Қазақтың діні жоқ!
Ислам дініне шақырылғанда,Аллаға қарсы өтірік жала жапқаннан кім залымырақ? (Сафф сүресі)
Алланың қасында шынайы дін Ислам. (Әл-Имран сүресі)
Арабтың да діні жоқ! Кәрістің де, немістің де. Алланың ғана діні бар. Ол – Ислам. Өмірінің соңғы мезетінде, 100 мыңнан астам сахабаға өсиет айтқан ардақты Пайғамбарымыз Мұхаммед Мұстафа (алейхи уассалату уассалам) “Арабтың араб еместен, араб еместің арабтан еш артықшылығы да, кемшілігі де жоқ! Олардың арасындағы айырмашылық, тек олардың жүректеріндегі иманда” деген болатын. Соңғы кезде бір білгіштер “Қазаққа өз дінімен жүру керек” дейтінді шығарды. Сонда өздері не айтып отырғандарын өздері білмейді. Құдды бір Қазақ өзі ойдан дін шығарып, кітап жазып, пайғамбар туып алғандай сөйлейді. Құраны, хадисі, тіпті сөйлеп отырған қазақша сөздерінің көбісі өзі арабтан келгенін білсе де білмегенсиді. Мысалға келтіруден талмайтын Абай мен Шәкәрім де бетін Құбылаға (Арабстанға) бұрып, тілін кәлимаға арабша келтіргенімен хабары жоқ. Май ішкендей көңілдері кілкісі де ақиқаты сол, Ислам Араб жазирасына түсті. Бәлкім Исламның арабқа қатысының бар болғаны сол шығар. Өйткені, көзі қарақты әлем жұртшылығы Исламның тек арабтарға емес, ағылшын мен жапондыққа да, күллі адам баласына түскенін әлдеқашан біледі. Аллаһ Тағала бізге “Қазақ өзінің, Кәріс өзінің, Неміс өзінің, Американдық өзінің Исламын жасап алсын” деген жоқ! Біздегі талас-қырқысты Бразилияға ауыстырар болсақ, “Арабтың дінін қойыңдар, Бразилиялық атамыздың дінімен мұсылман боп жүрелік” деген, ешқашан бітпейтін дау-дамай шығады.
Онымен қоймай, дәл осы әңгімені айтсаң, “Араб болуға айналыпсың ғой?” деп шошиды. Алайда, өзі күнде отбасымен отырып түріктің не кәрістің киносын көріп (бразилия мен аргентиналық кинодағыларды осыдан он жыл бұрын жаттап алған), Құдайдай сыйлаған құдасына орыстың арағын беріп, қызына “ата-бабасынан мирас боп қалған” мини-юбка кигізіп, әйелінің шашын сырлап, өзі “Сүйінбай бабасынан” келген джинсы киіп отырғанымен шаруасы жоқ. Сөйте тұра “дәстүр, ата-бабамның діні” дегенде дес бермейді. Кәлимасын білгені ештеңе емес, өзі “силайтын” Құранында жазылғанмен түк шаруасы шамалы. Керек десең мойындамайды. Сөйтсе, ниеті “таза”. Олай болса күн сайын аяғы іскенше намаз оқыған ата-бабасының ниеті таза болмаған ба? Намаз бен ораза ол үшін молданың жұмысы тәрізді. Сыртынан “уаххабшы” деп өсектейтін сол молдаға ағайын-тумасы өлсе, қыр-соңынан қалмай жүріп күні түседі. Қайтсін енді, өлігіне жаназа намазын оқытар қауқары жоқ, сауатсыз. Ол өлген адамы да кезінде сөйткен. “Ниетім таза, Тозағыңды өлген соң көріп алармын!” деп кеткен адам. Әттең, өлгелі жатқанда олай сөйлей алмады. Өлген соң өзін арабшалап арулап, арабша намаз оқып, арабша жерлеп, соңынан арабша “Мүлік” сүресін оқитынын бір-ақ білді. Бірақ ол кезде “Мені арабша жерлемеңдер!” деп айта алмайды. Керісінше, арабша Құран оқи түссе екен, артымнан біреу келіп дұғасын арнаса екен деді. Алайда ол баласына арабша Құран үйретпеген еді, намаз оқуды көрсетпеген еді, өлілердің басына барып дұға етуді айтпаған еді.
