SHYMCITY қызықтары:)

Таң қаламын! Адам жата беріп те жалығады екен! Әйтпесе, интернет, тамақ, көрпе-төсек, кітаптар, Шымкенттің қақ ортасында пәтерім бар! Алматыдан қуып жіберсе, әйтеуір, далада қалмасымды білем!

Биыл алдыңғыдан өзгеше қыс болды. Шымқалаға келген күнім +10 бар еді, шамасы… Келесі күндері қар жауды дейсің, қарға қарық болып қалдық. Әдетте кішкене жауып тоқтап қалатын қарымыз, күнімен-түнімен тоқтамады. Ақыры, қардың биіктігі 60см болды! Халық у-шу! „Не боп кетті өзі?„ деп таңқалысуда. Соңғы 5 жылдықта (қателеспесем) болмаған қар болды. Тас жолдарда қар кіртік-кіртік болып тұрып қалды…

Таксиге тоқтатайын дедім. Қызыл түсті Opel Vectra келіп тоқтады. Аққұба реңді, қырлау мұрынды кісі есікті ішінен ашты.
— Қайда барасың, бауырым? — деді.
— Огонек. Тоғызқабатты басқарманың алдына -дедім қолымды үрлей.
— 500 болады!
— Ой братан, қымбат айттың ғой! 300ге баратын жер ғой мынау тұрған — дедім ортаңғы үш бармағымды көрсете.
— Жолды қарасай бауырым, ешкім бармайды 300ге! Отыр кеттік! — деді қолын маған сермеп.
Бағасы қанағаттырмаған соң есікті жаптым да, кері қарай жүрдім…
Кішкене жүргенім сол еді, әлгі Opel артқа жүріп келді де:
— Ал, отыр кеттік 300ге — деді.
Машинаның ішіне жайғасып алдым. Келе жатырмыз. Әңгіме қызу кетті…
— Бұл шешеңнің… басшылары қайда қарап отыр өзі. Жол болса мынау, әлі тазалаған жоқ. Тым болмаса бөлінген ақшаның жартысын жеп, жартысын жұмсаса болмай ма? Машинам шашылып қалатын болды ғой! — деді ашуланып.
Үнсізбін.
— Осы жолдың басшысы бір рет отырса ғой машинама! Қаладағы бүкіл қотыр жолмен жүре отырып апаратын едім баратын жеріне…
Қызыл Opel тоғыз қабаттық басқарманың алдына келіп тоқтады.
Рахмет, аға!
Інім шәшкенің ішінде:)
Назар аудармаңыздар, інім ғой (анда-санда чашканың ішіне түсіп шомылып алатын әдеті бар):)

Сағат кешкі 6-лар шамасы. Телефоным шырылдап мазамды алды. Pathword нөмір екен. „Кім болды" деймін ішімнен. "Қап, бәлем, біреу-міреу қарызын сұрап жылайын деп жатыр-ау" деп ойладым. Бірақ, соңғы рет кімнен қарыз алғаным есіме түсе қоймады. Көтердім.
— Ассалаумағалейкум Саке?
— Оооо, Ерекеее, уағалейкум ассалам (Ербол Серікбай — termin.kz, surak-zhauap.kz деп аталатын Еуропа мен Солтүстік және Оңтүстік Америкада қолданылмаса да, Азия мен Антарктидада мықты беделге ие сайттардың АДМИНИСТРАТОРЫ, KerekInfoның белді қолданушысы)!
— Бүгін сағат кешкі 8 де Венецияның қасындағы LogyCom деген дүкеннің жанындағы кафеге (Мереке деген кафе. Жазудағы Е, К әріптерінің сбеті жанбай қалған:))кел! — деді!

7-34. Қолымдағы экраны істен шығайын деп тұрған телефонымды алып, Ерболға қоңырау шалдым.
— Алло, Ереке, мен келдім.
— Келіп қалдың ба? Қазір барам. 10 минут!
Тұтқа қойылды.

Далада қар күреп жатқан жігіттерге қарап тұрмын! Бір-екеуі қазақ емес сияқты. Әй жарайды, қойшы соны!

Ербол келді. Кафенің ішіне кіріп ішпек-жемегімізді алып әңгімеге кірістік те кеттік! Ерболды сол күні өмірімде бірінші рет көрдім. Түр-сымбаты келіскен, қараторы жігіт (телефонын өзінен сұраңыздар:)). 2 сағаттай ұзақ әңгіме болды. Кафе жабылатын болған соң бір-ақ шықтық.

Кіршік қарды аяусыз басып келем. Жаңағы таксисттің айтқаны рас секілді. Машина түгілі аяғым шашылып қалайын деп зорға жүріп келемін.

Қыздар керек емес пе? — деді бір әйел.
Жоқ! — деппін тауар алғалы тұрған адамдай!
«Астафирулла, сақтай гөр, Жаратқан ием! Сенсіз кіммін? Біліп-білмегендерімізді кешіре гөр!»
Ішімде жиіркеніш лаулап жатыр! Әлгі жерге қайта оралып, әлгі әйелді қарға көміп тастағым келіп тұр. Әрі қарай жүре бердім!

Аптекада «зеленка» жоқ екен! Таусылып кетіпті!

