Тұмар тағу туралы



Аса қамқор, ерекше мейірімді Аллаһтың атымен!



Ибн Мәс`уд былай деген: «Мен Аллаһ елшісінің: «Дем салу (руқия), тұмар тағу мен еліктіру ширк болып табылады», – дегенін естідім» [1](Ахмад 1/381, Әбу Дәуд 3883, Ибн Мәджаһ 3530).
`Уқба ибн `Амир айтқан: «Бір күні пайғамбарымызға делегация келді. Ол тоғыз адамнан ант қабылдады да, біреуінен қабалдаған жоқ. Пайғамбар: «Негізінде, ол тұмар тағып алған!», – деді де, одан тұмарын жұлып алды, сосын антын қабылдады. Кейін былай деді: «Кім өзіне тұмар тағып алса, ширк жасаған болады» (Ахмад 4/156, әл-Хаким 4/417).
Тұмар деп көптеген адамдардың мойындарына асып алған жіптер, моншақтар түріндегі заттарды және соған ұқсас тағы да басқа нәрселерді атайды. Сондай-ақ, бұған сол затқа тәуекел етіп, тіл-көзден сақтайды деген оймен адамның киіп алған жүзігі немесе басқа нәрселер де жатады. Әсіресе, бұны жиі жас балдарға көзден және с.с. сақтасын деп кигізеді.
Өзіне тұмар, талисман, түрлі жіптер мен моншақтар ілу, тағы теріге немесе матаға оралған дұғалар тағу және кішкентай балдардың шекесіне бәле-жаладан сақтасын деген мақсатпен күйе жағу үлкен күнә болып табылады, өйткені осыған ұқсас себептерді жамандықтан сақтану үшін қолдану Құран мен Сүннетте де бекітілмеген. Егер адам осындайларды себеп ретінде алып, бірақ Аллаһқа тәуекел етсе, онда бұл кіші ширк болып есептеледі. Алайда, егер аталған нәрселерді жасаған кісі осы нәрселердің өздері қайғы-қасыреттен құтқарады деп анық сенетін болса, ол үлкен куфр жасаған болып саналыды (“әл-Қаулул-муфид” 1/115).
Аллаһ Тағаладан теріс айналып, өздерін және бала-шағаларын ешқандай пайда да, зиян да әкеле алмайтын көз-моншақтар мен жіптерге тапсыруға не итермелейді?! Аллаһ Тағала былай деді: «Әй, адамдар! Мысал келтірілді, соған құлақ салыңдар! Расында, сендердің Аллаһтан өзге табынатыңдарың ол үшін жиналса да шыбынды да жаратуға шамалары келмейді. Ал егер шыбын олардан бір заттарын алып кетсе, олар оны қайтара алмайды. Сұрап жатқан да, сұралып жатқан да әлсіз!» (Хаж сүресі, 73-аят).
Тағы да Аллаһ Тағала: «Өздеріне Аллаһтан басқа қолдаушы мен жәрдемші таңдап алғандар, өзіне ұясын тіккен өрмекші секілді. Расында, ең нәзік (мықты емес) ұя – өрмекшінің ұясы. Егер де олар білгенде еді!», – деді (әл-`Анкәбут сүресі, 41-аят).
Шейх `Абдур-Рахман әс-Са`ди айтқан: «Басқа төнген тауқыметтен құтылу немесе одан алдын ала сақтану мақсатымен жүзік, тұмар және соған ұқсас нәрселерді тағу — Жалғыз Жаратушы және Басқарушы Аллаһтың тәңірлігіне қатысты ширктің көрінісі болып саналады. Өйткені, Оған жаратуды және істерді басқаруда серік қосылып жатыр. Сонымен бірге бұл құлшылықтағы ширк болып табылады, себебі Аллаһтан өзге нәрсе тәңір ретінде таңдалып жатыр. Сол затты жүрегімен тәңірдей көріп, оған тәуекел ету және оның пайда әкелетініне үміттену ширк болып есептеледі» (“Қаулу-ссадид” 89).
Көптеген адамдар, түрлі тұмардардың және с.с. барлық жамандықтардан құтқаратынына сенеді. Ал ақиқатында бұл оларға одан да үлкен зиян әкеледі.
`Имран ибн Хусейн айтқан: «Бір күні пайғамбарымыз сары сақинасы бар адамды көреді де одан: «Бұл не?», – деп сұрады. Әлгі адам: «Мен оны әлсіздіктен сақтасын деп киіп жүрмін», – деп жауап берді. Сонда пайғамбар (оған Аллаһтың игілігі мен сәлемі болсын) былай дейді: «Оны шеш, шын мәнінде, ол сенің әлсіздігінді тек күшейте түсіреді. Егер сен қолыңа осы сақинаны тағып өлетін болсаң, ешқашан бақытқа ие болмайсың!» (Ахмад 4/445, Ибн Мәжәһ 3531).
Әй, мұсылмандар! Пайғамбарымыздың (оған Аллаһтың игілігі мен сәлемі болсын) осы сөздеріне көңіл бөліңдер: «Ол сенің әлсіздігінді тек күшейте түсіреді». Бұл сөздерден, кез-келген ширктің, ол кіші ширк болса да, мұсылман адамның әлсіздігінің себебі болатынын түсінеміз. Егер мардымсыз ұсақ-түйек заттарды тағып алудың өзі мұсылманның әлсіздігінің себебі болса, онда мұсылмандардың қабірге табыну және өліктерден тілеу секілді ширк көріністерін жасаулары жайында не айтуға болады?!