Осы күні біреулер біреулерді “уаххабшы” дейді. Сондағы “Уаххабшы” дегенінің не екенін өзі де білмейді. Мәселе, менің уаххабшы не уаххабшы еместігімде емес. Мәселе әр нәрсені өз орнымен атауда. Арақ ішкеннің барлығына алқаш дей алмайтынымыз секілді, сақал қойған мен намаз оқығанның барлығын өзінің надандығын жасыру үшін “уаххабшы” атай салу, нағыз ақымақтың ісі деп білем. Енді біреулер басқа біреулерді “Сопы” дейді. Сопыларды иттің етінен жек көреді. Сөйте тұра, сопылықтың мәнісіне көз жүгіртіп қарамайды да. Орта жолмен жүретін жан бар ма өзі? Сопы да емес, уаххаб та емес, Мұсылман неге болмасқа?
Суреттің мекен-жайы: skachayte.ru
Жарияланған жері: timurrr.co.cc/?p=630
Бір досым айтып еді хадис бар деп (анығын білсеңіз, жөндерсіз): «Мұсылман адам беттегі меңдей болу керек деп». Соны түсіндіргенде көрік сыйлап, сүйкімді қылу керек деген секілді ғой деймін.
Біз неге қорқамыз? Өйткені террорист десе сол бір ұлба жұлба сақалдыларды көрсетеді, «камикадзе» десе қара киінген хиджапты қыз келіншекті көрсетеді. Оның үстіне, расымен мини қандай жат болса, толығымен тұмшаланып жүру де жат бізге.
Уахабшы дегендердің талайын көрді, кешегі әке, мектептке қызын бермей отырған (қазір шүкір, тек қыздар оқитын да орындар бар), не болмаса, өзім куа болған бойжеткен, өзінен екі есе ересек еркекке оның алғашқы әйелі мен өз ата анасының рұқсатынсыз некелескен. Санасының уланғанын қалай байқамайсың?
Әрине, өзің мұсылман болған соң жаныңа батады. Бірақ, біреулер намаз оқымаса, ораза ұстамаса, оларды өзіңнен төмен көруге бола ма? Әлде, оларды «ақымақ» санауға бола ма? Осы жағын ойлау керек секілді.
Артық кетсем, алдын ала кешірім сұраймын.
Алынған жері
Жоқ-ай, сізге тиісу ниетімде болған жоқ, мен сіздің жазғаныңызға алып-қосарым жоқ, бірақ пайғамбардың атынан сөйлегесін, түртіп сұрауға мәжбүр болдым! Мен бүкіл жазғаныңыздың мазмұнын сұрап жатқаным жоқ!
Пайғамбарымыздың: «Кім мен айтпаған сөзді айтты десе, өзіне Тозақтан орын дайындай берсін», — деген сөздеріне сүйеніп сұрап жатқаным ғой. (Бухари 109, Муслим, Ибн Мәжәһ)
Әр кісі өзі жауап береді емес пе кезі келгенде.
Ұлы Аллаһ Тағала былай деген:
«Қашан оларға (мұсылмандарға) аманшылықтан немесе қауіп-қатерден хабар келсе, олар оны жайып жібереді. Егер олар оны, пайғамбарға немесе өздерінің іс басындағыларына ұсынса, олардан оның мән-жайын зерттей алатындар білер еді» (Ниса сүресі, 83-аят).
Іс басындағылар – бұл ғалымдар және мұсылмандардың басшылары (Қараңыз “Тәфсир әл-Қуртуби” 3/341). Көрдіңіз бе, дәл қазір осы құбылыс қатты белең алып жатыр: естіген нәрсесінің барлығын жариялап жіберу.
Шейх ‘Абдур-Рахмән әс-Са’ди аталмыш аятқа қатысты былай деген: «Осы жерде естіген нәрсені асығыстықпен жариялауға тыйым салынғандығына нұсқау бар”. (Қараңыз: “Тәфсир әс-Са’ди” 185).
