл да болды бұл бағдарламада. Пікірі, шыны керек ұнамады. Мұны оқып, маған ренжи қоймас.Ондай пікір айту үшін әуелі үйлену содан кейін сол әйелге үш бала таптыру керек оған
Armanjan
айтпақшы 24.кz арнасын көріп жатқандарың бар ма қалай екен жалпысы.
Abilakim
Отау-тв-ға қосылған жандар көріп жатқан болар.
Khorlan
Sol tok-showdyn ekranga endi shykkan kezde 1-2 ret korgenim bar. Shynymen sol «pust' govoryat» siyakty goi… Aikaiy da sol bir «fishkasy-au» deimin. Birak orysshalap soilegen de zhok, ari kotergen maseleleri de ote kyzyk boldy (bara-bara zhaksy takyryptar da tausylatyn siyakty), televizordyn aldynda otyryp kaldym. 
Aikailap soilesetini magan katty unamady. Birak muldem zhaman dep te aita almadym. 
Abilakim
кейін келе бұл бағдарлама тап-тамаша дәрежеге жеткен.
Gastarbaiter
Жүйке құртуға тұрмайды мүлде теликке қарап.
Жаулаап алды махаббат деп лағып кеткенсің ба)))
Қысқасы Сатыбалдысыз сайтымыздың пікірлер бөлімі жетімсіреп қалған сияқты
edige
Соңғы пікіріне де жетінің жүзі болыпты…