_______________________
[1] Осы хадис бауырларда түсінбеушілік туғызуы мүмкін, сол үшін кейбір сөздерге ғалымдар қандай пікір қосқанын айтып өтсек:
Дем салу (руқия).
Шейх Ибн ‘Усәймин айтты: “Бұл дем салудың барлық түріне қатысты емес. Бұл жерде дем салудың рұқсат етілмеген түрлері жайында айтылып тұр. Ал шариғатта заңдастырылған дем салуға келер болсақ, онда бұл ширк болып табылмайды!» (Қараңыз: “әл-Қаулул-муфид” 1/114).
Еліктіру ширк болып табылады.
Шейх Мухаммад ибн Суләймән былай деді: “Еліктіру – бұл әйелдің еркекті жақсы көруіне, ал еркектің әйелді жақсы көруіне мәжбүрлейтін сиқырдың түрі» (“Китәбу-ттәухид” 57).


Бөлісу:

52 пікір

Ahi
Тұмар тек біздегі тағып жүретіндер деп ойламаңыз, тұмар дегеніміз — тәуекел етіп, тіл-көзден сақтайды деген оймен тағылған кез-келген нәрсе.
satibaldi
Тұмар тек біздегі тағып жүретіндер деп ойламаңыз
Сендегі не сонда?
GulL
Мен мысалы машинама оқытып сондай тұмар тағып жүрмін, әрине Аллаға сенемін бірақ өзге жұрттың назары ауатынына талай рет куә болғанмын сондықтан сақтансаң сақтарын дегендей тағып жүру керек деп ойлаймын. Мысалы егер Алладан сол көз тиюден өлу маңдайға жаылса онда сені әрине ешқандай тұмар сақтап қалмайды, ал бірақ кесел болып жабысып, ісің кері кетіп жатса керек нәрселердің бірі деп ойлаймын.
Сосын Ахи мырзадан сұрайын дегенім айтып жатады ғой осы көзі бар адам келсе қолыңды шығарып отыру керек деп ол да ширк болып табылады ма?
satibaldi
Ей бейшара, алжып кетерсің, қоя ғой енді.
Erkekyz
Бір сіңлім Түркістаннан бір тас әкеліпті, әшекей тас. Енді типі сәттілік әкеледі екен. Мен ондайға сенбеймін, бірақ оны сәндік ретінде тағып жүрмін, өзі әдемі екен. Бұл ширк бола қоймас, ия?
Ahi
Ширк болмайды, бірақ сол ширк жасап жүргендерге ұқсау күнәсі болады! Мысалы, біреу мойнына крест тағып жүр, бірақ өзі оған сенбейді. Оған не дейміз?! Дәл сол сияқты ғой. Сіз сол ширкке қатысыңыз жоқ екенін білдіруіңіз керек, яғни сіңліңізге сіз ширкті істемейтініңізді және оған да ондай нәрсеге сенбеуді насихат ету керек! Оны түсіндіру оп-оңай, түк қиындығы жоқ! Алла біздің күнәларымызды кешірсін!
haos
