Виндоуссыз өмір немесе юзер қатарына қосылып келемін

Осыдан біраз бұрын (жылға жақын ау деймін) өз блогымда шәнек болып қалғаным туралы жазған болатынмын. Содан бері осы линуксты пайдаланып келемін. Линукс таңдаудың өзі үлкен еңбекті талап ететінін айта кеткен жөн.
Біздің көз қарасымызда тек қана Виндоус қалыптасқан және жасыратыны алғашқысында Линукстердің түрлілігін Виндоустың түрлілігі сияқты қабылдаған болатынмын. Бертін келе бұл ойымнан арылдым. Бір айта кетерлігі қолданатын линукс түріне байланыссыз неше түрлі жұмыс үстелін пайдануға болады. Бұл жердегі жұмыс үстелі ұғымының аясы виндоустікімен салыстырғанда өте кең ұғым, тіпті оны линукстың графикалық интерфейсі деп те атауға болады. Линуксты графикалық интерфейссіз де орнатуға болады, немесе ұнамаған жұмыс үстелін өшіріп басқасын орнатуға да болады. Осылардың ішінде пайдаланатыным Xfce жұмыс үстелі.
Негізі әрбір линукс қолданушысының қай үстелді пайдаланатынуы өз қалауы немесе компьютерінің техникалық шектеуіне байланысты болады.
Тағы бір айта кететін жәйт бұл Линукс жүйелері үшін вирус жоқ десе де болады, болса жиырмаға тарта вирус болар. Егер компьютеріңіз вирус әсерінен бұзылатын болса, компьютеріңізге арнайы шабуыл жасалған деп топшылауыңызға да негіз бар.

Бір жылға тарта уақытың ішінде бірнеше линукс түрін қарастырдым, қай нәрсе болса да, жарнама көзге түседі емес пе?
Интернетті кезіп жүріп, Ресейлік мұғалымнің лицензиясыз виндоус орнатқаны үшін шаталғаны туралы шулы мақала көзіме іліккен. Сол кездегі менің де жағдайым сол мүғалімдікіндей еді. Мекеміздегі он компьютер тәркіленіп, олардың біразынан лицензиясыз орнатылған автокад өнімінің іздері табылған болатын. Процесс маған оң нәтижемен аяқталған соң тегін бағарламаларға көшуді ұйғарған болатынмын.
Сойтіп жүріп Ресейліктердің мектепке арналған Альт-линуксы көзіме түсті. Былай жаман емес, көптеген пакеттері дискіде болғандықтан еш қиындық тудырмады.
Бірақ өте ауыр ОЖ. Менің компьютерімнің түрі түр екенін былай қойғанда конфигурациясы да оңбаған. 256МБ ОЗУға қалай ХР қойғандарына кейде таңқаламын. Осыдан кейін жеңіл ОЖ іздей бастадым, Vector linux қойдым, керемет, 1.8ГГц, 256МБ озулы машинам қос ядролы машинамадан кем түспеді. Үшады дей ма, обшым бұл ОЖның бір носы болды сол кезде. Жеңілдетіп жиналғанменен ағылшын тілінен басқасын қолдамайды. Интернетті кезіп жүріп жаңағы линукстің СлайкВар негізінде жиналғанын оқыдым, Ыбырай атам айтқандай тілегенім іздемей табылды. Бірақ СлайкВар орнауға білімім жетпеді ақыры. Сол себепті орыс, қазақ тілдерін қолдайтын линукс жинау ниетімнен бас тарттым.
Ол құдай атқан компьютердің орнына басқасын беріп бір өрісім кеңіп қалды. Кейін ОпенСус, Дебиан сияқты линукстерді көрдім.
Қазір пайдаланып жүргенім Xubuntu 10.10, жоғарыдағы ескі компьютеріме де осы убунтудың 10.04 нұсқасын графикасыз отырғызып, маршрутқа қойдым.
Бұрынғыдай емес шамалы үйреніп қалған сыңайым бар.