Алдыңғы күні бір қызды көрдім! Ұнады! Көздері тым әдемі сияқты! Еңлік… Есімі де тым әдемі…

Дүйсенбі күні Отырар Университетінде лекциям бар! Содан соң Алма қалаға шығамын Алла қаласа!
Бөлісу:

22 пікір

yerbol89
Хе-хе-хе өзіңмен танысқаныма мен де қуаныштымын. Ия өзі бір қар қатты жауды ғой. Құдай қаласа Алма қалаға келесі айда біз барып қалармыз… Виртуалда емес, көп адаммен танысатын шығармын сол жиында!
blackbeard
Әрине:) Мен де қуанып қалдым! Күтеміз ғой бір айдан кейін:)
Erkekyz
Ия, оңтүстікте (соңғы айда)қыс ерекше. Көктем ерте шығатын болды ғой деп қуанып жүр едім, қар ертесінде жауа салмасы бар ма?! Кеше Шымкенттегі қарды көріп келген мамам «ауылда түк қар жоқ қой » деп таң қалды, ал соның өзінде қар тобықтан асып, жер аппақ болып тұр. Мм онда Шымда расында да қар қалың болғаны ғой деп ойлап қойдым.
blackbeard
Тағы да жауғалы жатыр дейді ғой:)
Kozy
ЕЙ, ҚАРА САҚАЛ!!! Менін суретімді неге қойып қойгансын? Құпия деп келіскен ек кой!!!:)
blackbeard
Қызық болған ғой:)
kuat
Ех шіркін Шымқала!..

Ия, сол күні Шымкенттен келіп жатқан барлық көліктердің қармен көмкерілгені көрініп тұрді. Ал Түркістанға түк жауған жоқ.
blackbeard
Кеше бір ағамды көріп қайтуға ауруханасына бардым! Аурухананың жанына Қабанбайдың мүсінін орнатып қойыпты! Астында аты жоқ! Біртүрлі екен:)

Айтпағым, Шымқалаға жауған қар, батырдың шаш-сақалын аппақ етіп қойыпты…
Nurgisa
Ее, бұл Шымшаһарды бірі қалмай түгелі жыл он екі ай плантациялы, бананас-ананастың қызығын үзбей көруші ел деп біледі. Таңсық. Жаңсық.

Жазда +35, +40, қыста кәдуілгі -20-ға үйреніскен жергілікті жамағат.

Қарасақал, қол тисе Ғани Ілияев көшесі бойында, «ККБ» банкі маңындағы «Кәмшат» кафесіне барып палау деп қайт. Сосын, 11 ықшамаудандағы «Прагадан» шашлық жеу шарт.

Қар ериді. Тәксистің де сетінеулі қабағы жібіп-жіпсиді сонда.

«Мінбеймін!» деп ишарат танытқан соң, қайтара керіп кеп, ақыры алып кетуінде зор тәлім жатыр, негізі… :)
blackbeard
Қайран Кәмшат десеңізші:) Прагасына әлі барып үлгергем жоқ!
Тәліміне сөз жоқ:)
Erkekyz
Меніңде ойымда болсыншы. Шымға барғанда «не істейміз?», "қайда барамыз?" деп сасып қалатын кездер болады. Барғанда тек Мадленге ғана баратыным бар.
Nurgisa
Иә, Мадленде «Кумпир», «Курник» жақсы.
Бұрындары орталық алаң маңында «Ай» кафесі болатын. Палауы мен шашлығы сөзсіз мықты болушы еді. Біраз жылдың жүзі болды, көп тұрақтамағасын жаңа не қызық барынан бейхабардау екенмін.
Ал негізі, уақыт болса, Сарыағаш, Манкент, Машат, Біркөлік сияқты шипажайларға барып, әрі демалыстап, әрі имуналды жүйені мықтап қайту дұрыс дер едім. Шымкентте қанша жыл тұрсам да Сарыағашта бір мәрте де болып көрмеппін. Соңғы жылдарда ол жерге елдің батыс өңірінен келіп, тынығушылар басым.
Erkekyz
Өзім де мына тұрған Сарыағашқа әлі бармаппын. Біркөлікке жазда бір күнге жанұямызбен барғанбыз. Расында да өте керемет жер екен. Жолда шипажайына кіріп, бағаларын сұрастырып қайттық. Келесі жазда баратын болып жатырмыз Алла бұйыртса.
TERISKEI
сақалыңды қырып тастасаң, інің өзіңнен үлкен бола қалады екен ғо:-р
blackbeard
Бойы 1.85 ау деймін! Әйтеуір зорға жығытып аламын күрессек:) Тебістен бой бермейді! Таеквандодан қара белбеу алғандар оңай емес екенін түсініп жатқандаймын соңғы күндері:)
Zilola
Не ғо, Таксидің маркасын бірден догадалась опель екенін, Шымкентте одан басқа қандай машина болушы еД :)))
blackbeard
Қазір Германияда Опель көліктерін арнайы X нөмірімен шығарып жатыр-мыс:)
Zilola
Майда проект тапсырсам, Шымкентке барып демалып қайтпасам, шіркін Шымқала расында да өте жайлы, самсасы етінен гөрі майлы қала ғо :)
konvict
Аптекада «зеленка» жоқ екен! Таусылып кетіпті!
Аптекада не істеп жүрсің???
blackbeard
Аптекада не істеп жүрсің???
Мынадай нәрселерді жәәәәәәәй айту керек:)
konvict
:)))) Қарасақалдың құлағына сыбырлап айтыватқан конвик смайлик
Daniar-Alan
мынаны да шығарып қояйық…