Тұмар тағып жүру жаиз болып табылады. (Фәтәуаи хадисийа)
haos
Cахабалардан Абдуллаһ бин Омар радиаллаһу анһ «Ашу, жаза және құлдарының жамандығынан, шайтандардың уәсуәсасынан және жанында болуынан Аллаһтың аяттарына сиынамын» деп жазып балиғатқа толмаған балаларының мойынына тағып қоятын еді. (Тирмизи)
haos
Не екені белгісіз жазулары бар тұмарды әрине алып жүруге болмайды. Бірақ дініміз білдірген дұғаларды, аяти кәрималарды оқып үрлеу және тұмар ретінде тағып жүруде ешқандай зиян жоқ. Мәселен “аяти хырз” оқу және өзімен бірге алып жүру өте пайдалы. Тағып жүрген адамды сиқырдан, дуаланудан, көз тиюден қорғайды. Мұратына жетеді. (И. Ахлақы)
Janasil
Мен осы жайында кеше сұраған едім.
haos
Науқастың және жануар тістеп алған адамның шипасы үшін Құран кәрім оқу немесе қағазға жазып тұмар қылып алып жүру немесе су құйылған ыдысқа салып бұл сумен ауыратын жерін жуу жаиз болып табылады. Дұрыс болған мәшһүр дұғалармен тұмар жасау және өзімен бірге алып жүру жаиз. (Хиндийа)
haos
Аяти кәриманы және Расулуллаһтан келген дұғаларды оқып үрлеу бұларды өзімен бірге алып жүру (тұмар қылып тағып жүру) жаиз болып табылады. Сеніп алып жүрген адамға пайда береді. (С. Әбәдийа)
haos
«Көз тиюі хақ.» (Муслим)
«Көз адамды мазарға, түйені қазанға түсіреді.» (Ибни Ади)
«Адамдардың жартысы көз тиюден өледі.» (Табарани)
Gastarbaiter
«Адамдардың жартысы көз тиюден өледі.» (Табарани)
Қалған жартысы ше?
haos
Көз моншақ тағу жаиз болып табылады. Хазреті Ибни Абидин былай дейді:

«Көз тимеуі үшін егіншілік жерге тұлып (чучело), малдың бас сүйегін қою жаиз. Бір әйел бақшасындағы өнімдеріне көз тимеуі үшін не істейтінін сұрағанында расулуллаһ “Бақшаңа малдың бас сүйегін іл” деп бұйырады. Қараған адам бірінші болып бас сүйекті көреді. Өйткені бас сүйек биікте, ерекшеленіп бірден көзге түседі. Бақшадағы егінді кейін көреді. Сондықтан зияны тимейді.» (Рәддул Мухтар)

Көз моншақ немесе малдың бас сүйегі көз тиюінен сақтамайды. Көзден сақтайтын Аллаһу та’ала. Қараған адамның көздері ең алдымен осыларға түсетін болғандықтан көздерінен шығатын зиянды сәулелер бұларға тиеді. Осылай көзмоншақ таққан адам көз тиюден сақталған болады.

