Арайлым (Сәкен Майғазиев)

Қазақша әндердің сөздері
10 сәуір 2011, 22:34

Көз моншақтай көріктім,
Сол бір кеште жолықтың,
Жанарыңнан төгіп мұң, жаутаңдадың.
Тербетеді түн бізді,
Үркіп қашып елік күн,
Жымыңдаған жұлдызды,
Сенің көзің деп ұқтым, арайлым.

Қайырмасы:
Арайлым, неткен көрікті ең,
Сезіміме серік пе ең?
Әр сағат сайын, сәт сайын,
Ойлаймын сені неліктен?

Еркіне еніп елестің,
Бір көрініп неге өштің?
Періште де емессің, білем, жаным.
Мұңыңды айтып таңдарға,
Жұбатпады демессің.
Бірақ мендей жалғанда,
Ұнатпайды сені ешкім, арайлым.

қазақша ән сөздері, мр3, Сәкен Майғазиев, Арайлым

10 пікір

осы әнді қай жерден көшіріп алуға болады? Әдірісін айтқан адамға (сілтемесін көрсетсе) алғысым бар. кеше тыңдаған ем, «сынып» қалдым ғой:))))

Жасыру

dl1.kiwi.kz/dl/ihq5f139t9g9/?secret=mw7PBlqumjm6%2FgXu3YStFQ%3D%3D&title=%D0%A1%D3%99%D0%BA%D0%B5%D0%BD+%D0%9C%D0%B0%D0%B9%D2%93%D0%B0%D0%B7%D0%B8%D0%B5%D0%B2_%D0%90%D1%80%D0%B0%D0%B9%D0%BB%D1%8B%D0%BC

осы жерден көшірілуі керек.

kiwi- дегі бұл видео ма? Ойбаааай, менің лимитімді «жоқ» қылып жібереді ғой, мыпыүш форматында бар ма екен?

видео емес қой. МП3 форматында көшіріледі.

Сәкен сері, Алла разы болсын!!!

Cәкен сері, әлгі сіздің берген мекен-жайға екі-үш рет ат басын шалдырдым, ашатын емес, тағы өзге төте жолдар болса, ~~дариға үстіне рахат~~ жақсы болар еді…

Ән жақсы, әсіресе шумақтары. Ал қайырмасында бір кілтипан бар секілді (әуенінде де, сөзінде де). Әйтеуір әп-әдемі басталып келе жатқан ән бүлініп кеткен.

Рахмет, таптым, көшіріп алдым. AKY ханым, анаааау тұстағы «Еркін елік елессің» деген тіркесті «Еркіне еніп елестің» деп өзгерте салсаңыз қатып кетеді екен :)))