Жұмамұрат Саймон. «Анонс»

***
Ол өз әйелінің күйеуі болатын. Ал әйелі – сәйкесінше әйелі әрі қайынағасының қарындасы еді. Мамыражай бейбіт өмірді Бейбітшілік көшесінен шыға келген көлік қалайша өзгертті? Сенбі күні арнамыздан «Бампер» мелодрамасын тамашалаңыздар.

***
Жастайымыздан «арақ ішіп, темекі шекпеңдер» деп үйретіп келді бізді. Бірақ, темекі шегіп, арақ ішуге ешкім тиым салған жоқ қой? Екі алқаштың пәлсапалық әңгімелеріне жансыз куә болған күлсалғыштың монологын «Өсиет» фильмінде тамашалаңыздар. Жексенбі күні. Нақтың.

***
Сорлаған сорлыны сорлатқан үстіне сорлата берсе, ол сорлының — Олимпте отырған он екі бұтақбасқа ренжуі орынды емес пе? Дүйсенбі күні, өтірік өліп қалып, Аспан Әміршілерінен — мал өмірі мен ит-шошқа тағдыры үшін кек алып қайтқан Одиссей Ақтамбердінің хикаятын тамашалаңыздар.

***
«Әкесі тірілгенді де естіртеді». Вампирлер әлемі туралы «Сояутіс» топтамасынан, басқа да мәтелдеріміздің қалайша өңі айналғанын естіңіздер. Сейсенбіде нақ.

***
Қырық жыл бойы Исаның үлгілі мүмміні боп келген абзал жан шіркеуге барар жолда назарын неліктен отқа табынушылардың ғибадатханасына аударды? Тылсым құпияның шешімін «Өрт сөндірушілер» фильмінен біліңіздер. Сәрсенбіде енесстің, есіңнен шығып кетпесін.

***
Алты тонна сиыр етін уақытша мәйітханаға сақтай тұрмақ болған Пірназар — істің арты бұлай боларын біліп пе еді… Қалай боларын??? Енді қарасайш соны бейсенбі күні, саған күнде айтып отыруым керек пе не нақ?

***
Лаңкестік әрекет — кімге көк жәшіктен жаңалық, ал кімге — күрмеуі көп қиын жұмыс. Жұма күні, әбілдер өмірінің бір сәті «Тәлібтер» деректі фильмінде.

***
Апта күндері бітіп қалд нақ, келесі аптада көретіндеріңді – келесі аптада айтамыз, ептібайымайдтың көзтоймас көрермендері!