Көз моншақ тағуға ширк немесе бос сөз дейтіндер уаххабилер немесе бұлардың айтқандарынан әсерленген адамдар.
meirzhan
Бір комментіңізде «ширк қана емес, таухид туралы да жазамын» деп едіңіз. Бірақ ширктердің хит-парады жалғасып жатқан сыңайлы.
Abilakim
Менің білетінім,ғылыми тілсіз,құран аятынсыз айтайын енді бұл жайлы:
Тұмарды балалар, Құран оқуға ақыл-есі жетпейтіндер, кемістер тағады және тағуына рұқсат. егер сен құран оқи алатындай әдрежеде болсаң онда тағуға болмайды. Тағуға болмайтын тағы бір себеп, тұмарлы қалпымызда лас жерлерге барамыз.ал, ол тұмарда Алладан түскен Құранның аятттары жазылған.
Zere
Білмеймін, өз басым тіл-көз тиеді дегенге сенемін. Әсіресе кішкентай балалардың аурасы тым әлсіз болғандықтан көз өтіп кетеді. Сол себепті маңдайына қара күйе, не киіміне көз моншақ тағып қояды. Бұл байырғы заманнан бар нәрсе.
satibaldi
Білмеймін, өз басым тіл-көз тиеді дегенге сенемін.
Менің Ақзерем сенсе, ендеше бар болғаны. @Ahi, жоғалнақ.
Aizhantabyn
Bir tanystarymnyn balasy koz tiude kiwkene kezinde dunieden otken. Koz tiu bar jane odan korganu kerek. Birak, tagy bir surak mazalaidy meni. Bir derekterde okygam, koz tiudin ozi ALLAdan dep, sonda ne bop ketti ozi? Olai bolatyn bolsa korgangannan ne paida?
Beytanis
Кез келген кесапат, ауыртпалық, зиянкестерді Аллатағаладан шын жүректен тілеген дұға қайтарады деген бар.
Onlasyn
Bir derekterde okygam, koz tiudin ozi ALLAdan dep, sonda ne bop ketti ozi? Olai bolatyn bolsa korgangannan ne paida?
Өлім де, ауру да барлығы Аллаһтан емес пе? Ауырып қалсаңыз ем қабылдамайсыз ба сонда?
a63a1
Мен тұмар деген нәрселерге қызығып көрмеппін! машинаға да тақпаймын. Кішкентай кезімде қатарлас балалар тұмар тағып жүргенде қызығатынмын, бірақ Әжем таққызбады, знашит ол кісі дұрыс істеген екенғой.
a63a1
АХи дұрыс айтады!
a63a1
Кейбіреулер Қасиетті Құран кітабын тұмар ретінде ұстайдығой, оны оқымай, құр ұстап немесе тағып қойғаннан еш көмек болмайды, Мұндайды қазақ шайтанның оң жақтан азғыруы дейді!
Onlasyn
Абеке жәйлап Ахидың артынан еріп бара жатқан жоқпысың, әйтеуір...:)
Abilakim
інімнің 4-5 жасар кезі. Жатарда «Мойнымдағы тұмарды алып жатайынш» деп сұрады. Неге?-деген сұрағымызға
-Зайбал үшкірі кеудеме кіре береді-болды.
ПыСы: Бала тілі бал деген осы ма?
Zilola
Жаңа түскен келіннің шымылдығына тағып қойған үкі де ширк па (ол да тұмардың рөлін атқарады ғо)?
сосын машинаға, баланың бесігіне де тағып қоямыз, ол ше?
alisha
Қой деймін, Қалдықыз, біздің төңірегімізде ширк емес нәрсе қалмай барады…
Ahi
Йә! Оның әрқайсысын тәптіштеп сұрап отыра берудің қажеті жоқ! Әлгі мен айтқан анықтамаға салсаңыз, бірден ненің не екенін анықтап аласыз! Қарапайым қағида ғой: Табиғатта және шариғатта жоқ себептерді алып, бір нәтижеге жетемін деп ойлап, әрі оны қасиетті деп ойласа, сол кіші ширк! Мысалы, кісінің қаламсабы бар делік, ол емтиханға кіріп сол қаламсаппен жазып бес алып шықты, келесі емтиханда да оны арнайылап алып келіп, «міне, осы қаламсаптың қасиеті бар, үнемі удачно шығады» десе, кіші ширк жасаған болады! Сондықтан ғой хадисте «Ширк — адамның жүрегіне құмырсқаның қараңғы түнде қара тастың үстінде жүрген ізінен де байқалмай кіріп кетеді» деп келген!
Zilola
Сонда аталардан қалған салт-дәстүр мен қазақи тіршілік қайда қалды?
Janasil
Бұлар дін-дін деп өз ұлтынан жерініп жатқан секілді.
Zilola
ұлттық құндылықты жоғалтып алып, дүбәрә болатын адам ау осы