Сосын менің айтқан мәселем мен уаххабшылдықтың не қатысы бар? Сақал туралы тіпті ештеңе айтқаным жоқ:)
Артық кеткен жеріңді білмедім. Бәрі өкей
осы атаулар архаизм қапшығына түгел салынған болса бос орындарды осылай толтырмақшымыз
«Битке өкпелеп тоныңды отқа жақпа!»:)))
Құдайға діннің керегі жоқ. Дін деген қоғамдағы жай ғана идеология, саясат сияқты. Құдай әркімнің жүрегінде. Оған ислам сияқты ортадағы делдалдардың қажеті жоқ
Оны Жаратушы жібермеген. Өз заманының ең данышпан деген араб философтары мен саясаткер-идеологтары жиналып, кітап қылып басып шығарған және оны жүздеген жылдар бойы түзетіп келген, сондықтан ол кітап біреулерге кіршіксіз көрінеді.
Дін деген кәдімгі заң сияқты, бірақ оның қолданысы қайда кеңірек, адамның туылғанынан бастап өлгенге дейінгі заңдарда қамтылмаған жайттардың бәрін қамтиды. Дін — қоғамдық нормалар жиынтығы. Ол қоғамды тәртіпке шақырады, дәл заңдар секілді. Иманды, ізгілікті болуға шақырады.
Мұның бәрін жоққа шығармаймын. Діннің пайдасы зор. Бірақ қазіргі кезде құранның жай ғана кітап екенін ұмытып, басын жоғалтатындарға таң қалам, исламды құрал етіп өз мақсатына қолданушыларға сенетіндерге таң қалам.
Бұрында толерантты едім, дәл жанымдағы екі жақын досым сектант боп кеткен соң, көзқарасым радикалды түрге өзгерді.
Сіз өз ойыңызды айтуға әрине құқылысыз, бірақ біреуге ең киелі деген Кітапты соншама төмендетуге құқылы емессіз.
Дін деген сену. Сенген адамға дәлел керек емес. Тұнып тұрған махаббат.
Соншалықты төмендеткем жоқпын ғой енді. Қалай болғанда да өз ойымды ешкімнің мойынына іліп жатқаным жоқ.
Білмеймін, таныс емес шығармыз: мұндай ойларымды көп айта бермеймін
Менің айтпағым, сізбен әрине таныс емеспіз, бірақ неге адамдар соншалықты шаблонды ойлайды.
Құранды ғұламалар ойлап тапты, ол тұнған ереже ғана, шектеу ғана, заң, өзгеріске түскен, өзгере бермек деген сөздерден копи пасттың иісі аңқып тұр дегенім же))
Әркімнің сенімі өзіне. Өзі ағаштан жасап ап пұттарын, өзі соған сенетін адамдар да бар))) Сол себеп, сіздің пікіріңіз еш таң қалдырмайды.))
Сөзіме сеніңіз, мен жоғарыдағы ойларға өзім келдім, ешкімнің әсерінсіз: экзистенциалиспін, ешкімнің сөзіне сенбеймін (Кейде мен не деген дана едім деп ойлап қоямын:))
Сөздерім негізсіз емес: Құранды талай рет ақтарып оқығам.
Құранды тек шектеу деп айтқаным жоқ. Құран — кітаптардың ұлысы, бірақ ол мен үшін кітап болып қала бермек.
Бұл өз ойыңыз ба, әлде конкретно бір дәлелдері бар ма?
Мыжып түсіндіргім жоқ. Бұл ойлар өмірлік тәжірибеден, бақылау-салыстырулардан туған.
Ешкім сізге ділел де даттау да келтіре алмайды. Барлығы — дәл осындай тұжырымдар.
Сенімдеріңізге тиіп кетіп жатсам, айып етпеңіздер, сәл артықтау кеткен де шығармын. Жақындарым намаз оқиды, ондай иманды адамдарға көзқарасым оң (кейде дінге қатты кіріп кете ме деп алаңдасам да).
Діни сенім — пікірталастыратын нәрсе емес, ол — интимдік тақырып. Таза (бұл сөздің барлық мағынасында), мейірімді болып, адал еңбек етсек болғаны Алла разы болады.
айтажаза аласыз ба?! (Өтініш)бірақ құдайға жетудің тура жолы Ислам.
«Ол Аллаға сиынып жатырмын!» деп айтуы шарт па? Әлде тап сен сиынғандай сиынуы шарт па?
— Қабыл болмайды мынауың...- дейтіндер мезі етті