alisha
менде емтиханға өзіммен бірге алып кіретін кішкене сувенир піл болды…
Ahi
Не деген сұмдық)) Алла сақтасын!
qisyq
)) деген смайликтеріңізге қарап бізге прикол ұстап отырған жоқ па деп қалдым.
Onlasyn
)))))))))))))))))))))))))))))))))
satibaldi
Менің түсінгенім: ата-бабаларымыз араб халифаты келгенге дейін: соқыр, пяншік, надан, мал, ит, шошқа, күшік, мысық болған.
Уа @Ahi, мысалы Иранда, жыл сайын Хазіреті Әлиге көмекке бара алмай қалғандардың ұрпағымыз деп, өздерін-өздері қамшымен сабайды. Соны арабтардың өздері деректі фильмдерінде шииттерді көрсетіп: «Барлығымыздың сиынғанымыз бір Алла ғой, қалғаны маңызды емес» дейді.
Уа @Ahi ахун, сен арабтардан да жаман болып кеткен жоқсың ба өзің, Исатілеуіңдібергір?
Ahi
Ислам келемін дегенше әлем надандық (жәһилиет) дәуірінде болғаны рас!
Мұсылманбыз деп жүргендердің кескіні ғой сол!
satibaldi
Оған тірелмей, шиттерді нағыз араб-сүнниттер сыйластықпен крөсетіп жатқанда, сенікі не жорық екеніне аз-мұз комментарий беріп жігер, Шивақолыңдықақпағыр.
Ahi
Нағыз әһли-Сунна ғалымдарының шииттерге қарсы мақтау айтқанын естімеппін! Керісінше, әрдайым ширк қосушылардың, әсіресе осындай өзін мұсылман санайтындарды тілмен тіліп-тіліп отыратыны есімде!
satibaldi
Нағыз әһли-Сунна ғалымдарының шииттерге қарсы мақтау айтқанын естімеппін
Кімнің нағыз-нағыз емес екенін Құдайдың орнына — өзің айырып, ширкті өзің істеп қойып отырған жоқсың ба, ұжмақтыңқақпасынанәулиеПавелжекеқарсыалғыр @Ahi ишан?
Janasil
Демек сіз бен біздің ата бабаларымыз да надан болған ғой!!! Солай ма?
Quan
Бабаларымыздың пейіл-ниеті таза болған еді ғой. Керісінше біз наданданып барамыз.
Пәк қазақты Батыс бүлдіріп барады. Ендігі қорғаушымыз — Ислам. Толстой шал айтқандай адамзатты құтқаратын дін осы!
Gastarbaiter
Бір шошқа жеген орыс ислам туралы бір ауыз сөз айтқан екен, Толстойды туған аталарыңдай көріп кеттіңдер.
Толстой атақты жазушы. Философ. Оның қоғамға сіңірген ең үлкен еңбегі осымен бітуі керек. Қалғаны оның жеке шаруасы.
Құсқым келеді осындай жалтақтық, жолап кеткен адамның абыройын өз жағына жапсыру тірліктерін көрсем, "Ұлы Ескендір Зулхарнайын" еркектермен жатқанды сөлекет көрмеген деп мақтанатын пидрлар елестейді.
satvaldo
менің мойнымда «зүлфиқар» қылышының кіші көшірмесі бар. «аты ғана емес, заты Алидей жігіт бол!» деп бір түрік досым сыйлаған :))) тағып жүрмін понт үшін. туалетке кіргенде шығарамын деп ығырым шығатыны болмаса, керемет. қорғайды дееесиииииииииииш
asaubota
Көкжалдар мекеніндегі Зүльфикар да алеви ғой, да? қылышында не жазылғанын білмеймін, бірақ соңғы сериясында алевилер жақта сияқты.
ruben
 О, пусу!
«Али секілді жігіт, Зүлфиқар секілді қылыш жоқ» деп жазылып тұратын. Кей бөлімдерде Алиді Мұхаммедтің дінінен екенін дәлелдейтін жазулар бар-тын. Алевилерге месседж бермек болған шығар. Ихтиярлардың ақиқатшыл ресурстары, панафильм бастаған.
Azretbergenova1991
ТҰМАР ТАҒУДЫН КАЖЕТІ ЖОК!
zhaculan
тумарды балекеттерден сактасын деп тагу ширк
Адам баласына ен жаксы тумар ол Аллаhка тiкелей еш шубасiз сену.
Ал козмоншакты уйге iлiп койып коз тимесиндеп машинага тагып алып жол апатынан сактасындеп
Аллаhты сол машинага карауылдатып койгандай одан Кудай сактасын.
Аллаh барими3дин куналаримиздi кеширсiн
Meru
Балама көзмоншақ тағып қоям үйден сырт жаққа шыққанда, кішкентай балаларға көз тиеді дегенге сенемін.
Дүмшелер көбейіп кетіп, әрі-сәрі ойға қалдыратындары жаман…